@@ لو كنت صانع سوق سهم معين كيف تتصرف @@

[ميكانيكي]

لو كنت صانع سوق سهم معين

كيف تجمع ؟؟

كيف تصرف ؟؟

كيف تبيع ؟؟

كيف تشتري ؟؟

نبي ندرس نفسيته

 

[باش مهندس]

لو كنت صانع سوق سهم معين

شوف حجي ...

انا انزل السهم قريب من الحد الادنى واجمع شوي شوي على كيفي (اطبخها على نار هادية) اخذ وحده كل دقيقتين تقريبا ... بعدين اسوي حركة تداول قوية على السهم اخلي الكل يلعب معاي واهدهم يلعبون بروحهم لين يرتفع السهم

وابتدي تصريف على نار هادية لين اخلص اللي عندي ... هذا اذا كانت المده يوم واحد

بس اذا اسبوع "مثلا" انزل السهم قريب من الحد الادنى واخليه قريب من الحد الاعلى اسبوع واخر الاسبوع اخليه حد اعلى واصرف كل الكميات اللي عندي



هذا اذا كنت صانع سوق

 

[frozen]

لو كنت صانع سوق اشتريلي شخصي و ابيع قبل محفظتي و اطلعلي اول مليون و اقدم استقالتي:d

 

[السعد محمد]

دائما اتابع اسهم معينة .... وخلال فترة اسبوع او اكثر .. اعرف سلوك السهم .... وبدون تحليل فني ( اهتم دائما بالتحليل الاساسي وتاريخ مجلس الادارة وسمعته ) وغالبا تضبط معاي -- وشوف مشاركتي عن الافكو ... والدار ... والعربية العقارية .. راح تلقى اني فهمت سلوك صانع السوق ... ولا اعرف كيف افسر ذلك .


اما لو كنت انا صانع سوق .. ف راح اتعامل بصدق مع السهم ... راح ارفع السهم تدريجيا حسب نسبة الارباح المتوقعة ... ولن اسمح بربح كبير ولا خسارة كبيرة ... انما اهتم بعامل الوقت .... اي الرفع التدريجي ... من تاريخ توزيع الارباح الى تاريخ توزيع الارباح .

يعني نفس سلوك شركات الخرافي

 

[مراقب الاسهم]

سؤال لوجستي ذكي

برااااااااااافوا عليك ميكانيكي

اتبع نظام (((النظريه العكسيه )))

ابيع او اصرف والسهم معلق طلب بدون عرض

واشتري والسهم نااااااازل بالحد الادنى عرض بلا طلب


الشروط:-

1- مايسمى (((بطابور خباز)))) وهذي لاتصلح الا في بورصه ضايعه لارقابه وقوانينا مخترقه ((مثل سوقتنا وطريقه اقفال المؤشر والاسهم فيه ))

2-- مستثمرون طماعين حتى لو يكونون محترفين تحليل فني واذكياء جدا ماتفرق معاي (((اوقعهم بالفخ)))


3- منتدى مشهور جدا مثل منتدانا او النوادي وفيه محللين فنيين

4- صحافه مأجوره لاذمه ولاضمير تفتقد المهنيه والموضوعيه ((مثل 85% من صحفنا اليوميه))

الطريقه :-

نكمل في ما بعد .....

 

[السور]

شوف ادنك اليوم وانت راح تعرف شنو تسوى!!

اول شى تطلب وتلم المعروض وبعدي تسحب طلباتك وتقط شوية على نفسك وتخليهم يعرضون وتلم اشوى شوى لما تشبع اتعلق السهم 3ايام وبعدي اتطلع خبر اللى نفيته اليوم وتبيع لك اول شى وبعدين للمحفظة !!

 

[boalons]

حطلك صبيان بكل منتدى يمشونلك شغلك

وعطهم المقسوم اخر شي

 

[fahad95]

اجمع اذا تشائموا الناس واصرف عليهم لي تفائلوا

 

[barbarian]

لو كنت صانع سوق سهم معين

كيف تجمع ؟؟

كيف تصرف ؟؟

كيف تبيع ؟؟

كيف تشتري ؟؟

نبي ندرس نفسيته

أفضل وأسرع طريقه بالنسبه لي لو كنت صانع سوق...أنتظر خبر قوي عن اي سهم مثل العقود وأول ما يبلش السوق ألم المعروض كله واعلق السهم وأحط أوامر طلبات كبيره بالحد الأعلى وطبعاً في ناس وايد طالبه معاي بالحد الأعلى وأنتظر حتى نهاية السوق وأسحب أوامري كلها وأقط عليهم بالحد الأعلى وتحتها بتكه مو مشكله لووووووول

صادوه

 

[aliii]

حطلك صبيان بكل منتدى يمشونلك شغلك

وعطهم المقسوم اخر شي

تعجبني

ويا كثرهم خصوصا اللي تشفوهم معششين داخل موضوع واحد وصايرين مراجع





.

 

[al7mly]

سؤال حلو بصراحه بس فيه غش شوي ... معلش صاحب المقاله انت تبي تشوف رده فعل الناس اذا كانوا صناع سوق ... هل تفكيرهم نفس تفكير صانع السوق الحقيقي وبناء علي المشاركات اتضح انها نفس التفكير يعني ( مانلوم صانع السوق اذا لف ودار علي السوق لتحقيق ربح ) وعدم مراعاة اموال صغار المتداولين

وانا من قراتي للمشاركات لاحظت الحيله والخداع والفر والكر واللعب في السهم وتحريكه لصالح صانع السوق

.................................................................
فيه سؤال يطرح نفسه هل هناك صانع سوق شركه في السوق الكويتي يكون واضح وصريح ولا يوجد له من الحركات اللتي سبق ذكرها من الاخوان ؟
يعني يدخل علي السهم حاله حال البشر ويشتري ويخسر ويربح طبيعي نفسنا ولا يتدخل بسعر السهم بالسوق ويتركه للعرض والطلب ؟؟؟؟؟ حتي نعرف من الشركات المحترمه

 

[نجم الراية]

بصراحة

ولا مشاركة ------ ؟؟؟؟

لو كنت صانع سوق اتعلم الصبر قبل كل شي

واشتغل حسب اللي عندي بالصبر بالطلبات والعروض

هذا علي فرض اني ما اغش الناس ولا لي علاقة بالشركة من بعيد وإلا قريب

ولدي وجهة نظر --- قد يخالفني فية الكثير لكن اعتقد انها تنفع بوق الكويت

بصراحة راس مالك اقل من 250 الف اشتغل بشركة وحدة وتكون البيانات المالية مالتها حلوة

بس لما اكون ذو مصلحة واعمل لدي مافيا مالية اكيد بصير مثلهم وإلا اترك الشي إذا عندي
واعز ديني قوي

 

[مضارب شجاع]

انا لوكنت صانع السوق
اقسم ايام الاسبوع يوم اعرض السهم وما اطلب ويوم اطلب وما اعرض السهم
يعنى اشتغل يوم ويوم واخلى المستثمرين يضيعون بالطوشه
واتفق مع كبار الملاك ونعرض مع بعض ونخلى المستثمر يشعر بالخوف ويبيع كل حلاله ويعرض بالحدى الادنى ومن باجر نلم فى السوق بسعر رخص التراب
شرايكم فى الخطه ,,,, مافيا مو مضارب شجاع ,,,,

 

[jamalll]

اضغط السهم بدون رحمه

 

[دولار$]

اضغط السهم بدون رحمه

يا مجـــــــــــــــــــــــــــــــــــــــرم ​

 

[بورصراتي]

ابوق المبلغ وانحاش

 

[دولار$]

ابوق المبلغ وانحاش

النص بالنص
ولا

أفتن عليك قبل لا تنحاش ​

​

 

[Abo_Yousef]

ابوق المبلغ وانحاش

بويوسف يطق بورصراتي عرجوب وياخذ منه الفلوس


بويوسف قبل لا يطلع من الباب يتعرجب ::verymad::
وتطير الفلوس وطيح اب جليييييييييييييب


فلم هندي

أنا ما أعرف اصير صانع سوق ، اصعد السهم كل يوم حد أعلى لمن اتخلص السيولة

أخوكم بويوسف

 

[Dr.F]

موضوع حلو ...لوكنت صانع سوق لسهم شسوى ..راح اشتري وابيع(اصرف) بالسهم على مراحل وانا صاعد بالسهم بالتدريج..مثلا اجمع بين 300-320فتره بعدها اتعمد اغلق السهم على 330 ..من باجر احط طلب قوي على 330(في ناس بتطلب معاي اقط عليهم الى جمعته 300-310)(بنفس الوقت اكون عارض بال340 من الي جمعته على300-310 اكيد في ناس راح تشيل من المعروض)..قبل اغلاق السوق اشيل 340واسكر السهم 350..من باجر اصرف الي جمعته 320 والي شلته اخر السوق بال340على اسعار 340-350وعلى هالحال اجمع على سعر واصعد تدريجي وبكل صعده المحصله 20فلس تقريبا..لين امل واقوووول للسهم باااااي..

 

[kndor]

لو كنت صانع سوق عندى خيارين يا أسوى نفس طريقة البحر والخيار الثانى الشربينى يعجبني شغلهم على اسهمهم تحس انهم محترفين بس لايصيدونك