تبديل تواير متى وشلون

[wave]

ميشلان وايد غالى ثانى مره مايصلح حق سوبرمان

الميشلان حق السيارات الالمانيه

افضل تواير بالسوق بعد الميشلان

1- بريللى ( شوى غالى )

2- قودييير ( شوى غالى )

3 - بريجستون ( سعره مناسب )

4- يوكاهاما ( سعره مناسب )

واهم شي قبل نوعيه التواير شيك على عمر التاير شوف جم اسبوع عمره

اهم شيئ يكون يديد مايتعدى عمره 4 شهور (يعنى 16 اسبوع )

 

[sjl71]

المشكله اني اركب التواير الغاليه

وابدلهم بسبب الوقفه

تلاقي النقشه جديده والتاير سليم

لارجفه لاسحكيه لاستهلاك

بس اوقف السياره سنتين واذا بسافر بدلت

المشكله سفراتي قليله

ناس تقول لاتسرع ولاتمشي الظهاري

وناس تقول بدل الهواء الجديد الي عند صاحب التواير

يخلي التاير بارد مايحتر

 

[بـ مـبـارك ـو]

السلام عليكم.... الاخ صاحب الموضوع ؛ اطيب نواير ميشلان وسعرها 39 ونص واحسن شي لسوبرمان .... اما من ناحية الوقفه الطويله انا عن نفسي سألت صاحب ميزان عن الطريقه السليمه اخوي انا موتري اوقفه شهرين وثلاثه واحيان جم اسبوع بس نصيحة عامل الميزان طيبه قال قبل لاتوقف السياره زيد هوا التواير 55 ولما تبي تستمل او اتسافر رده 40 او 45 على حسب حمل الاوزان اللي معاك شايل شي ثقيل خل الهوا 45 والحمد لله توني راد من الاردن وقبل كان واقف شهر وشي ....هذا اللي حاصل معاي وحبيت افيدكم ... وشكرا

 

[q8240z]

السلام عليكم

اخوي المشلن سعره بالكويت غالي

والموتر إذا وقف وايد توايره تخترب وبس تمشي فيه يقوم يطبطب

لأنه التاير فيه سيم مع الربل والسيم ينعوي من وزن الموتر

ولازم تطق في فره كل اسبوع علي الأقل وحتي لو بالفريج

عشان يغير مكان الوزن علي نفس المكان علي التاير

بالنسبة للتاير قبل شرائه اسئل صاحب المحل عن سنة الصنع والشهر وقولة ورني السنة والشهر

ولا تسوي روحك غشيم اسألة وقوله وين الكتابة

وينكتب علي كل تاير نفسه السنة والشهر

والتاير حتي مع الوقفه تصير فيه تشققات صغيرة وتبين بالعين عند التدقيق عليها

مع ان التاير يكون غير مستهلك ولاكن يجب تبديله في هذه الحالة

لأنة في أحتمل ينصلخ عليك في الممشي مع حرارة الجو

وعلي انك تتفخ التاير 50 او45 هذا شغل الوكالة عند تخزين الموتر حتي لا تخترب التواير

وحصل اني شريت تريل بليزر من الوكاله وعند التسليم شيكت علي هواء التواير فكان 60 Psi

وسئلت الكراج فقال احنا نتفخ التواير للتخزين ونسينا انزل الضغط الي 35

بس ما أضن لمدة طويلة يعني شغل موئقت لأنه سألني إذا فيهم شي نبدلهم علي الكفالة

 

[بـ مـبـارك ـو]

غالي لانه نوعية ممتازه وغنيه عن التعريف ...... وانا اللي حاصل معاي قلته والحمدلله من احسن مايكون هذا الاخ قالها انه الوكاله تتفخ التواير اذا بتوقف السياره مده طويله زياده عن المعدل ....... وماقلت هالكلام وهالمداخله الا للفايده والله شاهد ودمتم .

 

[ناصر الكويت]

دام الموتر سوبرمان جمس أكيد معك عائلة بدلهم وماعليهم حسوفه

وتوكل على الله .

 

[سهم استراتيجى]

بدلهم بدلهم بدلهم

واشتر اللي عندي

بسويلك خصم بس بشرط انك اتسافر

 

[BOKNDOR]

المثل يقول اسئل مجرب ولا تسأل طبيب

أكثر من سنتين مركب دنلوب من البابطين على جيب لاند كروزر

والله اني مبدلهم مع الرنكات على ثلاث جيبات وماشاء الله

ما اشتكيت منهم لا رجفة ولا شي والنقشة ليلحين واضحه عليهم

نصيحه أخو روح ركب دنلوب على مسئوليتي والوكيل مسوي عرض عليهم

ركب ثلاث والرابع مجاني .

ملاحظة : لما تركب خل يعبيهم نيتروجين بدل الهواء العادي

لأنه يبرد على التواير وما ينقص مع الوقت ويعطي عمر أطول

وكل الي نصحتهم وركبوا ما تحسفوا

وتقبل الله طاعتك مقدما ولا تنسانا بالدعاء الطيب

وسامحونا على الاطالة ،،،،،،،،

 

[BADR-1]

حبيبي ركب صيني من افضل الانواع عند الشريطيه حق البيع قوه سرعات عالية فوق ال 700km عمره الافتراضي اسبوع بالكثير

 

[sjl71]

الاخ بدر

نمشي على الرنق او على تواير صينيه نفس الشيئ

بس طرنبة الهونداي في افضل منها

طرنبة ماء روبن 3 انج بشرط تكون هندل

هههههههههههههههههههههههه

 

[BADR-1]

ههههههههههههههههههههههههههه حلوة منك مايصلح روبن هندل هم يبيلة بانزين خذلك سطل وفي بانزين مع مقطاش وصب بالكبريتر صب وكل مايقولك السايق زيد السرعة شد حيلك لا تنسي خذ معك مهفة المكينة حارة وكل 10كيلو تشيك علي التواير الصيني لا ينصلخون من السرعة هههههههههههههههههههههههههههههههههههههههه مع تحياتي اخوك وكيل هونداي بالخليج