}{}{}{ بدأ التسجيل في صندوق المعسرين }{}{}{

[bo5aled]

سمعنا انه بدأ التسجيل في صندوق المعسرين نبي انعرف ما هي الشروط التي تنطبق على المستفيدين من هذا الصندوق
الرجاء التفاعل لفائدة الجميع​

 

[الفايدة للجميع]

سمعنا انه بدأ التسجيل في صندوق المعسرين نبي انعرف ما هي الشروط التي تنطبق على المستفيدين من هذا الصندوق
الرجاء التفاعل لفائدة الجميع​

أنا أول المتفاعلين

 

[الأرستقراطي]

من شروط الاستفادة من صندوق المعسرين انك ما تكون رافع قضية على البنك ،،، وانه قرضك يكون متعدي نصف سقف الراتب ،،، هذا اللي أعرفه و أشوف ان نص مليار ما اتغطي قروض الكويتين ،،،

 

[سهم فسفوري]

من ضمن الشروط الاستفاده من صندوق المعسرين... لايحق لك تاخذ قرض او تسهيلات ائتمانيه حتى تسديد كافه المبالغ الى خذيتها من الصندوق,,,, يعني بعد 10 سنوات 20 سنه يعني بالعربي يطلعلك بيت او بتشتري سياره لولدك مالك امل تاخذ قرض ترميم او غيره حتى تسديد كافة الى عليك,,,,(قرار فاشل ) قرار حتى لا يستفيد منه اي شخص متعسر .
اسمي الصندوق معسر المعسرين

 

[Abo Fahad]

سبحان مغير الحال

ديرتنا من اغنى الدول والشعب ناطر صندوق معسرين!!

 

[(فزاع)]

تعالوا نحسبها بالورقه والقلم والعقل والمنطق :

قانون البنك المركزي الاخير يتكلم عن شنو ..؟
معطي مهله حق جميع البنوك بإن القروض ما تتجاوز الـ 40% من الراتب .. وبمدة لا تزيد عن الـ 15 سنه .. ونهاية المهله اهي اخر شهر 7 .. وفي كذا شخص تم تصويب اخطاءهم ..
مع العلم بإن البنك المركزي مسوي غرامه عن كل شخص 50 الف دينار ..
>>>>>>>>>>>> نقطه رقم 1 ..


عدد الاشخاص اللي رافعين قضيه على البنوك في الاونه الاخيره حوالي 12 الف ..
>>>>>>>>>>> نقطه رقم 2 ..

صندوق المعسرين من احد بنوده ان الشخص يكون رايح اقساطه اكثر من 50% .. والبند الثاني ان ما يكون رافع قضيه ..
>>>>>>>>>>> نقطه رقم 3 ..


من 1 ، 2 ، 3 نستنتج ان :
صندوق المعسرين ما يشمل احد ..!

 

[zoya_y]

شكرا

 

[حامي الديار]

انزين اخواني انا راتبي ينزل صافي ماعندي لا اقساط ولا عندي بطيخ .. بس متعسر اقدر استفيد من صندوق المعسرين :\ ؟

 

[dnyay]

صدقت فزاع

اى والله اخوى فزاع انا صار لى فتره افكر بهالسالفه ... البنك المركزى جبر البنوك انها تصوب المخالفين يعنى اللى اقساطه طافت ال50 % من راتبه والصندوق ما يعطى الا اللى طافت اقساطه 50% من راتبه ....... شالسالفه !!!! لغز هذا ويبيله حل
وحتى ان وجدوا فهم قله قليله او خلنى اقولك ...يعنى اللى ينخصم من راتبه 48% او 49 % هذا شيسوى يطق اصبع

 

[ابو عيسى]

متابع بصمت ...................

 

[ابو سالم1]

واحد من الربع وزير سابق قالى ترا فوائد القروض بتطيح فى شهر 8 هذا خبر محد يعرفة غيرى والخبر الحين بين ايديكم
بس لاتصدقون وتاخذون قروض ترا رفيجى الوزير السابق قالى الكلام هذا الفجر حصلتة فى مركز سلطان واعتقد انه كان فى حالة سكر
والله اعلم .

 

[حامي الديار]

واحد من الربع وزير سابق قالى ترا فوائد القروض بتطيح فى شهر 8 هذا خبر محد يعرفة غيرى والخبر الحين بين ايديكم
بس لاتصدقون وتاخذون قروض ترا رفيجى الوزير السابق قالى الكلام هذا الفجر حصلتة فى مركز سلطان واعتقد انه كان فى حالة سكر
والله اعلم .

قول حق الوزير يستريح ماراح يطيحون الفوايد الا لمن تحج البقر على اريولها والله خوش يلعبون بحلالنا علشان فئة من المجتمع عندها قروض .. واحنا الي ماعندنا قروض شنو تعطونا .. ماحد غصب الواحد ياخذ قرض ويتوهق .. الواحد الي يبي شي اييبه بأيده

 

[(فزاع)]

اى والله اخوى فزاع انا صار لى فتره افكر بهالسالفه ... البنك المركزى جبر البنوك انها تصوب المخالفين يعنى اللى اقساطه طافت ال50 % من راتبه والصندوق ما يعطى الا اللى طافت اقساطه 50% من راتبه ....... شالسالفه !!!! لغز هذا ويبيله حل
وحتى ان وجدوا فهم قله قليله او خلنى اقولك ...يعنى اللى ينخصم من راتبه 48% او 49 % هذا شيسوى يطق اصبع

بس لا تحاتي ..
بنود صندوق قانون المعسرين لحد الحين ما حطوها ولا اعلنوا عنها بشكل رسمي .. واللي صار ودار كله حجي جرايد .. وما اتوقع انه صحيح نهائيا ً لأنه يعارض الواقع تماما ً ..​

 

[راشد (بو نواف)]

قول حق الوزير يستريح ماراح يطيحون الفوايد الا لمن تحج البقر على اريولها والله خوش يلعبون بحلالنا علشان فئة من المجتمع عندها قروض .. واحنا الي ماعندنا قروض شنو تعطونا .. ماحد غصب الواحد ياخذ قرض ويتوهق .. الواحد الي يبي شي اييبه بأيده

احمد الله انه ما عندك قروض

التفريج عن الكويتيين لعب بالحلال

انا لله وانا اليه راجعون

 

[حامي الديار]

اكيد لعب بالحلال .. الحين انت تقط نفسك بالنار وتقول يا حكومه تعالوا انقذوني .. ؟

انت بكامل قواك العقليه خذيت قرض انا مااتكلم عن قروض الي تحت 10000 انا اتكلم قروض من 30 الف وفوق .. ولا تقارنون القروض بمساعدات الدول الثانيه ,, الدول الثانيه لمن اتساعدها الحكومه اتكون منكوبه من الطبيعه زلازل وبراكين وفيضانات وناس تتشرد وناس مو قادره تحصل على قطعة خبز .. بس انتو يا اصحاب المديونيات بالكويت واصحاب القروض قاعدين على الكمبيوتر وكل واحد عندا سياره وبيت ..

 

[جورج المطيري]

هلا

قول حق الوزير يستريح ماراح يطيحون الفوايد الا لمن تحج البقر على اريولها والله خوش يلعبون بحلالنا علشان فئة من المجتمع عندها قروض .. واحنا الي ماعندنا قروض شنو تعطونا .. ماحد غصب الواحد ياخذ قرض ويتوهق .. الواحد الي يبي شي اييبه بأيده

مالك احد من اهلك ولا جماعتك مأخذ قرض ؟؟؟
انا متاكد بل واجزم انه لابد فيه احد يقربلك ماخذ قرض
خلاص ماتبيه يرتاح ولا عاجبك فلوسنا الى رايحه لفلس طين وجماعتها

 

[جورج المطيري]

صندوق المعسرين هذا الباطل الذي يراد به حق
والله احنا شعب مسكين شعب يلعب فيه وزير ويبهدله وزير ويقرر مصيره وزير ويمنع عنه الخمسين وزير ويرفض اسقاط ديونه وزير ويرفض يجنس بدونه وزير وبالاخير يدعي عليهم هالوزير انا اول مره بحياتى اشوف شخص واحد يدعي على شعب كامل ويقولهم ياعلكم من هالحال واردي
وبالاخير بعد كل هذا يقرر يعطيهم هدية حق شهر رمضان لكل شخص 200 غرام شعرية و200 غرام مكرونه وميتين غرام ترى كبر جف ايدي وبالاخير يطلع بطل هالوزير
بيازمن عايشين على فكره هالوزير استمات عشان يزيد منحة الوزراء سنويا 100 الف دينار تعديل اوضاع وبالفعل خذا الى يبي سجل ياتاريخ تكفه سجل ياتاريخ ابوس ايدك سجل ياتاريخ رحمالله والديك ياتاريخ سجل

 

[bo5aled]

قول حق الوزير يستريح ماراح يطيحون الفوايد الا لمن تحج البقر على اريولها والله خوش يلعبون بحلالنا علشان فئة من المجتمع عندها قروض .. واحنا الي ماعندنا قروض شنو تعطونا .. ماحد غصب الواحد ياخذ قرض ويتوهق .. الواحد الي يبي شي اييبه بأيده

شكرا لجميع الاخوة على التفاعل
وردي على اخوي حامي الديار يعني انت تبي تقنعني انه ما عندك قروض مستحيله واذا الله رازقك فما ذنب اخوانك اللي شاري بيت بقلعة وادرين وقاط اللي ورا واللي جدامه و الثاني اللي ماخذله سيارة اقصاد منو بهالزمن عنده كاش علشان يشتري سيارة ب 5 الاف
آنا ملاحظ اللي الله رازقهم ودهم ان الطبقة الكادحة تظل طول عمرها كادحة
المهم الكلام لحبيب المنتدى أخوي فزاع سؤالي آنا قرضي على بنك الكويت والشرق الاوسط علي قرضين واحد 100 دينار يقولون نظام بالون يعني مهما أدفع في ما ينزل و بعد 10 سنين لازم اكيشه والثاني 475 دينار على 15 سنة يعني المجموع 575 دينار شهريا وراتبي 1100 دينار وبعد استقطاع التأمينات 1050 دينار
هل اعتبر معسر ؟؟؟؟؟؟؟؟؟؟؟؟؟؟؟؟​

 

[(فزاع)]

المهم الكلام لحبيب المنتدى أخوي فزاع سؤالي آنا قرضي على بنك الكويت والشرق الاوسط علي قرضين واحد 100 دينار يقولون نظام بالون يعني مهما أدفع في ما ينزل و بعد 10 سنين لازم اكيشه والثاني 475 دينار على 15 سنة يعني المجموع 575 دينار شهريا وراتبي 1100 دينار وبعد استقطاع التأمينات 1050 دينار
هل اعتبر معسر ؟؟؟؟؟؟؟؟؟؟؟؟؟؟؟؟​

شوف .. بخصوص قرض البالون .. هذي كارثه ..!
لأن من قانون البنك المركزي اهو ان ما يعطون اي شخص قرضين ..
فـ شنو سوا بنك الشرق الاوسط ..؟ يعطيك قرض ثاني بالبحرين .. ويسمونه قرض البالون ..
تلاعب .. تلاعب ..
علشان باجر لـ سآلوهم المحكمه يقولون لهم .. مو احنا اللي معطينه .. البحرين اهي اللي معطيته ..!
اقروضهم مدى الحياة .. يعني لو قالوا لك ينتهي بعد 10 سنوات ..؟ وخلصت هالـ 10 سنوات وتروح لهم يقولون لك .. " للحين ما خلصنا لأن الفايده قاعده تزيد " ..
انا من ناحيتي رافع قضيه على البنك وناطر حكم القاضي لولا ان الحين عطله قضائيه .. بشهر 7 و 8 ..
والله يكون بعونك .. ​

 

[bo5aled]

شوف .. بخصوص قرض البالون .. هذي كارثه ..!
لأن من قانون البنك المركزي اهو ان ما يعطون اي شخص قرضين ..
فـ شنو سوا بنك الشرق الاوسط ..؟ يعطيك قرض ثاني بالبحرين .. ويسمونه قرض البالون ..
تلاعب .. تلاعب ..
علشان باجر لـ سآلوهم المحكمه يقولون لهم .. مو احنا اللي معطينه .. البحرين اهي اللي معطيته ..!
اقروضهم مدى الحياة .. يعني لو قالوا لك ينتهي بعد 10 سنوات ..؟ وخلصت هالـ 10 سنوات وتروح لهم يقولون لك .. " للحين ما خلصنا لأن الفايده قاعده تزيد " ..
انا من ناحيتي رافع قضيه على البنك وناطر حكم القاضي لولا ان الحين عطله قضائيه .. بشهر 7 و 8 ..
والله يكون بعونك .. ​

مشكور اخوي فزاع عالفزعة يعني اغسل ايدي مع العلم اني ما ادري ان القرض الثاني على بنك البحرين
اذا ان شاء الله كسبت القضية واعتقد انها نفس قضيتي ظبطنا بالمحامي
الله يوفقك