سافرت لماليزيا ..... حياك تفضل

[كنكون]

السلام عليكم ورحمه الله وبركاته
يا اخوان انا ان شاء الله مسافر لكوالالمبور لمده 8 ايام انا وزوجتى وطفل سنتين ونص على الخوط الكويتيه وبسعر مناااااااسب جدا للشخص 150 دينار
انا اشوفه سعر خيالى
ومبدئيا بحجز فندق ماريوت 4 ايام تقريبا ب 40 دينار الليله وفندق تريدرز ممممم مادى جم سعره للحين
الاخوان الى عندهم خبره بماليزيا ياليت يفيدونا ويسون لنا برنامج ل 8 ايام
ومابي اروح جزر
وبخصوص الفنادق هل ممتازه ولا فى احسن منها
وشنو المطاعم الحلوه هناك والمجمعات الحلوه
وجزاكم الله خير

 

[kuwaitey]

الله يهنيك ان شاء الله انا اذكر رايح لها على الكويتية بــ276 قبل جم سنه

جرب فندق اسمه تايم سكوير اذا مانى غلطان فيه مطاعم واسواق تتمشى فيه لما تتعب

ولاتنسى تروح السوق الصينى لايقصون عليك عطه ربع قيمة السعر اللى يعرضه عليك

للاسف انا ماقدر افيدك عن مناطقها لانى ماطولت فيها ماحسيت انى مسافر كلها كويتيين

تروح وترد بسلامه ان شاء الله

 

[al.jamly91]

اخوى انا رحت السنه اللى طافت الدوله زينه بس فيها غلا شوى
واذا ما تبى تروح جزر عندك فى كوالا لمبور كل شى حديقة الفراشات والطيور وعندك افاموسى وعندك جنتنج فوق بس اخذ ملابس ثقال حق البنت الله يحفظها
وعندك التايم سكوير فيه كل شى والسوق الصينى زين بس لا تعطى سعر وتهون ترى اهل مشاكل
والله يوفقك

 

[away1979]

الله يوفقك ان شاءالله
انا كنت رايحلها الصيف الي فات بكل صراحة ماليزيا من اجمل الدول الي مريت عليها!
بخصوص فندق الماريوت انا ماسكنته بس عن الموقع ماله حدث ولا حرج بوسط السنتر كل شي قريب منك
انا كنت ساكن فندق الوستن جمب الماريون موطبيعي

بخصوص المجمعات انا احب المجمعات احلى مافيها المجمعات
في مجمع قدام الماريوت جديد خوش مجمع احلى مجمع!!
وعندك بعد مجمع تايم سكوير كبير وحلو وفيه العاب!
بس سعر التذكر رخيص وخيالي لأني انا ماخذها طبعا على الاماراتيه 335 دينار
الزبدة مابي اطول عليك ان شاءالله ماراح تحسف وتروح وترد بالسلامة

 

[q8q822]

انا ساكن في فندق كنكورد حلوو ونظيف وبالليل تقدر تطلع تمشي حق البرجين التون تاور في قهاوي ونافورة تقعد فيها وتحتها سوق حلوو وسينما روح سوق بتلينق ستريت الحي الصيني كل شي تقليد

وتروح حق الجنتج نام فيها ليلة او تروح الصبح وترد بالليل انصح تنام ليلة احسن فيها تلفريك تروح للحديقة فيها

والله يوفقك لا تنسى بالصوغة ) طبعا بالمطار اركب تاكسي المطار ارخص تقريبا 80 رنقت لا تاخذ من برا غالى ولا تركب مع التاكسي غير الماليزي صيني هندي واحد يتكلم عربي خلة يولي

 

[كنكون]

ماشاء الله
احرجتونى بردودكم السريعه والطيبه
بس ماسمعنا طارى فندق تريدرز
وشنو الاشياء الى تنصحون فيها الواحد ياخذها من كوالالمبور ومو موجود فى الكويت او موجود ورخيص هناك
المطاعم ياشباب لاتنسونها

 

[اليوفي الثاني]

دير بالك يا الحبيب السوق الصيني اذا عطوك سعر معين قله النص
اما عن فندق ماريوت خوش فندق وسط السوق وفي مطعم ايراني على نفس الشارع نسيت اسمه وراح تلاقي تاكسي خبل مو صاحي كله يغني خليجي يموت من الضحك
ولا تنسى الرد بول اللي عندهم وحياتك راح تحبه طعم .........................
وبالسلامه اخوي

 

[azzd]

عندك موقع المسافرون العرب ..................راح يفيدك وااااااااااااااااااااااااايد

 

[الأرستقراطي]

السلام عليكم ورحمه الله وبركاته
يا اخوان انا ان شاء الله مسافر لكوالالمبور لمده 8 ايام انا وزوجتى وطفل سنتين ونص على الخوط الكويتيه وبسعر مناااااااسب جدا للشخص 150 دينار
انا اشوفه سعر خيالى
ومبدئيا بحجز فندق ماريوت 4 ايام تقريبا ب 40 دينار الليله وفندق تريدرز ممممم مادى جم سعره للحين
الاخوان الى عندهم خبره بماليزيا ياليت يفيدونا ويسون لنا برنامج ل 8 ايام
ومابي اروح جزر
وبخصوص الفنادق هل ممتازه ولا فى احسن منها
وشنو المطاعم الحلوه هناك والمجمعات الحلوه
وجزاكم الله خير

العرض جميل و أحلى ما فيه التوقيت يعني راح تحس انك مسافر لأن بالصيف كل الخليجيين هناك و هات يا نصب ،،، فندق ماريوت يقع في ( golden triangle ) كما يسمونه أي المثلث الذهبي لوجود الأسواق و الماركات في نفس الشارع و هو أفضل موقع اخترته و يوجد بجانبك التايمز سكوير و لوتن و بعض المطاعم العربية ( الطربوش ) أنصحك بعد ما تخلص مدتك في الماريوت ليلتين كفاية عليه تتجه الى فندق ( السانواي لاجون ) حيث يوجد سوق كبير وأكوابارك يصلح للعائلات والمحجبات و مدينة ترفيهية و ليلتين كفاية عليه و تختمها بفندق ( palace of the golden horses ) علشان تعيش حياة رومانسية مع المدام خصوصا عند بحيرة السمك ( جيب خبز معاك علشان توكلهم ) و اذا في مجال ضروري تزور جنتنج تطلع لها من الصبح الساعة 8 عن طريق تاكسي الفندق أو باص حيث تركب التلفريك لمدة 20 ساعة و تدخل في الغيوم لتصل الى المدينة الترفيهية و يوجد أيضا بيت الرعب و سوق صغير و ترجع بالليل الساعة 9 مساء ،،، تحياتي ،،،​

 

[كنكون]

العرض جميل و أحلى ما فيه التوقيت يعني راح تحس انك مسافر لأن بالصيف كل الخليجيين هناك و هات يا نصب ،،، فندق ماريوت يقع في ( golden triangle ) كما يسمونه أي المثلث الذهبي لوجود الأسواق و الماركات في نفس الشارع و هو أفضل موقع اخترته و يوجد بجانبك التايمز سكوير و لوتن و بعض المطاعم العربية ( الطربوش ) أنصحك بعد ما تخلص مدتك في الماريوت ليلتين كفاية عليه تتجه الى فندق ( السانواي لاجون ) حيث يوجد سوق كبير وأكوابارك يصلح للعائلات والمحجبات و مدينة ترفيهية و ليلتين كفاية عليه و تختمها بفندق ( palace of the golden horses ) علشان تعيش حياة رومانسية مع المدام خصوصا عند بحيرة السمك ( جيب خبز معاك علشان توكلهم ) و اذا في مجال ضروري تزور جنتنج تطلع لها من الصبح الساعة 8 عن طريق تاكسي الفندق أو باص حيث تركب التلفريك لمدة 20 ساعة و تدخل في الغيوم لتصل الى المدينة الترفيهية و يوجد أيضا بيت الرعب و سوق صغير و ترجع بالليل الساعة 9 مساء ،،، تحياتي ،،،​

مشكور اخوى على مرورك ونصايحك
بس الفنادق الى ذكرتها تعتقد انها افضل من تريدرز؟؟؟؟

 

[الأرستقراطي]

مشكور اخوى على مرورك ونصايحك
بس الفنادق الى ذكرتها تعتقد انها افضل من تريدرز؟؟؟؟

تريدرز جيد و لكنه مخصص للخليجيين يعني كل واحد يروح ماليزيا ينزل فيه ،،، باختصار المعاملة ماراح تكون جيدة ،،، لكن الفنادق اللي ذكرتهم لك يعتبرون منتجعات ما عدا الماريوت موقعه ممتاز للتسوق واكتشاف ماليزيا يعني راح يكون ال klcc أبراج بيتروناس قريبة و هي سوق و مركز علمي ممتاز ،،، و أي سؤال لا يردك الا الكيبورد ،،،

 

[كنكون]

كلك خير وبركه
وحنا طامعين فيك
شنو احسن سفريات حق الفنادق عندنا بل كويت

 

[مستثمر عنيد]

روح جنتنج واخذ ليلتين الجو بديع

 

[الأرستقراطي]

كلك خير وبركه
وحنا طامعين فيك
شنو احسن سفريات حق الفنادق عندنا بل كويت

جميع الأسعار متقاربة يعني فرق من 2 الى 5 دنانير في الليلة ،،، بس تبي شغل نظيف و مضمون ( دناتا ) عند المطافي اللي بسوق الكويت اللي عند مجمع المثنى ،،، و بالنسبة للأسعار الفنادق 5 نجوم تتراوح من 30 الى 40 دينار ،،،

 

[al-elaj]

اخوي نصيحه في درجة بالكويتية على درجه السياحية امكن s او c
يجي الكرسي درجة اعمال والخدمات سياحية نصيحه اخذها حتى اذا غالية
لان السياحية العادية بالكويتية كلها خدم انا والله مجربها ولاتنسى 7 ساعات بالطياره .
وهذا الموقع راح يفيدك حيل http://travel.maktoob.com/vb

 

[ابو عبير]

الله يعينك على الفنادق يكرم الموجودين والى يقرون زباله

 

[sjl71]

تروح وتجي بسلامه

 

[كنكون]

الله يعينك على الفنادق يكرم الموجودين والى يقرون زباله

لهدرجه انا سمعت انها مديوسه دووووس يعنى الاثاث قديم وتكرم الحمامات
بس الله يهداك تراك حطكتنى لاتخليني اغير وروح دبي سعاده

 

[al-elaj]

لهدرجه انا سمعت انها مديوسه دووووس يعنى الاثاث قديم وتكرم الحمامات
بس الله يهداك تراك حطكتنى لاتخليني اغير وروح دبي سعاده

اخوي ماليزيا 100% اخذ نصيحت اخوك
وفنادقها نظيفة .

 

[المستثمر22]

اخوى عندك مجمع الصن لاقووووووووون لايطوفك عجيب
كله مطاعم وعنك مجمع سوريا هم عجيب وفيه خوش مطعم ايرانى بالطابق ال 3 او 4
ومن ناحية المجمعات مجمعاتهم ضخمه

واحلا مطعم عندهم كنتاكى صج شى غير طبيعى
والفنادق انصحك كل يومين او 3 فندق
والجنتنق ما انصحك فيها لانها اصلا كازينو للقمار ضخم وحوله مطاعم وفنادق على راس جبل
تصعدله بالتلفريك لمده ساعه ومن كوالمبور لتلفريك ساعتين متعبه خصوصا ان معاك طفل
بس اذا عزمت تصعد لجنتق اخذ وياك جاكيت لأن الجو باااارد