خــــبر نــــــزول الفـــــائدة

[نائب]

______ الشكر لك اخوي (نائب) على المعلومات القيمه وبارك الله فيك,,,

مرحبان بك

 

[ابو عيسى]

العلم ؟

 

[AHMAD ALI]

ما من اخبار؟

يالله يا جماعه بسوي اعادة جدوله

الا اذا يبون يطيحون القروض شي ثاني هذا

 

[طالب العبدالله]

ما من اخبار؟

يالله يا جماعه بسوي اعادة جدوله

الا اذا يبون يطيحون القروض شي ثاني هذا

الصبر زين والركادة حلوه في اخبار باحتمال نزول الفائدة بعد انطر لنهايه 2 واذا ما صار شي جدول على الفايدة الحاليه.

 

[AHMAD ALI]

كنت بجدول من شهر 12 بس قالي مدير الفرع انطر لي شهر 1 بتنزل 0.5%

الحين قالوا 1%

الله كريم

 

[Navigator]

اصبروا لغاية تاريخ 3\3

والله كريم

 

[ابو عيسى]

اي والله شباب انا علي قرض يمكن من 2005

وعلى الفايده اللي خبركم دبل بدبل وليمه الحين ماجدولت ولو اجدول الحين بستفيد شوي

اسوي الحين .. واذا انزلت اسوي مره ثانيه ؟؟ انطر ولا اسويها
مجرد نصيبه لأخوكم

 

[AHMAD ALI]

اي والله شباب انا علي قرض يمكن من 2005

وعلى الفايده اللي خبركم دبل بدبل وليمه الحين ماجدولت ولو اجدول الحين بستفيد شوي

اسوي الحين .. واذا انزلت اسوي مره ثانيه ؟؟ انطر ولا اسويها
مجرد نصيبه لأخوكم

فكرت اجدول الحين واجدول ثاني مره عقب ما تنزل الفايده

بس قالي الموظف مايصير تجدول ثاني مره الا عقب فتره معينه !! ::verymad::

 

[الطير القطامي]

_____ شباب تتوقعون ليش تأخر خبر نزول الفائده مع العلم

الصحافه صارلها اكثر من اسبوعين تسولف بهالخبر

ودول الخليج تقريبا كلها نزلت اسعر الفائده,,,

وانا سمعت ان البنوك استخدمت نفوذها لدى البنك المركزي واعترضت على

التنزيل بالوقت الحالي,,,,

افيدونا افادكم الله

 

[q8_oil]

المفروض الفايدة تنزل 1% على الأقل و لكن الهوامير ما يرضون عشان يبون يربحون أكثر وإحنا المساكين

 

[ميلان]

دبدوب الوطني يقول تخفيض الفايده لاتكفي مايبي يخفض الفايده راح تفرق معاهم كانوا ياْخذون مني فايده يوميه مايقارب 9دنانير اما اليوم ياْخذ مني 6,630دينار انشاء الله تنزل زود وتفش وتصير عصقول

 

[الطير القطامي]

__ دبدوب وربع دبدوب لو عليهم يدخلون ورا البنادم داخل القبر ويمصون عظامه,,,,,,,,

لكن عسى الله يهدي المسئولين بالدوله لمصلحة الناس اللي ماكلين هوا

 

[ميكانيكي]

نزول الفائده يأثر على النسبه التي يتقاضاها بيت التمويل كأرباح مقابل الاقراض بشكل غير مباشر .. لما تنزل الفائده تصبح البنوك التقليديه اكثر جاذبيه كمصدر للاقراض (تكلفه اقل على المقترض) ولذلك تجد البنوك الاسلاميه تخفض النسب التي تتقاضاها كأرباح على الاقراض كلما نزلت الفائده (لكي لاتفقد جاذبيتها بالسوق مقارنة بالبنوك التقليديه) ..

للأخ الذي ينوي شراء سياره .. انتظر ولاتستعجل فالقادم افضل (من الناحيتين تكلفة الاقتراض + اسعار السيارات) ..

كلامك على الي بياخذ قرض الحين ؟(( تورق ))

ولا الي ماخذ من قبل ؟

 

[Medo]

نزول الفائده يأثر على النسبه التي يتقاضاها بيت التمويل كأرباح مقابل الاقراض بشكل غير مباشر .. لما تنزل الفائده تصبح البنوك التقليديه اكثر جاذبيه كمصدر للاقراض (تكلفه اقل على المقترض) ولذلك تجد البنوك الاسلاميه تخفض النسب التي تتقاضاها كأرباح على الاقراض كلما نزلت الفائده (لكي لاتفقد جاذبيتها بالسوق مقارنة بالبنوك التقليديه) ..

للأخ الذي ينوي شراء سياره .. انتظر ولاتستعجل فالقادم افضل (من الناحيتين تكلفة الاقتراض + اسعار السيارات) ..

عمرها ما كانت الفائدة مقياس لمن يبحث عن تمويل حسب الشريعة لأنه من أولويات هذه الشريحة من المقترضين، الحصول على تمويل شرعي. وبما أنه مصادره محدوده.. فمجبر أخاك لا بطل

فالجاذبية في رفع او تخفيض الفائدة ليست مقياس لأن التمويل الإسلامي يحمل الجهة الدائنة مخاطرة.. تجعل كلفة الإقراض و المصاريف الإدارية دائما أعلى من البنوك التقليدية​

 

[فنان999]

معلومة
نسبة المرابحة لشراء سيارة جديدة في بيت التمويل الكويتي تقريباً 20% لمدة خمس سنوات
مبروك للي يبي يشتري سيارة
ودمتم

 

[بصرك]

معلومة
نسبة المرابحة لشراء سيارة جديدة في بيت التمويل الكويتي تقريباً 20% لمدة خمس سنوات
مبروك للي يبي يشتري سيارة
ودمتم

الي اعرفه سنو مرابحه475% تطلع تريبا24%

 

[الطير القطامي]

الي اعرفه سنو مرابحه475% تطلع تريبا24%

( نفس المعلومه اللي عندي

 

[cocacola]

البنك المركزي ينفي تخفيض الفائده في الوقت الحاضر

منقول من الوطنtv

 

[سريع الاشتعال]

اليوم طيب ......بس باشر غصب

 

[الوافي ابو محمد]

البنك المركزي ينفي تخفيض الفائده في الوقت الحاضر

منقول من الوطنtv

لعيون الشركات راح ينزلها