المركز المالي الكويتي ش م ك م ( مركز مالي ) .

[Master-Leo]

المركز ماله نسبه بشركة المخازن لكن أغلب صناديق المركز شاريه

بالمخازن و بأسعار عاليه وبالتالي ارتفاع المخازن يزيد أرباح المركز

ويقلل الخسائر الغير محققه بإذن الله و توقعي ان شاءالله راح

يوصل بين 280 الى 290 فلس مع ارتفاع المخازن

في التداولات القادمه ( اذا لم يجد جديد كأخبار سلبيه )

 

[دربيل]

يا اخوان نبي نعرف سبب تدهور سهم المركز المالي المستمر
وهل سيتوقف هالتدهور والا مستمر
نبيع يا اخوان والا نصبر
والله كريم

 

[Q8 Stock]

يا اخوان نبي نعرف سبب تدهور سهم المركز المالي المستمر
وهل سيتوقف هالتدهور والا مستمر
نبيع يا اخوان والا نصبر
والله كريم

السلام عليكم

مقارنة الارباح للربع الثالث

2006
صافي الارباح = 1.978.000 مليون د.ك
ربحية السهم = 5 فلوس
غير محققه (خساره) = - 8.128.000 مليون د.ك

2005
صافي الارباح = 28.204.000 مليون د.ك
ربحية السهم = 65 فلس


ماتبي وضعه يتدهور ..!!

 

[Master-Leo]

المركز لن يعود الى سابق عهده وأقصد فوق

النص دينار الا اذا شفت السوق كله ارتفع

وصار فوق 11 ألف نقطه لأن شغل المركز كله

معتمد على البورصه

 

[sporty]

9:2:8 ِ.موافقة البنك المركزي للمركزالمالي الكويتي لشراء مالا يتجاوز 10% من أسهمه
يعلن سوق الكويت للأوراق المالية بأن بنك الكويت المركزي وافق بتاريخ 22-1-07‏
على طلب شركة المركزالمالي الكويتي لشراء مالا يتجاوز 10% من أسهمها المصدرة ‏
لمدة ستة اشهر اعتبارا من تاريخ انتهاء الموافقة الحالية في 23-1-2007، وذلك
مع ضرورة الالتزام بما وضعه البنك المركزي من ضوابط وشروط في شأن تملك
الشركة المساهمة لاسهمها اضافة الى ضرورة الالتزام بأحكام المادة (115) مكرر
من قانون الشركات التجارية واحكام القرار الوزاري رقم (10) لسنة 1987‏
وتعديلاته بموجب القرارين الوزاريين رقم (11) لسنة 1988 ورقم (273)‏
لسنة 1999 .‏

 

[ولد الدسمة]

بسم الله الرحمن الرحيم

ممكن سؤال ؟

هالخبر مو معناه أن السهم في طريقه إلى النزول أكثر .. علشان يشترون سهمهم بأقل الاسعار .. خلال هالست شهور ؟

 

[sporty]

بسم الله الرحمن الرحيم

ممكن سؤال ؟

هالخبر مو معناه أن السهم في طريقه إلى النزول أكثر .. علشان يشترون سهمهم بأقل الاسعار .. خلال هالست شهور ؟

الحين صارله سنه وست شهور وهذي ست شهور بعد يعني سنتين واهم يشترون في اسهمهم يعني 40% صار عندهم

واانا اتوقع حسب رايي انه السهم رايح للنزول مع انه السهم عندي بسعر 700 فلس والله يعينا على الخساير انشالله

اوكى ومشكورين

 

[MOHAMMED11]

اخبار علوم

الشركه والمدير والموظفين موجودين للحين ولاّ توفّوا

 

[sprite]

للرفع

من المعروف أن إدارة المركز المالي مشهود لها بالنزاهه و الشفافيه مع مساهميها , و يقال أن هناك أرباح ممتازه ستحققها الشركه بالربع الأول .

الشركة أوصت بتوزيع 10% نقدا من إجمالي أرباح 13% فلس عن عام 2006 م و هو توزيع إيجابي برأيي المتواضع , و الجمعيه لم تنعقد بعد .

* فنيا : توجد إشارات دخول على الشارت اليومي .. كما هو واضح من بعض المؤشرات .

 

[sprite]

أما على الشارت الويكلي .. نلاحظ وجود مقاومه على الترند الهابط , و كسرها مهم بالنسبه لمستثمري الفترات المتوسط و الطويله .

و الله أعلم ,,

 

[Master-Leo]

يعطيك العافيه على التحليل اخوي sprite

بالنسبه لأرباح الربع الأول فعلا راح تكون

أفضل بكثير يكفي ان محافظ الشركه تخلصت

من عبء سهم اجيليتي واشترت المشاريع

بأسعار تتراوح بين 550- 600 فهذا بحد ذاته بحقق ربحية طيبه

بغض النظر تشغيليه أم لا (تشغيليه في حالة بيع سهم المشاريع )

فملاك السهم ان شاءالله بحصلون خير في حالة استمرار صعود السوق

وموفقين ان شاءالله اجمعين

 

[sprite]

الله يعافيك اخوي كنج ليو

السهم اليوم كان عليه تداول عالي أكثر من 7 مليون سهم
و يواجه مقاومه على الترند الأزرق و التي تمثل أيضا مقاومة على المتوسط 200 يوم

للمراقبه ..

 

[Master-Leo]

شكرا للتحليل اخونا سبرايت

السوق مدام يصعد المركز راح يظل يصعد لأن شغله

كله بالسوق تقريبا وكلنا نذكر شلون كانت أرباحه قياسية

بسنة 2005 وان شاءالله يستعيدها بهالسنه ويستفيد منها

في مجالات أخرى غير البورصة بالتوفيق ان شاءالله للملاك

 

[mish3l]

الله يعطيك العافيه

وانشاءالله يستمر الصعود

والسهم عليه تجميع من الاسبوع الماضى

وانا شاريه على 260

والله يرزق الجميع

 

[sprite]

الله يوفقكم جميعا .. سهم جيد

 

[abo.omar]

السلام عليكم

الي عنده خبر عن هالسهم لا يبخل علينا و ين اهدافه لو سمحتو ومشكورين مقدما

 

[Master-Leo]

السلام عليكم
مؤشرات السهم الفنيه وخصوصا مؤشر القوة النسبة ومؤشر

الستوكاستك توحي بقرب مرحلة جني الأرباح فأرجو الحذر خلال

اليومين القادمين .

لكن نظرتي للسهم أن جيد للاستثمار المتوسط الأجل وخصوصا

في حال استمرار السوق بالصعود لغايه اعلان ارباح الربع الأول

ومثل ماذكرت المركز شرى كميات من سهم المشاريع والهواتف

وأسعارهم ارتفعت فإن شاءالله اعلان الربع الأول راح يكون ممتاز

بالتوفيق للجميع

 

[abo.omar]

الملك ملك

مشكوووور اخوي الملك وماقصرت وعسي ربي يوفقك علي الرد السريع مع العلم انا شاريه علي 280 و مادري اخليه معاي لحد اعلان الربع الاول ولا اقطعه علي العموم يعطيك العافيه يالحبيب

 

[Master-Leo]

مشكوووور اخوي الملك وماقصرت وعسي ربي يوفقك علي الرد السريع مع العلم انا شاريه علي 280 و مادري اخليه معاي لحد اعلان الربع الاول ولا اقطعه علي العموم يعطيك العافيه يالحبيب

اخوي اذا انت ربحان كن على حذر وإعرف متى تجني أرباحك

وتسترد السهم بالنازل عند سعر الدعم لاتنسى باجر الاربعاء

و خل نقول 80% أيام الاربعاء السوق تحوشة موجة جني أرباح

أو بيع فأنت تابع باجر تداول الأسهم القياديه من البدايه اذا شفت

المؤشر بدأ يصير أحمر انصحك بجني الأرباح وموفق ان شاءالله

 

[abo.omar]

السلام عليكم

أخوي الملك أنا شاكر لك جدااا علي هذا التواصل وعساك علي القوه وصراحه أكثر من هالنصيحه ما فيه يعني أحط الأمر وأنطر وأصبعي علي الكيبورد أي حركة خيانه مو أضرب أهرب ومشكور مره ثانيه وعسي ربي يوفقك .