قصتي مع البورصه
اخوي اشلك ابجيزان وخيران واستهلاكيه وما ادري شنو, تري اذا بوخ السوق ما راح يصمد غير القوي, وتذكر ان جيزان كانت علي 4 دنانير في يوم من الايام والناس الحين تبي بس تطلع ابراس مالها ومو حاصلها.
وانا ما اقلل من قدر الشباب اللي يوصون, بس انا عن سابق خبره. تراني مقروص من جيزان واستثمار خليجي ومستثمر دولي والعقاريه, لا والادهي والامر انه كلهم توصيات من ناس واصله, بس اتضح ان السوق ما فيه رحمه للي علي ويهه, ليمن خسارتي وصلت 18 الف دينار, وتميت علي هالحال فوق السنه لين استحقيت اسم صابر ايوب.
واكتشفت ان اذا بتم علي هالحال بناتي من عقبي (ما عندي اولاد) ما راح يحصلون علي راس مالي. بعت ابخساره وما قلت حتي حق زوجتي اني خسران وشريت بنك برقان وبوبيان وصبرت وبعت بربح طيب وشريت مره ثانيه برقان وتجاري ونور علي عزها وبعت وتميت علي 3-4 سلع بالكثير ومركز عليهم وبس.
المخلص طلعت خسايري كلها وفوقها مربح ومن يومها ما اسمع كلام احد حتي لو كان اسعد البنوان, مع احترامى لشخصه.
والحين محفضتي تتكون من برقان (عديل الروح) وتجاري (اختياري) وانماء (ربح بسيط) وعارف طاقه (الحصان الاسود, تقريبا ربحان دبل). والله ان من يوم سياستي الجديده ما بعت سهم من اللي ذكرتهم ابخساره.
المراد خلك بالسهم القوى (برقان, تجاري, بيتك, زين, تمويل خليجي) وهالشركات فوق انها قويه ومتزنه, ميزتها ان فيها بوتنشل للغروث عكس الشايب الوطني علي سبيل المثال.
اسف علي الاطاله بس الذكي اللي يبدي حيث انتهي الاخرون. واعتبروا يا شباب تري مشكلة الاسهم انك ما تحس بخسارتها لانها ورقيه الا اذا استلمت شيكك الهزيل بعد الخساره والا اذا احتجت كاش لامر طارئ.
شخصيا ببيع تجاري واخذ زين, اعتقد انه جدا مغري لمدة 3 شهور.