Adsx هل يلامس 34 اليوم

[بو يوسف]

وجهت سؤال اثناء السوق الى عرض وطلب عن التداول العالي وكان الرد التالي
لقد لا حظنا هذا الأمر، ليس هناك من سبب معين.

 

[meshal]

تحليل للي صار امس

هذي حركه يسونها بالسوق الكويتي يضغطون على السهم علشان يخوفون الناس

امس توقعت يعيدون الكره

الرسالة الأصلية كتبت بواسطة meshal

وعتقد اذا ردت الكميه على 34 سنت للشرايا ردو مره ثانيه بالتهويشه

[/QUOTE[
وفعلاً سوها

------------

يقول الدكتور فهد في كتابه :-

شخص خسر 150 الف او 150 مليون دولار ( الخطء مني) لكي ينزل سهم الى مستوى ويخوف الناس وهو يعلم ان السهم سوف ينطلق

وبعدها ربح الكثير الانه اشترى برخيص وباع بغالي


يقول اخونا الهاجري :-

لكل سهم كبار يتحكمون فيه


(النقل بالمعنى)

----------
التوقع للسهم :-


ارتفاع قوي.


الاسباب:-

1- التداول امس 100 مليون ولم يرتفع سنت واحد (تجميع)

2- مو معقول يخسرون عمولات ويلقون بملاين الدولارات (مثل الي حصل امس) من غير سبب

ماكو نار من غير دخان

3- موعد اعلا ن الارباح يبشر بخير مقدماً انشاءالله



والله اعلم

 

[bu-abdullaziz]

اكثر من 100 مليون سهم تم فيه التداول !!!!!!!

واكثر عمليات الشراء الكبيره تمت على 34 سنت

منو يشترى اكثر من مليون سهم على 34 الا و هو يدرى ان فى شى بيصير بالقريب العاجل و الله اعلم .

 

[meshal]

الرسالة الأصلية كتبت بواسطة bu-abdullaziz
اكثر من 100 مليون سهم تم فيه التداول !!!!!!!

واكثر عمليات الشراء الكبيره تمت على 34 سنت

منو يشترى اكثر من مليون سهم على 34 الا و هو يدرى ان فى شى بيصير بالقريب العاجل و الله اعلم .

اخوي ابو عبد العزيز بالضبط

مثل ماتفظلت

هذا الي اعتقده بالسهم

وانا والله عقب الي صار امس حسيت ان السهم في ناس قاعد تدفع فيه فلوس كثيره

يدل على سعر لهذا السهم جديد يسوى عندهم انهم يقطون فيه هذي المبالغ الخياليه على مثل هذا السهم الرخيص

 

[jamal]

السلام عليكم

والله انى احبك بالله يا اخ مشعل عسى الله يوفقك ويزققك ويرزق الاخوان

والله سبحانه ما يخذل عبده بما بذلته من مجهود ونصحتنا بهذا السهم
والله انى اقول هذا الكلام من القلب

نعم كلامك صحيح السهم فيه نسبة تداول ضخمه وانا حاس بأن الله سبحانه بيزقنا منه انشاله

وشكرا

 

[meshal]

عليك السلام اخوي جمال

واحبك الله الذي احببتني فيه

وابشر بالخير انشاءالله

ومن تفائل بالخير وجد

عسى الله يرزقك ياااااااااااااااااااااااااااااارب وانشاءالله ال800 دولار تصير 8,000,000,000 بس لا تنساني

 

[مستثمر73]

يا أخوان السهم هذا عليه أهتمام كبير من كبار المستثمرين.

وهناك أخبار كثيره الأسبوع الماضي وهذا الأسبوع عن توجه الحكومة الأمريكيه للأستخدام أجهزة مراقبة الحيوانات لأكتشاف أمراض جنون البقر وأنفلونزا الطيور مبكرا قبل أنتشارها.

ADSX وشركتها التابعه DOC المتخصصه بهذا النوع من الأجهزه.

يا أخوان أذا تمت الموافقه على هذا العمل راح نشوف ADSX فوق $3 وأكثر !!!

والأرباح قريبه جدا .

والله أعلم

وبالله التوفيق.

 

[waseem]

كل الاسهم بكوم وهذا السهم بكوم هذا السهم كل ما ياخذ مشروع او يربح من مشروع ينزل سعره وضعه أكثر من غريب ويخليك تحط مليون علامه استفهام .
السهم بالقوة اللي حصلت بتداول امس يخلينا نعيد النظر وبشكل متعقل .

الله يوفق الجميع .

 

[bu-abdullaziz]

مممممممم

السهم هذا و الله اعلم التدبيله قريبه انشالله

 

[meshal]

حبــــــــــيب قلبي وســـــــــــــيم شاركنا يا بــــــركه


من قواعد وسيم ( ان ترتاح نفسيا للسهم )


هذا السهم وسيم انا مرتاحله نفسياً اهجم

 

[waseem]

الله يبارك بعمرك ووالله يوم اشوفك بسهم اني اهتم فيه لأني أعرفك ذيب والذيب ما يهرول عبث .

هذا السهم يامشعل يعطيك ارتياح نفسي من اخبارة لكن يوترك من حركته وعيبه القوي ان شارته كله مقاومات يعني 35 مقاومة و38و39و40و41و42و44و45و46و47و50و56 يعني كل سنت او سنتين مقاومة شئ يجيب الاكتئاب يعني يبيلها خبر يفجر كل هذه المقاومات وغير كذا اكثر من مية مليون سهم تداول وماحركه وتقولي ارتياح نفسي الا ضغط وسكر

 

[meshal]

اي ذيب ياقلبي انا يادوب حمل وديع حتى شوفني ---->

-------

حبيب قلبي وسيم هذي عادة الاسهم الصغيره كل سنت مقاومه على قولتك ومرات كل نص سنت

ولكن انا والله ماخذه وبالي مو له حتى مرات انقفه من الاستريمر ماحطه ويا اسهمي

هذا السهم ماخذه على المدى البعيد ولا انا والله مالي درب على الاسهم الصغيره

هذا السهم يمكن تدش سنة 2005 وهو في محفضتي

 

[mohammed]

بمشيه الله نشوف الايام القريبه .74 سنت باذن واحد احد

 

[undercover]

up

up

up


38


waiting for KAAAAAAAAAAAAABOOOOOOOOOOOOOOOOOOM

 

[مستثمر73]

تم عمل upgrade ل stronge buy !!!!


حمى الوطيييييييييييييييسسسسسسسسس

 

[undercover]

مقاومه 38 هي الأولى في حال كسره فالوعد بإذن الله 44 سنت

 

[undercover]

last 38

 

[الغلبان]

طيب يا أخوان

الكلام الفلسفي الخاص لهذا السهم:

لما تروح على حديقة الشعب .. وتركب قطار الموت .. يحطون عبارة ممنوع لمرضاء القلب والضغط ركوب هذه اللعبة (بما معناه) .. وهذا ينطبق على هذا السهم

وهذا الكلام الى الجميع ..

أنا والعياذ بالله من هذه الكلمة .. عتيق في هذا السهم ..

وأعرف حتى اسم مدير الشركة وأخوه .. وأعرف حتى مجموعة من الناس الي عاملين عصابة شورت على هذا السهم .. بلا رحمة

وأقول أول شيء هناك مواضيع كثيرة جدا كتبت على هذا السهم

وكان أكثرها اثارة في هذا الموضوع
http://www.indexsignal.com/vb/showthread.php?s=&threadid=7901&highlight=adsx

ياريت تقرأوه .. وفيه معلومات قيمة جدا عن الشركة وطبعا هذا السهم كان رشح من قبل موقع توصيات من أكثر من 6 أشهر وهو الموقع الفاشل بيترليدز .. وحتى هذا الفاشل .. طير سهم ADSX من قائمته .. أمكن لأنه استسلم من هذا السهم .. لأنه بصراحة سهم ( ) يموت قهر ..

نصيحة لجميع الأخوة .. إذا أحببت اللعب مع هذا السهم .. فلا تفكر أنه سهم مثل سهم VERT ولا سهم ماما .. ولا حتى بابا .. أضرب وأهرب أنا في البداية حجزت السهم عندي ثلاث أشهر .. وخلعت .. بخسارة .. ولكن الحمدلله .. سويت مضاربات عليه .. ورجعت من أبوه فلوسي .. والحمدلله على كل حال ..

وأمكن في أحد مضارباتك للسهم .. السهم الدايخ ترجع له الذاكره ويقبع .. ما تدري ..


الكلام المنطقي المالي للسهم:

السهم عليه أخبار في 6 شهور السابقة كثيييييييييييييرة وراح تقرأ فيها حتى تمل .. وكثير منها ايجابي .. وعليه أتوقع أنه هذا السهم للربع القادم تكون النتائج فيه جيدة (توقع فقط) .. بسبب العقود الي المفروض تبين حسب وعوود مدير الشركة في بداية 2004


هناك شيء فيه من الايجابية في هذه السطور :

Shares Short (as of 9-Feb-04): 1.78M
Short Ratio (as of 9-Feb-04): 0.298
Short % of Float (as of 9-Feb-04): 0.44%
Shares Short (prior month): 5.46M

يعني الشورت على السهم أقل في المرحلة الحالية عن المرحلة السابقة للشهر السابق


وتذكر هذا الشيء الي ما أحب أشوفه في السهم (والي يخلي السبلت قاب قوسين أو أدنى)
Shares Outstanding: 406.49M

يعني لما تشوف الفوليوم يصعد الى أكثر من 100 مليون وما يرتفع سنت واحد ( طبيعي جدا يا فندم )

هذا كلام طلع من عندي مع أني ما أحب الكتابات الكثيرة وهذا سبب قلة مشاركاتي في المنتدى ..

وبصراحة أتمنى التوفيق للجميع ..

 

[undercover]

هلا اخوي الغلبان ومشكور وماقصرت على هالمعلومات المخيفة والمهمة.

بالنسبة للسبلت أنا بصراحه شاك في موضوع الفوليوم الغريب اللي أمس ومتخوف منه بشكل ماتتخيله ومتوقع ان الفوليوم هذا له علاقة في السبلت بس كيف مادري ياليت تبين لنا النقطه هذي الله يرضى عليك ...وايش صار على موضوع الطرد من الناسداك وهل فيه موقع يعطينا التفاصيل بهذاالخصوص .


ومعذره على كثرة الأسئلة..

 

[meshal]

مشكور اخوي الغلبان على هالمعلومات

والسهم اعتقد يحتاج صبر وماله داعي تعصب

احياناً الواحد فينا اذا خسر بسهم ينظرله نظره سلبيه تحكمها العاطفه وكذالك بالنسبه للربح تكون النظره ايجابيه حتى لو كان السهم سيء

ونحنو مجتهدون بالسهم ومتفائلين فيه خير انشاءالله والبصر نتيجته طيبه

وهذي آيه قرآنيه تتمثل بها قال تعالى: "يا أيها اللذين امنوا اصبروا وصابروا ورابطوا واتقوا الله لعلكم تفلحون" ((آل عمران : 200))

ارجو ان تكون هي عنواننا جميعاً والي مايصبر مانا بأقوى من الله عليه



وتمنالك التوفيق ومشكور مره اخرى