لجميع مشاريعكم التجاريه

الموضوع في 'الوظائف والأعمال التجاريه' بواسطة general, بتاريخ ‏7 أغسطس 2009.

  1. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    السلام عليكم
    مستعد لمناقشه مشاريعكم التجاريه وتوضيح النقاط المهمه فيها و نسبه نجاحها وفشلها وتصحيح معلوماتكم والقيام بارشادكم للخطوات الاوليه والاساسيه وتقديم عرض خاص لكم من جدوى المشروع .

    دون مقابل لله يا اخوان
     
  2. hope73

    hope73 عضو جديد

    التسجيل:
    ‏27 يوليو 2009
    المشاركات:
    32
    عدد الإعجابات:
    0
    جزاك الله خيرا
    عندي مشروع أو بالأحرى حلم افتتاح مطعم عربي مميز و راقي
     
  3. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    للأسف مشاريع المطاعم بالكويت انقسمت الى 2 بدل 3
    يعني يا اما الفشل أو النجاح
    والمفروض 3 مستويات يكون فشل متوسط نجاح
    ومثل ماقلت لك الكويت قامت تعتمد على قياسين فقط
    وانت فكر بالموضوع عدل وراجع حساباتك وان كنت مصمم بامكانك تتكلم عن مشروعك ولو بشكل سطحي وانشالله بنرد عليك بمعلومات كافيه ووافيه
     
  4. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)

    اخوي انا اقترح عليك مشروع هم حلو
    شوف تفتح لك محل باحدى هل مناطق (حولي - سالميه - شرق) وتختص في بيع الدجاج واللحوم المتبله (للشوي فقط) وعلى فكره هل فكره فريده من نوعها تقريبا (لاتقولي محلات بيع اللحوم عندهم لحم متبل على الماشي ولا حتى تكرم القطو بالشارع ماياكله)
    محلك راح يكون مثل مطعم دانه البحرين الي بحولي والسالميه شوفوا الضغط الي عليه مع انه شي عادي .
    لكن انت راح تمتاز بعده شغلات أولا تقسم مطعمك الى 3 أقسام (تتبيله ايرانيه - تتبيله شاميه (لبنان وسوريا ) - وتتبيله هنديه )
    وطبعا جذي تكون استهدفت اكثر نوع من المستهليكن

    مثال : تكه - عرايس- ريش- شيش طاووق- دجاج على الفحم-كباب
    تتبيلات حاره وبالكاري وبالزعفران واللومي الحامض والخ,, من هل نكهات
    وترا المشروع غير مكلف يعني 3000 دينار تكفيك لفتح المحل والثلاجات والتجهيزات واللحوم والدجاج طبعا على الطلب يعني ماراح تشتري كونتينر خرفان وتحطه عندك يعني رأس مالك المدور يوميا 300 الى 400 دينار
    بس الفايده حيل قويه .
    انت صمم واحنه نساعدك بباقي الخطوات والشروحات
     
  5. القمر1

    القمر1 عضو نشط

    التسجيل:
    ‏16 يونيو 2009
    المشاركات:
    2,476
    عدد الإعجابات:
    0
    السلام عليكم
    يعطيك العافيه اخوي عندي بخور وعطور شنو تنصحني هل اروجهم بطريقه معينه

    شاكرلك
     
  6. ابو فوز

    ابو فوز عضو جديد

    التسجيل:
    ‏12 فبراير 2006
    المشاركات:
    225
    عدد الإعجابات:
    0
    اخوى انا ناوى افتح مكتب عقارى فياريت تفيدنى باى معلومات عن المشروع ونسبه نجاحه ؟؟
     
  7. hope73

    hope73 عضو جديد

    التسجيل:
    ‏27 يوليو 2009
    المشاركات:
    32
    عدد الإعجابات:
    0
    يعطيك العافية و عساك عالقوة
    بالنسبة للمشروع اللي ذكرته - محل اللحوم - من وين يتم إحضار اللحوم و الدجاج
     
  8. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)

    اخوي طبعا الطريقه البدائيه اكيد تعرفها (الحريم يوزعون ويبيعون بالدوامات ولهم نسبه ) لكن بعطيك طريقه يديده .
    تقدر تسوي لك 40 علبه فاخره ومميزه جدا وتروح مجمع الوزارات تعطيها لأي احد يدخلها على روؤساء الاقسام والمدراء بعنوان هديه وترفق بطاقه وعليها اسمك واسم المدير (الي مودي له)
    (مدير الاداره العامه الاخ فلاني الفلاني , فقط اردت ان اسعد صباحكم بالعود والبخور , وتقبلوا مني التحيات العطره أيضا)
    من الاخ ابو راشد لبيع العطور والبخور والعود (تلفونك)

    لاحظ بالكتابه كتبت عطر وعود وبخور ياهي من نغزه كبيره :)))
    صدقني حتى لو ماتصل عشان يطلب منك على الاقل راح يدق عشان يشكرك وراح يستغرب من حركتك هذي وتظل الحركه تراوده كم يوم
    وعقبها ممكن يتصل يطلب لنفسه أو الموظفين الي حوالينه أو حتى شهريا ياخذ منك بخور حق مكتبه (دايما مكاتبهم مبخره)
    اتمنى اكون فدتك
     
  9. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    اخوي فكرتك حلوه
    تحتاج فقط لرخصه مؤسسه فرديه احسن لك وهم تقدر شركه وتكون تحت نشاط بيع وشراء ودلاله العقار
    مكتب افلاني العقاريه
    وتاخذ لك مكتب بحولي (محل) في مجمع البسام سواء 1 أو 2 بشارع بن خلدون .
    وتبلش الشغل بالشقق للايجار وتعرف طبعا العموله نص الايجار
    كل ماعليك فعله تحط لك وحده وتقعد تجابل جرايد الوسيط وتسوي لسته عن الايجارات تشيل من الجريده وتأجر على الي يبيه ولك نص الايجار وتسوي عقد وكتب بأسم الشركه زقرت اكثر من هل دراويش الي بكل شي قاط ويها
    وعقبها بعد مافهمت بالسوق عدل تقدر تدلل على بيوت ( اقل فايده 2000 )
    واتمنى تنجح بمشروعك بس فكر فيه عدل واقعد مع ناس لهم تجربه
     
  10. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    :) من السوق بجمله الشويخ
    والتتبيله عليك
     
  11. بو حمود الكشخة

    بو حمود الكشخة عضو جديد

    التسجيل:
    ‏4 سبتمبر 2008
    المشاركات:
    90
    عدد الإعجابات:
    0
    اعتقد في شركات لتجهيز المطاعم .. واعتقد يفيدون بهالموضوع .. والعلم عند الله ..

    ::


    وشكرا عالموضوع والله .. ويزاك الله خير .. وماتقصر ..
     
  12. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    اهلا بوحمود نعم في شركات حق هل سوالف لكن اللحم والدجاج من الهند والبرازيل وتايلند والصين تكرم (مذبوح بالنعل) و احط بذمتي
    وشكرا
     
  13. LoVer26

    LoVer26 عضو جديد

    التسجيل:
    ‏2 ابريل 2009
    المشاركات:
    21
    عدد الإعجابات:
    0
    الله يعطيك العافيه اخوي وبيض الله وجهك علي الجهد اللي تقوم فيه والله يرزقك ويرزقنا ويرزق جميع المسلمين ... اخوي انا ناوي افتح شركه توزيع وتغليف المواد الغذائيه ممكن تفيدني بشي واكون شاكر لك ..
     
  14. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    اخوي هناك فرق كبير بين توزيع المواد الغذائيه و تغليف المواد الغذائيه يرجى التحديد قدر المستطاع
     
  15. LoVer26

    LoVer26 عضو جديد

    التسجيل:
    ‏2 ابريل 2009
    المشاركات:
    21
    عدد الإعجابات:
    0
    ادري اخوي انه فيه فرق بين التوزيع والتغليف لكن ببداء في التوزيع والله يعطيك العافيه علي سرعه تجاوبك...
     
  16. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    بس مواد الغذائيه يبي لها راس مال مايقل عن 20 ألف دينار (اذا كنت بتيب من الخارج) لكن اذا بتشتري من اهني (شركات الكبيره) و تقوم بتوزيعها فمايبي لك راس مال وايد لكن حط في بالك ماراح تقدر تزود بالسعر وايد لان التاجر المحلي ماراح يخليك تربح وايد لان التكلفه عليك غاليه
    يعني كرتون زيت التاجر يبه من دبي 5 دنانير ويبيعه لك ب 7 دنانير وانت راح تبيعه ب 7 وربع , (الفايده للتاجر المحلي)
    ملاحظه : كتبت لك كمثال والارقام غير واقعيه بس للتوضيح
    والحين اغلب الشركات المحليه اهم عندهم موزعين ومناديب يروحون للبقالات والاسواق المركزيه (حتى الناس الي مثلك بتترزق مايخلونها)
     
  17. بو جابر

    بو جابر عضو جديد

    التسجيل:
    ‏7 يوليو 2009
    المشاركات:
    617
    عدد الإعجابات:
    0
    أخوي الله يجزاك خير ويكثر من أمثالك ويجعله في ميزان حسناتك أنشالله
     
  18. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    حاضرين لامثالك يا بوجابر
     
  19. ساحل الليل

    ساحل الليل موقوف

    التسجيل:
    ‏4 ابريل 2008
    المشاركات:
    258
    عدد الإعجابات:
    0
    بارك الله فيك يااخوي جنرال
    اخوي جنرال ممكن لو سمحت تخبرني بمشروع المصبغه وكم يكلف والخطوات اذا تسمح يالغالي
     
  20. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    اذا تبي مصبغه ابتعد عن هل مناطق (سالميه و حولي) لان الغسيل والكوي عندهم بـ 100 فلس (لاتستغرب بامكانك تروح وتسأل) حاول تروح للمناطق الي توه مبلشين فيها (قيروان فهد الاحمد غرب الجليب ومن هل اماكن لو تطيح لك على هل مناطق رووعه , والشعب البحري (كله اجانب يحبون المصابغ ) وخطواتها سهله
    الخطوات تشتري المحل واكبر غلط يرتكبها اشخاص مثلك الي اهي تدخلون بالقوووه ياجماعه الركاده حلوه لاتشتري اجهزه جديده اشتر اجهزه غسالات اوتي بخار والخ,,, مستعمل من مكان متخصص لبيع هل اشياء (تقدر تسأل وين صاير) والاجهزه نظيفه ورخيصه عشان لا سمح الله صار خساره ماتكون خسرت وايد واعيد واقولك خلك بسيييط انت ماتبي تفتح محل حلويات عشان الناس تهتم بالديكور وووو بيقطون عليك ملابس وسخه ويبون ياخذونها نظيفه وبس. والسالفه ترا مايبي لها دراسه جدوى .
    بس كثر ماتقدر حاول بالهدوء تخطط لهل شي اذا بتمشي على كلامي راح يكلفك الاجهزه والتجهيز 3000 دينار بس المشكله المحل جم ينباع على حسب الضغط والمنطقه بس بس عموما حرام تقط على المحل اكثر من 4000 دينار
    ملاحظه : مو تشوف محل يقولك 4000 وتروح له سيده تلقى مرات المحل عبالك يسوى 20 ألف واهو مايسوى ألف دينار
    ومرات تكون غشيم اكثر المحل يسوى 20 ألف وانت تقول هل محل بألف دينار ما اشتري
    خلك قوووي بالتقييم واستشير كثر ماتقدر