اللي عنده خلل او عطل بالسياره يكتبه

[بو فايز 78]

لو سمحت اخوي بحريني دزلي ايميلك خاص

 

[بحريني1972]

صباح الخير

لو سمحت اخوي بحريني دزلي ايميلك خاص

تم الارسال

 

[بحريني1972]

صباح الخير لاحلي شباب باحلي منتدي

في شيئ بالسياره تبي تعرف اشلون يشتغل ؟؟
في شيئ ودك تعرفه اكثر واكثر بالتفصيل ؟؟؟
اي استفسار انا حاضر
وارجع واقول مشكور اخوي طلال علي الموضوع الممتاز
وان شاء الله الكل يستفيد
شكرا

 

[elnzha]

شلونك اخوى
عندى تاهو الشكل اليديد صارلة تقريبا 2سنتين ونص وماشى 90
اذا مسكت خط مدة ساعة وطفيتة
وراها بدقيقة اشغلة ترتفع الحرارة فوق النص بشوية قبل ال3/4 واسمع المروحة تشتغل عقب تنزل نص سواءا كان المكيف شغال او طافى نفس الشى لان ساعات اطفيها وما اسكر المكيف
تصير ثابتة عالنص بصراحة شغلة تخرعنى وراى سفر لبنان واخاف تطق المكينة هناك شرايك؟
وعندى عداد البنزين بس يلعب مرة فل مرة فاضى مرة نص كلة معلومات غلط
شرايك شنو نصيحتك

 

[راشد777]

اخوى بحرينى 1972 انا لما اشغل المكيف وازيد من سرعته يطلع علي غبار من الفتحات بطريقه مو طبيعيه وبعدي البروده تقل ولما اسأل يقولون لازم تنظيف الثلاجه .شنو يعنى.

 

[طلال701]

اذا الغبار تكرر معاك اكثر من مره لما تفتح المروحه على الاخر معناه ان الثلاجه مليانه غبار من كل مكان ولازم تنفك وتتغسل وتتركب مره ثانيه لانها صارت معاي وهى من تجربه

 

[Customer]

شباب عندي مشكلة توها صايرة وياي بعد ما طلعت سيارتي صابغها
عندي كامري لما اروح عليها مشوار واسفط اشم ريحه غيربه بالسيارة من برى صوب الماكينة
ريحه مثل شي محترق (شياط ) مدري زيت حار او ماي مع العلم مافيها اي تهريبات
ومشكووووورين وجزاكم الله خير

 

[RichMan]

السلام عليكم

عندي لومينا ls 2003 السيارة نظيفه وطرمبت الماي توني مبدلها ومبدل بعد الفلتر اللي يوزع الماي للدفاية ومادري وين بعد ... المهم ... السيارة ترتفع حرارتها باستمرار .. رحت وبدلت الترموستات .. ومازالت تحتر .. شنو الحل يا جماعه ؟!؟ تهقون الراديتر يتحتاج تنظيف ؟ على قولتهم تشييش ؟

شنو ممكن بعد الاسباب ؟

شكرا..

 

[طال انتظاري]

يالربع عندي فكتوريا 2007

مولعه لمبت الاربااق

وانا مسرع طمرت المطبه ولعت وياي

سويت برمجه مانفعت

ممكن اللحل

 

[F- AL-hajri]

السلام عليكم

عندي لومينا ls 2003 السيارة نظيفه وطرمبت الماي توني مبدلها ومبدل بعد الفلتر اللي يوزع الماي للدفاية ومادري وين بعد ... المهم ... السيارة ترتفع حرارتها باستمرار .. رحت وبدلت الترموستات .. ومازالت تحتر .. شنو الحل يا جماعه ؟!؟ تهقون الراديتر يتحتاج تنظيف ؟ على قولتهم تشييش ؟

شنو ممكن بعد الاسباب ؟

شكرا..

وعليكم السلام ..... ياا الاخوو اوصيك بالتشيش تراا بخمس دنانير لا يزيد ولم يشيشه اشتر الدواء اللي يحطه في الراديتر على طوول لمين يشيشه وانشالله خير ...

 

[kandri82]

شباب عندي ونيت تويوتا هايلكس موديل 2001 المكيف ماشاءالله بارد ثلج بالمشي والوقفه بس الظهاري اكثر شي لما اوقف عالاشاره يفصل الكمبريسر كانه موشغال ولا مشيت ماشاء اللله يبرد عادي فحصة كل شي فيه بس مايبين معاهم شنو في اكثرهم يقولون لي مانعرف فياليت من الاخوان مساعدتي
وطبعا اكثر شي يفصل الظهر مادري والله شسالفته بس عيني بعض المرات يروح عالحراره فتعرفون ترتفع الحراره شوي وترد تنزل لان كلج المروحه اشتغل فمن اهني يفصل الكمبريسر بس هم محد يعرف واللي لاحظته انا ان الظهر بس يفصل اما لو شغلت السياره العصر او الليل وخليته من ساعه لين 3 او 4 فعادي مايفصل والحراره طبيعي ربع

 

[q8royale]

السلام عليكم
يا جماعة حصل معاي امس موقف على احد الطرق

عندي شفر 2009 - ل ت ز - كنت طاير 140 - فجأة مطبة جدامي - ان رزمت بريك ادري اني بروح فيها - المهم مسكت السكان عدل مدل.

طفت المطبة - للامانة السيارة كانت ثابتة و ما انحرفت بعد المطبة - ما سمعت صوت او طقة بالمعاونات.

الميزان اوكي - مشيتها السيارة ما في اي مشكلة

هل الطلوع على المطبة بالسرعة هذي ممكن تسبب اضرار تظهر بعدين؟

 

[بحريني1972]

هلا بك اخوي

شلونك اخوى
عندى تاهو الشكل اليديد صارلة تقريبا 2سنتين ونص وماشى 90
اذا مسكت خط مدة ساعة وطفيتة
وراها بدقيقة اشغلة ترتفع الحرارة فوق النص بشوية قبل ال3/4 واسمع المروحة تشتغل عقب تنزل نص سواءا كان المكيف شغال او طافى نفس الشى لان ساعات اطفيها وما اسكر المكيف
تصير ثابتة عالنص بصراحة شغلة تخرعنى وراى سفر لبنان واخاف تطق المكينة هناك شرايك؟
وعندى عداد البنزين بس يلعب مرة فل مرة فاضى مرة نص كلة معلومات غلط
شرايك شنو نصيحتك

هلا فيك اخوي
اول شيئ جزاك الله الف خير علي الموضوع انت تدري اني بغيت احط موضوع عن التكييف ( لما تطفي السياره والمكيف شغال )
ابي اقول للجميع تري يا اخوان اكبر غلط انك تطفي السياره و المكيف شغال
ليش ؟؟ اقولك
السياره لما تكون شغاله المكيف يكون شغال علي ضغط الغاز بتوقيت معين علي حسب درجة بروده الهواء داخل السياره والعمليه مستمره وبعدين تجي انت وتطفي السياره فيحصل توقيف مفاجئ في عملية الضغط مما يأثر في جوده التشغيل بالنسبه للمكيف
ابيك تشيك علي المراوح وتتاكد انها شغاله الترموستات لو تبدلها احسن وياريت اصلي تري رخيصه وياخوي وراك درب سفر لو تبدل هوز الماء الفوق واللي تحت والقوايش بدلهم وخل عندك القديم اسبير بالدبه
عداد البانزين
تانكي البانزين من الداخل فيه عوامه مثل الموجوده بتانكي ماي البيت بدلها وراح تلقي العداد مال البانزين 100 بالميه
ولا تخلي السياره لين كلش تصفر انت شكلك مثلي ماتحب تصب بانزين
واتمني لك سفر سعيده وترد لنا بالسلامه ان شاء الله
ياخوي لا تخاف سافر تروح وترد بالف خير وسلامه انشاء الله
بس ها لا تطفي السياره والمكيف شغال اتفقنا حرام ياخوي

 

[بـوشوق]

عندي سيارة فورد فكتوري موديل 95 الحرارة دايم مرتفعه وتسابقني الحرارة علي الخط واعتقد الافلاس مالت الماكينه عدل اخووووي
وجزاك الله خير

 

[بحريني1972]

هلا فيك

اخوى بحرينى 1972 انا لما اشغل المكيف وازيد من سرعته يطلع علي غبار من الفتحات بطريقه مو طبيعيه وبعدي البروده تقل ولما اسأل يقولون لازم تنظيف الثلاجه .شنو يعنى.

هلا فيك اخوي

اول شيئ انت ماقلت لي شنو سيارتك ؟؟؟

في دقمه مالت التكييف اللي تدخل الهواء الخارجي الي داخل السياره ياريت الجميع ما يستعملها لان الجو عندنا بالكويت شبه مغبر دائما وانصح بفتح النوافذ قليل عند الحاجه

الثلاجه

في جميع السيارات يوجد جهاز صغير وضيفته انه يقوم بسحب الهواء من داخل السياره ومن ثم اعادته الي فتحات التكييف مره اخري طبعا السرعات انت تحددها من مفتاح التشغيل

زين الغبار اللي تقول عنه كيف يجيك داخل السياره ؟؟؟؟؟

انت لما تشغل المكيف تتم عمليه شفط الهواء من داخل السياره وتزيد فتحات التكييف به ولما انت تختار طريقه دخول الهواء من خارج السياره اكيد طبعا راح يدخل غبار واتربه من الخارج الي داخل السياره بس المشكله هنا ان الغبار والاتربه ما تخرج بنفس كمية دخولها يعني تظل بالجهاز هذا الذي يطلق عليه اسم ثلاجة زين ليش سموه ثلاجه ؟؟
لانه مسئول الاول عن تبريد الهواء
اخوي هذا جواب سريع بس ابي اعرف شنو سيارتك لان في بعض السيارات يجي فيها فلتر هواء داخل السياره ممكن تنظيفه واعادة تركيبه

لا تسوي شيئ لين تقولي شنو اسم سيارتك وموديلها كم
عشان اعرف فيها فلتر او لا اذا فيها فلتر راح يرجع المكيف عندك كانك امس شاريها جديده

 

[بحريني1972]

هلا فيك

شباب عندي مشكلة توها صايرة وياي بعد ما طلعت سيارتي صابغها
عندي كامري لما اروح عليها مشوار واسفط اشم ريحه غيربه بالسيارة من برى صوب الماكينة
ريحه مثل شي محترق (شياط ) مدري زيت حار او ماي مع العلم مافيها اي تهريبات
ومشكووووورين وجزاكم الله خير

اول شيئ شيك علي الزيوت يعني مافي تهريب ميه بالميه اذا مافي
اغسل الماكينه بالبخار مو الماي العادي وراح تروح هذه بواقي صبغ

 

[بحريني1972]

حراره السياره

السلام عليكم

عندي لومينا ls 2003 السيارة نظيفه وطرمبت الماي توني مبدلها ومبدل بعد الفلتر اللي يوزع الماي للدفاية ومادري وين بعد ... المهم ... السيارة ترتفع حرارتها باستمرار .. رحت وبدلت الترموستات .. ومازالت تحتر .. شنو الحل يا جماعه ؟!؟ تهقون الراديتر يتحتاج تنظيف ؟ على قولتهم تشييش ؟

شنو ممكن بعد الاسباب ؟

هلا فيك اخوي
نبي نعرف كيف ترتفع الحراره بالمشي بالوقوف مع المكيف نبي تفصيل عشان ان شاء الله نقدر نفيدك وبعد الاخوان يستفيدون من الاسئله والاجوبه

 

[بحريني1972]

هلا فيك

يالربع عندي فكتوريا 2007

مولعه لمبت الاربااق

وانا مسرع طمرت المطبه ولعت وياي

سويت برمجه مانفعت

ممكن اللحل

في جهاز بالوكاله وبعض الكراجات يطفي لك لمبة الاير باق

 

[بحريني1972]

هلا فيك

شباب عندي ونيت تويوتا هايلكس موديل 2001 المكيف ماشاءالله بارد ثلج بالمشي والوقفه بس الظهاري اكثر شي لما اوقف عالاشاره يفصل الكمبريسر كانه موشغال ولا مشيت ماشاء اللله يبرد عادي فحصة كل شي فيه بس مايبين معاهم شنو في اكثرهم يقولون لي مانعرف فياليت من الاخوان مساعدتي
وطبعا اكثر شي يفصل الظهر مادري والله شسالفته بس عيني بعض المرات يروح عالحراره فتعرفون ترتفع الحراره شوي وترد تنزل لان كلج المروحه اشتغل فمن اهني يفصل الكمبريسر بس هم محد يعرف واللي لاحظته انا ان الظهر بس يفصل اما لو شغلت السياره العصر او الليل وخليته من ساعه لين 3 او 4 فعادي مايفصل والحراره طبيعي ربع

هلا فيك
اخوي ودي اقولك عادي يعني اللي فهمته منك تري عادي ومافي مشكله لان الحمد الله عندنا الحراره توصل 47 انت تدري شنو يعني 47 هذي بالظل فكيف بالشمس المباشر

اخوي شيك علي المراوح اذا اوكي روح لبلال بالري خلف البغلي بجانب المسجد وراح يفيدك اكثر

 

[بحريني1972]

هلا فيك

عندي سيارة فورد فكتوري موديل 95 الحرارة دايم مرتفعه وتسابقني الحرارة علي الخط واعتقد الافلاس مالت الماكينه عدل اخووووي
وجزاك الله خير

اخوي بالنسبه لافلاس الماكينه ابي اضيف توضيح للجميع

اذا اخترب واح من الافلال مال الماكينه فهذا يعود لسببين فقط

ضغط زايد بالماكينه ( لهذا السبب وضعت الافلاس بالماكينه للتنفيس في حالت وجود ضغط زايد )

صدا وتأكل الفلسات ولا توجد اي علاقه بين الحراره والافلاس للتوضيح فقط

وانا ان شاء الله راح اضيف موضوع عن الحراره تابع موضوع الاخ طلال جزاه الله خير