اللي عنده خلل او عطل بالسياره يكتبه

[vtc_305]

عندي سوبر سفاري موديل 98 بحاله ممتازه ما شاء الله عليه بس مشكلته المكيف مو بارد وبالليل يكون بارد

عبيته غاز ونفس الطريقه بالليل بارد وبالنهار حار

مع انه يقولون مكيفه ثلج النيسان اكيد فيه خلل

ونتمنى الحل وشاكر لك

 

[طلال701]

شوف الكمبريسور يمكن دفعه ضعيف

 

[kuwaitey]

افحص القير بالرمال وود للوكالة تقرير الرمال حق الوكالة وخل يطلع الكذاب ولاتنس عندك كفالة فحص الرمال اسبوع يعني مايقدرون يخلون مسؤوليتهم من نتيجة الفحص

خل اقول لك سالفه على كراج الرمال الذهبيه

بعت سياره قبل شهرين وطلعت فحص عند الرمال الذهبية

وكتبو بتقرير ان السياره مقصوص مدقرها الخلفى وخلو السياره سكراب

وتكنسلت البيعه طبعا بسبب كراج الرمال الذهبيه حسبى الله ونعم الوكيل

وانا مشتريها من اليابان والسياره بقراطيسها ...

طبعا قلت امرى الى الله وسكت ... وبعدها بشهر بعتها مره ثانيه

وطلعت فحص عند كراج الرمال الذهبيه مره ثانيه ونفس السياره

واقسم بالله كتب انه مافيها قصه وتقرير ثانى غير التقرير الاول

واول امس رحت الكراج وكلمت المسؤال المطوع عندهم اعتقد انه شمرى

وشرحت له الموقف اللى صار والله انحرج الرجال وتوهق وماعرف يرد على

نهااائى ....

هذا كراج الرمال الذهبيه اللى لا يحلله لا دينا ولا اخره والله ماسامحه بخسراتى مجمع شلة نصابين يفحصون حسبى الله عليه

و

 

[A.M.W]

كلامك صحيح اخوي الرمال الذهبية مو كراج كامل 100%

يعني لابد أن يقع بخطأ بس شنو الحل قولي شنو البديل النجم الثلاثي؟ أقولك يفتح الله عندي مثل سالفتك بلاوي عن فحص النجم الثلاثي، بتقولي الوكالة اقولك صح لكن أيضا الوكالة تقولك خلها يوم كامل والتقرير يطلع بالانجليزي وقصة طويلة والسعر فوق ال100 دينار

فأفضل الموجود بنظري هو الرمال مع احتمالية اخطاء، وطال ما ان الرمال تعطي كفالة اسبوع على الفحص خله يفحصها واذا طلع في مشكلة بالقير يروح الوكالة ويقولهم هذا فحص الرمال يقول ان سيارتكم فيها مشكلة وخل يحط حيلهم بينهم ليما يطلع الكذاب

وتشرفت بحوارك

 

[الساحل1]

يعطيك العافيه شباب عندي سوبربان موديل 2004 (شفر ) بس تشغل السياره مع المكيف لمدة 10 دقائق تشوف المطارة الماء تغلى والحرارة فوق النص ومشكووورين مقدممممما ...

 

[فهد_الكويت]

السلام عليكم
عندي شبح 500 l 92
يطلع صوت صفير (كأن واحد بجنبك قاعد يصفر بشكل متقطع)
طالع من الطبلون
وديتها كذا كهربائي وميكانيكي مو عارفينها
اذا مرت على احد من قبل ؟


وشكرا

للرفع

 

[بحريني1972]

هلا فيك الغالي

شكرا اخوى بحرينى 1972 على ردودك على الشباب وترى الشباب يستاهلون وانا اقتراحى كان نحمى الشباب ونحمى انفوسنا من نصب اصحاب المحلات ونعرف شنسوى واتمنى منك ان تدخل وتزود الشباب بخبرتك ولك مني احلى تحيه

انا حاضر للجميع

واي طلب ان شاء الله ماراح اقصر معاكم

 

[بحريني1972]

طيب اخوى بحريني 1972 انا سيارتى الابواب تبي تضبيط لان صوت الهواء قوى ممكن تدلنى على اي محل لو سمحت

هلا فيك اخوي


اول شيئ اسف اذا تاخرت عليكم بالرد

اخوي اول شيئ السياره السياره صار لها حادث من صوب الباب لا سمح الله
اذا الجواب لا شوف تسكيره الباب طبيعيه يعني لما تسكر الباب يسكر بسهوله او تحس فيه حكه بسيطه ؟؟
اذا في حكه بسيطه يبي تعيير
اذا اوكي يسكر عدل 100 بالميه انصحك بتبديل ربل الباب وها لا تاخذ من السكراب اخذ جديد وريح بالك
سؤالك وين تروح للاسف ما اقدر افيدك لاني اعرف واحد بس سافر والله

 

[بحريني1972]

لدينا في البيت كامري للأهل .....
اذا وقفوا عند اشارة او خففوا من السرعه عند اليوتيرن تطفي
واذا رديت شغلتها تشتغل وتمشي شوي وترد تطفي ....
فحصنا البطارية اوكي
فحصنا الدينمو اوكي
قام الكهربائي وصب بانزين في البخاخات واشتغلت فقال أكيد طرمبة البنزين
فقمت وبدلتها .....
وردت كما كانت ....
طبعا في ملاحظه قبل لا تطفي يخف حيل عداد ضغط المكينه واذا طفت يشب ليت اللي على صورة مكينه يعني ( check engine
المهم رحت لميكانيكي أعرفه ... قالي الأمر سهل ... الأكسيليراتير وسخ ويحتاج تنظيف .....
الأكسيليريتير : هو اللي اذا بطلوا غبا المكينه يدوسون منه بنزين وهو اللي يعايرون منه ضغط المكينه ....
يبتله بخاخ تنظيف بدينار .... وشغل ايده ب6 دينار مع الاكرامية
والحمد لله الامور ألحين طيبه .....
هذا للعلم وللاستفاده .......

كلامك ميه بالميه صحيح

وتري بالذات التويوتا يحتاج تنظيف من فتره لفتره
والمشكله بالكويت قليل كراجات اللي يعرفون بالمشكله هذي

 

[بحريني1972]

حاضر

السلام عليكم
عندي شبح 500 l 92
يطلع صوت صفير (كأن واحد بجنبك قاعد يصفر بشكل متقطع)
طالع من الطبلون
وديتها كذا كهربائي وميكانيكي مو عارفينها
اذا مرت على احد من قبل ؟


وشكرا

هلا فيك اخوي

الصوت يطلع مع المكيف او لا؟؟

انت بدلت الجام الامامي ؟؟

شوف اخوي اذا انت مبدل الجام الامامي احتمال كبير يكون في منفذ هواء من الجام روح محل جامات وخليه يعيد خط السيليكون مره ثانية وبالذات من تحت
اذا ما بدلت الجام قولي تفاصيل اكثر وانا بالخدمة

 

[بحريني1972]

هلا فيك

اخواني سيارتي كل ست شهور (هذي ثاني مره تتكرر وياي بست شهور تخترب البطاريه ) تخنس بطاريتهاو تخترب ...................؟


ليش مع ان عمر البطارية الافتراضي سنه ؟؟؟؟

للعلم فحصت الدينمو وكان ممتاز جدا ................................ شلت الراس الموجب (+) والسياره ما تطفي ...


فشنو السبب ؟

اخوي السبب مليون بالميه عندك تهريب كهرباء بالسياره
بمعني اخر عندك شيئ بالسياره ما ينطفي حتي لو شلت المفتاح لهذا لا تستمر معاك البطارية بالعمر الافتراضي
شوف في واحد بالشويخ دوار الاكسجين اذا انت جاي من الرابع تأخذ يسار تمشي شويه راح تشوف محل علي يسارك محل صغير وقديم

 

[بحريني1972]

هلا بك

سيارتي ليمن ارجع وره و الف سكان يطلع صوت من تواير ليش
تواير يديده

ممكن شرح اكثر

والصوت اللي يطلع تحس السياره تروح شويه فوق وتحت ؟؟
عطني تفاصيل اكثر

 

[بحريني1972]

هلا فيك

يعطيك العافيه شباب عندي سوبربان موديل 2004 (شفر ) بس تشغل السياره مع المكيف لمدة 10 دقائق تشوف المطارة الماء تغلى والحرارة فوق النص ومشكووورين مقدممممما ...

اخوي عندك اكثر من شيئ

شوف الترمستات راكبه وشغاله او لا واذا موجوده غيرها اخذ رقم اكبر من الاهليه وخلك علي القطعه الاصليه

شوف المراوح اوكي ا لا

تشييش الراديتر

امشي علي الترتيب اللي انا حاطه وراح تلقي الترموستات مسكر او غير شغال

 

[بحريني1972]

هلا فيك

عندي سوبر سفاري موديل 98 بحاله ممتازه ما شاء الله عليه بس مشكلته المكيف مو بارد وبالليل يكون بارد

عبيته غاز ونفس الطريقه بالليل بارد وبالنهار حار

مع انه يقولون مكيفه ثلج النيسان اكيد فيه خلل

ونتمنى الحل وشاكر لك

اخوي عندك وحده من التالي

1 / الكمبريسر ضغطه ضعيف
2 / المراوح
3/ فلتر الغاز

شوف مالك الا بلال بالري

وتري سيارتك الله يبارك لك فيها من احسن المكيفات وبارد وايد

 

[فهد_الكويت]

هلا فيك اخوي

الصوت يطلع مع المكيف او لا؟؟

انت بدلت الجام الامامي ؟؟

شوف اخوي اذا انت مبدل الجام الامامي احتمال كبير يكون في منفذ هواء من الجام روح محل جامات وخليه يعيد خط السيليكون مره ثانية وبالذات من تحت
اذا ما بدلت الجام قولي تفاصيل اكثر وانا بالخدمة

هلا اخوي بحريني

1- الجام مابدلته
2-انا شبه متأكد انه يطلع مع المكيف
لكن لما وديته للكهربائي ماعرف من وين جاي
فتح مكان المروحه مالت المكيف اللي برى بالكبوت وماكان فيه صوت
فما عرفنا من وين جاي الصوت
وانا شبه متأكد من شئ تبع المكيف بالطبلون
بس شنهو هو ؟

أولا وأخيرا شكرا أخوي بحريني على مجهودك الرائع

 

[طلال701]

يعطيك العافيه اخوى بحرينى واحب اقولك ان الابواب تسكيرة الباب طبيعيه وانسيابيه وكل شى طبيعى بس مادرى الصوت الخارجى قوى مادرى شسوى وراح ابدل الربل واشوف وشكرا لك وعلى ردودك على الشباب ونشكر تواصلك معانا.

 

[Agraa3]

الهاجري حبيب حبيب قلبي اذا سيارتك دفع رباعي معناته من الدبل
ولا تحاتي الدفع الرباعي كله جذي

اما بخصوص مشكلة الكندري 82 انت عندك كلشات الكمريسور يعني لا تبدل الكمبريسور كله لأ بدل الكلشات بس

 

[بحريني1972]

هلا فيك

هلا اخوي بحريني

1- الجام مابدلته
2-انا شبه متأكد انه يطلع مع المكيف
لكن لما وديته للكهربائي ماعرف من وين جاي
فتح مكان المروحه مالت المكيف اللي برى بالكبوت وماكان فيه صوت
فما عرفنا من وين جاي الصوت
وانا شبه متأكد من شئ تبع المكيف بالطبلون
بس شنهو هو ؟

أولا وأخيرا شكرا أخوي بحريني على مجهودك الرائع

حبيب والله مافي مجهود ان شاء الله كلنا اخوان واكثر

انا ما ابي اطلعلك اختراعات من عندي انا ودي اساعدك

الصوت من المرحة تبع المكيف او فلتر الغاز
روح حق بلال بالري وراح يفيدك ان شاء الله
واسف اني ما قدرت اساعدك ياخوي

 

[بحريني1972]

هلا بك

يعطيك العافيه اخوى بحرينى واحب اقولك ان الابواب تسكيرة الباب طبيعيه وانسيابيه وكل شى طبيعى بس مادرى الصوت الخارجى قوى مادرى شسوى وراح ابدل الربل واشوف وشكرا لك وعلى ردودك على الشباب ونشكر تواصلك معانا.

حبيب والله وانا بالخدمه ياخوي وحاضر للجميع
وعلي قولتك نتعلم قبل لا نروح حق الكراجات

 

[راشد777]

انا سيارتى فورد الحراره قاعد تطلع فوق النص شوى علما بأنى مشيش الراديتر ومشيك على الترموستات وامبدل الهواز كلهم وسويت تصفيه للسياره وبدلت البلاكات كانت القديمه وحطيت البلاكات الالكترونيه حق 2007 والقطع اصليه بس ماكو فايده لانه قبل كانت بعز الحر نص ثابت الحين فوق النص ونزل اذا مشيت عليها .شنو الحل معاها السياره فورد 1999 .