فزعتكم ياهل النيسان باترول 1993 افيدونا جزاكم الله خير

[افاكاتو]

السلام عليكم
يا جماعه عندي سفاري باترول موديل 1993
ركبت له مكينه وطقت جفتها وردت طقت
تعبني حييل هالنيسان مادري شنو اسوي
ياليت من اصحاب الخبره يفيدونا بخصوص المكاين الي تركب على
الباترول الي سعرها زين وقويه
وشاكر لكم

 

[سهم استراتيجى]

اشرايك تبيعة على حالتة يمكن طاقتة عين (محسود)

 

[الحريه وطن]

شيك علي هوزت الماي والزيت

 

[افاكاتو]

انا من ناحية محسود ادري اني محسود
بس ابي اركب له مكينه غير مكينته عشان اقزر الصيف بس وبعدين ابيعه
ياليت تفيدوني .

 

[افاكاتو]

لا اله الا الله

 

[TWAIX]

مالك الا انك تبيعه والله النفس شينه

 

[q8yvip]

تخصصي نيسسان والحالات المستعصيه
حلك الوحيد تركبله ماكينه حق موديل من 95 وفوق ولازم اعرف سبب قومتها يمكن عندك حراره بالموتر او سدد بالراديتر او الديلكو مو معير صح يطقق الماكينه ونصيحه لك ركب مكينه جديده ماتتعدى ال 450 دينار وقبل لاتركب الماكينه ركب راديتر جديد الميينيوم مو نحاس ترا النحاس اللي يجي اسود يطققها لك لانه يرفع حرارة الموتر ركب نحاس نفس الاصلي توه جديد نازل انا مركبه ماعليه كلام تلقاه عند الشركه الكويتيه سعر على 45 دينار وعب ماي للراديتر من الميلم اسمه كوفران مع ماي مقطر لاتحط ماي عادي وبدل الترموستات وكلج المروحه جيك عليه وماجاك عندي واي استفسار حاضر

 

[القديم 22]

دق على هذا الرقم اسمه غلام ايراني شغله السفارى وبس في الفحاحيل وادعلى دعوه طيبه 99754026 هذا رقمه 0

او روح للمحلات حق اخصائئين السفاري موجوجدين قدام بابطين الشويخ الكراج 00

وباالتوفيق انشاالله

 

[العساف7777]

السلام عليكم

اخوي الماكين على حسب نظافتها والسفاري معروف اذا ماركبت له شغل اصلي بالاخص قازقيت الراس اذا ماكان اصلي اتشوف السيارة مرتفعه حراراها

ركب اصلي وريح بالك ترى التجاري ماينفع حت لو مكتوب عليه ياباني يقولن لك اصلي درجه ثانيه هم ماينفع

اسعار المكاين الحين من 280 الي 350 حدها لو تجفت احسن لك لان مكاين السكراب كلهم مجفته وكل تجفيتهم تجراي

اذا بغيت ماكينة سفاري في وحده معروضه علي من مده موديل 96 مع غراضها كامله من كمبريسر وكابريتر وكل اغراضها موناقصه شي اذا تبي اسأل لك عنها انا حاظر

راسلني على

الخاص هذا اذا ماانباعت


مع تحياتي

 

[R.7.a.l.92]

أخوي عليك بمكينة الفتك بس غاليه ..

بتعيش معاك ولا بتشتكي من شي ان شاء الله ..

 

[New&New]

حبيبي بيعه وخذلك لاند من الــ91 الى الــ97 قير عادي مو سفاري قرقعه وكل شوي قاط فيه انا كانت نفسك الســــفــــاري عـــــــــــــــــذاب

 

[nasser2009]

كل واحد عطااك رااي انا اقول لو تعطينا سبب قومت المكينه ....يمكن نفيدك اكثر

مو معقوله تقوم المكينه ومايعرفوون السبب المكانكيه او انت ... ترتفع عندك الحراره ؟؟؟

مركب مرااوح ولا بس مروحة الوكاله ؟؟؟

عطنا الاعطاال لي تصيرلك بالضبط ونفيدك بعديين

والسفاري اذا تبي تبييعه

اعرض صورته ونشتري ان شاء الله

 

[افاكاتو]

انا شاكر لكم على ردودك وبيض الله وجيهم
على العموم يالربع انا وديته للصناعيه قالو لي طرنمبه الزيت خربانه ومسويه كرنك
ويقول لازم تجفيد...........!!
ياجماعه انا مكينه النيسان مابيها
ابي مكينه فيها عزم وتقعد عمر وسعرها زيـن شوي غير مكينه الفتك لانها غاليه
وشاكر لكم

 

[افاكاتو]

وين اهل السفاريات وين اهل البر والمقناص
..
لا الله الا الله..محمد رسول الله

 

[nasser2009]

اشتر ديزل اذا تبي تقتصد بالباانزيين والفلووس

اما اذا عندك فلووس

واحد من ربع مركب مكينه لاندكروز 8 سلندر

ومركب عليها مرااوح مكسيمه

والله يداااوم عليهاا وبالقايله يخليها تشتغل 5 ساعات مع المكيف والله ماتعدى الربع الحراره

بس مو اي مكنيكي يركب المكينه

بس رخ الدينار ويرخالك كل مزيوون اقصد كل سياره

بالتوفيق

 

[جمس عبارتين 454]

اخوي تبي الحل ركب عليه ماكينة جمس 350 ناس واجد سالتهم قالوا ركب ماكينة جمس 350 يعطي عزم وقوة ومكيف يصير ثلاجة

 

[صاحب الامتياز]

طويل العمر ركب ماكينة لكسز 400 موديل 95 تلقاها بالحراج قيمتها 100 دينار ترهيم توني مركبها على سفاري موديل 98 وابشر بالعزم اللي يطيب خاطرك وشرب البانزين والحرارة اللي نايمة واي استفسار انا حاضر لا وابشرك تبديل الزيت 4 دنانير اشتبي بعد

 

[العشير1]

انا مع اخوي صاحب الامتياز
مكينة لكزس للجيب السفاري 100%
عزم ومتانه وحرارة ماكو

 

[افاكاتو]

يعطيكم العافيه ياوجيه الخير
لكن بغي اعرف شلون ممشاها مكينة اللكزس وكمل تكاليفها كامله
.,..وبغيت اعرف ممشاها ويا سفاري الجديد الفتك طيب او لا

بانتظار ردودكم وبيض الله وجيهكم وماقصرت وياليت لو تدلوني على مكنيكي زين يركب المكينه

 

[افاكاتو]

لا الله الا الله محمد رسول الله