لجميع مشاريعكم التجاريه

[راشد الماجد]

السلام عليكم هلا اخوي جنرال الصراحه كلامك صحيح يااخوي انا ماافكر في هذا المشروع لكن احب استفيد واتعلم لان ماشاءالله عندك خبره كبيره فحبيت اتعلم عن مشروع مؤسسة انتاج فني وصح كلامك يالغالي لو ابقى على مشروع المصبغه والبقاله افضل لكن دخل في بالي مشروع الديكورات والف شكر لك

 

[q8rottweilers]

اخوي جينيرال مساك الله بالخير ياريت تفيدني بهالنقطة انا مشروعي بشكل بسيط انه وسيله جديدة للاعلان واستهدف الشركات بشكل عام دون تحديد علما بان الفكرة جدييييييييييييدة وغير مطبقة بالكويت نهائيا هل يا ترى هناك فرصة لنجاحها ؟ لاني خايف ابدا الشغل واخلص ولما اعرض منتجاتي على الشركة بيطبقونها بدون الحاجة للتعامل معاي
واسمحلي ماقدر ازيد بهالخصوص واعطي معلومات اكثر عن فكرتي لان سهل تطبيقها وعيال الحرام ما خلو شي
وعندي مشروع ثاني بس بدزه لك رسالة خاصة
وشاكرلك مقدما

 

[general]

اخوي جينيرال ياريت تفيدني بهالنقطة انا مشروعي بشكل بسيط انه وسيله جديدة للاعلان واستهدف الشركات بشكل عام دون تحديد علما بان الفكرة جدييييييييييييدة وغير مطبقة بالكويت نهائيا هل يا ترى هناك فرصة لنجاحها ؟ لاني خايف ابدا الشغل واخلص ولما اعرض منتجاتي على الشركة بيطبقونها بدون الحاجة للتعامل معاي
واسمحلي ماقدر ازيد بهالخصوص واعطي معلومات اكثر عن فكرتي لان سهل تطبيقها وعيال الحرام ما خلو شي
وشكرا

انت اكثر تعليق ضحكت عليه )) مو قادر اتخذ قرار وانصحك فيه والسبه السطر الي باللون الاحمر على الاقل وضح شويه ماعليه باين عليك حساس ومبيوق منك جم مشروع من قبل على العموم بوضح لك بشكل سطحي لانك وضحت لي بشكل سطحي
هذا المشروع بغض النظر عن طريقه تنفيذه سواء فيه ربح او لا لو انا مكانك اصرف النظر عنه وابسط الاسباب هي كالاتي :
1- كثر جرايد الاعلانات بأرخص الاسعار (توصل الى 2 دينار ) .
2- اتباع اسلوب الاعلانات في المواقع الالكترونيه .
3- شغلتك تكون مقتصره فقط على الشركات الي لها انتاج .
4- الشركات حاليا عقب الازمه كل من لاهي يبحث عن السيوله واكبر الشركات الي بالبورصه تلاحظ عليهم قللوا من الدعايات .
5- والي اعتبره اهم نقطه (في حاله الخساير لاسمح الله ماتقدر تطلع على الاقل بأقل خساره والسبب كالاتي)
مثال انا فتحت مصبغه وفتحت بقاله وفتحت محل مواد بناء باجر ان تعرضت للخساره على الاقل ماخسر كل راس مالي لان بامكاني ابيع معداتي واجهزتي وماتبقى من المشروع لكن مشروعك لاسمح الله ان خسرت فيه ماراح يظل عندك غير النثريات (اوراق احبار مجلات طابعه موقع الكتروني ) كل على بعضهم ماييب لك 100 دينار .

اتمنى اكون فدتك

 

[q8rottweilers]

لول اوكي الحين ادزلك الفكرة رسالة خاصة
سامحنا دوخناك

 

[منافس]

السلام عليكم
أخوي أعجبتني صفحتك وحرصك على إفادة إخوانك
عندي مشروع عباره محل لبيع الأدوات الكهربائيه والصحيه للمنازل لأني قاعد أشوف البيوت الجديده والترميمات شغاله أكيد بيحتاجون للكهرباء والصحي ( فمحلي لبيع الأدوات يعني مايحتاجه البيت الجديد من جميع التمديدات بأشكالها) هذا باختصار المشروع
الأسئله :
1- أفضل مكان أجيب الأدوات
2- هل أفتح شركه أم مؤسسه وشلون طريقتها
3- المكان المناسب للمحل ​

4- توقعك للربح ​

5- رأس المال المتوقع​

 

[general]

1- أفضل مكان أجيب الأدوات
تجيب الادوات من الصين فقط (اما اذا تبي ثريات وفناتك من ايطاليا واسبانيا) 2- هل أفتح شركه أم مؤسسه وشلون طريقتها
اذا كنت بروحك افتح مؤسسه فرديه (شرط تكون موظف قطاع خاص أو اهلي أو متقاعد أو غير موظف ) لايحق لك فتح مؤسسه اذا كنت موظف حكومي . واذا كنت موظف حكومي حزتها يبي لك شركه .
3- المكان المناسب للمحل
حولي بنيد القار
4- توقعك للربح
35 الى 40 %
5- رأس المال المتوقع
15 الى 17 ألف

الحين خلنه نتكلم عن المشروع بشكل عام
اخوي فكرتك حلوه لكن ماتنطبق على الي ببالك السبب مافي واحد يروح محل كهربائي ويمدد الوايرات كلها من محل لان العاده هذا يكون من شغل المكتب الاستشاري أو شركه المقاوله او المقاول ماعمري سمعت واحد ياب كهربائي من محل عشان يمدد حق قسيمته الجديده وذلك لعده اسباب بس خل نذكر سبب واحد .
السبب اهو لازم بعد التمديدات تاخذ خريطه التمديدات وتروح وزاره الكهرباء ويشوف هل الي سويته صح ولا في غلطه عشان يوصل لك التيار الكهربائي ويعرض المخطط للدراسه ويعتمد من مهندس لازم مو اي كلام .
لذلك انسى انك تستهدف اصحاب القسائم
واذا بغيت تتربح بالمشروع بشكل عام فهذا المشروع دايما محتكر على الهنادوه والبهره وتكسير سوقهم شوي صعب طبعا انت بتقول الاخرص اهو الملك اقول كلامك صحيح بس مقدما اقولك هل مثال

جنرال بهري رفيجه البهري عنده محل كهرباء وواحد كويتي عنده محل كهرباء والمعروف ان الكويتي ارخص فيقوم جنرال بعد ماتصول فيه النذاله يرفع السعر على العميل عشان توفي معاه ياخذ من رفيجه البهري الغالي ولا يخلي الكويتي ياكل شيء .

جذي وضحت لك

 

[منافس]

1- أفضل مكان أجيب الأدوات
تجيب الادوات من الصين فقط (اما اذا تبي ثريات وفناتك من ايطاليا واسبانيا) 2- هل أفتح شركه أم مؤسسه وشلون طريقتها
اذا كنت بروحك افتح مؤسسه فرديه (شرط تكون موظف قطاع خاص أو اهلي أو متقاعد أو غير موظف ) لايحق لك فتح مؤسسه اذا كنت موظف حكومي . واذا كنت موظف حكومي حزتها يبي لك شركه .
3- المكان المناسب للمحل
حولي بنيد القار
4- توقعك للربح
35 الى 40 %
5- رأس المال المتوقع
15 الى 17 ألف

الحين خلنه نتكلم عن المشروع بشكل عام
اخوي فكرتك حلوه لكن ماتنطبق على الي ببالك السبب مافي واحد يروح محل كهربائي ويمدد الوايرات كلها من محل لان العاده هذا يكون من شغل المكتب الاستشاري أو شركه المقاوله او المقاول ماعمري سمعت واحد ياب كهربائي من محل عشان يمدد حق قسيمته الجديده وذلك لعده اسباب بس خل نذكر سبب واحد .
السبب اهو لازم بعد التمديدات تاخذ خريطه التمديدات وتروح وزاره الكهرباء ويشوف هل الي سويته صح ولا في غلطه عشان يوصل لك التيار الكهربائي ويعرض المخطط للدراسه ويعتمد من مهندس لازم مو اي كلام .
لذلك انسى انك تستهدف اصحاب القسائم
واذا بغيت تتربح بالمشروع بشكل عام فهذا المشروع دايما محتكر على الهنادوه والبهره وتكسير سوقهم شوي صعب طبعا انت بتقول الاخرص اهو الملك اقول كلامك صحيح بس مقدما اقولك هل مثال

جنرال بهري رفيجه البهري عنده محل كهرباء وواحد كويتي عنده محل كهرباء والمعروف ان الكويتي ارخص فيقوم جنرال بعد ماتصول فيه النذاله يرفع السعر على العميل عشان توفي معاه ياخذ من رفيجه البهري الغالي ولا يخلي الكويتي ياكل شيء .

جذي وضحت لك

وضحت وما قصرت
الشركه أو المؤسسه شنو شروطهم في التجاره وهل سهل تطلع رخصه
جزاك الله خير​

 

[general]

اخوي الشركه والمؤسسه مالهم شروط للتجاره
بس المؤسسه صاحبها شرط مايكون موظف حكومي

 

[abuhamood]

الاخ الفاضل جنرال... يعطيك العافية ومشكور على هالجهد اللى تبذله من اجل اخوانك الكرام ......وجزاك الله خير ....

ممكن تعطينى رايك فى مشروع مكتب تاجير سيارات... مع جزيل الشكر ومبارك عليك الشهر الفضيل........

 

[general]

الاخ الفاضل جنرال... يعطيك العافية ومشكور على هالجهد اللى تبذله من اجل اخوانك الكرام ......وجزاك الله خير ....

ممكن تعطينى رايك فى مشروع مكتب تاجير سيارات... مع جزيل الشكر ومبارك عليك الشهر الفضيل........

اخوي هناك شقين في موضوعك الاول تاجير السيارات (الفارهه) والثاني تأجير السيارات (العاديه)
انا انصحك تصرف النظر عن تأجير السيارات الفارهه لان 5 سيارات الى 8 سيارات يبي لك راس مال فوق ال 120 الف دينار
لذلك لاتخلينه نتناقش في موضوع مامنه فايده
نأتي الحين نتناقش بتأجير السيارات العاديه اخي العزيز
1- تحتاج من 5 الى 8 سيارات دائمه (مانصحك السيارات تكون موديل هل سنه وخل اسعارها ماتتعدى ال 2000 الى 2200 دينار ) .
السبب في مكاتب تيب سيارات كامري 2009 و تويوتا اوريون 2009 (كمثال) ويأجره باليوم 8 دنانير جذي يكون المكتب استهدف ذوي الدخل العالي لان 8 دك باليوم مو شويه ان ضربتها ب 30 يوم (لو واحد بغى يأجر شهر) .
ومن ناحيه اخرى لنفرض اهو اشترى الكامري 2009 ب 8000 دينار وحصل باليوم 8 دك (يعني كل ألفين قطاها حصل من وراها 2 دينار) اما انا ليش اقولك خذ سياره ماتتعدى ال 2000 لان ب 8000 دينار تقدر تشتري 4 سيارات وكل سياره لو تأجره 3 دنانير ونص يطلع الناتج ( 3,5 دينار × 4 سيارات) = 14 دينار بدال (8 دنانير) أي انك ربحت زياده 75% فضلا عن انك ربحت وزودت نسبه ارباحك انت قمت بشراء اكثر من سياره وايضا استهدفت حتى المقيم الي يبي يأجر سياره فضلا عن ان بإمكان الواحد يأجر السياره بدال اليوم 3 ايام .
ادري الكلام الي كتبته لك فوق شوي معقد بس خذ لك استكانه شاي سنكين واقرا الي كتبته خطوه بخطوه .
وعقب ما شفت الشغل مشى على مايرام وتحتاج الى عدد اكبر من السيارات حزتها تسوي الحركه هذي (محد راح يعلمك ياها من مكاتب تأجير السيارات) تسوي عقد سنوي مع شركات السيارات مثل اعيان بيت التمويل الملا والخ,,, بعدد 10 سيارات (العدد يزيد مع حاجتك الفعليه للزياده المطلوبه) وانت تأجرهم بالباطن مثال واقعي أجرت سياره من احدى المكاتب خذا بالشهر 150 دينار وعقب ماشفت الدفتر شفت مؤجره من اعيان وعقب مامخمختها عدل اكتشفت ماخذ السياره من اعيان سنوي ويالطلع معدل الشهر يدفع لأعيان 120 دينار (واهو يأجره ب 150 دينار) معناته المكتب اشتغل من ورا افا شركات السيارات وبفلوسهم وبسياراتهم .

ها شرايك انت ؟
رايي كل ما ركزت على عده شرائح (الطبقات) كل ما مشروعك مشى زي العسل

 

[ostath]

الله بالخير اخوي ..شاكر تعاونك مع الاخوان ..ممكن تعطيني مشروع مايحتاج ترخيص..يعني يناسب الموظفين ....و يكون راس ماله بالكثير 4000 دينار...و صج لو مشت وياي..لك الحلاوه

 

[general]

الله بالخير اخوي ..شاكر تعاونك مع الاخوان ..ممكن تعطيني مشروع مايحتاج ترخيص..يعني يناسب الموظفين ....و يكون راس ماله بالكثير 4000 دينار...و صج لو مشت وياي..لك الحلاوه

حلاوتي اهي بس انكم تترزقون
اما بخصوص عدم حاجتك للترخيص اهني انت حديتني وايد وتخليني متحفظ لاختيار مشروع لك اتمنى تعطيني مجال يوم و ارد عليك

 

[ostath]

حلاوتي اهي بس انكم تترزقون
اما بخصوص عدم حاجتك للترخيص اهني انت حديتني وايد وتخليني متحفظ لاختيار مشروع لك اتمنى تعطيني مجال يوم و ارد عليك

رحم الله والديك

 

[أبوفلان]

الله يعطيك العافية اخوي جينيرال

ويكثر من أمثالك

ويزيدك محبة عند الله وعند خلقه على هالمجهود الي قاعد تبذله للأخوان

 

[general]

الله يعطيك العافية اخوي جينيرال

ويكثر من أمثالك

ويزيدك محبة عند الله وعند خلقه على هالمجهود الي قاعد تبذله للأخوان

هلا اخوي بو فلان من زمان مانشوف نكك العاده انت من الرواد يالله ماعليه الظاهر المره شوي مأذيتك عموما الشباب فاتحين موضوع شيق للعزاب و لكل واحد مطرود من حرمته
اسم الموضوع (مطلوب شقق ايجار يومي)
دش يمكن تستفيد منه
بو فلان لاتزعل والله بخاطري اتغشمر معاك ياعزيزنا

 

[abokhalid]

جزاك الله خير يا الجنرال على مجهودك الطيب وسعة صدرك .

صراحة ما قصرت مع إخوانك، الله يعطيك على قد نيتك .

 

[general]

عزيز انت يا بوخالد

 

[أبوفلان]

هلا اخوي بو فلان من زمان مانشوف نكك العاده انت من الرواد يالله ماعليه الظاهر المره شوي مأذيتك عموما الشباب فاتحين موضوع شيق للعزاب و لكل واحد مطرود من حرمته
اسم الموضوع (مطلوب شقق ايجار يومي)
دش يمكن تستفيد منه
بو فلان لاتزعل والله بخاطري اتغشمر معاك ياعزيزنا

خخخخخخخخخخ

تدري رمضان ومحرومين لا بالبيت ولا بالشقه ..

بس يمكن انسير عليهم نشوف مبارايات ونطلع

 

[المتحدون]

السلام عليكم
ماشالله عليك يالجنرال صاير مستشار قانوني ونصوحي
الله يزيدك معرفة ونتعلم منك
انا عندي مشروع وحاب اشاورك فية اللي هو مكتب سياحة وسفر
وابي اذا عنك خلفية عن التامين جم يوصل
لاني سمعت ان في تامين للطيران المدني وبعد لوزارة التجاره ولجهه بعد بس مو عارفها
ابي منك اذا تقدر تفيدني بهالمشروع وهل في ربح ولا لا
ومشكور وماقصرت على خدماتك الفريده من نوعها ​

 

[general]

السلام عليكم
ماشالله عليك يالجنرال صاير مستشار قانوني ونصوحي
الله يزيدك معرفة ونتعلم منك
انا عندي مشروع وحاب اشاورك فية اللي هو مكتب سياحة وسفر
وابي اذا عنك خلفية عن التامين جم يوصل
لاني سمعت ان في تامين للطيران المدني وبعد لوزارة التجاره ولجهه بعد بس مو عارفها
ابي منك اذا تقدر تفيدني بهالمشروع وهل في ربح ولا لا
ومشكور وماقصرت على خدماتك الفريده من نوعها ​

هلا فيك اخوي
قصدك صرت مستشار تجاري ومالي مو قانوني
مكتب السياحه والسفر ارباحه رائعه لكن المشكله مو بوزاره التجاره المشكله بمنظمه الطيران العالمي (iata) والطيران المدني الكويتي راح يطلبون منكم حجز 30 ألف دينار كويتي عشان يعطونك سستم الحجوزات وهل تأمين غير قابل للرد الا في حاله اغلان الرخصه

بالعربي فكر بمشروع قدك