أرجو من الكل ينشر الاسعار الحقيقيةبوزارة العدل بين الناس لأن هالخبر يحد من شائعات الصعود بين الناس.
و بذلك كل مالك بيت مُصِر على سعر بيعه العالي, راح يغير رايه و ينزل السعر عند حده الطبيعي, و بالتالي بمتناول الجميع.
الاسعار المعروضة بالعالي مو لاقية شراية , و بذلك مالك العقار مومستفيد منه مجمده من غير فايدة, ارجو التفكير ( بيع كثير بربح قليل , فيد نفسك و الناس كثير) ........
انا ودي اسألك سؤال صغير تقبله مني برحابة صدر وجاوبني بضمير صادق
انته اليوم لو يتصل فيك مكتب ادارة اموال وعقارات ويقولك: انه انت الوريث الوحيد لشخص يملك عمارة من 70 دور ومساحتها 5000 م بجانب ابراج الكويت وكنا نبحث عنك منذ سنة عشان نسلمك العمارة . هل تتمنى ساعتها العقار ينزل؟؟؟
ولا بتقول يا حسافة ياليت مسلميني اياها قبل الازمة جان بعتها بسعر غالي وربحت ربح ممتاز ؟؟
شنو رايك؟
ان قلت لا خلها تنزل وابي ابيعها بسعرها الطبيعي
اقولك انت خالفت الفطرة البشرية لان الانسان خلق يحب لنفسه الخير
واذا قلت لي لا اتمنى ابيعها باغلى الاثمان ابي اربح
اقولك ليش تنقد على اللي عارض بيته بسعر غالي هم يبي يربح
كل انسان يتمنى سلعته تغلى بلا حدود وخاصة العقار وهذا شي بكل مكان وبكل زمان
ثانيا: انظر بدقة باسعار العقار بشرق القرين سواء راجعت كشف السجل العقاري او روح السوق عند الدلالين او اسال الشرايين او اقرئ المشاركات بالمنتديات
بالنهاية راح تلقى النتيجة وحده
اسعار العقارات ماراح يضرها اللي برايك يحاول يرفع الاسعار ولا يفيدها اللي برايي يغطي الحقيقة
يا الغالي الاسعار تحركت وتغيرت عن ما كانت عليه في الشهر الماضي والموجه اكبر واعلى من طريقة سباحتنه
احنه اذا نبي ننتقد لابد ان ننتقد الوضع العام ككل وين البدائل ليش الحكومة ماتوفر اراضي باسعار مخفضة وتبيعها للناس والاولوية لمن لايملك مسكن
وين الرعاية السكنية ليش تراكم الطلبات الاسكانية وشنو السبب عندنه انفجار سكاني ولا ندرة اراضي؟؟
ليش يتم توزيع الوحدات السكنية بمناطق بعيده والمناطق القريبة تترك
وليه متى هالاراضي تخضع للنفط والدفاع
وين يسكنون الناس
اذا وفرت الحلول لكل هالمشاكل لن يهمك اذا ارتفع العقار ولا نزل
