المرشد1
موقوف
- التسجيل
- 24 أكتوبر 2005
- المشاركات
- 460
يا حكومتنا الرشيده ارحمونا من تجار العقار
سارعوا ببناء المناطق الي سبق وعشمتونا بها باوااائل سنة 2009
منها مدينة صباح الاحمد والخيران
اصبحنا علي عتبات الوعد ولم نري شي نهائيا
ولا زالت المدن الي من المفترض الانتهاء من توزيعها
توزع بشكل لا يمت لاهتمام المسؤلين بالرعايه السكنيه
بالمواطنين المنتظرين
والله مافيه اضر علي المواطنين من تجار العقار
ويتحكمون بالاسعار بشكل خيالي
ولكن لازلت اقول اني بصبر علي ضيم الايجار
ولا نار العقار الي لا يبقي ولا يذر
ادفع لي بالشهر 250 او 300 ولا 500 او 800 لبطون هالناس الي ما تخاف الله
بحسبه بسيطه لو صبرنا علي الايجار 5 سنين وضربنا 250 في 60 شهر 15000
قول 20.000 وبالاخير يطلع لك بيت حكومي ب 40 الف والقسط بلاش 60 الي 90 دينار
او ارض وقرض وتبني علي كيفك وانت مرتاح والقسط ما يتجاوز 100 دينار وبااااالك مرتاح
مو افضل من من دين علي ظهري ما يقل عن 50 او 60 الف غير الفوائد !!!!!
وتقعد 15 سنه تدفع كل شهر ما يقل عن 500 الي 800
مو حسره بالقلب وندامه
خلو عقاراتهم علي كبدوهم والله ينزلونها غصب
والافضل والاولي انتظروا بيوت الحكومة ولو انها بطول بس ما فيه حل
ويا اخواني خلوكم من المظاهر اسكنوا بالشي المعقول مو لازم شقه بذيك الحكايه
دبروا حالكم ولو بملحق او شقه صغيره
ترا الحياه عبر مو فخفخه علي الفاضي
ظروفنا الحاليه ما تسمح لنا ولا تقولي زوجتي ما تقدر
اذا هي ما تقدر ظروفي الله لا يحيها
وترا فيه ناس تخاف الله في الايجارات تلاقونهم بالمناطق وملاحق شحلاتها وايجارتها ما تزيد علي 150
لا تنسون اهلنا بالكويت قبلنا كانوا يسكنون العشيش وبيوت الصفيح والطين
وغرف صغيره حييل
لا تقول استحي من ربعي او غيره
ترا كلنا عيال قريه وكلن عارف اخيه