دورة المؤشرنت للتحليل الفني
50 دينار كويتي
السلام عليكم
سبحان الله ....
اكثر شعب في العالم يطلع الاشاعات والاسباب ويصدقها .
أخوي بوش أنا ريال عملي والأمور النظرية ماتهمني وايد مثل ما قلت لك للأستئناس والمساعدة في أتخاذ القرار , وأنت معطي سوق الكويت أكبر من حقه , الرهن العقاري , الأنتخابات الأمريكية , أسعار النفط والدولار , ما أقولك أن ما لها تأثير , تأثيرها بسيط ووقتي وذلك لأستغلال التجار لهذه الأخبار لتصريف والتجميع , كم رئيس تغير وكم حرب قامت وكم مرة أرتفع النفط ونزل , وهذه سوقنا ماتغير , وسالفة الرهن العقاري , هذه سالفة صار لها سنين ماهي وليدة اليوم , أشمعنا ألحين .كلامك 100% غلط حجي والسوق الكويتي ماشي مع التحليل, في نقاط دعم ومقاومه للمؤشر, أشجعك على انك تقراها قبل لاتكتب ردك. مايصير محللين ويدرسون وحالتهم حاله وتيي انت تقول السوق الكويتي مضاربي ومزاجي وتحاليلهم يستأنسون فيها بس
التحليل الفني اساس من الأسس في جميع اسواق المال, ومافي سوق مايمشي على التحليل الفني
أنا أعتقد أن من أسباب نزول البورصة القوي أمس واليوم , الزكاة , بعض الصناديق والمحافظ و التجار الكبار يزكون عن أموالهم وأموال المساهمين , والعادة زكاتهم تحل في رمضان , ويحسبون سعر السهم في أول يوم من رمضان , علشان يكسرون حساباتهم لأخراج الزكاة المستحقة سواء مشتثمر أو مضارب , وتخيل أشكثر يوفرون إذا نزلوا سعر السهم بالقاع , منها مبلغ زكاة أقل , ومنها يلم السهم برخيص ويرد يصرفه عليك بالعالي , جذي ضرب عصفورين بحجر واحد . والله أعلم
وله شرايكم؟؟؟؟؟؟؟؟؟؟؟؟؟؟
أخوى الله يعطيك على قد نيتك
باين إنك طيب زياده عن اللزوم
اخوى الداو جونز ليش نازل ونكاى هم عندهم زكاه اموال
الاسواق العالميه واحد قاعد يجر الثانى لى تحت
اسمع الكلام عدل وترك عنك القيل والقال السيوله قاعده تنسحب من اسواق الخليج بشكل منظم راقب الاسواق الخليجيه راح تشوف نفس النمط
عن قريب على شاشه سوق الكويت للاوراق الماليه اسهم تحت 100 فلس
أشكرك أخوي Q8 Stock على المداخلة , بس هل خروج مورغان ستانلي من بيت التمويل الخليجي سبب هذه السقوط الحر حق السوق ؟؟؟ , وهل تعرف سيولة أجنبية أخرى خرجت من السوق , أما قضيت الرهن العقاري صار لها سنين , أشمعنا ألحين مع أن الدولار مرتفع هالأيام , أما بخصوص الأسواق العالمية , ياما أصعدت هذه الأسواق وسوقنا نازل , وياما أنزلت وسوقنا صاعد , التجار والمحافظ يستغلون هذه الأخبار لتجييرها لمصلحتهم ومزاجهم , أما كتأثير مباشر فما أعتقد , إذا تذكر العام الماضي في يوم واحد تم التداول على مليار سهم لشركة زين ويومها كان سعره (ماأتذكر بس أعتقد فوق الثلاثة دنانير) يعني تقريبا ثلاثة مليار دينار , وما تأثر السوق بالعكس كان صاعد .اتفق مع الاخ بيل غيتس
في خروج للسيولة الاجنبية من المنطقة
ليس هروب ولكن لتغطية خسائر الشركات نتيجة الرهن العقاري
اكبر دليل خروج "مورغان ستانلي" من بيت التمويل الخليجي..!!
بنوك امريكية ضخمه قاعده تتصفى لهذه الاسباب
اليهود ما عندهم زكاة
لأ أخوي مو معقولة , وذكرت أنه أحد الأسباب للنزول وهناك أسباب كثيرة غيره وكل سنة لها خصوصيتها , والتجار وأصحاب الصناديق كل سنة يطلعولك ببدعة جديدة , شنو المانع , الله يعطيك العمر أن شاء الله ويا ما راح تشوف .يعني معقولة كل سنه برمضان ينزل السوق !!!
مااذكر ان رمضان 2007 صار جذي ونزل السوق .
شنو تقصد يا مستثمر كويتي , أن اصحاب المحافظ والصناديق والتجار يهود وما يخرجون الزكاة , إذا كان هذه قصدك فقد ظلمت نفسك وما يجوز أخوي الكريم أن تخرج المسلمين من ملت الأسلام وتكفرهم حتى لو كانت عندهم أخطاء , الله يهديك أنشاء الله
منو قالك أخوي أن المحفظة ولا الصندوق راح يبيع أسهمه أنا قلت ينزل سعره وأنت الي راح تبيع وهو إلي راح يلم , تقولي شلون , أقولك طالع عمرك , ماعندك خبرة كافية بالسوق لأنه هذه الطريقة شائعة والكل يستعملها , بكل بساطة يعرض كميات كبيرة ولا يطلب , أتيي أنت وغيرك تشوف الطلبات والعرض تخافون وتقطون بأي سعر , فينزل السعر وهو قاعدلك تحت ينطرك ويلم , وبعدين تقول إذا نزل ما تسوى العنوة , اسمحلي أقولك إذا ضربت هالكم فلس إلى تقول عنهم شوية بالملايين إلي عندهم , تشوف الفرق .معذرة
موضوع الزكاة بعيد جدا جدا ، هل يعقل محفظة أو صندوق حريص أصلا على أداء الزكاة يسعى لتقليل قيمته السوقية عن طريق بيع أسهمه بسعر أقل تفاديا لدفع زكاة أقل؟
الصراحة شي مسغرب وغير معقول كذلك ؟
هالأسهم اللي باعها واشتراها غيره سواء محافظ أو صناديق أخرى أو غيرهم إذا كانت تسوى هالسعر فمعناه البائع الأول مغفل وخسران ، لأنه سيرجع يشتريها مرة أخرى بسعر أغلى ، والمستفيد البائع الثاني ، ثم النسبة المحسوبة للزكاة بسيطة جدا جدا لا تسوى هذا العناء والمغامرة ثم بعد ذلك دفع أموال بسعر أعلى
مثلا اللي باع تمويل الخليج أمس علشان الزكاة ب 790 أو 780
واليوم اشتراه مرة أخرى ب 810 أو 820
هذا نسميه مغفل وأحمق وسم ما شئت ، وتعرف ذلك بحسبة بسيطة
أنا الصراحة كنت أظن الطرح من باب الدعابة ، أم غير ذلك فهو بعيد جدا جدا ، والله الموفق ، والحافظ لنا من كل شر .
شلونك انتأنا أعتقد أن من أسباب نزول البورصة القوي أمس واليوم , الزكاة , بعض الصناديق والمحافظ و التجار الكبار يزكون عن أموالهم وأموال المساهمين , والعادة زكاتهم تحل في رمضان , ويحسبون سعر السهم في أول يوم من رمضان , علشان يكسرون حساباتهم لأخراج الزكاة المستحقة سواء مشتثمر أو مضارب , وتخيل أشكثر يوفرون إذا نزلوا سعر السهم بالقاع , منها مبلغ زكاة أقل , ومنها يلم السهم برخيص ويرد يصرفه عليك بالعالي , جذي ضرب عصفورين بحجر واحد . والله أعلم
وله شرايكم؟؟؟؟؟؟؟؟؟؟؟؟؟؟
السوق كان متضخم بواقع 1600 نقطة والنزول كان لازم يكون
كلامك عدل يا السليطي , المؤشر السعري عمره ما عكس واقع السوقلو ان المؤشر السعري يتفسخ حاله حال الاسهم
جان الحين بهالاسعار الحالية يقدر بـ 8000 نقطة بس والا اشرايك ؟؟؟
ليش انقول المؤشر السعري متضخم واسعار الاسهم كلها تقريبا تعتبر بالقاع
وجهة نظر ارجو التعليق عليها يا بوسالم
موفق خير يا خوي
أهلا يا دكتور م , كنت أتمنى لو عطيتنا رايك وخلنا نستفيد منك , محد معصوم من الخطأ وكلنا نتعلم يا دكتور , أحسن وايد من أنك متعب نفسك ومشترك بالمنتدى بس حق الطنازة , وصدقني أنا فرحان أن موضوعي شدك وخلاك تدخل , حتى لو أتطنزشلونك انت
دورة المؤشرنت للتحليل الفني
50 دينار كويتي