فيفا وما أدراك ما فيفا

[hassanabass]

الحق ينقال الشركات السعوديه للاتصالات عندها منافسه اقتصاديه شريفه مو مثل اللى عندنا
شركات محتكره الخدمه وتتلاعب بالاسعار على كيفها والكل يذكر شلون كانت شركة الاتصالات
المتنقله(زين) والوطنية للاتصالات كانوا ياخذون فلوس فى فتره ليست بقصيره على المتصل
والمتصل عليه مع ان فى جميع انحاء العالم كانت التكلفه على المتصل فى حالة الهاتف الخلوى
وان شاء الله راح يرخص حتى تكلفة الانترنت فى مثل هذه المنافسه.
وعلى فكره الوطنيه للاتصالات طالعه بعرض هالايام نقدر انقول نصب اذا عبيت الكرت ب5 او 10
دنانير تاخذ 1 او 2 ديتار لكن ما يضيفونه بالرصيد الا اذا خلصت رصيدك السابق يعنى كانه
ما عطوك شىء وبالسعوديه يعطونك المبلغ وينضاف مباشرة الى رصيدك يعنى تستفيد منه
وشكرا لكل اعضاء النتدى.

 

[wooow]

ما شفتو شى للحين ... الصدمه لما تعرفون سعر الدقيقه لفيفا ( المفاجأه ) الكبرى حسب كلام موظف عندهم .. وسالفة استقبال المكالمات الدوليه مجانيه هذى تصبيره ...

 

[Data]

الشيء الوحيد الي راح تنفرد فيه فيفا عن زين ، وأكيد ما تقدر زين توفره للمشتركين هو لذة الانتقام !!

 

[ابوعامر]

حولوا ارقامكم عليهم وانتهت المشكله


حسب ماسمعت راح يصير تحويل الارقام بين الشركات

 

[Data]

والله جنه الخبر بالجرايد خايفين من فيفا هاا اسوون عرووووض بعد النهب كله صار ابلاش الحين فجأه بعد ما اطلعت فيفا لكن لااااااااااااااااااااااا خطي اليديد من فيفا بالطريج :d

أنا أعتذر من الأخ بو جاسم لأني فتحت موضوع جديد بنفس المضمون ، لأني بصراحة ما كنت شايفه.
فحبيت أشارك في موضوعك و أدعوا المشرفين لاغلاق موضوعي تحت اسم "حرب الأسعار بدأت ..الخ"
شكرا

 

[ostath]

يبقى....زيــــــن عــــالــــــمي الجميل

 

[bo_walid]

نتمنــى من الأخوان يدعموون شركة فيفـا للإتصالات من حيث يستخدمون خطزط الشركة بدلا من الشركتين ألي نشفوو دمنا

إلى الهاويه ياشــــــين والوطنيـه

 

[bo3adsa]

انا الوحيد اللي راح يتمصخر بالكويت :| خطي الوطنية

مو بس انت حتن انا وطنية مثلك .....

 

[white soul]

اكيد شين راح تسوي نفس عروض فيفا بس المفروض الكل يحول لفيفا نكاية بشين تو الناس ليش كانو يقصون علينا بسالفة المكالمات الدوليه وان السبب وزارة المواصلات ووين عروضهم قبل افتتاح زين
انا عن نفسي ما راح افكر ارجع لشين الا اذا عطوني خط فري لا وبعد في كل الخدمات مم اس تجوال مكالمات فيديو وكله ابلاش

 

[white soul]

 

[fhfh]

زين معاك الى العالمية زين عالم جميل

 

[white soul]

زين معاك الى العالمية زين عالم جميل

اي عالميه اي خرابيط كافي ضحك عالذقون
صارت الصومال وكينيا وتنزانيا ومورشيوس ومادري منو عالميه
باول اختبار جدي للتنافس راحو فيها شين
حبيبي لو اهم صج وصلو لمرحلة العالميه جان حققو ارباح من شركاتهم الي برى مو مليون ونص مشترك يحققون 60% من ارباح الشركه و67 مليون العالميين على قولتهم يحققون ال 40% الباقيه
لا واتوقع حتى الارباح الباقيه من اهل الكويت بس اهم يغطون على فشلهم بنشوف مراجل شين بالسعوديه يقةولك ماراح يحققون ارباح قبل 2016 هههههههههه

 

[الزنقيل]

شوف الوطنية جنها مو بالكويت ولا عندها منافس طالعه بره الحسبه ​

::verymad::::verymad::

 

[ابو عبير]

شباب صارت بين زين وفيفا الوطنيه طاخين جنهم منخشين

 

[الراقي]

انت اول الرابحين مع فيفا

لماذا يجب علينا ان نشترك في فيفا ؟
لأن حنا اول الرابحين من فيفا وسبب ان 90% من الشعب الكويتي يملك اسهم في شركة فيفا واي ارباح راح تنعكس على سعر السهم عند التداول وحتى اذا كانت اسعار فيفا نفس شين والوطنية يفرق معانا ان حنا نملك في فيفا​

 

[مساهم11]

شكرا لك الراقي
فكره جميله كانت غايبه عن البال

 

[Balool]

فيفا يصير معاها blackberry و لا فقط زين

 

[أبونوره]

جتني رساله اليوم من فيفا تقول اولى مفاجآتنا انه لا رسوم على المكالمات الدولية الوارده وايضا المكالمات الوارده من خطوط ارضيه

 

[دايــم]

لماذا يجب علينا ان نشترك في فيفا ؟
لأن حنا اول الرابحين من فيفا وسبب ان 90% من الشعب الكويتي يملك اسهم في شركة فيفا واي ارباح راح تنعكس على سعر السهم عند التداول وحتى اذا كانت اسعار فيفا نفس شين والوطنية يفرق معانا ان حنا نملك في فيفا​

ما الحب إلا للحبيب الاولي

زين تبقي زين
عالم جميل ​

​

 

[يوسف خالد]

لماذا يجب علينا ان نشترك في فيفا ؟
لأن حنا اول الرابحين من فيفا وسبب ان 90% من الشعب الكويتي يملك اسهم في شركة فيفا واي ارباح راح تنعكس على سعر السهم عند التداول وحتى اذا كانت اسعار فيفا نفس شين والوطنية يفرق معانا ان حنا نملك في فيفا​

نعم هذا الكلام الطيب وشكرا ياالراقي