اللي عنده خلل او عطل بالسياره يكتبه

[بحريني1972]

صباح الخير علي احلي شباب في احلي منتدي

 

[q81963]

مساكم الله بالخير شباب عندي لكزس 430 ال اس فيه صعوبه بحركة المرايات واحياناً تعلق ومريت عالوكاله وفيه هندي هناك قالي احنا شحمنا جم سياره وخربوا المرايات وقيمة الوحده 240 دينار والحين اذا تبيني ازيتها على مسؤوليتك .
مادري يبي يصرفني ولا من صجه .

شرايكم شنو السواه

 

[بحريني1972]

ياشباب انا عندى سياره فورد 99 تحتر ممكن اركبلها مروحه اضافيه عشان جونا هذا ما اعتقد ان المروحه الرئيسيه تقدر بروحها شنو رايكم؟

هلا فيك اخوي

اول شيئ شيك علي الترموستات
الراديتر تشييش
المروحه الرئيسيه شغاله
بعدين اذا لقيت كل شيئ اوكي

مافي مشكله من تركيب مروحه اضافية شرط يكون التركيب بواسطه كهربائي عشان يضيف لك كتاوت للمروحه عشان لا تصير عندك مشاكل بالبطاريه بعدين
اتمني اني اكون جاوبتك

وبالتوفيق اخوي

 

[بحريني1972]

هلا فيك

مساكم الله بالخير شباب عندي لكزس 430 ال اس فيه صعوبه بحركة المرايات واحياناً تعلق ومريت عالوكاله وفيه هندي هناك قالي احنا شحمنا جم سياره وخربوا المرايات وقيمة الوحده 240 دينار والحين اذا تبيني ازيتها على مسؤوليتك .
مادري يبي يصرفني ولا من صجه .

شرايكم شنو السواه

اخوي كلام الريال صحيح !!!!

لان المرايا لو شفتها من الداخل عباره هن اجزاء كهربائيه ولا تتفق مع دخول الشحم اليها
حاول تروح كهربائي فاهم عشان يعمل لهم تنظيف فقط

 

[بحريني1972]

شرح مختصر للكمبريسر

الكمبريسر لو فتحناه وشفنا شنو داخله
راح تلقي انه نفس الماكينه مالت السياره تقريبا
يعني فيه بستن وفي سلندر

شلون يجينا الهواء البارد

علي العموم طريقه عمل الكمبريسر نفس الشيئ سواء البيت السياره باي مكان نفس العمل
كيف ؟؟؟؟؟

يتم ضغط الغاز الداخل الي الكمبريسر وكما يعلم الجميع ان الغاز عند تعرضه لدرجة ضغط معينه يبرد
ومن ثم يتم تمرير الغاز المضغوط بدورة التبريد ويمر بالنهاية علي مروحه التي تقوم بدفع الهواء البارد الي الداخل

سؤال وايد انطرح بالمنتدي او خارج المنتدي

ليش السياره لما اوقف عند اشاره ا اي مكان بحاله الوقوف المكيف ما يبرد ؟؟؟
ولما تمشي السياره يصير بارد ؟؟؟؟؟؟

اقولك عشان الكمبريسر بلغه بسيطه عشان ما ندخل بتعقيد
الكمبريسر ضغطه صار خفيف يعني بدول ثانية تجفيت // بالكويت تبديل
لما تمشي السياره تزيد من سرعه الكمبريسر وبالتالي يزيد الضغط فتحس في تبريد بس عند الوقوف تقل السرعه وبالتالي يقل الضغط

 

[طلال701]

يعطيك العافيه على هالمعلومه يالغالى

 

[بحريني1972]

شكرا لك

يعطيك العافيه على هالمعلومه يالغالى

يعافيك ويسلمك

ومشكور علي الموضوع الروعه جزاك الله الف خير اخوي طلال

 

[ابوخالد1]

مساء الخير للجميع
انا عندي مشكلة بسيارتي الشفر موديلها 96 الا تي زد فية صوت لما امشي رحت للميزان وفحصها قال لي بوبرنق وهو مو متاكد بس قالي روح لمكانيكي افضل لك رحت لمكانيكي وفحصها قال لي عندك صوت بالبوبكس اسمة تو شفت يعني التواير اللي وراء يتحركن ويا بعض روح افصلهن مدري وين الكراج اللي يسوي هالشغلة بالشويخ فية ناس قالوا لي هذا الصوت عادي

 

[طلال701]

ياجماعه عندى سياره السايق على طول خرابات بالمكينه اخرها تدق سلق وتشتغل بس اذا شلت رجلى من البانزين تطفى السياره مازدا 1995

 

[بحريني1972]

مساء الخير للجميع
انا عندي مشكلة بسيارتي الشفر موديلها 96 الا تي زد فية صوت لما امشي رحت للميزان وفحصها قال لي بوبرنق وهو مو متاكد بس قالي روح لمكانيكي افضل لك رحت لمكانيكي وفحصها قال لي عندك صوت بالبوبكس اسمة تو شفت يعني التواير اللي وراء يتحركن ويا بعض روح افصلهن مدري وين الكراج اللي يسوي هالشغلة بالشويخ فية ناس قالوا لي هذا الصوت عادي

هلا فيك اخوي

الضاهر اللي انت رحت حقه هذا خباز !!!!
روح لواحد ثاني وخليه يفحصها لان في اكثر من شغله ممكن يطلع منها الصوت بالمشي
البوبرينقات
البكيكس
صليب القاردن
حتي البريك ممكن يطلع صوت
تاكد اول

 

[بحريني1972]

هلا فيك الغالي

ياجماعه عندى سياره السايق على طول خرابات بالمكينه اخرها تدق سلق وتشتغل بس اذا شلت رجلى من البانزين تطفى السياره مازدا 1995

ياخوي المازدا مشكله

لانها لازم تعملها سيرفس كل فتره وانا ادري ان في واحد راح يرد ويقول انا عندي مازدا بس مافيها شيئ !!!!!

سوي تصفيه شامله للسياره مادام سياره السايق يعني سيارة البيت ومشكله اذا خبرت والاهل معاه صح

شوف ياخوي
بلاكات
فلتر بانزين
فلتر هواء
تنظيف بخاخات ( علي حسب استهلاك الوقود ) اذا عادي مولازم
ووصي السايق لا يخلي السياره تصفر من البنزين
شوف شنو يصير معاك وبلغني

 

[بحريني1972]

ياجماعه عندى سياره السايق على طول خرابات بالمكينه اخرها تدق سلق وتشتغل بس اذا شلت رجلى من البانزين تطفى السياره مازدا 1995

واذا ما صارت محترمه

دق علي وانا اجيك حاضر وتستاهل علي الموضوع الممتاز

جزاك الله خير

 

[طلال701]

شكرا لك صدقنى صارت احسن من قبل يالغالى

 

[Old_Nevy]

اخوى بحرينى عندى جيب دورانجو هل يو مين اخذ يطفي على وايد فى الشارع
واحس انه عزمه طايح مع انى كارفه للسفر ومغير بلاكات وفلاتر بس
وذا عندك احد ادزنى على يشتغل فى دوج لانى اعرف واحد بس شغله بارد
ومشكور والله يتقبل اعمالك

 

[sound blaster]

تم حذف اشتراكي في هذا الموضوع
لتطنيش مشكلتي

شكرا لكم

 

[بحريني1972]

هلا فيك

تم حذف اشتراكي في هذا الموضوع
لتطنيش مشكلتي

شكرا لكم

ياخوي انا اسف والله ما شفت مشاركتك
افا عليك تأمر قولي شنو عندك وحاضر من عيوني حل مع تفصيل الممل بعد كله ولا تزعل علينا تري تحت امرك والله

بانتظارك مشاركتك

وكل عام وانت وجميع اعضاء المنتدي بالف خير وصحه اعاد الله رمضان علينا بالخير يارب


بانتظارك زين
تري كل مشكله ولها حل الا الزعل

 

[بحريني1972]

اخوى بحرينى عندى جيب دورانجو هل يو مين اخذ يطفي على وايد فى الشارع
واحس انه عزمه طايح مع انى كارفه للسفر ومغير بلاكات وفلاتر بس
وذا عندك احد ادزنى على يشتغل فى دوج لانى اعرف واحد بس شغله بارد
ومشكور والله يتقبل اعمالك

هلا فيك اخوي

والله يالغالي ماعندي احد الحين كنت اعرف واحد مختص بس سافر وماراح يرجع
السياره لما تطفي المشكله ان في وايد اسباب مو سبب واحد انت تقول بدلت البلاكات والفلاتر
لازم فحص
ممكن تكون محتاج تنظيف بخاخات
وفي صراحه وايد شغلات
بعض الاحيان تكون كهرباء
اخوي خلك علي صاحبك شغل بارد احسن من شغل واحد ما يعرف
واسمحلي اني ما قدرت افيدك

مبارك عليك شهر الخير والعباده عسي الله يجعله شهر خير عليك وعلي جميع امة سيدنا محمد

 

[بحريني1972]

sound blaster

تري بانتظارك
جينا رمضان والزعل مممممممممممممممنوع زين
يلا ننتظرك

 

[بحريني1972]

تم حذف اشتراكي في هذا الموضوع
لتطنيش مشكلتي

شكرا لكم

ويييييييييييييييييييييييييييييييييينك

وييييييييين مشاركتك
اشدعوه ياخوي
ترا بانتظارك

 

[طلال701]

اشدعوه sound plaster خبيرنا يتأسفلك ويقول ماشاف مشكلتك وهونها وكلنا بأنتظار مشكلتك وكل عام وانت بخير .

شكرا لك يابحرينى على اسلوبك الراقى شكرا.