دورة المؤشرنت للتحليل الفني
50 دينار كويتي
أخوي assad لا تحاتي أنا ألحين ما عندي شي بالسوق كلها بعتها بس نبي نعوض ع الأسعار الحالية .
انطر اشوي لمن السيوله تدش انت دش معاهم ولمن ي“تي السوق اشارت دخول
السوق مو طاير لاتخاف
والدخول السريع اهو الي راح يطوف فرص عليك
والله يرزقك ان شالله
اخوي الغالي
الدخول راح يكون مفاجيء و مباغت
واتوقع الدخول بكره او بعد بكره كحد اقصى
وراح يكون فرصه للخروج
لانه راح ينزل بعدها نزول تاريخي
والله اعلم
لاتدخل وتشتري الحين انطر لما يتعدل السوق وتشوفه ثبت علي الاقل بعدها دش لاتندم مثل ماانا ندمت انا دشيت السوق يوم الاثنين الي فات طبعا كان حسبالي انى صايد الاسهم جان يصيدونى الحين مابي شي بس ابي ابيع حتى لو بالحد الادنى
وراح يكون فرصه للخروج
لانه راح ينزل بعدها نزول تاريخي
والله اعلم
لأن السوق رايح تحت
سبحان الله اللي بره وسالم متضايق خايف من رزق يطوفه
عيل شنو يقول اللي متغلغص ووده بالفكه ويتمنى لو يكون مكان اللي طلع ويتمنى لو كانت عنده نص شجاعه اللي طلع وطلع من فتره قبل لا يصير هالنزول
انا رايي خل يصعد السوق وتبين السيوله انها دشت
واشوف المقاومات قاعد تتكسر
ليش اخذ سهم واجازف وانا ادري ان طريجه تحت وما اشوف شئ قاعد يوقفه
انا مستعد اخذ سهم سعره الحين ربع دينار واخذه بنص دينار بس السوق فيه سيوله وبترند صاعد
ولا اخذ سهم 200 فلس والسوق نازل والسهم رايح حق المئه فلس
كأني اشوف اسعار 1997
كل ما شفنا اسعار بهذاك الوقت قلنا لؤطه
اتذكر اخذت سهم عربي قابضه كانت دينار اول ما نزلت واخذتها بنص دينار بدون تحليل ولا شئ مجرد توقع ، قلت ان رد السهم الى سعره دينار اكون انا دبلت راس مالي
بعته على 270 فلس وعقبها وصل السهم تحت الميتين ومن هذاك اليوم ما شاف النص دينار مو الدينار يعني لا تتوقع الاسهم اللي راح تنزل الحين راح ترد اسعارها ولكم في جيزان وغيرها من أسهم عبره
توقعي ان راح يكون عندنا سوق ثاني غير سوقنا هذا، يمكن نفس اسامي الاسهم بس اسعار ثانيه مو متعودين عليها، وراح يتغيرون اللاعبين من كبار وصغار وراح تتغير اللعبه كلها وراح تيينا مجاميع يديده تصعد، احتمال هالشئ يطول من سنه الى سنتين يعني على 2010 تبدأ دورة الصعود.
يمكن اكون متشائم بس لازم اكون حريص خاصه ان مرينا بسنة 1997 وإللي انقرص من الحية يخاف من الحبل.
هذا مجرد تفكير بصوت عالي من أخ يخاف عليكم ويتمنى ما يشوف بينكم خسران، والله أعلم
اخوي take over عندك فكرة لي وين النزول التاريخي ؟
شاكر لك
أخوي take-over
اذا صعد وين تفتكر بيوقف قبل هالنزول التاريخى ؟
والى وين هالنزول التاريخى الله يرحم والديك وهل هذا تحليل على أساس رأس وكتفين اللتى يتردد ذكرها عن المؤشر ؟
أخوي موج البحر@
أنا لو منك ما أدش الى أن يتأكد الارتداد 100% فكما يقولون ربح يطوفك ولا خساره محتمله .. وانت بكيفك طبعاً .
والله يا اخوي موج البحر الاسبوع اللي فات ذكرت في احدى مشاركاتي بانه راح نشوف اسهم يتم تداولها باقل من 100 فلس
و بالفعل اليوم تم تداول المستثمرون ب 99 فلس
وهذا يعني انه تم فتح باب التداول باقل من 100 فلس لبعض الشركات
وهذا يعتبر مؤشر خطير لوضع السوق
وراح تشوف اسهم باسعار خياليه و يعتبر سعرها صدمه لملاكها
الا الا الا
اذا دخلت سيوله قويه و مؤثره لرفع السوق
والله المستعان
دورة المؤشرنت للتحليل الفني
50 دينار كويتي