مشكلتي مع البنك ..!!

[ابن عمير]

مساكم الله بالخير


طبعا مشكلتي وهي طبعا مشكلة الكثير معاي .. باختصار

اخذت قرض من بنك الكويت والشرق الاوسط 45 الف في 2003

وطبعا الفايده تغيرت وارتفعت ونزلت والقسط مثل ماهو ماتغير

بس المدة زادت

وبحسبة بسيطه قسطي( 380 ) = 4560 بالسنه

يعني = ( 27360 ) في 6 سنوات

امس راجعت البنك قالي باقي عليك 42 الف

ال 27 الف اللي دفعتهم بس 3 الاف راحت للقرض والباجي فوايد

والحين باقي 14 سنه

يااكيش المبلغ واروح بنك ثاني او استمر معاهم وادفع بحدود 63 الف للمده الباقيه

هذي غير ال 27 الف اللي اندفعت

المهم قلت للموظف ابي اسوي اعادة جدوله مثل البنوك الثانيه على حسب الفايده الجديده

قالي آسفين كل المعاملات واقفه لأن البنك راح يتحول اسلامي



طلعت من البنك وطفت اشارتين وانا ماتفرق معاي


السؤال : هل ارفع قضية على البنك والا اروح بنك ثاني ؟؟

والا اطلب لي غدا وانسى الموضوع

ناطر رايكم

الاخ العزيز الواجب الشرعي على البنك اسقاط كل فوائد القروض الربويه ليصبح اسلامي كما هو معلوم بالشرع ...
اما انه يتحول الى اسلامي من غير اسقاط الفوائد الربويه او يقوم باعاده جدولتها بطرق يسمسيها شرعيه فهذا ........

 

[@ عاشق الريم @]

أخوي راح يخصمون لك 13500 الف من مبلغ القرض ويرد لك وتستلمه من محكمة العدل ويثبت لك القسط والمده والفائده وتاريخ أخر قسط بأمر المحكمه وترتاح وتريح راسك الطريقه طال عمرك

تروح مثل ماسويت قصر العدل الى بشرق تطبع صحيفة دعوي تحت تصعد الدور الاول طابع 5 دنانير ويحددولك جلسه تجي الجلسه تقول أصمم على طلباتي تتحول لخبير حسابي وشخص محايد وقانوني يطلع التقرير أذا سددت فائده والمبلغ الفائده تجاوز النصف يعود لك نصف المبلغ ويحدد القسط بنصف راتبك بيوم أبرامك للعقد يعني كان راتبك 600 والان 1000 يحسبونها على ال 600 ويصير قسطك 300 والمده لا تتجاوز 15 سنه وأنشالله القانون ولله الحمد معانا وهاذي النقطه الى الحيتان ماقدرو يسيطرون عليها لأن ربك سبحانه وتعاله حط لكل ضيقه فرج والنعم بالله توكل على الله وأن مانفعت الدعوى ماتضرك نهائيا وهي ندب خبير حسابي والله يفرجها علينا جميعا ويعوضنا ويحاسب الظالم ويقبل توبتنا من التعامل البنوك الربويه

 

[بو عبدالوهاب]

مساكم الله بالخير
قبل كل شي شاكر لكم نصايحكم وكلامكم

وانشالله الفايده تعم على الكل ويستفيد اللي عنده نفس مشكلتي

- بالنسبه للعقد طبعا ماقريته ولا في واحد منا اعتقد قرا العقد

- ماوقعت على اوراق البنك بخصوص التحويل للاسلامي

- بالنسبه لكشف جدولة القرض .. راح اطلبه من البنك .. بس اذا رفضوا !!

انا الحين طالب منهم شهادة مديونية قالولي بعد 10 ايام


ومشكورين مره ثانيه ونصايح مانستغنى عنها

 

[9hbhb9]

البنك اذا تحول اسلامي راح يرجع لك الفايده وهذا ما حصل مع البنك العقاري عندما تحول الى اسلامي وهو الان اسمه البنك الدولي قام ورجع الفائده الى العملاء وانت روح واسال اي موظف بالبنك الدولي وقوله انتم شنو سويتم حق العملاء قبل التحول الى اسلامي؟او ارفع قضيه لان كل اللي نفس موضوعك رفعوا قضايا وبعدين روح اطلب غداء