لجميع مشاريعكم التجاريه

[MaTaDoRy]

يعطيك العافيه اخوي صراحه مجهودك كبير و واضح

واتمنى يكون الكل مثلك يحب الخير لاخوانه


حبيت اسألك بخصوص كم مشروع




المشروع الاول , فتح محل حلويات وككاو وضيف معاهم معجنات في احد الجمعيات التعاونية , يكون المحل للعرض طبعا ( مو محتاج لمطبخ )

هل هو مشروع ناجح ولا لأ ؟ وهل الجمعيات التعاونية يكون المكان المثالي ؟

طبعا يكون الهدف هو للمناسبات ومعاها اركز على الككاو خاصه لحفلات التخرج والولاده و و و و و و و ويكون في توصيل للمنازل (بعد ما ينجح المشروع .. يعني الخطه الخمسيه ههههههههه اتغشمر )

طبعا الككاو اتفق مع احد الشركات

واذا الله رزقني احاول افتح فرع ثاني بمكان ثاني واسم المحل يكبر شوي شوي


واذا بجمعيه محتاج لرخصه عاديه و و و ؟ ولا رخصه من اداره الجمعيه بس؟






اما المشروع الثاني تغليق الهدايا
بس صراحه هالمشروع مو مقتنع فيه وايد





بالنسبة لي توني متوظف (وظيفة حكومية) عمري 23 سنة


بس حاب ابتدي بمشروع صغير

واذا كان محتاج لرخصه ممكن اسوي شركة وتكون الوالده معاي الله يخليها لي


فحاب آخذ رايك ونصيحتك بالموضوع

 

[MaTaDoRy]

اخوي ما عليه قبل ما ترد علي عندي اضافه


انا شفت اعلانات ورقيه لمحلات حلويات ومعجنات توصيل منازل
ومكتوب وين مكانهم !!

ويوصلون الطلب لمناطق معينه خلال ربع ساعه !
هل هذوله شغلهم قانوني؟ وهل اهما فعلا عندهم محل بمكان معين؟



وآخر سؤال , شنو تفضل انت مشروع مثل هذا يكون بجمعيه مثلا؟ ولا يكون شغل بيت وتوصيل للمنازل؟

 

[أبو عبد الله_]

اخوي حاب استفسر عن شغلة

بالنسبة للساعات التقليد درجة اولى اقدر ادخلها الكويت او تتصادر انا حاب اجيب استعمال شخصي بس عن طريق شركات الشحن مو عن طريق السفر

بارك الله فيك

 

[منافس]

شكرا على إسهاماتك الطيبه
أسأل عن مشروع معهد للتدريب شلون طريقته ؟؟
ومن وين أبدأ

 

[ابوجبر]

شرايك بتأجير معدات ووين تفتحه

والمشروع الثاني
دواجن خارج الكويت مثال بالسعوديه

 

[bosuliman]

السلام عليكم اخونا العزيز بوعقيل

اولا : يعطيك العافيه ومأجور على المجهود والمعلومات

ثانيا: سؤال بخصوص محل العاب اطفال ( العاب الكترونيه ) مثل بلاي ستيشن وبي اس بي

لي الرغبه بفتح محل الالعاب المذكوره اعلاه في احدى الجمعيات التعاونيه بس عندي رخصة الوالد تجاره عامه وماعندي فرع العاب الاطفال - السؤال كيف يمكن استخراج رخصه فرع الالعاب اذا ماكان عندي فرع قائم حاليا ؟

السؤال الثاني اشتغل بالمحل ولا اضمنة احسن ؟

مشورتك جدا مهمه والله يوفقك

وشكرا

 

[المستثمر الحر]

السلام عليكم اخونا العزيز بوعقيل

اولا : يعطيك العافيه ومأجور على المجهود والمعلومات

ثانيا: سؤال بخصوص محل العاب اطفال ( العاب الكترونيه ) مثل بلاي ستيشن وبي اس بي

لي الرغبه بفتح محل الالعاب المذكوره اعلاه في احدى الجمعيات التعاونيه بس عندي رخصة الوالد تجاره عامه وماعندي فرع العاب الاطفال - السؤال كيف يمكن استخراج رخصه فرع الالعاب اذا ماكان عندي فرع قائم حاليا ؟

السؤال الثاني اشتغل بالمحل ولا اضمنة احسن ؟

مشورتك جدا مهمه والله يوفقك

وشكرا

الجمعيه رخصتها منها وفيها ماتحتاج ترخيص من بره

 

[bosuliman]

الجمعيه رخصتها منها وفيها ماتحتاج ترخيص من بره

الجدي مشكور على المعلومه بس علشان اقدم لازم يكون عندي :

1 -الرخصة التجارية سارية المفعول.
2- حصر العمالة للترخيص التجاري.
3- اعتماد توقيع للترخيص التجاري.

شلون اقدر اطلع الرخصه اذا ماعندي مكان للمحل؟ مثل ماقلت ان عندي تجارة عامه بس ماعندي فرع لعب اطفال.

وشكرا

 

[المستثمر الحر]

الجدي مشكور على المعلومه بس علشان اقدم لازم يكون عندي :

1 -الرخصة التجارية سارية المفعول.
2- حصر العمالة للترخيص التجاري.
3- اعتماد توقيع للترخيص التجاري.

شلون اقدر اطلع الرخصه اذا ماعندي مكان للمحل؟ مثل ماقلت ان عندي تجارة عامه بس ماعندي فرع لعب اطفال.

وشكرا

اذا تبي اتصل على الشركة ونطلعلك فرع على مكان مؤقت

 

[المغامر_1986]

السلام وعليكم

يا جماعه الخير انا ودي اسوي اقامات .. للمصريين

ياريت الللي يقدر يفهمني الموضووع ولكم جزيل الشكر

 

[أبومحمد ع]

ابعقل مستقيل

يااشباب الجنرال مستقيل الموضوع قديم جدا
الله يرده أنشالله

 

[zeezooo]

زين اخوي اللي ما عنده راس مال وبيشتغل شيسوي ؟؟؟

 

[1983]

زين اخوي اللي ما عنده راس مال وبيشتغل شيسوي ؟؟؟

راس المال مو ضروري
تقدر تتفق مع تاجر عنده بضاعه مو ماشي سوقها او استوكات وتتفق معاه على بيعها بس بنسبه محدده
وتقدر تربي حيوانات عزك الله لان احنا بالكويت نحب نربي ونشتري وايد خصوصا طيور الحب
و بعد تقدر تروح معهد او نادي اطفال او مركز تعليمي وتتفق مع المعهد انك توصل الطلبه بمبلغ او بنسبه بس انت و شطارتك تقنع المعهد(مثلا تطلب 100 دينار بالشهر بدون تحديد عدد الطلاب \هني المعهد ياخذ على كل طالب 5 دنانير ونقول عندهم 60 طالب في فترة الصبح و60 في فترة المساء=120 طالب ضرب 5 دنانير =600 دينار جذيه المعهد رابح"هذا علشان تقنعهم" ) (او المعهد ياخذ على الطالب 5 دنانير وانت 1 دينار= بالشهر يطلعلك تقريبا 120 دينار) طبعا دورلك باص حليو ب30 دينار

اما الحريم فهذي حزتهم قرب رمضان يشتغلون بالمطبخ يسوون كبب من جميع الانواع والاختراعات والسمبوسه (يعني تخيل ماعون السمبوسه بدون فناتك الحريم سمبوسه عاديه ثلاث انواع =3دينار ضرب 15 ماعون =45دنانير باليوم طبعا + كبب نقول ثلاث انواع النوع الواحد 2 دينار احسب =دينارين ضرب ثلاث انواع 9 دنانير ضرب 10 مواعين=90 دينار)
طبعا مافي خساير لان المكونات وايد رخيصة ماتتجاوز 20 دينار

 

[1983]

ماكو شكرا

 

[MH For Ever]

يا جماعة انا ودي اشتري شقه وأجرها فهل ممكن تعطوني فكره عن اسعار الشقق والمناطق وعلى جم تتأجر؟؟

وشكرا

 

[الاحمـد]

في ميزان حسناتك ان شاء الله

 

[mtlk]

للرفع للاستفاده.
المنتدى فاقدك يابوعقيل.

 

[صيباء]

اللة يجزاك خير علي عملك الكبير
عندي مشروع تفصيل وتنجيد بس مخصص للنساء والعمالة مصرية اشرايك ؟
اشرايك من:
1/ حيث الخامات اجيبهم من الصين مع الكلف؟
2/مكاين الخياطة؟
3/اخذ محل او بالبيت ؟
شكرا للرد

 

[ديقول22]

الاهنت يالغالي

 

[ديقول22]

up
up
up