اللي عنده خلل او عطل بالسياره يكتبه

[بحريني1972]

[
هل الطلوع على المطبة بالسرعة هذي ممكن تسبب اضرار تظهر بعدين؟؟؟؟؟


راح تعملك مشاكل انت بغني عنها

راح تخرب لك الهيئه الاماميه ومشاكل اخري كثيره

 

[بحريني1972]

عندك حراره بالسياره ؟؟؟؟
تعال نشوف احتمال تكون من شنو

الحراره عاديه بس لما اوقف ترتفع وترجع عادية بالمشي ؟؟؟
المراوح لا تعمل بالشكل المطلوب

الحراره عادية بس اذا شغلت المكيف ترتفع الحراره ؟؟؟؟
مراوح المكيف لا تعمل

الحراره كانت ( ربع - نص ) والحين زادت ودايما ترتفع ؟؟؟؟
قم بتبديل الترموستات وافحص المراوح وتاكد من منسوب المياه في الراديتر

عندي الحراره دايما مرتفعه مع العلم بانني قد فحصت جميع ماسبق ؟؟؟؟
راس الماكينه مشعور

مع العلم ان اسباب الحراره كثيره وهذه بعض منها
1 / المراوح لاتعمل
2 / المراوح تعمل ولكن ليس بالشكل المطلوب
3 / عند الذهاب الي بعض الكراجات يقو لك شيل الترموستات (مهندسين وابحاث وسنوات من التجارب والابحاث ) وبعدين يجيك هذا يقول شيلها ..... لا تشيل الترموستات
4 / الراديتر فيه اوساخ تعيق عملية دوران الماء بالشكل الصحيح
5 / ترمبة الماء تعبانه !!!!! ما يجهله كثير من الكراجات يشوف الترمبه مافيها تهريب يقول اوكي ما يدري شنو بالداخل من مصايب !!!

شيئ اخير ضروري جدا
اذا تبي تزيد ماء الراديتر الاحسن ان تكون السياره بارده وفي انواع سيارات مثل الالماني لازم نعمل تنفيس للهواء بعد زياده الماء ضروري

 

[الكاريبي]

أخوي البحريني كلمك طيب أحسن شي الواحد أذا سيارته شوي قديمة علي دخول الصيف يجيك علي الرديتر و المرواح والترمستات و طرمبة الماي

 

[الكاريبي]

وفي بعض الكراجات يقولك جيب القطعة من السكراب أرخص
أنا مرة خربت عندي قطعة وقالي المكيانيكي روح السكراب أحسن ورحت السكراب ولقيت القطعة علي 30 دينار مستعمل يعني من سيارة صاير عليها حادث طنشتهم ورحت الشواف ولقيتها جديدة وأصلية 35 دينار .
ومرة ثانية أشتريت رديتر جديد لشفر 96 من سمارة 60 دينار أصلي بس بدون كفالة وبعدها بسبوعين رحت للغانم ولقيتها 65 معي كفالة ست شهور .
للعلم أحسن تسأل عن الأسعار في الوكالة والشركات قبل ماتشتري. بعدين قرر.
وأذا في أحد تعرفه يجيبلك قطع غيار بس تكون القطعة الغالية فوق 300 دينار جيبها من برا تكون أرخص.

 

[طلال701]

بحرينى 1972 يعطيك العافيه وبخصوص الغبار الموضوع السابق الغبار اللى يدخل مع المكيف وهو ان نزع السياره فورد99

 

[q8royale]

[
هل الطلوع على المطبة بالسرعة هذي ممكن تسبب اضرار تظهر بعدين؟؟؟؟؟


راح تعملك مشاكل انت بغني عنها

راح تخرب لك الهيئه الاماميه ومشاكل اخري كثيره

مشكور اخوي
صارت معاي مرة واحدة امس
عادة المطبات اعديهم بكل هدوء - امس ما شفت المطبة - الصبغ الابيض ممسوح.

طلعت بالسيارة اليوم - ما في اي مشكلة.

اوديها فحص هيئة امامية..؟

 

[الأبطح]

شباب انا بذكر لكم عطل اصاب سيارتي واصلحته علي افيدكم
او يمكن انتم توضحون لي اذا انا مخطئ
عندي كراون فكتوريا
وبعد فترة طويلة من الاستخدام صار فيها نفس الغمته
رحت ابدل بلاكاتها قال لي الكهربائي بان احد البلاكات تقريبا
ما يشتغل لدخول الماي من الثلاجة وهذا عيب بالفورد
نضف السلندر من الماي بالهوا وبدل البلاك
على اساس تمشي معاي المهم بعد فترة رجعت لحالتها
قمت واشتريت ثلاجة جديدة بالوكالة لقيتها ب 120 تقريبا (الذاكرة لكم عليها)
فقالي الميكانيكي اخذها من برة الوكالة بس المهم يكون القازقيت مفصول (مو لاصق فيها)
وفيها قطعة المونيوم تفرق بالسعر ونفس الجودة ما اتذكر السعر
ركبتها و ماشاء الله حدها ممتازة ورجعت ناااااااااعمة
اتمنى اني افدتكم واذا في اي خطأ وضحوه لي وبالنسبة للاسعار السمحوة الذاكرة اي شي
واشكر صاحب الموضوع
والاخ بحريني 1972 وجميع الاخوان المشاركين

 

[ابو ريتاج]

السلام عليكم عليكم ورحمه الله وبركاته .... عندى كاديلاك نوع ديفيل طاق الجير عندى .. شنو احسن كراج يجفت الجير ..موديل الموتر 2001

 

[kankosh]

مشكور اخوي
صارت معاي مرة واحدة امس
عادة المطبات اعديهم بكل هدوء - امس ما شفت المطبة - الصبغ الابيض ممسوح.

طلعت بالسيارة اليوم - ما في اي مشكلة.

اوديها فحص هيئة امامية..؟

السلام عليكم

اناصارت لي مشكلة تقارب مشكلتكم
ألا وهي اني مسرع وكان قدامي قطعة تاير مصلوخ بنص الشارع وعلى منحنى وكانت مسرع ونص الليل راد من المزرعه وفيني النوم

ما أطول عليكم

حطيتها بين التايرين

طبعاً بالبداية ما كو أي شي تماماً

بعدها بيومين تقريباً اول الخير

حرارة = المروحة مالت الفورد 2003 تجي كاملة ومحمية من الداخل تركب على الراديتر طبعاً منكسرة اطار الريش ( أشلون ما أدري )

بدل طبعاً


وراها يمكن الله العالم اسبوع بعد التصليح

تقطيع وعطبببببة = القايش انقطع + الشداد انعوج


بدل طبعاً وكله بسبة التاير المصلوخ بنص الطريق

وسلامتكم وتعيشون


للتنبيه فقط

 

[elnzha]

شكرا من القلب اخوى

 

[RichMan]

لالغاء صوت تنبيه حزام الامان المزعج اللي بالفورد .

قريت الكتيب اللي يجي معا السيارة ولقيت فيه طريقة البرمجه اللي تقدر منها تلغي صوت تنبيه حزام الامان وهي كالتالي :

تدخل السويش بالسيارة وتفتح الكهرباء (يعني ماتدق سلف بس تلف السويش للمرحله قبل التشغل) ... راح تشوف في العدادات صورة حزام الامان قاعده تأشر .. الحين البس حزام الامان لكن لا تدخل القطعه في مكانها .يعني بس خلك مقرب الحديده اللي بالحزام من الفتحه اللي تدش فيها وانطر شوي لما توقف العلامه اللي بالعدادات عن التأشير .. الحين دخلها بالفتحه وطلعها 9 مرات (اشبك وافصل اشبك وافصل )بعد المره التاسعه راح تشوف علامة الايرباج تولع وتفصل بالعدادات الحين اشبكها مره وحده بس وافصلها ..... خلاص الحين بيروح الصوت للابد

هذا لكشن السايق اما اللي بجنبه تسوي نفس الطريقة وانت قاعد على الكشن الثاني ... اما اذا تبي ترد التنبيه نفس ماكان تعيد الطريقة مره ثانية ويرجع .

ملاحظة : انا سويتها وضبطة ماي لفورد جراند ماركيز 2008 ...

الطريقة هذا احسن من ربط حزام الامان وتحطه ورى الكشن

 

[q8royale]

السلام عليكم

اناصارت لي مشكلة تقارب مشكلتكم
ألا وهي اني مسرع وكان قدامي قطعة تاير مصلوخ بنص الشارع وعلى منحنى وكانت مسرع ونص الليل راد من المزرعه وفيني النوم

ما أطول عليكم

حطيتها بين التايرين

طبعاً بالبداية ما كو أي شي تماماً

بعدها بيومين تقريباً اول الخير

حرارة = المروحة مالت الفورد 2003 تجي كاملة ومحمية من الداخل تركب على الراديتر طبعاً منكسرة اطار الريش ( أشلون ما أدري )

بدل طبعاً


وراها يمكن الله العالم اسبوع بعد التصليح

تقطيع وعطبببببة = القايش انقطع + الشداد انعوج


بدل طبعاً وكله بسبة التاير المصلوخ بنص الطريق

وسلامتكم وتعيشون


للتنبيه فقط

الشكر الجزيل
اليوم كان موعد السيرفس 5000 كم
دخلتها و بلغتهم يفحصون الهيئة الامامية والخلفية و كراسي الماكينة و الجير

التاير المصلوخ ممكن يسبب مشاكل - اذا مشيت عليه بسرعة ممكن يتنثر بابالمكينة و هذا حصل معاي ايام الجيب - برادو - انا دفعت لين قلت بس - مراوح - غايشات - اسيامه بالراديتر

 

[بحريني1972]

هلا فيك

أخوي البحريني كلمك طيب أحسن شي الواحد أذا سيارته شوي قديمة علي دخول الصيف يجيك علي الرديتر و المرواح والترمستات و طرمبة الماي

هلا فيك
والله ياخوي نصيحه اللي مايبي يوقف بالشارع وخاصه مثلا سياره البيت سيارة المدام الخوات
اول ما يجيك الصيف علي طول بدل ترموستات شيش راديتر وبدل طرمبة الماي
وها قبل لا تطلع من الصناعيه 4 تواير وبعدها والله ماراح اتعرف الخراب اشلون ويكفي تريح بالك وانت شوف واحكم

ترموستات +طرمبة الماي + تشييش الراديتر بكم ؟؟؟
20 الي 30
راس ماكينه بكم ؟؟؟؟؟
ياباني من 50 وفوق
ومسكين راعي الالماني
وها بدون شغل يد
شوف الفرق

 

[بحريني1972]

هلا فيك

مشكور اخوي
صارت معاي مرة واحدة امس
عادة المطبات اعديهم بكل هدوء - امس ما شفت المطبة - الصبغ الابيض ممسوح.

طلعت بالسيارة اليوم - ما في اي مشكلة.

اوديها فحص هيئة امامية..؟

اخوي اذا مافيها رجفه او تحذف يمين او يسار توكل علي الله وانشاء الله ما يبيلها شيئ

ودير بالك ياخوي الركاده وخل عنك السرعه

 

[sound blaster]

عندي لكزس المشكله الي فيها حيرتني

المسجل يشتغل وكل شي يشتغل تمام لكن مافي صوت ؟

وصلة السماعات شغاله وشاشة نقاط السماعه تشتغل ؟ لكن مافي صوووت


يعني كل شي صالح ويشتغل الا الصوووت؟

مره يقولون مضخمات ومره مادري شنو ؟ جربت كل شي

وصار لي اسبوعين امشي بالسياره بدون صووت للمسجل ؟

من صارت معاه هل مشكله

 

[بحريني1972]

هلا فيك

بحرينى 1972 يعطيك العافيه وبخصوص الغبار الموضوع السابق الغبار اللى يدخل مع المكيف وهو ان نزع السياره فورد99

اخوي والله ماني ذاكر اذا فيها فلتر مكيف داخلي او لا ممكن تتاكد من الوكاله

 

[راشد777]

ياشباب سيارتى يطلع فيها صوت لما ادقها سلف وبعدين يختفى هذا لما تكون بارده من شنو يكون

 

[q8ty40]

السلام عليكم

لا يخفى عليكم

مشكلة مكيف الكامري

وقلة دفعه وايضا ضعف تبريده
بالحر

وهي موديل 2004 4 سلندر جي ال

ابي الحل شنو
من شريتها والمكيف الظهر بالحر لا يبرد
الوكاله ما صلحوه

ادري انهم عارفين الحل بس يدرون انه خلل بالسيارة

بأنتظار الحل

 

[zayeed]

شبااااااااب لو سمحتوا انا عندي كابرس 2007 وفيها نافيجيشن بس مو راضي يشتغل .. يقولون لازم سي دي تعريف وين القاااه وكم سعره لو سمحتواااا اللي عنده معرفه بالموضوع يرد علي ..

 

[zayeed]

اخوي كويتي .. شوف عندك مشكله .. يا ثلااجه المكيف يبيلها غسيل او فلتر المكيف يبيله تنظيييف وانا متأكد من هالمعلومات .. وجيك بالمره على مراوح السياره يمكن فيها مشكله .. لأن هذي اللي تأثر على ضعف وقله تبريد هواء المكيف والله يعينك على هالحررررر ..