ابشر يا دكتور بعزك
هذي مقادير مطاره بولتر و نص
تحمس القهوه النيه لين تغمج او تصير ذهبيه (( عاد انت تقدرها ))
و تطحنها بمطحنتك بالبيت و تخليها نفس الشكر او أنعم
تحط لتر و ثلاث ارباع لتر ماي بقوري القهوه (( الي جنه مال الحليب )) تغلي الماي و تكون حاط فيه مسمار (( خمس مسامير اذا مسمار كامل أو ما يعادلهم اذا مطحون (( هم انت تقدرها ))
ولما يبلش يدخن (( قبل لا يغلي بدقيقه )) تحط فنجالين او ثلاثه على حسب البن و نوعه,, خلنا على ثلاث فناجيل قهوه
حطيت القهوه الحين و تنطرها لما تفوح اول فوحه و توخرها عن النار لما تهدي شوي (( طبعا النار متوسطه عشان ما تحرق قهوتك ))
و تردها على النار مره ثانيه و اول ما تفوح ترد تشيلها لما تهدي
الحين تحط فنجال كامل هيل و رشه شويه زعفران
و تردها على النار لما تفوح ثالث فوحه
و تنطرها تهدي
ادري قصه بس مزاج
الحين هدت القهوه .. تقوم تقصر النار عالآخر و تخليها تحت اقوري فتره ثلاث دقايق الى اربع عشان ما تصير مره زياده من الهيل
عقبها طال عمرك تشخلها بداخل مطارتك (( يفضل مطارة ام نقطه حمره
مجربينها و حيل زينه و تحفظ الحراره ))
وعقبها طال عمرك تشربك فنجال يعدل مزاجك بعد طيحت السوق
انت تحس انها طبخه معقده بس بعدين انت راح تتفنتق صدقني
لا تزهق اذا غلطت !!
و سلامتك و تعيش
عساك راسك سالم ياراعي الكيف....
يامـلّ قلـبٍ كلمـا التـم بالاشفـاق=مـن عـام الاول دواكيـك وخفـوق
كنـه مع الـدلاّل يجلـب بالاسـواق=وعامين عن معـزّل الوسط ماسـوق
يجاهد جنودٍ في سواهيـج الاطـراق=ويكشف له اسرارٍ كتمـها بصنـدوق
الى عن لك تذكار الاحباب واشتـاق=بالك وطاف بخاطرك طاري الشـوق
دنيـت لي من غالـي البـن مـالاق=بالكف ناقيـها عن العـذف منسـوق
احمس ثـلاثٍ يا نديمـي على سـاق=ريحه على جمر الغضا يفضح السوق
وايـاك والنيـه وبـالك والاحـراق=واصحا تصير بحمسة البن مطفـوق
الى اصفر لونها ثم بشت بالاعـراق=صفرا كما الياقوت يضرب لها الموق
واعطت بريـح فاخر فاضـح فـاق=ريحه كما العنبر بالانفـاس منشـوق
دقـه بنجـرٍ يسمعـه كـل مشتـاق=راعي الهوى يطرب الى دق بخفـوق
لقـم بـدلـة مـولّـع كنـها سـاق=مصبوبـةٍ مربوبـةٍ تقـل غرنـوق
خله يفـوح وراعي الكيـف يشتـاق=الى طفـح له جوهـرٍ صـح له ذوق
أصفر قمـوره كالزمـرد بالاشعـاق=وكبارها الطافح كما صافـي المـوق
زلّها على وضحا بها خمسـة ارنـاق=هيلٍ ومسمـار بالاسبـاب مسحـوق
مع زعفرانٍ والشمطري الى انسـاق=والعنبر العالي على الطـاق مطبـوق
فيـلا اجتمـع هـذا وهـذا بتيفـاق=صبه كفيت العـوق عن كل مخلـوق
بفنجال صينٍ زاهـيٍ عند الارمـاق=يغضي بكرسيه كما اغضاي غرنـوق
الى انطلق من ثعبتـه تقـل شبـراق=رنقٍ تصوّر للحمامـه على الطـوق
شكّـل على الفنجـال لونـه الى راق=دم الغزال الى انمـزع منه معلـوق
خمـرٍ الـى منـه تسـلل بالاريـاق=وعليه من ماء صافي الورد مدلـوق
راعيه كنّـه شـاربٍ ريـق تريـاق=كاس الطرب وسرور من ذاق له ذوق
يحتاج من خمر السكـارى الى فـاق=طفلٍ تمـز اشفـاه والعنـق مفهـوق
عبـثٍ يعيـل بحبـةٍ ما بعـد مـاق=وهو يزاهي باهـر البـدر بشعـوق
بين اشفتـاه الى غنج حقـاق بـرّاق=عجلٍ رفيفه باطنـها الفرج بطبـوق
سطرٍ كتب من حبر عينه بـالاوراق=خديـه صاديـن ونونيـن من فـوق
كنّ العرّق بخدودهـا جمر الارنـاق=ينثر على الوجنات باللـون معشـوق
الا ابتسـم شـعّ واشـرق بالافـاق=نوره يفـوق البدر سحـرٍ ومنطـوق
بالعنـق كنّ المسك والـورق بـرّاق=شخصٍ بصـدره وذا الشاخ مدقـوق
يمشي برفقٍ خايـفٍ مدمـج السـاق=يفصم حجولٍ ضامها الثقل من فـوق
الى حصل لك ساعـةٍ وانت مشتـاق=اقطف زهر مالاق والعمـر مفهـوق
فيلا حضر ماقلت عنـدي فـالارزاق=بيـد كريـمٍ كـافـلٍ كـل مخلـوق
وصلاة ربي عـدد ما بـارقٍ حـاق=على النبي الهاشمي خيـر مخلـوق
تقبل مروري.
