شركة صناعات أسمنت أم القوين

[boali]

انا اقول الاسهم الكويتيه بالوقت الحالي وايد افضل من الخليجيات
واذا انت بخاطرك السهم دشله بعدين
وعلى فكره السهم ثقيل تقدر تحصله باي وقت ؟ حتى بالجمعيات التعاونيه :d

 

[الحووووت]

أم القوووين وال 55 فلس الضايعة!

يعني ليمتى تنباع اهني اب 500 فلس وبأبوظبي اب 7 دراهم .. تقريبا 555 فلس ؟؟؟؟ اكيد وضع موطبيعي بس ليمتى ؟؟؟ منو عنده علم ؟؟ يعني ماكو محفظة اماراتيه تشيله من اهني برخص ؟؟؟ والله احترت بس ناطر لين اعصر السهم ولا ابيعه بخسارة فلس واحد!!(

 

[dwps]

الصبر

معلش يا الحووووووت الصبر حلو و مرد السهم يرتفع انا عندي ام القويين و الفجيره و طايحييييين بالكويت وابو ظبي فووووووق فرق اكثر من 50 فلس

كل الي اقووووله الصبر حلو الا اذا شايف شي ثاني تبيع الي عندك و تعوض خسايرك

وترى الخساره بالعمر

 

[التحليل الفني]

يعني ليمتى تنباع اهني اب 500 فلس وبأبوظبي اب 7 دراهم .. تقريبا 555 فلس ؟؟؟؟ اكيد وضع موطبيعي بس ليمتى ؟؟؟ منو عنده علم ؟؟ يعني ماكو محفظة اماراتيه تشيله من اهني برخص ؟؟؟ والله احترت بس ناطر لين اعصر السهم ولا ابيعه بخسارة فلس واحد!!(

سهمك سهم محترم بمعني الكلمه

 

[nasser11]

بيني وبينكم

السؤال؟؟؟؟؟؟؟؟؟
القيوين بالنصف الاول 37فلس // وبالربع الثالث(((8 فلوس)))))))!!!!!!!!!!!!!
وين راحت الارباح!!!؟؟؟؟؟
غالبيه الشركات بالخليج طلعت بالربع الثالث افضل من الارباع اللي قبلها ولاننسى انه الامارات اكثر دولة فيها مشاريع انشائيه تزيد قيمتها على 13مليار دولار.... واكثر قطاع مستفيد طبعا الاسمنت غير هالشي انه البنك اللي ادرجوه ويملكون فيه نسبه طيبه عنده ارباح..
واللبيب بالاشارة يفهم@@

 

[المهذب جداً]

.

يا حوت السوق و حوتنا و أستاذنا الكبير :

إللي يشتري أم القوين على 500 فلس هالإيام ؛ يبيعه على 900 فلس في نهاية 05/2006!

أكبر مأساة التنقل بين الأسهم!

من 500 إلى 900 =====> 80% ربح

وهذه تعتبر خرافة في دنيا المال و لا تأتي إلا من :

1) - الإستثمار بالأسهم.

2) - تجارة المخدرات.

3) - طفرة خارقة بالعقار.

.

 

[bo-sahm]

يسعدي هالصباح يا عزيزي المهذب و جداً بعد

الله يسمع منك في اليوم الحلو مع الخير والأمطار الي انشاء الله الدعاء مستجاب فيها

يعني خلال شهر ونص بترتفع 400 فلس !!!!! أتنمى و بشدة بس جنها شوية مو سهلة.

بس انا للحين محتار شلون هالفرق الكبير بين أسعارنا هني و اسعار الإمارات مو بس حق أم القيوين بل لكل اسمنتات الخليجيات؟؟؟!!!؟؟

احد يقدر يحلل هالشيء

 

[sprite]

جلوبل: سهم شركة أم القيوين قريب من نقطة الشراء

في التحليل التقني لبيت الاستثمار العالمي «جلوبل» عن اداء سهم شركة صناعات اسمنت ام القيوين كنا قد ذكرنا في الثاني والعشرين من شهر اغسطس الماضي، ان السهم قد ارتفع من مستوى 490 فلسا وصولا الى 520 فلسا وفقا لاقفال ذلك الوقت كما نوهنا بأن هذا السعر يعتبر فرصة مناسبة لمستثمري الفترات المتوسطة للبدء في تجميع السهم وذلك مع مراعاة ايقاف خسارة الاستثمار حال تراجع عنه من جديد.
ومن خلال متابعتنا لاداء السهم ومن خلال الرسم البياني المرفق نجد انه قد شهد بعض الارتفاعات عقب تحليلنا السابق وصل الى 550 فلسا وذلك قبل ان يعود ويغلق عند 500 فلس وفقا لاقفال يوم امس مع العلم ان الكميات المتداولة عليه مازالت تعتبر جيدة اما عن توصيتنا الحالية، فهي عودة مستثمري الفترات المتوسطة الراغبين في الاستثمار في السهم لبناء المواقع من جديد بين المنطقة الواقعة بين السعر الحالي ومستوى 510 فلوس وذلك مع مرعاة ايقاف خسارة الاستثمار حال تراجع عنه اما مستثمرو الفترات الطويلة فيمكنهم ايقاف خسارة الارباح المحققة عند مستويات ادنى من 470 فلسا اما عن مستويات الدعم القوية التي يتمتع بها السهم قريبا من السعر الحالي فتقع عند 500 و490 فلسا على التوالي بينما تقع مستويات المقاومة عند 520 و540 فلسا على التوالي.

 

[يوسف $]

أم القيوين وتوقعات اليومين القادمين؟

انطر ولا ابيع فيه اخبار جديده عنها افيدونا شكرا

 

[careful_invest]

انطر ولا ابيع فيه اخبار جديده عنها افيدونا شكرا

ام القيوين سهم طيب وراح تشوف له قفزة سعرية رائعة قبل نهاية السنة ان شاء الله..رأيي لا تفرط في هذا السهم الآن خصوصا انه أخذ حاصله بالضغط والتجميع وان شاء الله راح تشوف منه خير يبرد كبدك..

موفقين

 

[المتوكل ع الله]

الاخ يوسف : انظر ما حدث للفجيرة اليوم في اخر ربع ساعة تداول ، و ستجد اجابة شافية على سؤالك

 

[dwps]

هل من اخبار

هل من اخبار جديده عن الشركه

الرجاء من المحللين تحليل سهم الشركه

 

[Wise]

السهم واقف على دعم قوي على 475 .

 

[dwps]

مشكور

يعطيك العافيه مشرفنا وانشاءالله انشوفه فوق عن قريب

 

[boali]

الحين سعره وايد زين للشراء

 

[الحووووت]

اشسالفة القوين اليوم ؟؟؟ ليش كل هالطلب اللي كان عليها .. فوق المليونين ؟؟ احد يفيدنا ... يعني اذا انزلت بسوق ابوظبي تصعد اهني ؟؟ شالسالفه ؟؟

 

[بو النور]

امس اغلاق 470
اليوم معروض على 465 بس المصيبة ماكو ولا طلب شراء
شالسالفة ؟ ؟؟ ؟ ؟ ؟ ؟ ؟ ؟

 

[مراقب فقط]

امس اغلاق 470
اليوم معروض على 465 بس المصيبة ماكو ولا طلب شراء
شالسالفة ؟ ؟؟ ؟ ؟ ؟ ؟ ؟ ؟

اخوي بوالنور صبحك الله بالخير .

صراحه ماادري شقولك لكن ام القيوين دوختنا موراضيه تصعد ولو ان السهم طيب وواعد وارباحه زينه لكن هناك شي لانعلمه ؟؟

ياريت لو يقوم احد الاخوه المحللين بتحليل السهم.

علما انا شريت قبل شهرين تقريبا بناء على تحاليلهم بان السهم صاعد!!!!!!

 

[bo-sahm]

في شيء غامض قاعد يصير على السهم (أم القيوين)
ياليت من عنده خبر ينورنا

أخوي المهذب جداً - الله بالخير

جنا مرة قلت بيوصل 900 !!!!!!!!!!!!!
ما عندك فكرة شقاعد يصير

 

[دنانير]

في شيء غامض قاعد يصير على السهم (أم القيوين)
ياليت من عنده خبر ينورنا

أخوي المهذب جداً - الله بالخير

جنا مرة قلت بيوصل 900 !!!!!!!!!!!!!
ما عندك فكرة شقاعد يصير

ايه والله أفيدونا بارك الله فيكم شنو سالفة ام القوين والفجيرة الظاهر هالسنة بياتهم صيفي وشتوي

نزول قوي ومو عارفين الى متى ولا حتى على الأقل ماشين مع ترند السوق سواء بصعوده أو هبوطه

من لديه القدره على فك اللغز الرجاء لا يبخل علينا سواء بتحليل فني او اساسي أو خبر أو حتى لو اشاعة والله راضيين