ما هي المنتجات التي زادت اسعارها في الجمعيات؟

[انور النقوشي]

مطعم كناري - بالفروانية ....
رفع اسعاره :
الشاورما = 300 فلس
دجاج شواية = 1350 فلس
الحلوم = 350 فلس
واشوف لوحة التسعيرة القديمة للمطعم شايلها , الظاهر عشان بينزل تسعيرة جديدة لباقي السندويشات .

الحمد الله صمونه الفلافل و البطاط و البيديان ما ارتفعت

 

[mutadawil_22]

السلام عليكم

برجر كنغ زادوا اسعار الوجبات

حتى المسلخ زادوا اسعارهم

مع انه السكين والساطوور اللي يقصب فيهم الخرووف

نفس مااهم ماغيرهم

 

[al haris]

لا تنسون حليب الأطفال ونستلةالذين كملوا الصعود تدريجيا

 

[الفايدة للجميع]

الأدويه بالصيدليات زادة الاسعار ما بين 5 الى 25 بالمية تقريبا من بداية

1/1/2008

الادوية من السلع الضرورية للمواطن..... قد تتنازل عن بعض الاغذية أو تصوم عنها مؤقتا

لكن الادوية حتى لو زادة أسعارها راح تشتريها لضرورتها القصوى

 

[white soul]

الف موضوع انكتب عن المقاطعه ولا قلت شنو نقاطع الكل يقول كي دي دي؟؟حتى راعي البقاله لا رحت تبي تشتري يقولك لا تشتري كي دي دي كل هالغلا وما صدنا غير كي دي دي لو الزياده على كي دي دي سهالات مو لازم نشتري برد لو ذهب المثلث بو 30 فلس يكفي ويوفي
المهم كيدي دي منو ملاكها وليش الكل حاط عليهم

عطر كرد يقولون وصل 40 خابره اقل من 20 الحين واحد يقولي العطور مو اساسيه ثلثين المعاش يطير على هالشغلات عطر كرد لقيت له بديل كلونيا 777 بعد الحلاقه ايباه ويهك يصير نار جهنم

شاورما مطعم كاستلو صارت ب 450 على شنو عساني ماكليتها

وايد شغلات زادت اسعارها بس نسيتها بس اتذكر راح افضحهم ​

 

[C-oNtROoL]

مطعم كناري - بالفروانية ....
رفع اسعاره :
الشاورما = 300 فلس
دجاج شواية = 1350 فلس
الحلوم = 350 فلس
واشوف لوحة التسعيرة القديمة للمطعم شايلها , الظاهر عشان بينزل تسعيرة جديدة لباقي السندويشات .

بدر البدور سواها ... 300 للشاورما .. 50 فلس ما آخذها
مشلوطة عالنار محترقة

مركز شباب الـ..... ممتاز مشويات وسندويش روعة والأسعار كما هيه​

 

[يوسفاني]

حليب أطفال نان زاد سعره من 1,700 الى 2,200

 

[makandari]

اذا المنتجات الي زاد سعرها في الجمعيات لحد الان من المشاركات هي:

1- منتجات KDD
2- حليب كرنيشن
3- شاي لبتون
4- رز كونتري
5- دقوس ابوديك
6-رز أنديا جيت
7- أمواس حلاقه جيليت
8- منتجات المراعي
9- منتجات نستلة
10- زيت عافيه
11- شاي احمد
12- عيش الوزان
13- حليب نان للاطفال

المطاعم الي زادت سعرها بون مبرر لحد الان:

1- هارديز
2- كنتاكي
3- دجاج تكا
4- سابليه
5- لاباجيت
6- الخباز


الرجاء المشاركه خل نحصر السلع والمطاعم شوي مشاركات منكم يا اخوان و نحصل قائمة يقدر اي واحد يطبعا و تكون معها سلاح بالجمعيه لمعاقبه الجشعين.

و كذلك اذا كان فيه خطا الرجاء التنبيه لتصحيح الخطأ ما نبي نحط احد بالقائمه و هم مظلومين.

 

[zoya_y]

إي والله ياريت تعلمونا ... حسبي يالله وونعم الوكيل ليش جذي يسوون يههههههههههههه ؟!!!!!!!​

اشحقى بعد الزياده مو طارت خلاص .. ​

بس ناقص المحاميين يزيدون أسعارهم بعد اشناطرين يخلون الجنائي ابتداءاً من 10.000 والأحوال الشخصية ابتداء من 5.000 وهكذا لوول والله وناسه ​

 

[كويتى وبس]

زيت الذرة (دلال)كنت أشترى 1100والحين 1850 وكذلك أرتفاع الزيوت الأخرى مثل عافية والمازولا أرتفاعات متفاوته الله يعين

 

[makandari]

المنتجات الي زاد سعرها في الجمعيات لحد الان من المشاركات هي:

1- منتجات KDD
2- حليب كرنيشن
3- شاي لبتون
4- رز كونتري
5- دقوس ابوديك
6-رز أنديا جيت
7- أمواس حلاقه جيليت
8- منتجات المراعي
9- منتجات نستلة
10- زيت عافيه
11- شاي احمد
12- عيش الوزان
13- حليب نان للاطفال
14- زيت الذره دلال

المطاعم الي زادت سعرها بون مبرر لحد الان:

1- هارديز
2- كنتاكي
3- دجاج تكا
4- سابليه
5- لاباجيت
6- الخباز


الرجاء المشاركه خل نحصر السلع والمطاعم شوي مشاركات منكم يا اخوان و نحصل قائمة يقدر اي واحد يطبعا و تكون معها سلاح بالجمعيه لمعاقبه الجشعين.

و كذلك اذا كان فيه خطا الرجاء التنبيه لتصحيح الخطأ ما نبي نحط احد بالقائمه و هم مظلومين.

 

[مقاييس]

انتو ليش تشوفون بس الزيادة نبي الشركات الي لم تزد اسعارها مثل ماي الروضتيت

 

[Black]

وصلني خبر ان الدجاج انقطع من الجمعيات خصوصا الدجاج السعودي
في شخص اعرفه راح حتى شويخ ولا حصل الا الدجاج البرازيلي
بعدين اضطر انه يروح حق محل دجاج و اشترى دجاج حي و ذبحوه له
الله يعين

 

[alabody]

حليب اطفال بيبي لاك من 1400 الى 2000 ( دينارين )

 

[alabody]

يا جماعه الوحيد اللي ما زاد سعره اهو منتوجات كي دي كاو

 

[nasy]

السيريلاك كان اقل من دينار الحين 1300

نادك البديل الناجح بدل كي دي دي​

 

[obo haya]

اسف بس لاتزعلون منى اى مقاطعه اى بطيخ

اهيه مو شركه ولا شركتين اللى ارفعت اسعارها ...

الدنيا كلها ارتفعت اسعارها ... ولى متى بنظل انقاطع اذا الشغلات اللى تقولون عنها كلها بالنسبه لنا اساسيات

انا واحد مؤمن ان مردنا بنستسلم للامر الواقع

وين بنحط راسنا براس الكبار

100-200 بقاطعون بس الباجى بيضطرون يشترون ماكو فايده

حسبى الله ونعم الوكيل

 

[life-enginer]

السيريلاك كان اقل من دينار الحين 1300
نادك البديل الناجح بدل كي دي دي​

1490 صارله سنه

 

[خالد.]

ياجماعه ولله قهر الكي ديدي ينباع بره الكويت ارخص
قاطعو هالمنتج وانا عن نفسي بدلته بالمراعي ومنتجات ثانيه
الناس لازم يبيلها توعيه شوي بعد حرام لازم يعرفون ان في بديل
واذا صارت مقاطه لو ربع الشعب راح تقل المبيعات راح يحس التاجر ان المستهلك اتجه الى سلعه اخرى
مانختلف ان كل المنتجات ارتفعت اسعارها لكن بعضها مو ارتفاع جشع
بعدين سؤال ياجماعه شركة كي دي دي منو يملكها ؟

 

[متداول حريص]

والله حليب ولدي وهو حليب أطفال من نوع ميلوبا كان سعره 1,690 وصار 2,150 !!!! بصراحه إنصدمت,460 فلس زياده على علبه وحده والله بوق وهذا بجمعيه العارضيه.