الحذر الحذر بعد صفقة زين ؟؟؟؟؟؟؟؟؟؟

[فيصل 31]

التوقعات والكلام يدور عند المحللين انه فى نزول الأسبوع القادم بعد الصفقة امر وارد لأنه سهم زين اهو القائد بالسوق واذا خرجو منه وباعو حصصهم سوفه ينزل السهم وارجع واقول الحذر الحذر بعد صفقة زين

 

[Mr. Eng.]

كلام معقول لكن خلنا نفكر من وجهة نظر ثانيه
الحين ما ندري كم راح ينباع لكن شبه مؤكد بأن حصة الهيئة العامه للإستثمار مو للبيع يعني تقريبا 24% ممسوكه و أسهم الخزينه الله أعلم تقريبا 10% إذا ماني غلطان يعني 34% ممسوكه
لو باع الخرافي و نقول جمع 15% مع العلم نسبته المعلنه أقل راح نلاقي تقريبا 49% ممسوكه
بالتالي راح تقل المضاربه على السهم و ما راح تكون هناك نسبه تضغط على السهم

 

[ابوهادي11]

بالتوفيق للجميع ان شاءالله

 

[فيصل 31]

كلام طيب بس انا عندى خبر مأكد ميه بالميه انه راح ينزل السوق بعد هذى الصفقة وحط عينك على السهم وشوف شلون راح ينزل واذا نزل سهم زين راح يسحب معاه شركات التابعة له واهنيه ينزل المؤشر وسهم زين على كلام المصدر راح ينزل دينار او 900 وانت شايف الخرافى شلون رفع شركاتة بالأونه الاخيرة لانهم عارفين اذا نزل سهم زين راح ينزل السوق معاه وهذى نصيحة وحنا بالشهر الكريم والله والله انها مأكده ميه بالميه ويااخى منت خسران لو تطلع من السوق بس مجرد ماتتم الصفقة وراح اتشوف بعينك

 

[نجدي2]

راح اتحول القياده مافي مشاكل دام في كاش

 

[Mr. Eng.]

كلام طيب بس انا عندى خبر مأكد ميه بالميه انه راح ينزل السوق بعد هذى الصفقة وحط عينك على السهم وشوف شلون راح ينزل واذا نزل سهم زين راح يسحب معاه شركات التابعة له واهنيه ينزل المؤشر وسهم زين على كلام المصدر راح ينزل دينار او 900 وانت شايف الخرافى شلون رفع شركاتة بالأونه الاخيرة لانهم عارفين اذا نزل سهم زين راح ينزل السوق معاه وهذى نصيحة وحنا بالشهر الكريم والله والله انها مأكده ميه بالميه ويااخى منت خسران لو تطلع من السوق بس مجرد ماتتم الصفقة وراح اتشوف بعينك

ما أختلف معاك بالنسبه للي تفضلت فيه لكن انا اقصد على المدى البعيد راح يخف الضغط المتعمد على السهم من قبل الخرافي اما من ناحية النزول فهذا شي متوقع لأن الصعود اللي حصل من حوالي 780 على ما اعتقد بهالسرعه فهذا غير منطقي بالمره يعني سهم تدوبل خلال يمكن 4 شهور من ناحية التحليل فهو شي يخوف
و الله أعلم

 

[Ugly]

صح انا سمعت عن الصفقة ويفضل الابتعاد عن سهم زين حاليا

 

[فيصل 31]

كلام منطقى بس الواقع راح يكون غير وهذى مجرد نصيحة لمن يقرأ ماكتبت

 

[الذهبي]

السلام عليكم

التوقعات والكلام يدور عند المحللين انه فى نزول الأسبوع القادم بعد الصفقة امر وارد لأنه سهم زين اهو القائد بالسوق واذا خرجو منه وباعو حصصهم سوفه ينزل السهم وارجع واقول الحذر الحذر بعد صفقة زين

ولكن لماذا لا نتوقع العكس
إنه زين تبيع أصولها في أفريقيا
و راح يطلع لهم ما يقارب كذا مليار دولار
شراح يصير بالسوق ومجموعة الخرافي بالذات
هذا والله أعلم ​

 

[بو سجي]

اذا تمت الصفقه طبعا زين واخواتها راح يصيرون طيارات نفاذه ومحد يقدر يصيدهم

 

[السور]

فيصل 31 ليش انا مو مرتاح لك !!

شاك فيك !!!!!!!؟؟؟؟؟؟؟؟؟؟

 

[سكارفيس]

التوقعات والكلام يدور عند المحللين انه فى نزول الأسبوع القادم بعد الصفقة امر وارد لأنه سهم زين اهو القائد بالسوق واذا خرجو منه وباعو حصصهم سوفه ينزل السهم وارجع واقول الحذر الحذر بعد صفقة زين

انا اقول الله يستر من باجر مو من الاسبوع الجاي

 

[wal3li 2]

ولكن لماذا لا نتوقع العكس
إنه زين تبيع أصولها في أفريقيا
و راح يطلع لهم ما يقارب كذا مليار دولار
شراح يصير بالسوق ومجموعة الخرافي بالذات
هذا والله أعلم ​

عيل ضرب هالملايين من هالاسهم مو ببلاش اكيد وراه شلعه

اييد كلامك

 

[dark-77]

لو تلاحظون من صعد حد اعلى سهم زين لسعر 1.480 وسهم تحت ضغط كلما يبي صعد ينزلونه مايبون يصعد لان اذا فلت ما راح ينمسك يبون يلقطون من تحت قبل صفقة زين افريقيا

 

[فيصل 31]

اخوى السور ليش مو مرتاحلى انا عطيتك كلام موثق ولاتشك صدقنى راح اتشوف بعينك وين راح يروح السهم واتشوف هم بعينك النزول الى انا قاعد انصحك فيه وانا راح ارجع واقول زين راح اتصير 900 فلس وصدقونى قبل العيد هالحجى راح يصير

 

[فيصل 31]

انتم لاحظو معاى شلون شلون اهل المحافظ يدخلون على زين لانه فى خبر يقول راح اتصير 1600 بس ماصار الأسبوع الى فات وطلعو من السهم ولو اتلاحظون انه قل التداول على السهم وراح يقل اكثر واكثر وشوفو الخرافى شلون رفع شركاتة لانه يدرون انه فى نزول واذا صار هالنزول راح ترجع اسعار شركاتهم مثل ما انطلقو بالأسبوع الى فات ناس اتفكر صح وعارفين شنو راح يصير بالسوق

 

[الافوز]

فيصل31 بسك تخريع للعالم وليش تبي تطلع العالم من السهم واذا في نزول مثل ما تقول منو الل
ى قاعد يشتري فيه وما يصير أسلوب التخويف والترهيب سويت لنا الصفحه فلم رعب

 

[ريكاندو]

زين عالم جميل وهل القروب قرووب رياييل احسن من غيرهم طايحيين تنزيل باسهمهم وبالتوفيق

 

[R-W-H]

انا مع كلام فيصل اللي قاله كل صحيح وهذا اللي راح تشوفونا بالمستقبل القريب اذا الله احيانا انا اقول عيشوا الواقع بلا حلم اصحوا والله اعلم

 

[فيصل 31]

الافوز والله مابى اخرع احد معلومة وابى اوصلها للناس