.,.,.,.,. حسافة عليج يا كويت .,..,.,.,

[شقرردي]

طال الزمن و الا قصر مالنا الا الكويت
لاعيال الخرجه ولا اعيال البامبرز بينسون
الكويت ومهما طال العمر يا شباب ويا بنات
كلنا للكويت والكويت ( لنا )
مشكوره ليلى

 

[yoyo1983]

قلم حر


اذا في افضل نبي الافضل

بارك الله فييك

 

[yoyo1983]

شقرردي


العفو طال عمرك

 

[yoyo1983]

دعوه الى اخلاص العمل لهذا البلد

 

[فضل]

الكويت حلوه مهما كانت

وان شاء الله عجله التنميه تتحرك​

 

[وسيط اسهم]

اهلين خيتوووا
بصراحه انا ما حبيت اتدخل في موضوع زي هذا لاني بصراحه مالي اي خبره فيه لاني من جد ماعرف وش عندكم ولا اعرف وش لكم وش عليكم ..

لكن بصراحه اللي انا اسمعه انه من جد حياتكم اغلبها على الاقساط لكن احمدوا ربكم انتم احسن من غيركم ..
وكلامي هذا مو نقص فيكم لا وربي بس من جد اتمنى اني ازور الكويت انا واعرف شنو اللي فيها من كلامكم
وابييييييييييكم تعرفووون شي واحد يا اهل الكويت
وربي واللي خلقني انه مو الكويت تغيرت لا هم اهله اللي تغيروا اطباعهم تغيروا مشاغلهم تغيرت لاني اتكلم عن دولة مثل ما اشوف عندنا بالسعودية السعودية تغيرت واللي عندكم عندنا لان الناس تغيرت مو الدنيا وهذا اللي انا حاب ابينه لكم وربي الدنيا هي هي ماتغيرت اللي تغيروا الناس يدورون مصلحتهم قبل مصلحة الجميع مو مثل اول كان يدور مصلحة جاره اول صديقه او قريبه قبل نفسه وهذا اللي غير الحال بس ما نقول الا حاجة وحده لنا كالمسلمين انه يكفينا اننا مسلمين وهذا اهم مافي هالدنيا وما خلقه الله وترانا الحمد لله احسن من غيرنا والتطور مايجي مع بعض تبي تكبر على حبة حبة والكويت انا اشوفها من خلال الاعلام ماشاء الله في تطور
ومعليش كلامي كثر بس شي بالخاطر وحبيت اقوله​

 

[فـــهــد]

ههههههههههههههههههههههههههههههههههههههههه

 

[ليبرالي]

شنو الاسباب ؟؟؟؟؟
غير الحسد و الكلام الفاضي ؟

 

[باب عوود]

كلام جميل وصفتيه وعبرتي عن رايج ولكن من يسمع هذا النداء
ومن يجيب عن هذا الذي قيل . تبقى كويتنا درره باعيوننا ولو حصل
ماحصل ولكن يبقى شي واحد ان نشكر الله على هذه النعمه التي
انعم الله علينا بديرتنا ونلتمس بها الامن والامان .والحمد لله غيرنا بلا
بلد و لا امن و لا امان
بارك الله فيج ليلى​

 

[ليبرالي]

بوجهة نظري عدم وصولنا للدول المتقدمة هو كالاتي :

1- موقعنا الجغرافي فنحن في موقع يحسد عليه حروب جار الشمال لا يترك احد اذا مو احنا ايران خلصنه منه يالنا جارنا عبر البحار (ايران) تهديد و وعيد ... بهذه الحال التجار و اصحاب المال يخافون الاستثمار ... و التطوير هذا غير عن المستثمرين لهم شروط تكسر الظهر اللي يشتغل بحكومه ما يقدر يطلع رخصه تجاريه الظاهر مناقاصات الحكومه بتروح حقه المسكين والمناقصه قبل لا يتم طرحها محسومه خق فلان و فلان يعطيها حق علان بالباطن

2- دولة الكويت عباره عن دوله دفاعيه رغم بانها في دائره حروب و مالها اي نيه بانها تكون دوله هجوميه وردهم كييف انصير دوله هجوميه و ما عندنا جيش والمصيبه الاعظم ان القوه الدفاعيه اللي عندنه قوتها 6 ساعات فقط لا غير صج شر البليه ما يضحك

3 - تكتل التيارات الاسلاميه وتسهيل امورهم خارج الشرع والمسجد

4- التعليم بالكويت ايل لسقوط تخيل اولى ابتدائي يتعلم الجمع وطرح والقسمه والضرب و الاطفال ما يعرفون الارقام اصلا و هذا ينطبق على اللغه العربيه و غيرها من مواد تعليميه ,,, غير منهج بنيه الاسلام على خمس من الروضه لما الجامعه يدرسونه بهذي الحال يحسسوني ان النظريه النسبيه وصعب حفظه :

5- ما عندنا خطه خمسيه ولا عشريه ولا حتى يوميه واذا حطينه خطه علشان انطبقها نحتاج 30 سنه انعيد و نزيد و لما الحين ما تمت بحمد الله ...

6 - احنا في دوله تنولد من عوائل القوه الخماسيه بالكويت انت بخير ونعمه اما غيره انسى الموضوع تاخذ فرصه انك تصير من اصحاب الملايين لانها مقتصره على هالخمس

7- اذا كان عندك عبقريه تندفن او يحولونك الطب النفسي ويتهمونك بالجنون ولا راح تلاقي من من يشجع عبقريتك

8 - العماله الوافده اكثر من الشعب ذاته و مافي موازنه بين الشعب و الوافدين و طبعاااا ولائهم حق الكويت مو صج

9 - اذا تكلمت او اضربت عن وضع القوه المهيمنه بالدوله يكون مصيرك امن الدوله فنحن عندهم صم بكم عمي



10 - تشجيع ال bot و اتنهاك حق المواطن بزياده مدخوله

11- من وجهة نظري فتح سور الكويت و توسيعه كان له دور بتراجه التنميه للاسف فدخل علينا بوس الخشوم و الواسطات و اسامي عمرنا ما سمعنه فيهااا
وكل واحد يقولك عندي نائب و وزير

وجهه نظري

 

[البرنس111]

صح لسانك والله
للأسف والله ان من دانة الخليج بالسبعينات صرنا لا شيء بالنسبه للخليج

على فكرة ترى مو بس الخليج احسن منا حتى الدول المجاوة الاخرى احسن

موبس الدول المجاروة
حتى بعض الدول الفقيرة افضل في التطور

 

[ليبرالي]

اسباب اخرى
لا نؤمن بالحرية و العلمانية

و هي نظام متكامل يؤمن حرية التعليم و الرأي و الثقافة و غيرها من مميزات الحضارة

عندما يكون الرأي محكور على طائفة بمباركة الحكومة !! و تكون هذه الفئة لها الشأن في التدخل في

الشؤون الاقتصادية و الاجتماعية و غيرها من المجالات و لا يكون للشخص الرأي في الابداع و التفكير

في هذه المجالات التي تحتاج لمزيد من الابداع من العقل البشري الذي هو معطل من قبل الجماعات الاقصائية

المتخلفة الرجعية !

و لا ننسى غياب هيبة القانون و الدولة و ضعف الحكومة بتنفبذ المشاريع التنموية و اعطاء الفرصة الكاملة

و مد يد العون للقطاع الخاص و اعطائة الفرصة لاستقطاب الكفاءات بكل انواعها سواء كانت تعليمية او

اقتصادية !!