*&^% موضوع .. كريه للأسف .. $%^&*

الموضوع في 'إستراحة المنتدى' بواسطة yoyo1983, بتاريخ ‏29 أغسطس 2008.

  1. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    السلام عليكم ورحمة الله وبركاته ،،،


    بتكلم هالمرة عن موضوع .. كريه للأسف .. ولكن نواجهة بحياتنا العامة وممكن يكون فينا بعد .. وهو البخل ..


    - هل معقولة الانسان ممكن يكون بخيل وجعص بدون لا يحس بعمره !!

    - أم هو يحس بالاساس .. وأصبحت صفة جزء منا .. وتأقلم بها و لا يمكنه العيش بدونها .. !!


    هل هالصفة ترتبط بأن الشخص شايف خير أو لاء !! .. ممكن وغالبا إي ...


    انزين لكن في ناس دخلهم محدود ... وناس البخل مو من صفاتهم أبدا .. كريمين إلى أبعد الحدود ... لدرجو يبدون الغير على نفسهم

    إذن هي مربوطة .. بالشخص وتفكيره .. وعلى أسلوب تربيته والحياة اللي عاشها ... ومستوى رقيه ....


    والناس أنواع :


    - النوع الأول : شخص مدلل نفسه على الآخر .. لكن القاعدة عنده ( أن فلوسي لي انا وعلى نفسي انا .. اما غيري ما اطلعهم إلا إذا لي عنده مصلحة )

    هذا الشخص مشكلة والله وخطر على اللي حواليه ... وصعب اكتشافهم لان اللي يشوفهم كاشخين يقول عنهم ...... أبو الكرم والعز ..


    بس لما يتعاشر أعوذ بالله ... كلا ماله شغل ... حتى على اخوانه وأمه وأبوه !!


    وأذا تزوج أو تزوجت ... الله يعين الطرف الثاني عليه .. صج معاناة :/


    وهالنوع ممكن يحب التشيحط .. يعني تطلع فلوسه بس هااا ... مو جذي بعزأه ... تطلع بعد تخطيط وتكتيك ... علشان يلفت انتباه ... او يوصل لشي معين ..


    يعني لاحظوا بخيل على أهله .. بس في احتمالات كبيرة .... يكون العكس مع الغرباء !!



    - النوع الثاني : شخص بخيل على نفسه وعلى غيره .. أعوذ بالله ( والمشكلة عنده فلوس بس مخليهم على قلبه ... وبس يطالع غيره .. )


    ليش نتعب ونشتغل ونحصل الفلوس .. والفلوس صارت عندنا ليش .. علشان تنصرف .. صح وإلا لاء !!


    يعني شنو توفير ...!! اوكي توفير عليك بالعافية ...


    لكن مو على حساب ربعك او رفيجاتج او الاهل والناس اللي حواليك ...


    سوالف اللي كلا ما عندي خرده ...!!


    وإلا تعيش مرتزقة .... كلا على حساب غيرك ... ترى عيب ..


    ووايد تصير ان شخص معروف أو معروفة بهالصفة الخايسة .. الواحد يطوف مرة مرتين لكن بعدين لازم ينقط بويه .... والناس تتحاشاه ... وبس يمشي .. الناس تتكلم من وراه .. وتتطنز وتتعجب !!

    جنه غيرها البنك المركزي لها ..!!


    وهالنوع عنده كارثة ... إذا عزم أحد ... تحوشه سخونة ...


    وإذا مرة سواها .... يظل يذكر الشخص فيها طول عمره ... !!

    وهالأشخاص عمرهم ما يبدون ... يعتبر شي مستحيل ..


    وإذا حصل وشروا سيارة ... كلا صافطة بالقراج ..!! لالا ما اقدر اروح فيها الخيران !! لالا ما اقدر البر !! لالا ..... وجان زين روزريز والا فراري ..


    يعني وايد يمرون علينا هالأشخاص وترى يعني حركاتهم مكشوفة .... ولا إذا سافرت معاهم ..... يييييييييييو ... يحوشك اضطهاد نفسي ..


    و من ناحية الموبايل .. سوالف بو رنة ... عندها رصيد وقاصة علينا ...!! والمشكلة اهي اللي محتاجة .. يعني بقاحة ..!!

    وإذا دقيتي من البيت ما أشيله أخاف يحسب علي .... !! ( لو كروت نقول يمكن المشكلة فواتير !!)


    أو مثلا انتي نازلة مكان تبين تشترين شغله معينة .. والملقوفة اللي يمج قالتلج : يبيلي معاج ... كيت وكيت وكيت ...لحظه ... لحظة !! ( وجان زين تعطي فلوس لأن من الأدب )


    يعني ماكو ذرابة ... ماكو أصول ... اوكي انا كريمة وأدفع ... بس ما تستغليني ..!!


    آنا اعزمج إيه .... بس مو انتي تعزمين روحج .. بالله انا مو عاملة حسابي !!

    المشكلة الناس تفهم الميانة ... غلط !! يعني احنا ميانة خلاص السنع ماله مكان بينه ...!!

    لا حبيبتي اذا انتي ما تعرفين السنع غيرج يعرفه ...


    وهالأشياء تتكرر بين الشباب وبكثرة لان غالبا .. البنت أذرب : )


    موقف صار واتوقع يتكرر حق كذا شخص :


    عمركم شفتوا وحدة سنعة .... متعودة رفيجاتها يعزمونها ...

    اتييب وحدة تصير لها .... وتقول وبكل قلة أدب ووقاحة جدامهم

    وتسأل اللي معاها : شنو تبين تطلبين قولي عادي ترى يدفعون .... !!

    ( يعني اشكره ... انتو طوفة هبيطة ... انا مستغلتكم .. وانتوا عادي تدفعون من غبائكم !! )

    وانيي حق الهدايا .... ( عاد هاذي وايـــــــــــــد)


    تقدرين شخص مو بس بهدية إلا بهدايا ..... وهو يا مـــــــــــــال الفقر ... ولا يطلع منا عود .... قطيـــــــــــــعة صج ماكو أحساس ....

    الواحد اوكي لما يعطي هدية .. مو مردودة ... لكن مسألة ذوق وأحساس ..


    وإلا انتي تذبحين عمرج على هدية شخص ..... ولما اتيي مناسبة ... إلا الهدية من ما ادري أي سوق داثر ... جنها تقول زين طلع مني شي يمعوده !!



    - وفي نوع ثالث : الاشخاص اللي خلقه مسبهين... وكلا مفهين .. ما يستوعبون بسرعة بس مو بخيلين يعني .. ( والدنيا تعلمهم )


    الله نهانه عن الاسراف عدل .....لكن أمر بأن الواحد يطلق فلوسه دام عنده فلوس يشتري اللي بخاطره ... ويتصدق ويزكي ... والله راح يبارك بفلوسه اكثر واكثر


    قال تعالى: ((ها أنتم تُدعون لتنفقوا في سبيل الله فنكم من يبخل، ومن يبخل فإنما يبخل عن نفسه والله الغني وأنتم الفقراء)) (محمد: 38).


    وقال تعالى: ((الذين يبخلون ويأمرون الناس بالبخل، ويكتمون ما آتاهم الله من فضله، واعتدنا للكافرين عذابا مهينا)) (النساء: 37).


    وقال تعالى: ((ولا يحسبن الذين يبخلون بما آتاهم الله من فضله هو خير لهم بل هو شر لهم سيطوقون ما بخلوا به يوم القيامة)) (آل عمران: 180)

    وفي صحيح البخاري قبل حجة الوداع في قصة البحرين حديث جابر { أن النبي صلى الله عليه وسلم وعده ليعطيه من مال البحرين فلم يخرج حتى مات فذكر لأبي بكر ثلاثا فلم يرد عليه فقال إما أن تعطيني وإما أن تبخل عني , فقال : قلت تبخل عني وأي داء أدوأ من البخل ؟ قالها ثلاثا ما منعتك من مرة إلا وأنا أريد أن أعطيك } رواه أحمد ومسلم

    البخاري وعن أبي هريرة مرفوعا { السخي قريب من الله قريب من الناس قريب من الجنة بعيد من النار , ولجاهل سخي أحب إلى الله من عالم بخيل } رواه الترمذي




    يعني في ناس ما يغيرون جهازهم أو سيارتهم أو شي من أغراضهم ..... إلا لما تشتكي عليهم بالمخفر .. !!


    أعوذ بالله ... أعوذ بالله ... من البخيل ...

    ثلاث البنت ما تبيهم بالريال ... ( العصبي – البخيل – واللي عيونه زايغة )


    إحنا كويتيين ... وديرتنا خير ... ومعروفة بالكرم على شعبها وغيرها .... وأميرنا الشيخ جابر الاحمد الصباح الله يرحمه ويغمد روحه الجنة ... مثال للكرم .... وإن شاء الله بظل الشيخ صباح الأحمد الصباح .. الكويت كريمة وعايشة بكرم .. قولوا آميــــــــــــــن .. ولو جنا ....لا ماكو شي !!


    واتمنى كل شخص يحسب تصرفاته ... وما يغث اللي حواليه ..


    وبالتوفيج
     
  2. RomanticLove

    RomanticLove موقوف

    التسجيل:
    ‏3 يوليو 2008
    المشاركات:
    603
    عدد الإعجابات:
    0
    مكان الإقامة:
    K.u.W.a.i.T
    شكرا اختي ..
     
  3. man.vip

    man.vip عضو نشط

    التسجيل:
    ‏9 ابريل 2008
    المشاركات:
    2,135
    عدد الإعجابات:
    0
    مكان الإقامة:
    الكويت
    جزاج الله خير
     
  4. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy


    العفو

    :)
     
  5. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy


    شكرا على المرور
     
  6. بوالعيس بيك

    بوالعيس بيك عضو مميز

    التسجيل:
    ‏29 يوليو 2008
    المشاركات:
    6,310
    عدد الإعجابات:
    831
    مكان الإقامة:
    الدعيه
    السلام عليكم

    والله أنا أشوف أنج طبيتي فيني ..انامن النوع الأول بخيل حدي..

    ماأقط دينار علي غيري..فلوسي لوحدي تحويشة عمري..

    وأحب أقولج بعد رفيجي الغبي اللي مأذيني ..هم بعدنفسي وماتزوج

    والسبب يخاف زوجته تاخذ فلوسه..

    اناأقول مافيهاشي ان الواحد يصرف علي نفسه وبس..شكرا
     
  7. RomanticLove

    RomanticLove موقوف

    التسجيل:
    ‏3 يوليو 2008
    المشاركات:
    603
    عدد الإعجابات:
    0
    مكان الإقامة:
    K.u.W.a.i.T

    اخوي غلط جذي شنو ماخذ من الفلوس!! .. وارفيجك غلطان انه يخاف زوجته تاخذ الفلوس لوووووووووووووووول بعد زوجته شنو المشكله اذا خذت الفلوس مو وحده غريبه .. يعني الحين اغلب المشاكل الزوجيه انه الزوج مايصرف ولا يهتم بزوجته وهذا اكبر غلط .. بالعكس مافيها شي لو حطيت راتبك كله بأيدها ومو عيب بالاخير هذي زوجتك .. بس للاسف عندنا اهني بالكويت الي يهتم بزوجته ويحبها ويحس فيها ويساعدها ويكون وياها علطول بكل شي يقولون عنا (( سكان مرته )) يطالعونا بنظره سلبيه المجتمع .. بس انت حاول انك ماتهتم بكلام الناس .. وانت بعد حاول ماتقصر على نفسك اي شي بخاطرك اشتريه .. مو بس بخاطرك .. بخاطر اهلك ارفيجك زميلك بالعمل .. مافيها شي حاول انك تكون طيب معا الكل .. واهم شي تتصدق كل شهر لو بمبلغ بسيط .. تحياتي :)
     
  8. بوالعيس بيك

    بوالعيس بيك عضو مميز

    التسجيل:
    ‏29 يوليو 2008
    المشاركات:
    6,310
    عدد الإعجابات:
    831
    مكان الإقامة:
    الدعيه
    السلام عليكم


    أوووف شهالكلام صداع قوي حاشني ..تبيني أحط فلوسي بيد زوجتي

    أأأأخ ..بطني قام يرجف وجسمي صاربارد وظلمت الدنيا مادري ليش..

    وبعد بيقولون عني سكانه مرته انا أخرته يقولون عني جذي ..

    مستحيل ماراح أتغير ولابدفع دينار علي غيري انا وبس هذي فلوسي

    أصرفهاعلي وناستي ..ورفيجي الغبي اللي انا مبتلش فيه ..اذا تزوج

    وصرف علي زوجته بتركه وماراح أماشيه ..أما الصدقه هذا الشي الوحيد اللي أسويه ..لأن طاعه لله عزوجل..

    وشكرا.
     
  9. BMW2007

    BMW2007 عضو جديد

    التسجيل:
    ‏17 مايو 2006
    المشاركات:
    2,293
    عدد الإعجابات:
    1
    لاتحطون فلوسكم بيد حريمكم ولاشي...........وربي مايحفظونهااا
    ...........................................................................................مجرد مشااركه

    بالنسبه للبخل..

    انا عنيت من واحد من الشبااااااب الله يهديه في الدوااااام وربي مايطلع الفلس
    ان طلبنا مطعم تناقزنا لاجل ندفع وهو جالس
    هي مره مرتين امنه بالله بس وربي انه اول شي ماعندها التزامات ومعاشه اكثر منه
    وفوق هذاا ان يغا يطلب لمطعم يطلب لعمره شرايكم فيه هذا
    وشنو الحل....
    (( اتركوا حل اني ما اعزمه ولا شي))
    ابي حل ثااني
    وتقبلو تحيااااااااااااااتي
     
  10. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    وييييييييييييييع ماحب البخل والبخيلين يكافينا الشر :D
     
  11. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy


    لووووووووووول

    الله يزييييييييد فلوسك ان شاء الله

    واحترم \اختيارك في صرفك على نفسك بس انا قاعده اقووول عن الانواع

    :)

    شرفني مرورك
     
  12. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    ماكو حل الا تطلب من المطعم بأسمه وتوهقه عشان يدفع
    :)
     
  13. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy


    :) :)
     
  14. ناصر الخالدى

    ناصر الخالدى عضو جديد

    التسجيل:
    ‏29 يونيو 2007
    المشاركات:
    1,413
    عدد الإعجابات:
    0
    مكان الإقامة:
    الكويت
    جعص ههههههههههههههههههههه
     
  15. الأرستقراطي

    الأرستقراطي عضو نشط

    التسجيل:
    ‏17 أكتوبر 2007
    المشاركات:
    7,178
    عدد الإعجابات:
    12
    مكان الإقامة:
    OKBK
    شكرا لأثارة الموضوع ،،، هذي الصفة آنا مو بس ما أحبها و أكره صاحبها خصوصا اللي الله معطيه ،،، على الاقل البخيل الفقير أو اللي على قد حاله هذا ما ألومه ،،، لكن أعرف واحد عنده عمارات بالفروانية مسطرهم تقول مشط ،،، أكيد عرفتوه ،،، تصدقون مره رفيجي تأخر اسبوع بدفع الايجار و لا الاخ صاحب العمارات جايله شخصيا ( يقوله وين الاجار ؟؟؟ )
     
  16. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy

    :) :)

    صج كلمه كويتيه
     
  17. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    لا حول ولا قوة الا بالله

    هذا مرض والله الله يشفيييه منه
     
  18. تفاح بوفسيوه.

    تفاح بوفسيوه. عضو جديد

    التسجيل:
    ‏29 أغسطس 2008
    المشاركات:
    29
    عدد الإعجابات:
    0
    مرحبتين

    أهلا بالشباب الزين..

    بصراحه جذبني الموضوع وبما اني أفكر اذا أنا موجود..وبمااني موجود

    اذا بقول رأيي البخل شين بلاشك ..ولكن أحيانا وبحدود العقل يكون مفيد

    والكل عارف توفيربعض المال ضروري لليوم الأسود ..لاأراكم الله.

    فاذا لابد من بعض البخل للمصلحه ..

    اختنا سويت ليلي ..موضوعج جيد..
     
  19. nestla

    nestla عضو نشط

    التسجيل:
    ‏20 ديسمبر 2007
    المشاركات:
    1,618
    عدد الإعجابات:
    0
    ما في ابيخ من هالصفه ,, الله لا يبلانا
     
  20. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy

    الحلوه البخل للمصلحه :)

    الله يعطييك العافيه على مرورك