الي يبي دعوه من القلب يدخل

[مضارب مبتدىء]

اجل اخذ السهم هذا ان شاء الله ما تحسف بوبيان بيروكيماويات الله يوفقك استثماري الله يوفقك

بيض الله وجهك ومو غريبه عليكم ياعيال عطا

 

[مستمع]

ودي انصحك ولكن اخاف ادججك

لكن مثل ما وصاك الاخوان لا تستعجل واسأل الاخوان المحللين في هالمنتدي وهم كثر وما يقصرون وعادة تحصلهم في الصفحات الخاصة في تداول ايام البورصة فالله يعينك ادخل صبح الاحد ان شاء الله وأسألهم وهم ابخص واذا تبي تعرفهم تلقى تحت اسمه مشرف او مميز 0

والله يوفقنا واياك وان شاء ربي دخلتك خير ويكتب لك رزق حلال ووافر واحذر الشركات الغير شرعية ترى الحرام يودي النار 0

 

[مضارب مبتدىء]

ودي انصحك ولكن اخاف ادججك

لكن مثل ما وصاك الاخوان لا تستعجل واسأل الاخوان المحللين في هالمنتدي وهم كثر وما يقصرون وعادة تحصلهم في الصفحات الخاصة في تداول ايام البورصة فالله يعينك ادخل صبح الاحد ان شاء الله وأسألهم وهم ابخص واذا تبي تعرفهم تلقى تحت اسمه مشرف او مميز 0

والله يوفقنا واياك وان شاء ربي دخلتك خير ويكتب لك رزق حلال ووافر واحذر الشركات الغير شرعية ترى الحرام يودي النار 0

الله يوفقنا وياك اناشاء الله ومشكور على هالدرر الي اهم من الاسهم

 

[bhams]

توكل علي رب العزه ولاتشتري غير الشرعي نصيحه لوجهه الله :

أمامك طريقتين : الأولي وهي المضاربه , وهي كالأتي . أبحث عن الأسهم الشعبيه . وعندما تراها تكسر الدعم للاسفل أدخل لان صانع سوقها لن يتركها . مثل مجموعه الصفاه
ومجموعه البحر ومجموعه والمدينه .


أمامك ثلاث أسهم ذهبيه :

المدينه : الدخول 108 والخروج 112 أو 114

صفاة طاقه: 108 الدخول والخروج عند 116 أو في حال أنتعاش السوق 118 فلس


منازل :الدخول أي سعر تحت ال 60 فلس والخروج 66 فلس



أما الطريقه الأخري فهي الأستثمار المتوسط :

المدينه + جيزان الي نهايه العام الحالي والله أعلم


فأختم بالأكثر أماننا (((((((((بيتك)))))))) الدخول 1.160 فلس دخول أمن والهدف ان شاء الله للبيع خلال استثمار متوسط 1.500 د.ك


والله الموفق .



وتذكر لاتذهب لسهم يصعب الخروج منه وتداوله ضعيف . ولاتنتبه للأشاعات



والله تعالي أكرم واعلم

 

[almu7ank]

السلام عليكم ورحمة الله وبركاته

اول شي تعلم القواعد الاسياسيه للاستثمار في البورصه

ثاني شي خلك بالاسهم الشرعيه

ثالث شي صف النيه وتوكل على الله

رابع شي لاتشتري الا وانت مقتنع وحط احتمال انه ينزل السهم عشان اذا نزل ما تتفاجأ وتتوهق يعني المبلغ اللي مستثمر فيه ماتحتاجه في الوقت الحالي يعني عندك وقت كافي تنطر على فلوسك

 

[مضارب مبتدىء]

bhmas مشكور يالجار وماقصرت يالمحنك

 

[ابو خليفه]

نصيحه لوجه الله بيتك اشتر وانت مطمن ولا طالع فيه الا من شهر 11 وفوق هذا كما قلت انك مستثمر

 

[خبره]

السلام عليكم


ادخل السوق اخر رمضان وعلى سهم تمويل الخليج .

 

[متداول غشيم]

نصيحه حط بالك تدخل السوق الحين واسأل اعضاء المنتدى بعد شهر 9
والله يوفجك​

 

[pop71]

اشتري راحة البال ، و تري رخيصة و ما راح تدفع فيها شئ

 

[بن عدوان]

نصيحه حط بالك تدخل السوق الحين واسأل اعضاء المنتدى بعد شهر 9
والله يوفجك​

الله يرحم والدتك ويغفرلها واموات المسلمين والمسلمات امين يارب

 

[بن عدوان]

السلام عليكم

اخوي مضارب الله يوفقنا وياك وكل مسلم لما يحب ويرضى

بالنسبه للاستثمار بيتك لسببين الاول توزيعاته قويه اخر السنه والثاني بنك اسلامي والحمدلله قوي بفضل الله ولم يتاثر بالازمات .

بس اصبر شوي لين تتضح الصوره شوي ونتجاوز الهبوط المظلي هاليومين .