مدنــــــــي ولا عسكـــري.............مهنـــــــدس ولا ظابــــــــــط....

[Eng-Omar]

زين اخوي مانسيت ان الموت حق ويمكن تموت هل انت مستعد للاخرة مثل الوظيفة والراتب

بارك الله فيك
وجزاك الله خير

بس وانا اخوك النصيحه مثل هذي تكون بالسر

مو جدام الناس

وانت ما تعرف انا منو وشنو الله يهديك
لا حول ولا قوة الا بالله

عموما
جزاك الله خير

 

[Eng-Omar]

أنا اشوف قطاع النفط وايد زين

مبرووووووك التخرج مقدما

وبالتوفيق

مشكوره عالمرور والنصيحه الطيبه

شاكرلج

 

[Eng-Omar]

اذا تبي نصيحتي روح النفط وانت مغمض مايبيلك الا واسطه وعلى فكره اذا تبي معاش قوي ومكان مافيه شغل مالك الا العمليات المشتركه الى بالوفره ^_^ وتقدر تكمل دراستك برا

بارك الله افيك اخوي

والله نصيحه من ذهب

صج اسمع عنه مكان ممتاز

 

[Eng-Omar]

نصيحه ابتعد عن الداخليه العسكريه بكبرها حرام انت جامعي
روح قطاع النفط او معهد الابحاث وشخصوصا ان هندسه جامعه الكويت اقوى من برا
وعسى الله يوفقك ومبروك التخرج مقدما

الله يوفجك اخوي عالكلام الطيب

والله كلامك لامس مشاعري

 

[Eng-Omar]

مبروك النجاح مقدما

اخوى اذا لك خلق كمل دراسات عليا اول شىء وبعدين لاحق على الشغل

عدل كلامك اخوي

مشكور

 

[Eng-Omar]

على حسب ميولك اخي الكريم
اذا مثل ماقلت كنت مشتهي العسكريه ضابط اختصاص جيد
ونحن بالكويت الرضا بالوظيفه يعتمد على المكان اللي تنحط فيه واي اداره اتوزع فيها.
اذا تبي الشغل والراتب عليك بالقطاع النفطي
واذا تبي المستقبل عليك بعدم الاكتفاء بالشهاده الحاليه وكمل للماستر والدكتوراه
واذا تبي الراحه تعال عندنا بالاشغال
بس ترا المهندسين عندنا على افا من يشيل ومالك خبزه بينهم الا بالواسطه والنفوذ
بس اذا تحب النوم مالك الا الاشغال ( وخصوصا قطاع الصيانة )​

كلامك على راسي يا اخوي

والله صج نورتني

الله يعطيك العافيه

 

[Eng-Omar]

نصيحه ابعد عن العسكريه , سواء ضابط اختصاص او ضابط عادى

بيض الله وجهك

 

[Eng-Omar]

انا نصيحتي لك ...

راجع وزاره الكهرباء والماء أو الطاقه ..

شهادتك ... وأختصاصك

وراتب قوي وابتعد عن العسكريه

وبالتوفيق أمتناني ..​

​

امتناني لك طال عمرك على كلامك اللي عين العقل

الله يجزاك خير

 

[Eng-Omar]

وازيدك من الشعر بيت

عندنا مهندسين مدنيين يعملون في وزارة الداخلية عددهم تقريبا 15

والله كلهم ودهم ينتقلون ويطلعون من عندنا

اخوي بغيت اسألك

هل فرصة انه يدزونهم يكملون دراستهم صعبه

وبعد جم سنه خدمه

وشلون طريقتها؟

 

[Eng-Omar]

يا جماعه محد عنده خلفيه عن الهيئه العامه للتعليم التطبيقي

شلون طريقة قبول المهندسين عندهم

نبي احد يفيدنا بارك الله فيكم

 

[الريبال]

أخوي الله يوفقك وكل مسلم
بالنسبه للوظيفه أنا أقترح عليك عمل اختبار لشخصيتك وتشوف ميولك وين لأنه من وجهة نظري أهم شي تكون حاب وظيفتك لأنك راح تبدع فيها وخل عنك الراحه وقوة الراتب

 

[متفائل بالخير]

اسأل الله ان يوفقك وعليك بصلاة الاستخاره 0
اما العسكريه فنصيحه انحش فهى شاقه ومتعبه ومرهقه وفيها تلف الاعصاب

 

[life42]

انا اشوف العسكريه احسن بالنسبه لشهادتك قطاع النفط دوامهم متعب اما بالنسبه للعسكريه فدوام ثابت ومستقبل جيد وممكن مستقبلااا تكمل دراستك والراتب وااااايد زين وفوق هذاااا الترقيه ثابته ما فيهاااا واسطه يعني ممكن مستقبلاااا تستلم منصب في المنشأأأ ت العسكريه او في الاتصالاااات او الحاسب الالي لان ممكن يكون فيهااا فنيين اصحاب شهادات الدبلوم بس مهندسين معدودين وخصيصااا لما يكون ضابط اختصاص ودوراتهم وايد زينه انا اعتذر منك ومن الاخوان لان الكلااام في المنتديات يكون محدود بس ممكن تتصل فيني وانااااا انشاء الله اقدر افيدك اكثر

 

[Navigator]

جزاك الله الف خير وانا اخوك

انت مجرب

وانا احب اسمع منك اكثر

ولا يهونون الربع


اي قطاع طال عمرك

وشنو طبيعة شغلهم بالظبط


ومشكوووور عالنصيحه الطيبه

حياك الله اخوي والله يوفقك

العسكرية خلها لشهادات ام طقه شغل سلوفاكيا والفلبين والهند

طبيعة شغلهم تحلطم بس وكل يومين شايحينهم نقل وانتداب وهالامور

الدوام التزام 100%

من 7.30 الى 2.30

صلاحيات ماكو

شغل رئيس ومرؤوس رسمي بزياده مو حلو

شهادتك من الكويت

حتى القطاع الخاص يبيك

لا تدفن عمرك بعسكرية ويصير مسؤولك ..........

تكلمه باختصاصك ودراستك يقولك ما يصير

اذا تقدر تكمل لا توقف

وانصحك بالماستر في بريطانيا سهل وخلال 9 شهور

بالتوفيق

 

[Eng-Omar]

أخوي الله يوفقك وكل مسلم
بالنسبه للوظيفه أنا أقترح عليك عمل اختبار لشخصيتك وتشوف ميولك وين لأنه من وجهة نظري أهم شي تكون حاب وظيفتك لأنك راح تبدع فيها وخل عنك الراحه وقوة الراتب

مشكووور اخوي

والصراحه نبهتني على شغله مهمه

بجرب الاختبار انشالله

 

[Eng-Omar]

اسأل الله ان يوفقك وعليك بصلاة الاستخاره 0
اما العسكريه فنصيحه انحش فهى شاقه ومتعبه ومرهقه وفيها تلف الاعصاب

الله يكثر من امثالك اخوي

ومشكور على الدعوه الجميله


ونصيحتك غاليه

 

[Eng-Omar]

انا اشوف العسكريه احسن بالنسبه لشهادتك قطاع النفط دوامهم متعب اما بالنسبه للعسكريه فدوام ثابت ومستقبل جيد وممكن مستقبلااا تكمل دراستك والراتب وااااايد زين وفوق هذاااا الترقيه ثابته ما فيهاااا واسطه يعني ممكن مستقبلاااا تستلم منصب في المنشأأأ ت العسكريه او في الاتصالاااات او الحاسب الالي لان ممكن يكون فيهااا فنيين اصحاب شهادات الدبلوم بس مهندسين معدودين وخصيصااا لما يكون ضابط اختصاص ودوراتهم وايد زينه انا اعتذر منك ومن الاخوان لان الكلااام في المنتديات يكون محدود بس ممكن تتصل فيني وانااااا انشاء الله اقدر افيدك اكثر

والله يا اخوي كلامك في شي من العقل

الله يكتب اللي فيه الخير

بارك الله فيك اذا تقدر دزلي ايميلك ورقمك عالخاص

وانشالله اتواصل معاك واستفيد منك

 

[Eng-Omar]

حياك الله اخوي والله يوفقك

العسكرية خلها لشهادات ام طقه شغل سلوفاكيا والفلبين والهند

طبيعة شغلهم تحلطم بس وكل يومين شايحينهم نقل وانتداب وهالامور

الدوام التزام 100%

من 7.30 الى 2.30

صلاحيات ماكو

شغل رئيس ومرؤوس رسمي بزياده مو حلو

شهادتك من الكويت

حتى القطاع الخاص يبيك

لا تدفن عمرك بعسكرية ويصير مسؤولك ..........

تكلمه باختصاصك ودراستك يقولك ما يصير

اذا تقدر تكمل لا توقف

وانصحك بالماستر في بريطانيا سهل وخلال 9 شهور

بالتوفيق

الله يعطيك العافيه يا اخوي
وكلامك حيييييييييييييييييل يعني فادني
الله يجعلها بميزان حسناتك


بس في شغله ما جاوبتني عنها

انا كل هدفي من طاري العسكريه انني اكمل دراستي

ووظيفه وراتب حلو

ابي طريقة استكمال الدراسه لظباط الاختصاص شلون
بعد جم سنه خدمه
وفرصتها متاحه
ولا صعبه
وشلون اذا بصير مدرس بالكليه ادرس فيها
سمعت انها رااااتب حتى احسن من دكاترة الجامعه
وهم وظيفه قويه ومركز ممتاز
لان طال عمرك النفط سألت عنها

قالولي عليها ظغط مو طبيعي
يعني فرصه ضئيله

وعن بريطانيا

تو الربع مقدمين ورافضينهم
يقولون متشددين وصايرين ما يطالعون ب بطلبك اذا معدلك اقل من 3
من كثر الظغط اللي عليهم
ف الامور كل ما جالها قاعده تتصعب

بعدين اذا اي قطاع حكومي دزني افضل لان اذا رديت اكون ظامن مكاني عالاقل

مو نفس اذا رحت على حسابي
يمكن اذا رديت انقع شهادتي واشرب مايها

ادري تعبتك بالاسأله

الله يعطيك العافيه على سعت صدرك معاي

 

[Eng-Omar]

محد فادنا عن الهيئه العامه للتعليم التطبيقي

يا رريت اللي عنده معلومات لا يبخل علينا

 

[Eng-Omar]

يا شباب نبي معلومات عن التطبيقي