سافرت لماليزيا ..... حياك تفضل

[المستثمر22]

وانصحك بموقع العرب المسافرون راح تلقى كل اللى تبيه

 

[كنكون]

مشكور al-elaj و المستثمر 22
يقولون فى اكثر من شركه للتلفون وفى وحده منهم رخيصه حييييل مقارنه بل الثانيه منو يعرف اسمها ؟؟؟؟؟
وبعدين انا لقيت اسعار الفنادق بل مكاتب تقريبا 45 دينار الماريوت والتريدرز
بس بل نت السويت ب 40 بس ماعمرى جربتها الى عنده خبره فيها وجرب ياليت يقولنا اسم الموقع
ومشكووووووووووووووووووووووووووووووووووووووورين

 

[الأرستقراطي]

الأسواق في كوالالميور :
klcc كولالمبور سيتي سنتر ( برج بيتروناس )
mega mall أكبر سوق بالشرق الأقصى
china town السوق الصيني
ايمبوريوم ( للماركات مثل مجمع الصالحية )
lo10 لوتن
تايمز سكوير
ساناواي لاجون​

 

[الأرستقراطي]

مشكور al-elaj و المستثمر 22
يقولون فى اكثر من شركه للتلفون وفى وحده منهم رخيصه حييييل مقارنه بل الثانيه منو يعرف اسمها ؟؟؟؟؟
وبعدين انا لقيت اسعار الفنادق بل مكاتب تقريبا 45 دينار الماريوت والتريدرز
بس بل نت السويت ب 40 بس ماعمرى جربتها الى عنده خبره فيها وجرب ياليت يقولنا اسم الموقع
ومشكووووووووووووووووووووووووووووووووووووووورين

شركة 123 للأتصالات بس لازم قبل لا تطلب الرقم تتصل على رقم بدالة البايع راح يشرحلك ،،، الشريحة ب 5 دنانير مع رصيد و الدقيقة ب 200 فلس تقريبا ،،، تحياتي ،،،

 

[الأرستقراطي]

الله يعينك على الفنادق يكرم الموجودين والى يقرون زباله

بالنسبة للفنادق النظافة ممتازة لل5 نجوم لكن اذا ما خذلك 3 نجوم فهذا شي ثاني ،،،

 

[كنكون]

بالنسبة للفنادق النظافة ممتازة لل5 نجوم لكن اذا ما خذلك 3 نجوم فهذا شي ثاني ،،،

انا حاجز فنادق 5 نجوم
الماريوت وتريدرز

 

[nino1983]

جرب منتجع sunway lagon واسكن في الفلل وادعيلي ... شي موطبيعي وخيالي بس شوي غالي ويستاهل

 

[شجرة العود]

تروحون وترجعون بالسلامة انشالله
ماليزيا من البلدان اللي عالقة في ذهني زيارتها وأحب ذكرياتها دولة غنية ومسالمة رحنا لها من ثلاث سنوات بس كل الحجوزات ( الفنادق ورحلات الطيران الداخلي من منطقة لمنطقة (كوالالمبور - بيننغ - لانكاوي معضمها مسلمين- والرحلات السياحية ) من مكتب سفريات يعني بصراحة ما تعبنا كانوا يستقبلوننا بالمطار ويرجعونا للمطار حتي بالطيران الداخلي حتى إذا تبي مترجم يرسلون معاك بس حنا ما طلبنا اللغة ما فيها مشكلة عندنا انجليزية.
والغريب محد ذكر حديقة الفراشات والزهور لما تزورها تلقى فيها ألف نوع من الفراشات بألوان مختلفة وكذلك الزهور وحديقة الطيور بتشوف أشكال طيور بحياتك ما شفتها وبتقول سبحان الخالق وحديقة الفواكة فيها رقي أصفر طعمه خياال وبتشوف شجرة اسمها شجرة الكالونيا ريحة ورقها سبحان الله كأنك متعطر بكالونيا
الشي الثاني بتلقى بالفنادق رحلات كثيرة ومتنوعة أذكر منها رحلة لجنتنغ لاند منطقة مرتفعة وباردة لاتنسون اخذوا جاكيتات معاكم إذا رحتوا لها لأننا كنا لابسين صيفي واضطرينا نشتري من محل ملابس جاكيتات ما تحملنا البرد
في رحلة حلوة لجزيرة النسور كنا نرمي لحم للنسور بالبحر وينزلون وكنا نخاف ويقول لنا صاحب اليخت لا تخافون ما يقربون لكم
وفي رحلات صيد سمك كثيييرة وحلوة
ولاتشيلون هم الأكل فيها مطاعم عربية ( لبنانية - عراقية - ....) وفي تركية وايرانية
وشعبها راااقي ومسالم وخدووم بالحيل

 

[كنكون]

نشكر مروركم ونصائحكم
وننتظر المزيد من المعلومات المفيده
جزاكم الله خير

 

[rtist@]

السلام عليكم ورحمه الله وبركاته
يا اخوان انا ان شاء الله مسافر لكوالالمبور لمده 8 ايام انا وزوجتى وطفل سنتين ونص على الخوط الكويتيه وبسعر مناااااااسب جدا للشخص 150 دينار
انا اشوفه سعر خيالى
ومبدئيا بحجز فندق ماريوت 4 ايام تقريبا ب 40 دينار الليله وفندق تريدرز ممممم مادى جم سعره للحين
الاخوان الى عندهم خبره بماليزيا ياليت يفيدونا ويسون لنا برنامج ل 8 ايام
ومابي اروح جزر
وبخصوص الفنادق هل ممتازه ولا فى احسن منها
وشنو المطاعم الحلوه هناك والمجمعات الحلوه
وجزاكم الله خير

سعر التذكرة مناسب جدا ماشاء الله
انا سافرت ماليزيا 5 مرات ، بالنسبة للفنادق جربت كذا فندق لكن ارتحت في تريدرز ، موقعه مناسب ، قريب من مجمع KLCC ومجمع بافليون ، وهذيل المجمعين من أفخم مجمعات ماليزيا ، والساحات اللي داير ما دايره عبارة عن حدايق وفيها أماكن للمشي ، اذا طليت الصبح ع الساحات تلاقي اللي يمارسون المشي والركض في الممشى هناك ، وفي نوافير وحديقة فيها احواض سباحة بس مو عميقة لليهال يلعبون فيها .. ومسجد يالله من فضلك تسمع الأذان والإقامة..
الأماكن السياحية :
مجمع تايم سكوير فيه مدينة ملاهي كبيرة داخل المجمع ، بالإضافة الى سينما i max مثل اللي عندنا في المركز العلمي ، ومحلات وسوق ، يعني تقعد فيه نهار كامل.

منتجع سن واي لاقون ، حلو انك تاخذ فيه ليلة او ليلتين ، واذا ما تبي اطلع له بالتكسي مو مشكلة فيه سوق كبير ومدينة العاب كبيرة تنقسم الى العاب ماي والعاب جافة > يعني بدون مايونيسة حيل ، > هذي بعد يبيلها يوم.

أفاموزا > هذي حلوووة > ::verymad::بس مشكلتها البق - البعوض بالفصحى - فيها فلل داخلها حمام سباحة خاص بسعر مناسب وفيها سفاري والعاب وعروض .... تقدر تطلع لها بالتاكسي اذا ما تبي تسكن فيها> وهذا افضل > الطريج حلو اظن ساعة .. بس مافيها مطاعم سنعة

جنتج > احتمال تروح ماتلاقي ولا لعبة شغالة مادري عاد انت وحظك > العام رحت لها هالحزة الا غيم ومطر وموقفين الالعاب > شربت قهوة في كوفي بين ورديت

السوق الصيني > لوعة > ما انصحك فيه > تقليد خربوطة يقولون درجة اولى !!!

بعد شنو > مممممم حسافة ليتك تروح بيننج > روعة

انا لما اروح ماليزيا 22 يوم > اخصص لكوالا لمبو 5 ايام فقط ..! وبيننج 10 ايام والباقي اوزعه على جزر ومنتجعات

وشنو الاشياء الى تنصحون فيها الواحد ياخذها من كوالالمبور ومو موجود فى الكويت او موجود ورخيص هناك
المطاعم ياشباب لاتنسونها

المطاعم > عليك بالأكل البحري في الفنادق > بصراحة انا ما احب المطاعم اللي يديرونها عرب مهاجرين ..!! ، احسن شي اكل بحري سمك مشوي محد يعافه وربيان بالبقسماط و حلقات حباروشوربة قباقب .... لووووول

اشياء موجودة بماليزيا مو موجودة بالكويت
اذا انت شاطر بدهن العود والورد والبخور تلاقي لك عراقي هناك يبيع شغل عدل مدل ... بس ها لازم تكون تعرف بالنوع الأصلي من المغشوش والا يلفك بالحجي

نشكر مروركم ونصائحكم
وننتظر المزيد من المعلومات المفيده
جزاكم الله خير

ودي انزل لك صور تريدرز محفوظة ع اللاب توب بس اللاب توب الله يهداه طاق بنشر..!!::verymad::

فكر في بيننج ترى تسوى ، ولنكاوي ...

 

[كنكون]

rtist@
شكراااااااااااااااا شكراااااااااااااااااااا

 

[الأرستقراطي]

آخر نصيحة ،،، بالنسبة للملابس تاخذ معاك 4 ثري كوارتر و 4 تيشرتات موديل بولو و 4 تيشرتات سبورت و تكرم نعال crocs و نعال طبي بيركنستوك أو صندل رياضي مريح ،،، يعني انسى الجينز و البدل لأنك ما راح تلبسهم ،،، تروح وترجع بالسلامة ،،،

 

[الوافي ابو محمد]

السلام عليكم ورحمه الله وبركاته
يا اخوان انا ان شاء الله مسافر لكوالالمبور لمده 8 ايام انا وزوجتى وطفل سنتين ونص على الخوط الكويتيه وبسعر مناااااااسب جدا للشخص 150 دينار
انا اشوفه سعر خيالى
ومبدئيا بحجز فندق ماريوت 4 ايام تقريبا ب 40 دينار الليله وفندق تريدرز ممممم مادى جم سعره للحين
الاخوان الى عندهم خبره بماليزيا ياليت يفيدونا ويسون لنا برنامج ل 8 ايام
ومابي اروح جزر
وبخصوص الفنادق هل ممتازه ولا فى احسن منها
وشنو المطاعم الحلوه هناك والمجمعات الحلوه
وجزاكم الله خير

تروح وترد بالسلامه

 

[كنكون]

آخر نصيحة ،،، بالنسبة للملابس تاخذ معاك 4 ثري كوارتر و 4 تيشرتات موديل بولو و 4 تيشرتات سبورت و تكرم نعال crocs و نعال طبي بيركنستوك أو صندل رياضي مريح ،،، يعني انسى الجينز و البدل لأنك ما راح تلبسهم ،،، تروح وترجع بالسلامة ،،،

ماتقصر وكلك خير وبركه
الله يسلمك يل وافي