المؤشر يخوف 14200 نقطه

[السراي]

من اخترق المؤشر حاجز 14000 ما حصلت حركه تصحيحيه قويه والحين بعد وصول المؤشر 14200 نقطه ، صار يخوف السوق ولا شرايكم؟

 

[حبيب]

من اخترق المؤشر حاجز 14000 ما حصلت حركه تصحيحيه قويه والحين بعد وصول المؤشر 14200 نقطه ، صار يخوف السوق ولا شرايكم؟

لا بد من التصحيح ممكن بعد تفصيخت زين

 

[ياسر الروقي]

الوضع مطمئن قطاع البنوك ساند المؤشر بقوه وان حصل جني ارباح ماراح يشمل جميع الاسهم

اتوقع الصعود ان شاء الله السيوله جيده

 

[قدوع]

أذا خايف سيل وأطلع من السوق .. وأذا متدبس بالعالى فما راح تفرق معاك كان سواء السوق متضخم ولا السوق مورم ..

 

[مراقب الاسهم]

من اخترق المؤشر حاجز 14000 ما حصلت حركه تصحيحيه قويه والحين بعد وصول المؤشر 14200 نقطه ، صار يخوف السوق ولا شرايكم؟

المؤشر في حاله خطر وتضخم من يوم تعدى 12700 ومن ذاك اليوم بعض المحللين وانا شخصيا احذر وكل يوم يخذلنا ويرتفع فوق الواقع احيانا يغلب المنطق ولكن لابد من التصحيح وساعه الصفر آتيه لامحاله ولكن متي الله اعلم ولكن كيف يكون التصحيح انا ارجح سياريو السوق السعودى من 21 الف نقطه نفس الاحداث وترقبوا مايصدر من مجلس الوزراء بخصوص تعديل نظام البورصه ووضع هيئه مستقله غير هيئه السوق الحاليه الطوفه الهيبطه المخترقه من خفافيش الظلام واقول خفافيش الظلام لانها لاتعيش الى في الظلام ومتى رأت النور من وقواتنين ونظام هيئه صارم (((هربت)) وظغطت بهروبها على السوق وسوف تقلب عاليها واطيها في سبيل اقناع المستثمرين الصغار ان الوضع القديم افضل والسوق آن ذاك في افضل حالاته وهو بالعكس

 

[مرتضى منصور]

والله احساسي مثل احساسك

من اخترق المؤشر حاجز 14000 ما حصلت حركه تصحيحيه قويه والحين بعد وصول المؤشر 14200 نقطه ، صار يخوف السوق ولا شرايكم؟

 

[kndor]

اتوقع تو الناس والسوق فيه خير

 

[الفال الطيب]

من اخترق المؤشر حاجز 14000 ما حصلت حركه تصحيحيه قويه والحين بعد وصول المؤشر 14200 نقطه ، صار يخوف السوق ولا شرايكم؟

الاسبوع الماضي حيرنا , والاسبوع هذا مو راح يحيرنا راح يبط جبودنا ,
هل يصدقون ويروح الى ارقام فلكية مثل ما يدعون ..
السبب : ماذا بعد الثلاقاء القادم ..!! ( تفسيخة بيتك - وزين ).
كل يوم نفرك اصابعنا ونقول خلاص بكرة راح اندش , واذا صارت الصملة حكينا بريك , ونتفاجأ بصعود السوق حبه حبه ونحن نتفرج ..
هل هذا الصعود المتدرج اللي ما منه فايدة للجميع - هل هو مصيدة وكمين لصغار المتداولين , وهل هذا الصعود مثل التخدير اللي ينسيهم كارثة التصحيح القاسي في 2005 , حتي اذا الكل نسوا التصحيح وقالوا خلاص اسس على هالمستوى , بدأوا بالتصحيح اللي ياكل الاخضر واليابس ..
لان الهوامير مو اغبياء يعلمونا ان التصحيح مثلا بكرة , لا ... يحبون عنصر المفاجأة , يموتون فيها اللي لا يوفقهم .

 

[holding]

من اخترق المؤشر حاجز 14000 ما حصلت حركه تصحيحيه قويه والحين بعد وصول المؤشر 14200 نقطه ، صار يخوف السوق ولا شرايكم؟

بصراحه المؤشر ما يخوف لكن كلامك الي يخوف

 

[al7mly]

علي شنو يصحح ؟؟؟؟
اغلب الاسهم ما ارتفعت ولا تضخمت ولا مر عليها الارتفاع
وبعضها سعرها ماتعدي ربع دينار
واذا صحح جم بتوصل هالاسهم اللي سعرها سعر علبه كلينكس .. يعني بيرد اكتتاب ؟؟؟
اغلب الشباب حايشهم ام الركب من سنه الغرقه 2005
شنو يعني المؤشر 14 الف شوف جم سهم ارتفع كلها ثلاث او اربع شركات بالكثير والباجي خفس من اصل 198 شركه لا وارباحها صخر بعد
انا اقول اذا فيه تصحيح راح يصير انتقائي علي بعض الاسهم اللي ارتفعت فقط في الوقت الحالي

 

[محلل متدرب]

اتوقع والله العالم

مافيه تصيح بمعنى التصيح الجاد الا عند نقطة 14444 تحتها 50 فوقها 50 هالمحاري

اما اذا وصل 14500 ولا صحح اتوقع محاري 16 الـ 17 الف بنلامسها والله اعلم

مجرد توقع...........

 

[talal555]

اتوقع والله العالم

مافيه تصيح بمعنى التصيح الجاد الا عند نقطة 14444 تحتها 50 فوقها 50 هالمحاري

اما اذا وصل 14500 ولا صحح اتوقع محاري 16 الـ 17 الف بنلامسها والله اعلم

مجرد توقع...........

هذا الكلام ،،، وإن شاء الله بين 16 و 17


وهذا اللي أتوقعه من فترة

 

[1st choice]

القاعدة شنو تقول.....

بيع لما تشوف الجميع متفائل ويضحك
واشتر لمل تشوف الناس تبجى...وكل عقله براسه ويعرف خلاصه

 

[com]

انا راح اكتب نصيحه وراح تذكرونها بعد مده السوق من وصل 13500 وهو متذبذب يفتح احمر ويسكر اخضر او العكس وفي بعض الاحين تجده صاعد 10 نقاط او اقل او نازل 10 نقاط او اقل وكأن فيه احد يراقبه ويحاول انه يمسكه عن الانهيار لقرض معين والاشاعات في كل مكان وانا من ممارستي للسوق الكويتي عرفت ان الاشاعات اذا كثرت فهذا نذير شئم على العموم انا ادري ان كثير من الاخوان رايح يتضايقون من سماع هذا الكلام وكثير من الشباب يهاجمون اللى يقول السوق بينهار انا اضم صوتي لصوت اخوي مراقب الاسهم والسوق راح يصحح كل التحاليل الفنيه تقول ان المؤشر وصل مستوى مرتفع جداً كل التحاليل الفنيه تقول ان اغلب الاسهم متضخمه وحنا الطمع اعمى اعيونا صدقوني ماراح نطلع من السوق الا اذا التجار مصونا حنا مانرتاح نكيش محافظنا رابحين لازم نخسر واللوم مو علينا اللوم على هاللي يروجون الاشاعات اكثر سوق تروج فيه الاشاعات سوق الكويت واكثر ناس يركضون مع الاشاعات حنا يالكويتيين .

 

[بوبرجس]

انا راح اكتب نصيحه وراح تذكرونها بعد مده السوق من وصل 13500 وهو متذبذب يفتح احمر ويسكر اخضر او العكس وفي بعض الاحين تجده صاعد 10 نقاط او اقل او نازل 10 نقاط او اقل وكأن فيه احد يراقبه ويحاول انه يمسكه عن الانهيار لقرض معين والاشاعات في كل مكان وانا من ممارستي للسوق الكويتي عرفت ان الاشاعات اذا كثرت فهذا نذير شئم على العموم انا ادري ان كثير من الاخوان رايح يتضايقون من سماع هذا الكلام وكثير من الشباب يهاجمون اللى يقول السوق بينهار انا اضم صوتي لصوت اخوي مراقب الاسهم والسوق راح يصحح كل التحاليل الفنيه تقول ان المؤشر وصل مستوى مرتفع جداً كل التحاليل الفنيه تقول ان اغلب الاسهم متضخمه وحنا الطمع اعمى اعيونا صدقوني ماراح نطلع من السوق الا اذا التجار مصونا حنا مانرتاح نكيش محافظنا رابحين لازم نخسر واللوم مو علينا اللوم على هاللي يروجون الاشاعات اكثر سوق تروج فيه الاشاعات سوق الكويت واكثر ناس يركضون مع الاشاعات حنا يالكويتيين .

أي طمع الله يطول عمرك السوق تضخم وناس وايد إلى الحين تدورر أس مالها الله يجزاك خير

 

[com]

بو برجس انت تمزح والا من جد قاعد تتكلم اللى يدور راس ماله حدى امرين يا اما من اللي يمشي وراء هالاشاعات واشاعه توديه واشاعه تجيبه والا شخص غشيم قاعد يضارب واكثر صفقاته خسرانه انا بقولك شئ شوف اسعار الشركات في شهر 5 اللى طاف وشوفها الحين اقل شركه مرتفعه 20% وفيه شركات دبلت اسعار واللي ماربح في صعود السوق هذا او على الاقل طلع براس ماله من الافضل انه يطلع من السوق اعياله اولا بفلوسه .

 

[FAWAZ-1]

بو برجس انت تمزح والا من جد قاعد تتكلم اللى يدور راس ماله حدى امرين يا اما من اللي يمشي وراء هالاشاعات واشاعه توديه واشاعه تجيبه والا شخص غشيم قاعد يضارب واكثر صفقاته خسرانه انا بقولك شئ شوف اسعار الشركات في شهر 5 اللى طاف وشوفها الحين اقل شركه مرتفعه 20% وفيه شركات دبلت اسعار واللي ماربح في صعود السوق هذا او على الاقل طلع براس ماله من الافضل انه يطلع من السوق اعياله اولا بفلوسه .

كلالالالالالالالالالالالالام

 

[qatel4]

انا اشوف الناس ما زالت ساكته
يعني ما شفت الهجوم على البورصه هالايام من كل الأجناس
العمليات اللي قاعده تصير مدروسه
اتوقع المؤشر عند ال 14500 يوقف وماراح يكمل وراح يدخل التصحيح بعدها
هذا مجرد راي
ما يعجبك ولا كأنك قريته

 

[الفال الطيب]

انا اشوف الناس ما زالت ساكته
يعني ما شفت الهجوم على البورصه هالايام من كل الأجناس
العمليات اللي قاعده تصير مدروسه
اتوقع المؤشر عند ال 14500 يوقف وماراح يكمل وراح يدخل التصحيح بعدها
هذا مجرد راي
ما يعجبك ولا كأنك قريته

واكثر شي يخوف هالايام , الدخول الاجنبي الكبير للبورصة , وهذولا دخلوا بورصتنا بسبب التسهيلات الاخيرة للضريبه , ودخولهم هو لتعويض خسائرهم من ازمة الرهن العقاري على ظهورنا , الله يكفينا شرهم ..
والامثلة على قريبة , ماذا فعل بنك hsb في سهم مركز سلطان وخروجه المفاجئ , انهار السهم بسببه الى قريب من سعره الدفتري الى بحدود 380 فلس ..
وماذا فعلوا في السوق السعودي حينما سحبوا فلوسهم من هناك , هبوط كبير للسوق ..

 

[السراي]

توقعاتي كانت سليمه.المؤشر نزل اليوم 170 نقطه بداية التداول.. الحيطه يا شباب. حتى اللي عنده ثقه 99 % بعدم التصحيح لازم ياخذ 1 % الباقيه بجديه. لان الرياح تسري بما لا تشتهي السفن.
والله اعلم.

(حب لأخاك ، كما تحب لنفسك )