السلام عليكم اخوي جينيرال
انا ناوي افتح مطعم و مقهى (قهوة) بالسالمية او حولي بس قاعد ادور على مكان اجارة رخيص و مساحتة مناسبة ممكن تفيدني بالمشروع اذا سمحت .... يعني من ناحية التكلفة و العمالة والادارة و بشنو تنصح
مشكور و جزاك الله خير
القهوه مشروع حلو والمناطق الي مختارها هم حلوه بس تدري اقل قهوه انباع بحولي سعرها 40 ألف المشكله القهوه ان سويتها من الصفر وضبطت معاك ممكن تبيعها 40 50 الف
وبالنسبه للعماله
معلم شيشه .
معلم ولعه .
معلم بوفيه (عصاير) . (تقلبه جرسون ومعلم ولعه في وقت الحاجه)
معلمي2 جراسين . (واحد فيهم المحاسب بنفس الوقت)
وبس يبيلك كل 3 ايام تروح بنفسك تجيل للقهوه عصاير فواكه مشروبات معسل واعيد واكرر بنفسسك
وانت لازم تقريبا يوميا تقعد بالقهوه من ساعه 7 الى 12 واهم شي تضبط الحسابات يوميا تصكر الحسابات في برنامج اكسل
وتقارن الايرادات الشهريه لان المحاسب لو يضرب منك باليوم 10 دنانير ماراح تصيده يعني بالشهر 300 دينار .
اهم شي تقارن الايرادات وتصيد اللعب ومرات تغير المحاسب لمده شهر وتكتشف الايراد زاد معناته في بوق
القهاوي مفروض تطلع بالشهر اجمالي 3000 الى 3800 وتخصم الايجار والمصاريف لازم يصفى لك 1000 الى 1250
