اكثـــــر مبلغ لقيته واكـثــــــر مبلغ ضاع منّك ؟؟؟

[kuwaitey]

اكبر مبلغ ضاع منى اذكر كنت ساحب الفين دينار وحاطهم تحت مركات السياره

وصار لى حادث والسياره كات سيارة السايق رحت فيها الكراج بعد الحادث مباشر

نزلت وتركتها رديت اخذهم لقيتهم طاروووووو كلش المصرى ماسرقهم راعى الكراج

واكثر مبلغ لقيته 2500 فرانك المانى قبل لاتصير يورو + زقارة حشيش يابسه

لقيتهم داخل سياره كانت تواها واصلتنى من بره وقاعد انظفها

 

[بوناصر العجيل]

ضاع مني 1800 دينار بمريكا

ولقيت عشره طايحه في المسيد

بعد مسيد ههههه من الخوف كلمت الامام
وطلعت

لو ابجمعيه لاقيهم جان شريت كرزين زقاير ههههه

موفق حبيبي صاحب الموضوع

 

[ALSERHAN]

آنه بالغزو لقيت جنطه كلّها فلوس عراقيه ( بكنقيّه ) بيت مهدوم..

بعتها عقب الغزو ب 700 دينار..

أكثر مبلغ ضيّعته ساحب 200 وناسيهم ب جييينز وصلت البيت طبعا راح وأنغسل
وثاني يوم يالله دريت الصاحي منهم 40 دينار والباقي منتّف..

 

[OVER-THE-TOP]

خوش موضوع شدني لانه ذكرني بسوالف

مره قاعد اتمشى بالمطار انا ام العيال والبنوته وبمحل الزائر جهة المجلات لقيت ظرف بنك كبيييييييير

واضح انه فلوس خفت اخذة وابتلش فيه

خليتة وانا ماشي ولا اشوف البنغالي يحوم حولة جان يأنبني ضميري وخذيتة

فتحتة ولا فيه مبلغ يخرع اهي دنانير اهي دولارات اهي يوروات

اتعبث بالاوراق ولا القى كرت راعي الفلوس دقيت عليه ويا خذاهم

ياني واهو ويهة اصفر باقيلة 5 دقايق ويموت

بعدها صرنا ربع

اكثر مبلغ ضيعتة 160 دينار كانت حطة واحد من ربعي حق سفرة

اضطريت ادفعهم من جيبي واهو مايدري وكنت طالب وقتة والفلس عزيز

 

[فيصل بونايف]

اكثر مبلغ ضاع مني 350 دينار
قبل ماسافر بيوم

 

[zoya_y]

اي ابوي انا مو ذابحني ومعور راسي ويبجيني إلا ضميري الحي
عيل بالله في وحده توها اب عمر ال 12 سنه منقهره على فلوووووووسها
لا لعبت ولا سويت شي ولا كليت ورق عنب ابله امينه مالت المخزن
وتالي الاقي 10 دنانير واردها تالي دقيت على امي تعالي اخذيني ضاعو فلوسي

 

[قلم حر]

اكثر مبلغ ضاع مني 400 دينار _ سرقه

واكثر مبلغ لقيته لما كنت بمطار لبنان ودخلت اعزكم الله الحمام لقيت بوك
طايح بالحمام بينفجر من الدولارات على طول خذيته وكنت شايف الشخص
اللي طلع قبلي من الحمام ورحت وعطيته فلوسه وقعدنا نسولف 5 دقايق
باللبناني وبالاخير طلعنا كويتيين

 

[الـصانع]

ما شاء الله الربع فلوسهم كلله ضايعه بلندن وامريكا والمانيا

انا مره وحده ضاع بوكي بالشويخ الصناعيه قبل سنتين وفيه 160 دينار للحين ضايق خلقي

اما لقيت فلوس ! للحين اتمنى الاقي مليون .. ادري مالي أمل بس يمكن

 

[anacardia]

من انا صغير ربي لك الحمد كنت دايم القي فلوس طايحة بالارض وبصراحة مرات كثيرة من كل الفئات حتي الخردة بس الحمد لله كنت اتصدق فيهم لان امي وابوي من اول مرة وجهوني اتصدق فيهم وانه ما يجوز ناخذهم .....اما اكثر مرة يضيع مني فلوس مع اني من يومها ما تكدرت ولا حزنت لغاية هذه اللحظة وهي مبلغ 6750 دينار كويتي ، وانا نازل من سيارتي وشايلهم في ظرف حطيتهم فوق سقف السيارة كنت ابي انزل اغراض ونسيت الظرف ودشيت البيت وبعد اكثر من 4 ساعات تذكرت الفلوس بس للاسف ما وجدتهم ودعوت الله عز وجل انه يرد لي ضالتي ولم احزن ،والحمد لله عوضني ربي اضعاف اضعاف ذاك المبلغ فلهه الحمد فيما اخذ وفيما اعطي .

 

[MOHAMMED11]

أكبر مبلغ لقيته 20 دينار
والمبلغ اللي ضاع مني تقريبآ 18 دينار + تلفون

يعني اللي ضاع كثر اللي لقيتيه
متعادلين يعني ^_^

شكرا لمرورك اخوي

مااتذكر اني لقييت فلووس

بس ضيعت وايد اخر مره ضيعت يمكن كنت بألمانيا ضيعت تقرييبا بالكويتي 1000 دك

ولله مو شويه الف دينار لا وبالسفر بعد يعني حدّه مو وقته

شكرا لمشاركتك اخت ليلى
وعساها آخر المفقودات ^_^

اكثر مبلغ لقيته دينار كويتى طاير بالندن بجور روود


واللى ضيعته حدث ولا حرج 500 دينار مادرى وين ضااعو منى

وبالندن هم بالفندق تقريبا ضاع منى 600 باوند

وبهولندا ضااع بووكى بكبره اول ماطبيت المطار ييه بدق تلفون حطيته فوق التلفون ومشيت

ههههههههه


انت يبيلك مراقبه لصيقه ^_^ تمشي وتضيع
لاكن معوضين ان شاء الله



شاكر مرورك الكريم

 

[3320]

اكثر مبلغ كاش 2000 الفين مصرى فى مطار الكويت.......نسيتها على طاولة الحجوزات بالمطار

واكثر مبلغ لقيته 100 فلس

 

[sanad2007]

انا الحمد لله ماضاع مني شيء

ومره وانا داش الجامعه من بوابة العلوم الاجتماعيه اللي مقابل السنترال (قديييييييييييم)

والا لاحقني واحد يقولي هذي الخمسه طاحت منك وانا يومها مقحطططط وناطر الاعانه قلت له مو مالتي وراح

وتحسسسسسفت هههههههههههههههههههههه

الله يغنينا عن الحرام

قولوا امين

 

[abo saod]

اكثر مبلغ ضاع مني 40 دينار

 

[MOHAMMED11]

اكبر مبلغ ضاع منى اذكر كنت ساحب الفين دينار وحاطهم تحت مركات السياره

وصار لى حادث والسياره كات سيارة السايق رحت فيها الكراج بعد الحادث مباشر

نزلت وتركتها رديت اخذهم لقيتهم طاروووووو كلش المصرى ماسرقهم راعى الكراج

واكثر مبلغ لقيته 2500 فرانك المانى قبل لاتصير يورو + زقارة حشيش يابسه

لقيتهم داخل سياره كانت تواها واصلتنى من بره وقاعد انظفها

ضاع مني 1800 دينار بمريكا

ولقيت عشره طايحه في المسيد

بعد مسيد ههههه من الخوف كلمت الامام
وطلعت

لو ابجمعيه لاقيهم جان شريت كرزين زقاير ههههه

موفق حبيبي صاحب الموضوع

آنه بالغزو لقيت جنطه كلّها فلوس عراقيه ( بكنقيّه ) بيت مهدوم..

بعتها عقب الغزو ب 700 دينار..

أكثر مبلغ ضيّعته ساحب 200 وناسيهم ب جييينز وصلت البيت طبعا راح وأنغسل
وثاني يوم يالله دريت الصاحي منهم 40 دينار والباقي منتّف..

خوش موضوع شدني لانه ذكرني بسوالف

مره قاعد اتمشى بالمطار انا ام العيال والبنوته وبمحل الزائر جهة المجلات لقيت ظرف بنك كبيييييييير

واضح انه فلوس خفت اخذة وابتلش فيه

خليتة وانا ماشي ولا اشوف البنغالي يحوم حولة جان يأنبني ضميري وخذيتة

فتحتة ولا فيه مبلغ يخرع اهي دنانير اهي دولارات اهي يوروات

اتعبث بالاوراق ولا القى كرت راعي الفلوس دقيت عليه ويا خذاهم

ياني واهو ويهة اصفر باقيلة 5 دقايق ويموت

بعدها صرنا ربع

اكثر مبلغ ضيعتة 160 دينار كانت حطة واحد من ربعي حق سفرة

اضطريت ادفعهم من جيبي واهو مايدري وكنت طالب وقتة والفلس عزيز

اسمتعت في مروركم ومواقفكم الجمليه

الف شكر اخواني
ولي عوده لباقي المشاركات ان شاء الله

الف شكر للجميع

 

[MOHAMMED11]

اكثر مبلغ ضاع مني 350 دينار
قبل ماسافر بيوم

ابد مو وقته ابو نايف
قبل السفر عاد



شاكر لك مشاركتك بالموضوع

اي ابوي انا مو ذابحني ومعور راسي ويبجيني إلا ضميري الحي
عيل بالله في وحده توها اب عمر ال 12 سنه منقهره على فلوووووووسها
لا لعبت ولا سويت شي ولا كليت ورق عنب ابله امينه مالت المخزن
وتالي الاقي 10 دنانير واردها تالي دقيت على امي تعالي اخذيني ضاعو فلوسي

لاكنها صفة حلوه
وانا عن نفسي اتعجب من موقفج كثير
صراحه شي حلو ان طفله تضيع فلوسها وتلقى فلوس بنفس الوقت
وتردهم !!
شي طيب حيل


شكرا لك زويا

اكثر مبلغ ضاع مني 400 دينار _ سرقه

واكثر مبلغ لقيته لما كنت بمطار لبنان ودخلت اعزكم الله الحمام لقيت بوك
طايح بالحمام بينفجر من الدولارات على طول خذيته وكنت شايف الشخص
اللي طلع قبلي من الحمام ورحت وعطيته فلوسه وقعدنا نسولف 5 دقايق
باللبناني وبالاخير طلعنا كويتيين

هههههههههههههه
اضحك الله سنك ياابو عبد الله
دايم مشاركاتك مميزه
والفكاهه المحببه لاتفارق حرورفك


شكرا لك

 

[(فزاع)]

اكثر مبلغ ضاع مني اهو 1800 دينار كويتي .. ( فدوه ) ..

اكثر مبلغ لقيته .. اهو 40 دينار من بوك هندي كان داش بيتنا علشان يبوقه .. ومن الخرعه اول ما شافني انحاش وطاح بوكه .. جان اقوم واخذ الغنائم هههههههه

 

[م.ناسا]

مممممممممم
اكثر مبلغ ضاع مني....
بوكي بكبره ضاع سنه 2005 كنت بره الديره
كان في 7000 درهم اماراتي وفيزا الوطني مع فيزا وماستركارد بيتك وكي نت الوطني
بس الحمدلله عيال الحلال ماقصروا معاي
لا وثاني يوم دقوا علي تعالي اخذي بوكج .... كنت ناسيته بتاكسي
بس ما اذكر اني لقيت اكثر من 100 فلس

 

[MOHAMMED11]

شكرا على المرور واثراء الموضوع

 

[كويتيه @]

اكثر مبلغ ضاع مني بوك فيه 10 دنانير اشوى اني مفلسه حزتها والا جان مت

والمشكله ماالقى فلوس ودي اجرب بس ما كوووو

 

[pedram]

انا مرة ضيعت بحدود 15 دينار اختفوا من بوكي
مادري شلون قلبت الدنيا فوق تحت ما لقيته
و مره لقيت 5 دنانير انا و صاحبي خذيته و عزمته على برجر كنج على حسابي لووول

سلام