لأهل الخبره ... أبي حل حق سيارتي

الموضوع في 'اعلانات المركبات' بواسطة بترولي نشط, بتاريخ ‏9 سبتمبر 2008.

حالة الموضوع:
مغلق
  1. بترولي نشط

    بترولي نشط موقوف

    التسجيل:
    ‏4 أغسطس 2008
    المشاركات:
    561
    عدد الإعجابات:
    0
    السلام عليكم

    يعطيكم العافية اخواني ...

    بصراحه عندي بليزر موديل 2005 محيرني

    مره كنت مسافر فيه وكان زين وشغال عدل ويوم رجعت الكويت ووصلت عند البيت صفطته وخليته شغال شوي بعدها في شي مبط اتوقع الراديتر وقام ينكت منه ماي الراديتر كله وعقبها قامت ترتفع الحراره وديته الوكاله وبدلولي ( الراديتر , المروحه , وكلج المروحه , طرمبة الماي , الترمستات ) وكل شوي داقين علي نبي مبدل كذا وانا علي نياتي بدل وغير ويوم طلعته علي طول شلت دبة التلوث وفوق كل هذا ليلحين حراره ويوم ارجع الوكالة يقولي اغراضنا سلميه واذا تبي نسويلك فحص اخذ منك 40 دينار حسيت انهم نصابين بس فوديته بره ومحد عارف مشكلته .... وبصراحه ما ادري شنو السبب لاني مبدل كلشي ماعدا الراس والقازقيت ما بدلتهم

    والحراره ماترتفع علي طول ترتفع اذا كنت واقف بمكان زحمة او اشاره اما اذا مشيت فيها تطيح الحراره وطبعا الحراره وصلت معاي ثلت ترباع واحس انها تطوف .. فطالبكم ابي حل

    وجزاكم الله خير
     
  2. w_e_e_b

    w_e_e_b عضو نشط

    التسجيل:
    ‏18 يونيو 2008
    المشاركات:
    247
    عدد الإعجابات:
    0
    اقول هذا يمكن الراس عشان تعرف اذار الراس خل السياره شغاله والحراره طايحه وبطل غطاء الراديتر واذا طشر يعني الراس بس انته بدلت كل شي يتعلق بالحراره موضوعك بالمكينه بعدين انصب وكاله الغانم عسى الله لا يبارك فيهم انشالله
     
  3. بترولي نشط

    بترولي نشط موقوف

    التسجيل:
    ‏4 أغسطس 2008
    المشاركات:
    561
    عدد الإعجابات:
    0
    مشكور علي تواصلك وعساك علي القوه إنشالله , بس ياخوك سمعت اذا الراس تكون السياره 24 ساعه الحراره فل وهم اذا مشت ول واقفه السياره يكون العداد فل وبيني وبينك ما ابي ابدل الراس وبالاخير تطلع المشكله مو منه لانه مثل منت عارف الراس يكلف ,

    وعلي فكره الماي عندي يغلي بعض المرات اسمع صوت بمطارت الماي وعقبها اشوفه يغلي وبعدين عندك المكان الي ينحط منه ماي بالراديتر ما ينفتح ومشدود حيل لازم تيبلك جلابتين علشان تفتحه ويوم سالت عن هالنقطه قالولي هذا معناته الراديتر فيه هوا

    وشكرا ...
     
  4. alhajeri

    alhajeri عضو جديد

    التسجيل:
    ‏10 أغسطس 2008
    المشاركات:
    89
    عدد الإعجابات:
    0
    اخوي الحراره فل ولا ترتفع وتنزل
     
  5. بترولي نشط

    بترولي نشط موقوف

    التسجيل:
    ‏4 أغسطس 2008
    المشاركات:
    561
    عدد الإعجابات:
    0
    ترتفع وتنزل

    تنزل مع المشي
     
  6. alhajeri

    alhajeri عضو جديد

    التسجيل:
    ‏10 أغسطس 2008
    المشاركات:
    89
    عدد الإعجابات:
    0
    شرايك ادق علي عشان افهمك6444589
     
  7. w_e_e_b

    w_e_e_b عضو نشط

    التسجيل:
    ‏18 يونيو 2008
    المشاركات:
    247
    عدد الإعجابات:
    0
    حبيبي ماتشوف شر تروح حق الحيوانات محشومين ( الوكاله ) وقوله يوم ركبت الكلج المروحه برمجته ليش اتبقبق دش بخشمهم والله تاخذ حقك بس خلو الحيه اشوي ياجماعه كلونه الحراميه
     
  8. I T C

    I T C عضو نشط

    التسجيل:
    ‏24 يناير 2006
    المشاركات:
    2,302
    عدد الإعجابات:
    0
    مكان الإقامة:
    الكويت.القيروان
    اخوى سؤال جوهرى هل الماى ينقص اذا جاوبتنى راح اقولك العله لانى انا نفس مشكلتك وماخليت مكان مارحتله اخر شى عرفت العله.........
     
  9. بو سلطان_

    بو سلطان_ عضو جديد

    التسجيل:
    ‏9 يونيو 2008
    المشاركات:
    313
    عدد الإعجابات:
    0
    مكان الإقامة:
    kuwait
    وده للصناعيه وريح بالك :)
     
  10. بترولي نشط

    بترولي نشط موقوف

    التسجيل:
    ‏4 أغسطس 2008
    المشاركات:
    561
    عدد الإعجابات:
    0
    مشكور اخوي علي تبادرك الطيب في مساعدتي ويعطيك العافيه ..

    وانشالله بدق عليك بس قولي متي تكون فاضي علشان ادق

    وشاكرلك
     
  11. بترولي نشط

    بترولي نشط موقوف

    التسجيل:
    ‏4 أغسطس 2008
    المشاركات:
    561
    عدد الإعجابات:
    0
    رحت ياخوي وفحصوها علي علي السريع واكدلي ان كلج المروحه زين وشغال 100 %

    ورحت حق احد الكراجات الي بره وقالي المشكله من كلج المروحه وقلت عن الشكه خل ابدله وبدلته معني كنت قبلها بجم يوم مبدله بالوكاله بس قلت يمكن عيب مصنعي وهم ماكو فايده

    اي والله حراميه ... دخلت علي مسؤلهم الفلسطيني .. جان يقولي انصحك تسويهاا بره :confused:

    لان عندنا بتاخذ وقت وبندفعك فلوس زياده معني والله كنت قاطه عليها واهي عندهم فوق ال 500 دينار , وبصراحه مشيت لاني ادري انهم نصابين

    مشكور علي مرورك

    تقبل تحياتي
     
  12. بترولي نشط

    بترولي نشط موقوف

    التسجيل:
    ‏4 أغسطس 2008
    المشاركات:
    561
    عدد الإعجابات:
    0
    مشكور علي مرورك اخوي

    لا الماي ما ينقص مثل ما اهوو

    وجزاك الله خير ... علي مساعدتك
     
  13. بترولي نشط

    بترولي نشط موقوف

    التسجيل:
    ‏4 أغسطس 2008
    المشاركات:
    561
    عدد الإعجابات:
    0
    شدعوااا ما رحت , رحت وفريت صناعية الشويخ والفحيحيل , اغلبهم يقولولي ما ندري لانك انت مبدل كل شي ما بقا الا الراس والراس اذا كان فيه شي الحراره المفروض تكون فل .. يعني تعقدو وعقدوني وياهم

    و مشكور علي تواصلك
     
  14. بور-صا

    بور-صا عضو نشط

    التسجيل:
    ‏8 يونيو 2007
    المشاركات:
    4,112
    عدد الإعجابات:
    0
    مكان الإقامة:
    حَيْثٌ يَآِمُرُنِيْ آٍلْشُوُقْ
    اخوي يمكن يكون قازقيت خفيف عندك من الراس مشعور عشان جذي ترتفع الحرارة عندك من وقت لي وقت ...لكن السؤال هل ينقص الماي من وقت لي وقت؟ واذا كان ينقص الماي من وقت لي وق اتوقع والله اعلم قازقيت من روس الماكينة تأثر شي بسيط من يوم انفجر عندك الراديتر او انت تكون مشيت عليها بدون ماي . والله يوفقك ان شاءلله وتلقى الحل مع الاسف هذي مشكلة الامريكي وخاصة السيارات اللي يستوردهم الغانم انا كان عندي تاهو نفس المشكلة ترتفع الحرارة وشبكت المروحة مع المكيف على طول ومو ملحقه المروحة على الحرارة اذا تميت فترة واقف ترتفع فوق النص .. ابعد عن وكالة الغانم وحاول تعرضه على وكالة بهبهاني يمكن تلقى حل ..والله يوفقك وبلغنا شيصير معاك . سلام
     
  15. I T C

    I T C عضو نشط

    التسجيل:
    ‏24 يناير 2006
    المشاركات:
    2,302
    عدد الإعجابات:
    0
    مكان الإقامة:
    الكويت.القيروان
    اخوى دام ماينقص الماى الراس مافيه شى تأكد 100%
     
  16. بترولي نشط

    بترولي نشط موقوف

    التسجيل:
    ‏4 أغسطس 2008
    المشاركات:
    561
    عدد الإعجابات:
    0
    مشكور ياخوك علي المعلومه الحلوه وانا اقتنعت بكلامك يمكن يكون منشعر شي خفيف

    جزاك الله خير و ما تقصر
     
  17. بترولي نشط

    بترولي نشط موقوف

    التسجيل:
    ‏4 أغسطس 2008
    المشاركات:
    561
    عدد الإعجابات:
    0

    مشكور ويعطيك العافيه وانا اتوقع مثل ما قال اخوي بورصا يمكن الراس منشعر شوي

    علي العموم الف شكر لك علي تواصلك الطيب
     
  18. kokokaka

    kokokaka عضو جديد

    التسجيل:
    ‏1 أغسطس 2008
    المشاركات:
    324
    عدد الإعجابات:
    0
    السلام عليكم كل عام وانتم بخير ؟ اخوي شوف مو شرط ينقص الماي اذا كان الراس فيه خلل الا اذا كان مشعور يعني فيه فتحه صغيره واذا صارت فيه فتحه راح تخلط مع دهن ماي او العكس واذا صار مشعور الراس راح يدخل ضغط البستن على دائرة الماي وراح تشوف الماي يطلع من الراديتر اذا فتحته ؟ لان الماي له سكه والدهن له سكه واحتراق البانزين مع الهواء المخلوط له سكه ثانيه داخل المكينه ؟وهذا الشي مو موجود بسيارتك وعلى شان جذيه ممكن يتاثر الراس فقط مندون ما يصير فيه فتحه يعني باللغه المكانكيه الراس طابق على السلندر يعني المسافه بين الراس والسلندر صارت صغيره ؟ سيارتك تقدر تفحصها بطريقه بسيطه جدا شوف اخوي ؟ فى اي وقت تكون السياره بارده جدا جدا يعني على الاقل يوم كامل توقف ؟ وقبل لاتشغل السياره افتح غطاء الراديتر على شرط يكون الماي لى بالراديتر فل طالع بره تقدر تشوفه وخل واحد ثاني يشغل السياره اذا نزل الماي داخل الراديتر مو بره اكرر داخل الراديتر يعني تحس جن الماي نقص ؟ هذي الحركه ثواني فقط اكرر ثواني فقط اول مايشغل السياره ثواني فقط يكون الراس عندك بدل قازقيت الراس
    واذا الماي قعد مثل ماهو سيارتك فيها شي ثاني غير الراس ؟ الفحص الثاني ( اي راس خربان فيهم )اخذ سيارتك على طريج طويل يعني7 كليلو على الاقل وبالليل حلوه بالليل ؟؟؟؟ والسرعه 160 وقف فى مكان مظلم ؟ وشوف المني فولت يعني الاكزوز لى على الراس فيه اثنين واحد يمين واحد يسار اذا كان لونه احمر ( يعني احمر من الحراره والسرعه ) والثاني لونه عادي يكون الراس لى صوب المني فولت الاحمر اهوه للى خربان واذا كان الاثنين لونهم عادي او متشابهين باللون سيارتك مو راس ؟ وسمحولي طولت عليكم وهذا لى حبيت اقوله من واقع الخبره البسيطه لى عندي ؟ مو جنه صارت قصة عنتر شطولها ؟ هذا وانا مختصرها ؟
     
  19. بترولي نشط

    بترولي نشط موقوف

    التسجيل:
    ‏4 أغسطس 2008
    المشاركات:
    561
    عدد الإعجابات:
    0

    بصراحه يا خوي والله تستاهل شهادت تقدير علي خبرتك الطيبه

    والله ماني عارف شلون أشكرك , جزاك الله الف خير وعساك علي القوه وعسي كل كلمة كتبتها لي الله يعطيك مكانها الف حسنه إنشالله

    وبالنسبه حق التجربية بصراحه سويت الي قلت عليه ونزل الماي تحت اول ماشغلت السياره مع العلم السياره صارلها اسبوعين تقريبا مو شغاله لاني مالي خلق اتوهق فيها بالطريقج , وفعلا الماي نزل تحت بعدين رد وصعد وانشالله انا بمشي علي كلامك وإنشالله بروح ابدل القازقيت وزين قريت ردك الطيب لاني الصراحه كنت ناوي ابدل الراس

    علي العموم لك مني احلي تحيه وشكر .....
     
  20. ahmedo smith

    ahmedo smith عضو جديد

    التسجيل:
    ‏2 مايو 2008
    المشاركات:
    324
    عدد الإعجابات:
    0
    اخوي ركب دبل مراوح واشبكهم مع بعض وشوف الفرق
     
حالة الموضوع:
مغلق