اخواني الاعضاء خلال اسبوع تفسخ علي السهم 3مرات ودفعت ال10%

[متداول جديد]

اخواني الاعضاء خلال اسبوع تفسخ علي السهم 3مرات ودفعت ال10%

عندي 100الف سهم دوليه م أ بسعر 265 وخلال سنه جددت العقد اربع مرات الي ان وصل سعر الفسخ 112فلس وتفسخ ودفعت ال10% ونزل سعر الفسخ الي 102فلس وجددت مره ثانيه ونزل سعر الفسخ الي 92فلس واليوم دقوا علي يبون ادفع ال 10 % للمره الثالثه ولا يبيعون العقد واطلع من المولد بلاحمص وباجر ان شاء الله بدفع ال10% الرابعه وراح يصير سعر الفسخ 82فلس وتاليتها انا اللي تفسخت وفلست

 

[Dejavu]

يا ساتر ...

الله يعينك ويسهل عليك ...

بس هل معناته ان السهم تقريبا طلع عليك حاليا بسعر الكاش ؟

اذا مجدد تقريبا 4 مرات يعني 40% ... يعني الحين تكون دافع 80% من القيمة ...

 

[متداول جديد]

يا ساتر ...

الله يعينك ويسهل عليك ...

بس هل معناته ان السهم تقريبا طلع عليك حاليا بسعر الكاش ؟

اذا مجدد تقريبا 4 مرات يعني 40% ... يعني الحين تكون دافع 80% من القيمة ...

باقي من المبلغ تقريبا 6,500الاف دينار
بس والله ياخوي والشكوي لله هالسهم نشفني وباجر بدفع ال10% من مصروف العيال والتزاماتي الشهريه وحسبي الله ونعم الوكيل
شرايكم ابيع جزء من العقد يعني ابيع 40الف سهم عشان تقل علي ال10%

 

[Dejavu]

ماني متأكد بس احد الاخوان بالمنتدى ذكر اذا بعت جزء ما تقدر تجدد لان العقد الاصلي كان على 100 الف

انزين سألتهم اذا باجر بعون الله البورصة صاعده والسهم صعد ... يطالبونك بالتجديد ولا شلون ؟

ان شاءالله باجر يصعد وما تحتاج تدفع ...

انا عندي نفس السهم بس كاش ... ونازل علي اكثر من 50%

بس انت حالك اصعب لانك اجل ... الله يسهل عليك يا رب وتشوفه باجر مرتفع ...

 

[hassanabass]

اخ متدوال جديد من اسباب نزول السوق المتعمد هو افساخ عقود الاجل بمعنى نهب اموال
صغار المسثمرين شوف اليوم ليش صعدوه شالفرق بين امس واليوم وشكرا.

 

[المتدمر]

الله يكون بعونك و عونا ابتلينا بالاجل والله يخفف علينا
اخي الكريم اذا بعت جزء من الاجل راح يرتفع معاك سعر الفسخ يعني عندك مثلا 100 الف سهم اجل وسعر الفسخ مثلا 102 وبعت 40 مثلا راح يكون سعر الفسخ 110 ماني متاكد جم بالضبط
فهمت قصدي
والله يخفف عليك وعلينا ويرزقك

 

[ezee]

انصحك

ادفع ان كان عندك كاش وتملك السهم ونام علية حتى لو خمس سنوات وربى بيرزقك فوق ما تتصور ومن بعد ما تتملك السهم احذرك وانصحك من اخو لاخوة ابتعد عن الاجل الا فى حالة وحدة بس انسان ثقة ولة مكانة وناصح ويحب لك الخير

 

[متداول جديد]

انصحك

ادفع ان كان عندك كاش وتملك السهم ونام علية حتى لو خمس سنوات وربى بيرزقك فوق ما تتصور ومن بعد ما تتملك السهم احذرك وانصحك من اخو لاخوة ابتعد عن الاجل الا فى حالة وحدة بس انسان ثقة ولة مكانة وناصح ويحب لك الخير

الله يجزاكم خير يااخواني
وراح ابيع جزء من العقد ويقل علي سعر السهم للتملك ويصير 4الاف دينار واتملك الباقي وتوبه من الآجل توبه
وانصحكم يااخواني نصيحه لله ابتعدوا عن الاجل حتي لوكان في خبر علي السهم او اشاعه او اي شئ اشتر بالكاش وريح بالك مرد السهم بيرتفع
موفقين خير

 

[بيكاسو 70]

باقي من المبلغ تقريبا 6,500الاف دينار
بس والله ياخوي والشكوي لله هالسهم نشفني وباجر بدفع ال10% من مصروف العيال والتزاماتي الشهريه وحسبي الله ونعم الوكيل
شرايكم ابيع جزء من العقد يعني ابيع 40الف سهم عشان تقل علي ال10%

عين العقل اخوي.... والله يعوض عليك وعلينا انشاله

 

[متداول جديد]

[/color]

عين العقل اخوي.... والله يعوض عليك وعلينا انشاله

الله ينور عليك اخوي بيكاسو وهذا القرار اتخذته اليوم
والله الموفق

 

[وافى الوافى]

اخوى متداول جديد ...


عساا الله يعوض عليك ان شااء الله تعالى ويرزقك من واسع فضله


ولاا يهمك .... ميخاالف ... المهم نتعلم من اخطائنا ...!!

 

[Bo_jassim]

والله اني بذكرك بالدعاء اليوم عسا الله افج عنك مشكلتك

 

[الجيكر]

الله يكون بعونك ويفك عنك ضيقتك ويرزقك من حلاله

 

[متداول جديد]

اخوى متداول جديد ...


عساا الله يعوض عليك ان شااء الله تعالى ويرزقك من واسع فضله


ولاا يهمك .... ميخاالف ... المهم نتعلم من اخطائنا ...!!

مشكور اخوي وافي الوافي والله انك اصيل ووافي

 

[متداول جديد]

والله اني بذكرك بالدعاء اليوم عسا الله افج عنك مشكلتك

الله يجزاك خير اخوي بوجاسم وعسي الله يتقبل منا ومنك الدعاء

 

[بوزييز]

بشر يامتداول عسى مادفعت ال10 % اليوم لان السعر عدل وسكر على 98 فلس
وانت سعر الفسخ 92 فلس .

نفس الي صار وياي بسهم اكتتاب كل ماابي اجدد سعر الفسخ يعدل بتسكيرة السوق
والحمدالله على الصحه والعافيه .

 

[متداول جديد]

بشر يامتداول عسى مادفعت ال10 % اليوم لان السعر عدل وسكر على 98 فلس
وانت سعر الفسخ 92 فلس .

نفس الي صار وياي بسهم اكتتاب كل ماابي اجدد سعر الفسخ يعدل بتسكيرة السوق
والحمدالله على الصحه والعافيه .

الحمدلله يابوزبيز امس تداول علي ال91فلس و92فلس واقفل علي ال93فلس واليوم فتح 95فلس وعلق علي ال98فلس
وافتكيت من ال10%

 

[بوزييز]

يالله الحمدلله على السلامه وان شاء الله يكملون المسير بالارتفاع وتفتك من ال10 %

 

[متداول جديد]

يالله الحمدلله على السلامه وان شاء الله يكملون المسير بالارتفاع وتفتك من ال10 %

الحمدلله علي كل حال
والله ياخوي ان هال10 % نشفتني عدل واستنزاف

 

[ALSERHAN]

إنشاءالله كل خير..

إنشاءالله ما تطلع منّه إلا بربح يعجبك إنشاءالله وأعتبره درس بالآجل وإنشاءالله تستفيد منّه وتفيد غيرك..