السنة هذي ماراح ألبس شتوي وهذا السبب !!!

[ابو غانم]

ياجماعه أنا متعود أقص لي خامات شتوية إنجليزية بس مو غاليه يعني المتر من 6 الى 7 دنانير تقريبا ومرات احصلهم على 5 بعد .

السنه هذي الله لايوريك رحت البلوكات ولقيت نفس الخامات اللي أقصهم صار مترهم من 11 الى 20 دينار ... عسى ماااااااااااشر وين الرقابه ياوزارة التجارة .. خلاص النفط نزل وخلصنا من السالفه الدايخه هذي .

وانا صراحه مالي خلق اقص كشميري بأسبوع يكش

الحين ودي اعرف وين اروح بالضبط ابي لي واحد يبيع خامات انجليزية واسعاره حلوه .

ولا ترى اقعد على الصيفي لو الحرارة تحت الصفر

 

[bo_ahamad]

بالعكس أخوي الخام الكشميري ممتاز بس على شرط لاتغسلهم بالبيت ودهم المصبغة وانا صارلي الحين ثالث سنة وانا ماأخذ غير الكشميري وألوانة واايد حلوة ومقاربة للخام الأنجليزي

 

[Knights]

ياليت تفيدونه شباب نبي نشتري خامات سنعه

 

[أبـو راشـد]

ابو غانم صباحك سكر

انا ما اذكر في انجليزي بـ5 و6 و7 والأسعار جدا عاديه

على حسب كلامك

وانصحك اخذ صيني ملمسة وصبته

واللي يشوفة يقول انجليزي

بس اخذ صيني جودة اغلبهم ابو طقة وهذا تعرفه من صاحب المحل اذا ثقه او من سعره

واتمنالك دفوة طيبة

تقبل مروري

 

[الووان]

ياجماعه أنا متعود أقص لي خامات شتوية إنجليزية بس مو غاليه يعني المتر من 6 الى 7 دنانير تقريبا ومرات احصلهم على 5 بعد .

السنه هذي الله لايوريك رحت البلوكات ولقيت نفس الخامات اللي أقصهم صار مترهم من 11 الى 20 دينار ... عسى ماااااااااااشر وين الرقابه ياوزارة التجارة .. خلاص النفط نزل وخلصنا من السالفه الدايخه هذي .

وانا صراحه مالي خلق اقص كشميري بأسبوع يكش

الحين ودي اعرف وين اروح بالضبط ابي لي واحد يبيع خامات انجليزية واسعاره حلوه .

ولا ترى اقعد على الصيفي لو الحرارة تحت الصفر

انا امس شاري خام انجليزي مع المكاسر اخذته المتر 8 دنانير

 

[qased]

بالمباركية محصل انغليزي المتر ب 7 بدون مكاسر

 

[الحريه وطن]

يا شباب خل نكون صريحين

المفروض بالكويت مانشتي؟لان اصلا بالكويت ماكو شتاء
الشتاء شهر فقط باقي السنه كلها صيف يعني لا تتخسرون

 

[ابو غانم]

الصيني الجوده وين مكانه باي محل ينباع ؟

وأرجو من الشباب اللي يلقى أسعار زينه للإنجليزي يكتب لنا المكان علشان الكل يستفيد

 

[nxman]

صيني واقطع

 

[بو هباش الكويتي]

انا انصحك خلك على دشاديش العام وفصلك وحده حق مناسبات وريح بالك بلا خساير خلهم يخيسون اهم وخامهم لو مايلقون احد يشتري لازم ينزل اسعاره لاكن المشكلة لاقين من يشتري بالاسعار هذي

 

[splendid]

انا انصحك خلك على دشاديش العام وفصلك وحده حق مناسبات وريح بالك بلا خساير خلهم يخيسون اهم وخامهم لو مايلقون احد يشتري لازم ينزل اسعاره لاكن المشكلة لاقين من يشتري بالاسعار هذي

انت 100 %

 

[indexmontaha]

الخياطين نفسهم عندهم خامات يمكن تحصل شي مناسب بالجودة و السعر أو إنك تلبس دشداشة الصفاة الجاهزة هذه تحصلها بكيسرية الغربللي أو صوب سوق واجف و في عندك المحلات اللي يبيعون دشاديش جاهزة بسوق المباركية و إذا تبي الشي الزين و السنع عليك بمحلات عبدالله تقي بصف المطافي قبال بنك التسليف الرئيسي عاد تشوف مساطره بعضهم مكتوب عليها (الشيخ الفلاني) يعني ترى هذا الخام مسطرته ماخذها منه هالشيخ و مختار هالخام هذا أول بس عاد الحين ما ادري عنه يسويها ولا هون لكن عاد خوش خامات عنده. و أنا الحل عندي لبسوا بوالطو على الدشاديش الصيفية أو بدال البوالطو لبسوا باركوتات

 

[الشاطر]

عزيزى بالجليب فيه خياطين ممتاز تلقى الدشداشه على 7دنانير مع تفصيلها نقلك منهم لون مناسب وخامه حلوه وخفيفه

وحافظ على نظافه الدشداشه والغتره محد راح يسألك شنو خامتك ولا منين مشتريها

وامسك افلوسك ترانا مقبلين على كساد عالمى

 

[rheeb777]

بوهباش عجبتني الواحد يخيط واخر شي سبوعين ويطب عليك الصيف

 

[alone]

يا شباب خل نكون صريحين

المفروض بالكويت مانشتي؟لان اصلا بالكويت ماكو شتاء
الشتاء شهر فقط باقي السنه كلها صيف يعني لا تتخسرون

كلامك ميه بالميه

 

[العساف7777]

السلام عليكم

يالجماعة انا عرسي شهر واحد عز البرد دلوني على واحد اسعاره زينه ومناسبة

لاتبخلون علينا تكفوووون

 

[بو فهيد]

االي اعرفه ان الصيني درجات اعلى درجه فيه سعر المتر 5

وبعده يجي الابطالي يكون 80% صوف 20 % مخلوط وسعر المتر 6.5 ال9

وبعده يجي ملك السوق الانجليزي

سعر للانجليزي تكون نسب الصوف مويهر مخلوطه بدرجات متفاوته
سعره تقرييبا 12

وبعده كشمير مخلوط مع صوف المسمى Super 120's سعر المتر 13

وبعده خامة الموهير تكون نسبة الموهير 60% والصوف 40% وسعر المتر 17

وبعده كشمير مخلوط مع صوف المسمى Super 130's سعر متر 25

وبعده كشمير مخلوط مع صوف المسمى Super 150's سعر متر 35

وبعده الصوف المسمى SUPER 200 وهو صوف 100 % سعر المتر 75

وبعده يجي ملك السوق ونادر المحلات تبيعه وهو ملك الخامات

وجميع الماركات من دنهل وجفنشي والماركات الانجليزيه نادر ما تصنعه

وهو MINK CASHMERE وهو كشمير 100 % وسعر المتر من 80 الى 150

واحسن خامه شفتها خامة الفرد دنهل ولونه المعروف البني الغامق

ودائما الماركات المعروفه تكون بكرتون فاخر والأزرار تكون باسم الماركه على شكر دائري

ويعطيك لبس خارجي للدشداشه ( مثل جاكيت النايلون ويكون بسحاب لحماية الدشداشه)

واهم شي يسجل فاتوره


هذا اللي اعرفه ياشباب

وبعض الصيني لاتستطيع ان تفرقه عن الانجليزي ال بطريقة واحده اذا سمح لك البائع بها

جيب ولاعه واحرف القطعه صغيره اذا شميت ريحة الصوف اعرف انه اصلي

اما ان شميت ريحة مثل نايلون او مثل ريحة عطبة فيش كهرب اعرف انه تقليد

واللي مايعرف ريحة الصوف يروح الصفاه وينتف شعرة خاروف ويحرقها ههههههههههههه

والله من جد اتكلم ويعرف ريحة الصوف

بالنسبه لي اخذ 4 صيني واقل درجه بالانجليزي للمخيمات والدوام

المناسبات اخذ 2 كل سنه من الماركات الطيبه

 

[maha_Q8]

احنا شنقول الحريم ؟؟؟

الاسعار دبل

دائما يكون الشتوي أغلى من الصيفي ,,

الله يعين المواطنين

 

[مساهم11]

انا رايي الي يفصل لا يفصل ثقيل اذا بيلبس تحتهم بيجامات شتويه

ولا تخسرون كثير لان البرد ايامه قليله
والمطر اذا سبق الشتاء يكون البرد مو قاسي

 

[أبو أنفال]

االي اعرفه ان الصيني درجات اعلى درجه فيه سعر المتر 5

وبعده يجي الابطالي يكون 80% صوف 20 % مخلوط وسعر المتر 6.5 ال9

وبعده يجي ملك السوق الانجليزي

سعر للانجليزي تكون نسب الصوف مويهر مخلوطه بدرجات متفاوته
سعره تقرييبا 12

وبعده كشمير مخلوط مع صوف المسمى super 120's سعر المتر 13

وبعده خامة الموهير تكون نسبة الموهير 60% والصوف 40% وسعر المتر 17

وبعده كشمير مخلوط مع صوف المسمى super 130's سعر متر 25

وبعده كشمير مخلوط مع صوف المسمى super 150's سعر متر 35

وبعده الصوف المسمى super 200 وهو صوف 100 % سعر المتر 75

وبعده يجي ملك السوق ونادر المحلات تبيعه وهو ملك الخامات

وجميع الماركات من دنهل وجفنشي والماركات الانجليزيه نادر ما تصنعه

وهو mink cashmere وهو كشمير 100 % وسعر المتر من 80 الى 150

واحسن خامه شفتها خامة الفرد دنهل ولونه المعروف البني الغامق

ودائما الماركات المعروفه تكون بكرتون فاخر والأزرار تكون باسم الماركه على شكر دائري

ويعطيك لبس خارجي للدشداشه ( مثل جاكيت النايلون ويكون بسحاب لحماية الدشداشه)

واهم شي يسجل فاتوره


هذا اللي اعرفه ياشباب

وبعض الصيني لاتستطيع ان تفرقه عن الانجليزي ال بطريقة واحده اذا سمح لك البائع بها

جيب ولاعه واحرف القطعه صغيره اذا شميت ريحة الصوف اعرف انه اصلي

اما ان شميت ريحة مثل نايلون او مثل ريحة عطبة فيش كهرب اعرف انه تقليد

واللي مايعرف ريحة الصوف يروح الصفاه وينتف شعرة خاروف ويحرقها ههههههههههههه

والله من جد اتكلم ويعرف ريحة الصوف

بالنسبه لي اخذ 4 صيني واقل درجه بالانجليزي للمخيمات والدوام

المناسبات اخذ 2 كل سنه من الماركات الطيبه

ماشاءالله عليك فاهم والله بالخامات والاسعار
انا والله عكسك تمام ماعرف بالخامات شي
أهم شي البس خامه بنظري حلوه ودافيه
تخميني من البرد وكان الله غفورا رخيما