ونقول ليش يقولون عنا شعب متخلف

[Madridi]

وصلني على الإيميل، شاركونا بآراءكم



ونقول ليش يقولون عنا شعب متخلف!!

وين تبون يجينا مطر او يروح الغبار



ناس فاضين ولا عندهم أي شغل أو هدف في الحياة

وقتهم كثير ولا يعرفون وش يزينون به



بالله ما خلصنا من مزاين الإبل .. من وين طلعت لنا هالماعز بعد



يا عالم اذا ما عندكم شي تسوونه استغفروا ربكم واحفظوا قرآن



الناس تدور الفضاوة وتتمنى ان اليوم يصير 25 ساعة



وهذولا يزاينون بالماعز

صدق رسول الله



آخر الزمان .. هذي الفتن اللي تكثر

الناس تركو فتنة الحريم وصارو يفتتنون بالحيوانات



شوفو طخمة هالصخلة اللي فرحانين به .. تراها ملكة جمال الصخول



مزايين الماعز

مسابقة مزايين الماعز بالرياض

من زود الحلا .. ما غير تلحيس بهالخشم، وحاطين له رقم شاصي بعد

الغالي أصله غالي .. والزين يفرض نفسه

أما هذي مصابة بمنغوليا المعيز

مدري ليه أحس ان ابوها كان راعي ترقيم في سوق حجاب
تراها من زين الماعز على فكرة

والا شوفوا هذي مع الماصورة اللي يقال لها إذن

نعم وش تبي تصور انت وخشك

(ملاحظة: تراها غاصة بزقمها)

يا ساتر .. لا تجيك تنطحك


ترى هذي صخيلة بنت وهبي

أروح كشنة أنا مع الوقفة الجذابة

يا ليل أم الإغراء يا شيخ

وصلنا لكوع ابليس

بالله تفرق بين خشتها وخشة هاللي جالس ؟

مير فيها حلا ماهوب في خشته هو مع المرزام اللي كنه شعار ماكدونالد

تعليقي
الحمد لله والشكر​

 

[عاشق سدني]

الحمد والشكر قمة التخلف.. ولا ياخذ قرض عشان يشتري نعجه باغلى سعر بعدين يبجي ويطلع بقناة سكوب ويقول طيحوا القروض

 

[Madridi]

المشكلة شوفوا العدد الكبير الموجود علشان ماعز وتيوس الله يعزكم

ويتراكضون علشان يصورونهم ؟؟

وبالأخير كل واحد ياخذ الصور ويروح يتفاخر بين ربعه تيسنا أحلى من تيسكم ومعزتنا أحلى من معزتكم ؟؟!!!!

ولا الحبيب الي طالع بآخر صورة (شيكتوا على شعار ماكدونالد :d ) قاعد جنه مدير، جنه قاعد بين الموظفين وقاعد يوريهم خبرته .... بس بوصف التيوس والتحدث عن جمالها

وللمعلومة التيس كل ما كان صماخه كبير وشكله بشع كل ماكان أفضل ويعتبر من أجمل التيوس

شوفوا التناقض

الحمد لله والشكر على نعمة العقل

الحمد والشكر قمة التخلف.. ولا ياخذ قرض عشان يشتري نعجه باغلى سعر بعدين يبجي ويطلع بقناة سكوب ويقول طيحوا القروض

هههههههههههههههههه لا تعليق :d

 

[الأرستقراطي]

ولهم فيما يعشقون مذاهب ،،، يا جماعة التخلف ماله علاقة بمسابقات جمال الحيوانات ففي الدول المتقدمة تقام أكثر من مسابقة للحيوانات ،،، وللعلم و الشباب يصححون لي انباعت بالكويت حمامة اسمها لوسي بمبلغ ( 7000 ) دينار من أكثر من 10 سنين يعني حاليا و مع التضخم حوالي ( 20000 ) الف دينار ،،، تحياتي ،،،

 

[Madridi]

ولهم فيما يعشقون مذاهب ،،، يا جماعة التخلف ماله علاقة بمسابقات جمال الحيوانات ففي الدول المتقدمة تقام أكثر من مسابقة للحيوانات ،،، وللعلم و الشباب يصححون لي انباعت بالكويت حمامة اسمها لوسي بمبلغ ( 7000 ) دينار من أكثر من 10 سنين يعني حاليا و مع التضخم حوالي ( 20000 ) الف دينار ،،، تحياتي ،،،

قمة التقدم والتطور

أذكر واحد من الشباب قالي سالفة، انه مرة واحد شره صقر ب12 ألف دينار، ويوم استلمه وحطه على ايده لف الصقر رقبته وفطس، وقعد ينوح

صراحة ماني عارف أعلق على الموضوع أكثر من جذي

الإسلام بريء من هكذا تصرفات

اللهم لا تؤاخذنا بما يفعله الجهلاء منا

 

[ياسر الروقي]

يا اخوان اول شي هذا مزاين الماعز الشاميه واقيم بالرياض ولا للكويت فيه علاقه
ثانيآ شراء اصناف الحيوانات المميزه والنادره نوع من الهوايه والتجاره بنفس الوقت وعلى فكره اللي يشتري بالغالي بسعر 10 الاف و20 الف كويتي تلقى هالمبغ عنده كأنه 100 دينار او 200 دينار وهل هوايه والتجاره اكثر اهلها ناس تجار والله منعم عليهم وانا اشوف ان الجماعه ما شرو مخدرات ولا خمور
بالعكس احد اقربائي بالمملكه قبل 15 سنه كان يجمع من نوادر الابل ويسوى نسل جيد من اجل البيع والحين يبيع بسعار غاليه وقبل كنا نضحك عليه نقول انت شاري ابل وغنم وقاعد تصرف عليها والحين حنا متعلقين بهل الاسهم وهو ماشاء الله عليه معروف بالقصيم كله انه صاحب حلال طيب والله يرزقنا ويرزقكم
وسامحونا

 

[الأرستقراطي]

قمة التقدم والتطور

أذكر واحد من الشباب قالي سالفة، انه مرة واحد شره صقر ب12 ألف دينار، ويوم استلمه وحطه على ايده لف الصقر رقبته وفطس، وقعد ينوح

صراحة ماني عارف أعلق على الموضوع أكثر من جذي

الإسلام بريء من هكذا تصرفات

اللهم لا تؤاخذنا بما يفعله الجهلاء منا

أخ مدريدي كونك ما تستهوي تربية الحيوانات و الطيور فليس لك الحق بقمع من يربي هذه الحيوانات ،،، وعلى طاري الصقور الشيخ صباح أمير الكويت عنده صقر سعره أضعاف سعر الصقر اللي تتكلم عنه وأمراء قطر يملكون أفضل الخيول و تطول القائمة ،،، و أتمنى ان اعرف ما هي هواياتك؟؟؟

 

[ان قام حظك]

مااعتقد فيه علاقه بين التخلف وتربيه الحيوانات وشرائها بأعلى الاسعار
هذه هوايه ولابد نحترمها
وعلى فكره حتى بدول المطوره و الحضاريه تجد مسابقات جمال للقطط والخيول و عزكم الله الكلاب
وتجد اسعارها غاليه ولها مزادات خاصه فيه
وفى امريكا هذه الدوله المتقدمه والمتطوره , امرأه عجوز كتبت وصيتها
تطالب فيها بتوريث كلبها بكل ماتملك من ثروه
ومحد قال عنهم متخلفين ؟؟؟
شكرا على الموضوع

 

[ان قام حظك]

هذا طير سيدى صاحب السمو الشيخ صباح الأحمد الصباح , سعره اكثر من
100الف دينار مايعادل مليون وثلاثميه الف ريال والطير ضاع في مقناصه في المغرب وتقبل مروري

 

[Madridi]

أخ مدريدي كونك ما تستهوي تربية الحيوانات و الطيور فليس لك الحق بقمع من يربي هذه الحيوانات ،،، وعلى طاري الصقور الشيخ صباح أمير الكويت عنده صقر سعره أضعاف سعر الصقر اللي تتكلم عنه وأمراء قطر يملكون أفضل الخيول و تطول القائمة ،،، و أتمنى ان اعرف ما هي هواياتك؟؟؟

اخوي لا تخلط الحابل بالنابل

سواء الشيخ فلان ولا الشيخ فلان

كلهم راح يكونون عند ربهم سواسية

ودش على رأي العلماء والفتاوى الصادرة واقراهم عدل

والحمد لله هوايتي رياضية، سباحة وكرة قدم غير جذي ماعندي

هل اذا الشيخ الفلاني سوه جذي وشرى جذي صارت حلال ؟؟

 

[Madridi]

مااعتقد فيه علاقه بين التخلف وتربيه الحيوانات وشرائها بأعلى الاسعار
هذه هوايه ولابد نحترمها
وعلى فكره حتى بدول المطوره و الحضاريه تجد مسابقات جمال للقطط والخيول و عزكم الله الكلاب
وتجد اسعارها غاليه ولها مزادات خاصه فيه
وفى امريكا هذه الدوله المتقدمه والمتطوره , امرأه عجوز كتبت وصيتها
تطالب فيها بتوريث كلبها بكل ماتملك من ثروه
ومحد قال عنهم متخلفين ؟؟؟
شكرا على الموضوع

تربية الحيوانات مافيه شي

وهذي مو هواية، والدول المتطورة والحضارية فيها مسابقات حيوانات، لكن الدين عندنا يمنع هالشي وحرام، واذا امرأة عجوز كتبت وصيتها حق كلب الله يعزكم ومحد قال متخلفة صراحة هذا يمكن عندك بس، لكن هذا اسمه قمة التخلف.

ناس تموت من الجوع مو لاقيه تاكل شي

بختصر عليك شنو الي ابي اوصله

واسأل أي شيخ عن هالشي وقولنا

 

[Madridi]

يا اخوان اول شي هذا مزاين الماعز الشاميه واقيم بالرياض ولا للكويت فيه علاقه
ثانيآ شراء اصناف الحيوانات المميزه والنادره نوع من الهوايه والتجاره بنفس الوقت وعلى فكره اللي يشتري بالغالي بسعر 10 الاف و20 الف كويتي تلقى هالمبغ عنده كأنه 100 دينار او 200 دينار وهل هوايه والتجاره اكثر اهلها ناس تجار والله منعم عليهم وانا اشوف ان الجماعه ما شرو مخدرات ولا خمور
بالعكس احد اقربائي بالمملكه قبل 15 سنه كان يجمع من نوادر الابل ويسوى نسل جيد من اجل البيع والحين يبيع بسعار غاليه وقبل كنا نضحك عليه نقول انت شاري ابل وغنم وقاعد تصرف عليها والحين حنا متعلقين بهل الاسهم وهو ماشاء الله عليه معروف بالقصيم كله انه صاحب حلال طيب والله يرزقنا ويرزقكم
وسامحونا

يمكن بنظرك مافيها شي

لكن اسأل أهل العلم على أي مذهب وشوف رأي الدين ورايهم

 

[Madridi]

هذا طير سيدى صاحب السمو الشيخ صباح الأحمد الصباح , سعره اكثر من
100الف دينار مايعادل مليون وثلاثميه الف ريال والطير ضاع في مقناصه في المغرب وتقبل مروري

مشاركة كافية لتكون حجة

100 ألف دينار، مايعادل مليون وثلاثمية ألف ريال طارت واختفت

 

[ان قام حظك]

تربية الحيوانات مافيه شي

وهذي مو هواية، والدول المتطورة والحضارية فيها مسابقات حيوانات، لكن الدين عندنا يمنع هالشي وحرام، واذا امرأة عجوز كتبت وصيتها حق كلب الله يعزكم ومحد قال متخلفة صراحة هذا يمكن عندك بس، لكن هذا اسمه قمة التخلف.

ناس تموت من الجوع مو لاقيه تاكل شي

بختصر عليك شنو الي ابي اوصله

واسأل أي شيخ عن هالشي وقولنا

انت تبى تكلم عن رأى الدين انا مانى محتاج فتوه منك عندنا مشايخنا , يفتون لنه , وياليت انك ماتفتى انا اعتقد الفتوه اكبر منك ,
وذا بتكلم عن التخلف انا اعتقد هذه هوايه نجدها حتى بدول المطوره
شكرا ,

 

[Madridi]

انت تبى تكلم عن رأى الدين انا مانى محتاج فتوه منك عندنا مشايخنا , يفتون لنه , وياليت انك ماتفتى انا اعتقد الفتوه اكبر منك ,
وذا بتكلم عن التخلف انا اعتقد هذه هوايه نجدها حتى بدول المطوره
شكرا ,

ليش عندنا الدين غير الدين الي عندكم ؟

ولا مشايخكم يفتون غير عن مشايخنا

ثاني شي انا ما أفتي انا أنقل فتوى صادرة عن علماء الدين، وكلامك صحيح الفتوى أكبر مني، انا ما أتجرأ وأفتي

واذا كل شي نمشي وراه الدول المتطورة، أنا اقول الزنا موجود بالدول المتطورة خلنمشي وراهم

الدول المتطورة تسمح بجواز المثليين ، خنسوي مثلهم

زواج المحارم عندهم عادي، خنسوي مثلهم

هذيله دول متطورة يامعود شتسولف انت

 

[ان قام حظك]

ليش عندنا الدين غير الدين الي عندكم ؟

ولا مشايخكم يفتون غير عن مشايخنا

ثاني شي انا ما أفتي انا أنقل فتوى صادرة عن علماء الدين، وكلامك صحيح الفتوى أكبر مني، انا ما أتجرأ وأفتي

واذا كل شي نمشي وراه الدول المتطورة، أنا اقول الزنا موجود بالدول المتطورة خلنمشي وراهم

الدول المتطورة تسمح بجواز المثليين ، خنسوي مثلهم

زواج المحارم عندهم عادي، خنسوي مثلهم

هذيله دول متطورة يامعود شتسولف انت

اخى الفاضل , انا مااخذت فتاوى من الدول المطوره
انا تكلمت عن التخلف وليس راى الدين
حدد نقاشك اذا انت تكلم عن التخلف وربطته بتربية الحيوانات انا مستعد احوارك ووصلك وجه نظرى انها مالها اى علاقه بتخلف
واذا تبى تكلم عن راى الدين مااقدر افتيلك ولانى محتاج انك تفتي
فى مشايخه افاضل نقدر نسألهم , حدد بارك الله فيك , وان كانت حرام انا معاك فيها مو ضدك

 

[ان قام حظك]

لاحظ اخى الفاضل عنوان الموضوع ليش يقولون عنا شعب متخلف ؟؟؟
يعنى الموضوع عن التخلف و ربطته بتربيه الحيوانات
انا ماتكلمت عن رأى الدين شكرا

 

[Bent_alq8]

هل الموضوع عن فتوى الدين في المزاين أم في رأينا كأعضاء في موضوع شراء الحيوانات بأسعار خيالية؟؟؟
لأن السالفة إختبصت...
إذا يوجد فتوى في ذلك إذن هنا نقف ولا نتعدى الحد...لكن لو كان الأمر رأي شخصي فكل إنسان حر في ماله وما ينفقه فيه سواء تصدق أنفق أسرف هذا شئ بينه وبين ربه يحاسب عليه وليس من حق أي شخص يحاسب أحد على إنفاقه من ماله الخاص ولا في هواياته لأن للناس فيما يعشقون مذاهب...يا جماعه فيه ناس تجمع طوابع بآلآف مؤلفة...وليس المقياس الغرب والشرق ... شئ أنت تشوفه تافه غيرك يشوفه يسوى...لذلك دعونا لا نختلف وإذا إختلفنا أن لا نفسد الود..
سامحوني على المداخلة...لكن الحوار تشعب وحاد عن الموضوع شوي..
دمتم بحفظ الله.​

 

[ان قام حظك]

هل الموضوع عن فتوى الدين في المزاين أم في رأينا كأعضاء في موضوع شراء الحيوانات بأسعار خيالية؟؟؟
لأن السالفة إختبصت...
إذا يوجد فتوى في ذلك إذن هنا نقف ولا نتعدى الحد...لكن لو كان الأمر رأي شخصي فكل إنسان حر في ماله وما ينفقه فيه سواء تصدق أنفق أسرف هذا شئ بينه وبين ربه يحاسب عليه وليس من حق أي شخص يحاسب أحد على إنفاقه من ماله الخاص ولا في هواياته لأن للناس فيما يعشقون مذاهب...يا جماعه فيه ناس تجمع طوابع بآلآف مؤلفة...وليس المقياس الغرب والشرق ... شئ أنت تشوفه تافه غيرك يشوفه يسوى...لذلك دعونا لا نختلف وإذا إختلفنا أن لا نفسد الود..
سامحوني على المداخلة...لكن الحوار تشعب وحاد عن الموضوع شوي..
دمتم بحفظ الله.​

وانا معاج واوافقج الراى

 

[INFINITI]

في ناس مع الاسف عقولهم محدوده
عاشو