نبي من كل واحد يقول لنا قصة أقوى خسارة له بالبورصة!

[ولد حلال]

امتداد الخساير عجيب وانا احد العجائب

باب النجار مخله سامعين المثل هذا لوووووووووووووول هذا انا النجار
والباب بابي

انا دشيت علي سهم الله الله الله يعطيها العافيه علي كثر ما عطوني هم

دشيت عليه بسعر 1640 علي ما اذكر ورحت سافرت بس اسبوع والله اسبوع لووووووووول
لقيته تحت في ال 980 ونام نومه مو طبيعيه وانا فيني شي مو طبيعي ابي امسك روحي عن الشراء ماني قادر رحت وبعته وللاسف الهم الي صار فيني مو من الخساره من الارتفاع الي عور راسي وصل سعري وارتد مره ثانيه وهذي الخساره شالت ربع رأس المال وللحين ما وصلت لرأس المال والله علي ما اقوله شهيد

وسالفة النجار اى سهم اقوله حق احد من الربع اهتم واعصر المعلومه عصر ويربح الحبيب وانا مكانك راوح انا لزم اخذ عموله عليهم علشان اعوض الخساير الفادحه

 

[الفهلوي]

دشيت عليه بسعر 1640 علي ما اذكر ورحت سافرت بس اسبوع والله اسبوع لووووووووول
لقيته تحت في ال 980 ونام نومه مو طبيعيه

شكله بورتلاند





الفهلوي

 

[سهم اخضر]

انا دشيت على سهم سابك في السعودية واشتريته بسعر 306 ريال سعودي ، وكانت الشركة تأدي اداء ممتاز ، حتى ظهر بعض المرجفون وقالوا ان سابك خسرانه وتوزيعها سي وال P/E سي وربوية وبعت بخسارة بعد ما نزل السهم

والحين سابك وصل سعرها 1445 ريال اي دبل خمس مرات تقريباً من غير التوزيعات والارباح .

لااحد يسألني عن الخسارة .

والحين انا عندي اسهم في المخازن ، هل تتوقعون ان ابيع اسهمي في المخازن ؟
الشركات الممتازة ليس عليها خوف و اذا كان سعر السهم اليوم يخوفك ترا باكر تشوفه زهيد

وبالتوفيق انشالله

 

[بومهدي]

السلام عليكم و رحمة الله

الأخ ولد حلال بعد التحيه

أوصي نفسي وجميع الأخوان و الأخوات بالصدقه الصدقه الصدقه خصوصا أولادك أو بناتك أو أقاربك ولا ترد ذوي الحاجات وتمنى الخير للناس مثل ما تتمناه لنفسك لأن الرزاق سبحانه وتعالى مطلع على قلوبنا وعلى سرائرنا .

وفقكم الله ورعاكم

أخوكم
بومهدي

 

[الوحش]

خط وايد صغير

ا
لى بعض الجولات من الربح والخسائر ..وهكذا السوق ربح وخسارة...ولكى استطيع معرفة متى ادخل واخرج..اتبعت اسلوب متابعة الشارت والتحليل البيانىوكانت لى متابعة جيدة لسهم مركز سلطان..حيث شريته فى فبراير بسعر 680 فلس...وكانت حسب راييى سعر جيد..وصار اللى صار بعد حركة التصحيح..وانخفض السعر تدريجيا حتى وصل الى 460-465... وكنت فى كل مرة ابردالسهم اجد السهم ينخفض دون سبب واضح...فالارباح المتوقعة والمركز المالى للشركة ممتاز...لكن السهم ينخفض!!!!ودون جدوى اصبحت مجمد فلوسى فيها والسهم ما يتحرك...اصبح معدل سعر السهم عندى 547 ف..ومركزسلطان من الاسهم التى كما يقال لا ينطفى له نار..بس ما ادرى ليش انطفى ناره وصار هشيم بعد فى مايو ويونيو...ومليت جدا من انا متابع جيد للمنتدى...و لكن هذه اول مرة اكتب فيهالسهم وكنت انتظر الارباح لكى ابيعه...وفعلا اخذت الارباح وانتظرت على السهم يوم صاعد ويوم نازل...وصممت ان اخرج على الاقل بربج اجمالى ولو قليل على المدة التى صبرت عليها....اخذنى الضجر الملل...قمت بعت السهم بخسارة ..على امل التعويض فى سهم جيزان..بعد تخطيه حاجز المقاومة حيث كنت اراقب سهم جيزان ايضا...وبالفعل شريت السهم بسعر دينار و280فلس"المقاومة كانت دينار و260 فلس...وللاسف ارتفع السهم قليلا..ومالبث ...ان قوع...والقهر ...ان اسهم مركز سلطان بعد اسبوع بدا بالتحرك...الى ما ترونه...يعنى خسارتى = خسارتين فى سلطان وجيزان اللى بعته الان واستبدلته بالسفن الان..والرزق على الله ...يا لطيف

مانى شايف شىء الخط وايد صغير

 

[الراقي]

أول خسارة لي كانت 170 دينار وحاسب العموله بعد وكنت افكر شلون اعوض هذي الخسارة الجايدة واليوم خسران في دقائق تقريبآ 3ألاف دينار ومومهتم نفس 170 دينار والحمدلله صار عندي مناعة من كثرت الخساير وكل هذا مومهم وأسئل الله ان يرزقني حسن الخاتمه

 

[tarazaan]

الحمد لله عمري ما خسرت بالبورصة
لاني عمري ما فكرت بالمضاربة وكلة ادرس السهم عدل واسئل عنة قبل ما ادخل علية
وهم عمري ما احتفضت بسهم اكثر من ثلاث شهور

يعني البورصة معاي ماشية اوكي والحمد لله

بس الله لا يوفقة الديييييييييييييينار العراقي النحس
خسرني 6 الاف دينار

 

[hassankoc]

انا سالفتي واحد كله عل فلوسي10000 في اقل من شهر ما ادري هو نصاب ولا لا.
اسمه زيدان خلف العنزي ( يشتري لي نفط امريكي وذهب ومعادن عن طريق برنامج اسمه ريمونت على ألأنترنت يبيع ويشتري يوم ارتفع النفط الأمريكي يقول طارت فلوسك ماكو شي انا الى الأن ماني عارف شلون راحت فلوسي والله اذا احد يعرف اذا هو نصاب؟ ولا لا فيدونا جزاكم الله خير مكتبهم بالبورصه الدور الثاني كويت اسسوسيتس شركة وساطه ماليه حق طارق محمد البغلي (

 

[tarazaan]

انا سالفتي واحد كله عل فلوسي10000 في اقل من شهر ما ادري هو نصاب ولا لا.
اسمه زيدان خلف العنزي ( يشتري لي نفط امريكي وذهب ومعادن عن طريق برنامج اسمه ريمونت على ألأنترنت يبيع ويشتري يوم ارتفع النفط الأمريكي يقول طارت فلوسك ماكو شي انا الى الأن ماني عارف شلون راحت فلوسي والله اذا احد يعرف اذا هو نصاب؟ ولا لا فيدونا جزاكم الله خير مكتبهم بالبورصه الدور الثاني كويت اسسوسيتس شركة وساطه ماليه حق طارق محمد البغلي (

الله يهديك
شغلة ما تعرفها واتدرعم فيها بعشرتالاف دينار

اسمااااااااااااااااااااااااحلي حدك بايعها

 

[hassankoc]

حتى عندي اليوزر نيم مالي ويشوف ملفي انا صراحه مو فاهم ضيعني الله يضيعه اذا احد يعرف هذه السوالف ويعرف انه نصاب يساعدني واكون شاكر لكم

 

[wishes]

الله يعوض الجميع ان شاء الله

 

[قناص]

الحمدلله على كل حال

اول خسارة لي بجيزان
كانت بدايتي للسوق والكل يتكلم عنها ... كنت صيد سهل للسهم
اخذته المعروض ب 1280
ونطرت عليه وايد وايد وبعته اخر شي 1180
الكمية 5000 سهم
والله الخسارات وايدة بس اغلب الخسارات في اسهم البحر
وفي بعض الاسهم اشوف اغلب الاعضاء خسرانيين فيها مثل
السفن الانانبيب قبل الارتفاع الاخير
الاهلية
والله على ما اقوله شهيد اكثر ربح لي كان من الاهلية
اشتريه بالنازل وابيعه فوق
اخر ربح في الاهلية كنت شاري السهم 355 وبعته على 370

 

[المهذب جداً]

.

انا سالفتي واحد كله عل فلوسي 10,000 في اقل من شهر ما ادري هو نصاب ولا لأ ؟
اسمه زيدان خلف العنزي يشتري لي نفط امريكي وذهب ومعادن عن طريق برنامج اسمه ريمونت على ألأنترنت يبيع ويشتري يوم ارتفع النفط الأمريكي يقول طارت فلوسك ماكو شي انا الى الأن ماني عارف شلون راحت فلوسي والله اذا احد يعرف اذا هو نصاب؟ ولا لا فيدونا جزاكم الله خير مكتبهم بالبورصه الدور الثاني كويت اسسوسيتس شركة وساطه ماليه حق طارق محمد البغلي

حطيت أو وكلت محامي ؟

نرجو من الأخوان إللي يعرف محامي متخصص بالأسهم و على خلفية و دراية سابقة بالأسهم تزويدنا باإسمه.

أخوي حسن البلد كلها شبرين ؛ شلون ما قدرت تصيده للحين ؟

.

 

[hassankoc]

شتبيني اسوي فيه وحطيت محامي لكن المحامي يقول انت موقع على اوراق مافي امل اهو موجود يسرح ويمرح مو منحاش ينصب على هالعالم ليل نهار والحكومه قاعده تتفرج الله المستعان والمشكله انه مكتبهم المقاصه بالبورصه الدور الثاني (

 

[المهذب جداً]

.

ياسلام ؛ على الأقل إشتكي عليه خلي الحكومة تحقق معاه!

.

 

[hassankoc]

والله اشتكيت بس لا حياة لمن تنادي

 

[المقرود]

ماكو فايدة ترفع قضية لأنك راح تخسرها 100% ، هالشي تم برضاك وتم الاتفاق والافتراق

وهناك مادة بالقانون الكويتي: العقد شريعة المتعاقدين ، فلا يجوز لأحدهما أن يستقل بنقضه أو تعديل أحكامه إلا في حدود ما يسمح به الاتقفاق أو يقضي به القانون ويجب تنفيذ العقود طبقا لما يتضمنه من أحكام وبطريقة تتفق مع حسن النية وشرف التعامل


وإن شاء الله يرزقك ويعوضك ، وانت ادعو الله ، وحذر من هالشخص

 

[السهم المجهول]

اسم الشركة : بنك الخليج المتحد
الكمية : 40.000 ألف سهم
سعر الشراء : 190 فلس
سعر البيع : 162 فلس
خسارة : 1.120 دينار

 

[hassankoc]

جزاك الله خير يا المقرود ولو اني ما ودي اسميك المقرود ودي اتسمي نفسك المتفاؤل افضل لك وان شاء الله يبارك لك والله استغفاله لي ونصبه علي الله يجازيه بما يستحق والله يعوض جميع المسلمين السهم المجهول

 

[فارس العنزي]

بديت بالسوق منذ أقل من سنة فقط ودون سابق خبره ولم يكن عندي أدنى فكره عن السوق وما هي الشركات الممتازه من التعبانه بس كان عندي إصرار بجرب حظي بالتجاره لأني لم أمارس التجاره بحياتي وكنت متوقع الربح ومتقبل الخساره أيضاً ، وكان رأس المال ضعيف جداً وبالبدايه كانت حلوه كل ما أطقها ولا ربح وخلال فتره أقل من إسبوع ومجموع الربح خلال شهر ونصف أكثر من 37 % من رأس المال .

شريت المعادن 1220 فلس بالحد الأعلى ولسوء الحظ مجرد ما تمت الصفقة وينزل السهم للحد الأدنى 1020 فلس كانت صدمه بالنسبة لي 200 فلس نزول بخلال 5 دقائق فقط وكنت مستفسر من المكتب عنها وقال لي بأنها صاعده للدينارين ونطرت عليها وقلت مصيرها بترتفع ومر إسبوعان وهي تتراوح على نفس السعر وقلت لنفسي خلني آخذ شركة ثانية وهي وأقلل خسارتي وأرجع لها طالما هى ثابته على هالسعر وفعلاً بعتها 1040 وكان يوم الأربعاء وبتمام الساعة 12 ظهراً أي قبل تسكير السوق بربع ساعة وشريت شركة أخرى ومن سوء حظي يوم السبت منذ بداية السوق ويعلق سهم المعادن بالحد الأعلى ويستمر بالصعود لغاية 1540 فلس وفعلاً كمل بالصعود عقبها ووصل إلى أكثر من 2700 فلس ونزل عقبها ، كانت أقوى خساره لى وعقبها تعلمت أن لا أحط فلوسي إلى بشركة ثقة ولله الحمد لم أخسر عقبها بس الربح قليل وكان من الممكن لو في شوية صبر لكان تضاعف رأس المال " مركز سلطان " بس الواحد يقول هذي رزقتي اللي الله قاسمها لي .