آراء وتعليقات الاعضاء عن سبب نزول السوق ليوم الاثنين

[mezkar]

ان ماوصل اليه السوق الآن يسمي تحقق الكارثه ومهما نزل سيكون في هذا الاسم فلا تستخدمو اسلوب التصحيح بعد اليوم ويجب علي اهل المؤشرات والتحليل الفني ان يلقو ماليهم منها في سله المهملات ويجب علي الحكومه ان تعلن عن تدخلها لمواجهه الكارثه وتعقد اجتماع تعلن فيه عن خططها لمواجهه كارثه حصلت

 

[دربيل]

لا اعتقد ان الحل هو تدخل الحكومة المباشر بالبيع والشراء
وهو في رابي مخالف لابسط اسس النظام الراسمالي الحر
الحل بوضع وتطبيق القوانين التي تمنع التلاعب وتنظم عمل السوق
الكل متأثر بما يحدث والكل متخوف من القادم
نسأل الله السلامة

 

[mezkar]

اذا لم تتدخل الحكومه غدا وتعيد الموازنه المطلوبه بين قوه البيع والشراء فنقول لكم جميع الاسهم سوف تتاسبق الي مولدها وهي قيمتها الاسميه نحن نعلم ان تدخل الحكومه غلط ولكن نحن الآن امام كارثه حصلت وليس تصحيج فقط انه كارثه حقيقيه حصلت واكبر من هذا ماذا بعد ولكن اتصور ان تدخل هيئه الاستثمار غدا السوق بقوه وسوف تشاهدون ذلك من خلال المواجهه التي سوف تثمر انشاءالله عن اعاده التوازن المطلوب بين العرض والطلب وسوف يظهر ذلك في المؤشر الوزني بصوره اكثر وضوحا هذا تصوري من حكومه رشيده تدير اي بلد ان تفعل ذلك غدا وألا سوقكم سوف يصبح سوف الهاويه

 

[دوم خسران]

النصب والاحتيال في الشركات التي تزيد رأس مالها ويجبر الناس على المشاركه في المساهمه بهذه الزياده ---- على الاقل يجب ان يكون هناك قانون يجبر الشركات على حماية حقوق المساهمين لفتره زمنيه محدده من بعد زيادة رأس المال والا ما الفائده من الاكتتاب بسهم 180فلس وبعد شهرين تشتريه الناس 150فلس كما هو حاصل في المتحده العقاريه أو تكتتب ب450 فلس والناس تشتريه الان 380فلس كما هو حاصل لسهم مشاعر وغيرهم كثير من المحتالين الذين يتسترون بالسوق والهبوط الحاصل
------------هذه الشركات تحس أنها هي المسيطره على القوانين تفعل ماتشاء وما تريد ولا حسيب ولا رقيب تقود المساهمين كالقطيع

 

[Doc30]

النصب والاحتيال في الشركات التي تزيد رأس مالها ويجبر الناس على المشاركه في المساهمه بهذه الزياده ---- على الاقل يجب ان يكون هناك قانون يجبر الشركات على حماية حقوق المساهمين لفتره زمنيه محدده من بعد زيادة رأس المال والا ما الفائده من الاكتتاب بسهم 180فلس وبعد شهرين تشتريه الناس 150فلس كما هو حاصل في المتحده العقاريه أو تكتتب ب450 فلس والناس تشتريه الان 380فلس كما هو حاصل لسهم مشاعر وغيرهم كثير من المحتالين الذين يتسترون بالسوق والهبوط الحاصل
------------هذه الشركات تحس أنها هي المسيطره على القوانين تفعل ماتشاء وما تريد ولا حسيب ولا رقيب تقود المساهمين كالقطيع

عدل كلامك . والخساره تصير خسارتين. خسارة سعر السهم وخسارة المشاركه بالاكتتاب

 

[kuwait1979]

هبوط قياسي اليوم لسوق الكويت للاوراق الماليه .


توقعت النزول لهذه الاسباب :

1. المؤشر في نرند هابط
2. اخر يوم لبيع الاسهم والاكتتاب في شركة زين .
3. معظم المحافظ والصناديق راح تبيع الاسهم التاليه
عشان تكتتب بشركة زين :
1. بيت التمويل الكويتي .
2. ايجيليتي .
3. الصناعات .
4. بيت التمويل الخليجي .
5. البنك الوطني .
6. كميات خفيفه من الاسهم المدرجه بالسوق .

يعني المساله تبديل مراكز لا اكثر ولا اقل .
لان على حسبتهم راح يطلع سهم زين ب 850
افضل من الاسهم الثانيه اللي ممكن تصعد معاهم
لكن ماراح تعطيهم ربح مثل زيادة راس مال زين المغري .

عموما النزول راح يبدا من اللحظه الاولى
لان المحافظ والصناديق راح تبيع من اول ثانيه
عشان تلحق وتلقى احد يشتري منها ولا تصير
فيهم حركة امس مثل ماصار في بيت التمويل عرض
بدون طلب . ( يعني توهقوا الجماعه )

ولا ننسى صغار المستثمرين اللي راح يبيعون باي سعر
اسهمهم عشان يغطون اكتتاب شركة الاتصالات الثالثه
عشان يستلمون شيكهم .
توقعي الاسهم الشعبيه اللي راح تنباع وهي :
1. بنك بوبيان
2. القرين بتروكيماويات
3. اولى وقود
4. السور
5. طيران الجزيره
6. مخازن ومجموعنها
7. الصفوه
8. جراند وتوابعها .


الخلاصه : السوق اليوم من اللحظه الاولى نزول قوي
ونصيحتي للي يبي يبيع وحاط براسه انه يبيع لاكتتاب
زين او الاتصالات الثالثه خل يبيع من اول دقيقه
واللي مقتنع بسهمه ويقول انها سحابة صيف خل
يقضب اسهمه وا شاء الله الارتداد قريب .

طبعا هذي وجهة نظر . ممكن اكون على خطا .

واتمنى اللي يقرا الموضوع يقولي :
صح ام خطا
تحليلي .

.​

 

[kuwait1979]

ان شاء الله اكون على خطا بس هذا
هو سيناريو السوق المتوقع
لهذا اليوم الاثنين .


( مــد الاثـــنـــيــــن الاحـــــمــــر )

.​

 

[Bo Saleh]

اخضر ان شاء الله

 

[kuwait1979]

ان شاء الله يا بو صالح .

بس شنو توقعاتك شنو راح يصير ؟

.

 

[kuwait1979]

هذا الخبر سئ للغايه
وخبركم ربعنا يبون الشاره :

الدولار ينخفض بحده امام العملات
بسبب اشهار افلاس شركة ليمن بدوزر .

والبنوك الاسيويه تفتح جلساتها بانخفاض حاد


يعني :

رحنا فيها يا الربع .

.​

 

[انطلق2]

دام هالكلام المصفف عدل يقول السوق نازل....أكيد العكس ان شاء الله.

 

[بو سلطان_]

اخضر بأذن الله واذا مو اليوم باجر والعلم عند الله سبحانه

 

[تفائلوا بالخير]

مع كثرة الاخبار السيئه راح يكون الارتداد كبير جدا وقريب ان شاءالله لاكن الحذر

​

 

[qwqw1]

حسبنا الله و نعم الوكيل على كل ظالم وسارق وناهب لأموالنا بغير حق يا خوى اخبارك هذى تشجع ها الظلمه بالبطش فينا ونهبنا

 

[بورش]

ترى في اسلوب للكتابه ياحجي, وكلنا ندري ان السوق في نزول ولا أحد يدري ارضه من سماه (دعمه من مقاومته), ولكن في ناس تكتب بناء على تحليل فني أو اساسي أو حتى ناس مقتصره تكتب على نظره تشاؤم, بس ماتكتب هالناس مثلك ياأخي!
هذي كلماتك الي كاتبها تبي تخرع فيها الناس مثلا ؟؟

هذا الخبر سئ للغايه

رحنا فيها يا الربع

مــد الاثـــنـــيــــن الاحـــــمــــر

واخرتها على كيفك سويته

هبوط قياسي اليوم لسوق الكويت للاوراق الماليه

يعني قصدك السوق اليوم بيقفل نازل اكثر من 400 نقطه؟ واكثر من المره الي طافت!

انا اقول امسك نفسك شوي, ترا الناس مو ناقصتك, وكلنا ندري ان السوق نزول, موضوعك شنو فايدته !! اكو واحد يقول بيعوا من اول دقيقه! يعني ناصحهم الحين ؟؟

 

[kuwait1979]

طبعا هذه وجهة نظري يا بورش .

وانا حددت الاسباب ووضعت التحليل الاساسي
لهذا اليوم فقط .

انا قلت بالنهايه اذا تحليلي خاطئ رد وقول تحليلك خاطئ

عموما اشكر كل من رد لكن اغلب الردود كانت عاطفيه نوعا ما
وليست بناء على تحليل فني او اساسي .

عموما الله يقدر اللي فيه الخير .

.​

 

[مبارك الهاجري]

السوق اليوم أخضر أو أحمر غير مهم ، خلاص شربت مروقها
قصدي
أهم من ذلك أنت يا خوي ، انتبه وتريث ، واذكر الله ، وشوف وضعك ، أنت أدرى من غيرك بحالك ، ودبر أمورك بما يناسبك ، واجتهد ، واسأل العون من الله عز وجل ، أنت ما دام دخلت السوق ، فأنت بقدر المسئولية ، ومثل ما أنت عارف ، السوق الآن أشبهه ب( حالة حرب ) ( وأحكام عرفية ) ، توقع كل شيء ، وتوقع الآن غير المتوقع ، سلبا وإيجابا
وعليكم بالدعاء والاستغفار
والله الحافظ بحفظه

 

[mo24mo]

السلام عليكم

هل تعتقد ان المحافظ توها تعرف باكتتاب زين

لا ولا باعوا اسهمهم الا الحين

من اسباب رفعه السوق اكتتاب زين الكل يصرف بالعالي مو الحين

لا والحين الخرافي يقول راح اشتري ا سهم الخزينه لزين لان السعر الحالي لا يمثل قيمتها تخيل

لوالله يفكنا من الخرافي .

 

[UNIX]

طبعا هذه وجهة نظري يا بورش .

وانا حددت الاسباب ووضعت التحليل الاساسي
لهذا اليوم فقط .

انا قلت بالنهايه اذا تحليلي خاطئ رد وقول تحليلك خاطئ

عموما اشكر كل من رد لكن اغلب الردود كانت عاطفيه نوعا ما
وليست بناء على تحليل فني او اساسي .

عموما الله يقدر اللي فيه الخير .

.​

اللي قلته يكون تحليل أساسي؟؟

ما شاء الله خوش cfa عندك، كثر من تحاليلك الأساسية.

 

[kuwait1979]

اللي قلته يكون تحليل أساسي؟؟

ما شاء الله خوش cfa عندك، كثر من تحاليلك الأساسية.

خنشوف وجهة نظرك ياخوي لان انا وضحت وجهت نظري
واحتمال تكون خاطئه .

طبعا التحليل ينبني على المعلومات والاوضاع العامه
والمحيطه بالسوق .

وهذا اللي انا اشوفه من ناحية نهاية اكتتاب زين والاتصالات
الثالثه .

وشكرا .

.