فضل
عضو مميز
رحنا انا واثنين من الربع بسياره وحده < اكيد يعنى بسيارتين
>كنا ناويين نتمشى ونوسع صدورنا ونقزر الوقت
قال صاحب السياره بعد اذنكم بمر مغسلة السيارات
بغسل السياره عشان تلق ، قلنا ماشى
حط السياره على الجيك وابتدا الغسيل
قعدوا ربعى على الكراسى بانتظار السياره تخلص
عزمتهم على بيبسى من الماكينه ، قالوا جيب
جبت ثلاثه ، عطيت الاول وعطيت الثانى وبغيت اقعد
بس شفت واحد قاعد جنب الربع يقرأ جريده
استحيت منه ، وقلت تفضل يا الطيب ، ومديت البيبسى
الرجال فاتح الجريده على الاخر وحاط رجل على رجل
ومندمج يعنى يقرأ بتمعن
لدرجة انه ما انتبه لى ولا سمعنى < اعتقد بسبب صوت غسيل السيارات>
طبعا كان بإمكانى احترم نفسى واقعد واشرب البيبسى
لكن شفت ربعى ميتين من الضحك و يتشمتون فينى
ف،، كبرت براسى
فمديت البيبسى مره ثانيهوطولت صوتى يالحبيب يالطيب تفضل
هم الرجال ما انتبه
وصوت ضحك الربع زاد
والضغوط النفسيه زادت على
جان أمد إيدى واسحب الجريده منه ، فتفاجأ الرجال
وبقق عيونه فينى < شكله يقول شهالمهبول هذا >
قلت له اتفضل بيبسى
قال : مشكور اخوى مابى شكرا ما قصرت
خذيت نفسى و شرابى وقعدت < الحمدلله انتهى الكابوس >
بس المشكله ان ضحك الشباب ماخلص
وليييين ، الحين بيمسكون هالموقف على اليوم كله
هذا اذا مو العمر كله
