للأمانه أنا ايضا لا أعرف الرجل ..... لذلك لن أخوض بما خاض به أخوي العزيزين صايل و الحبيب فهم أخبر وأعلم بهذا الرجل ,
ولكن عندي بعض المداخلات على الخطاب الذي ألقاه أخونا الرايق وخاصة انة يتهمنا با المقام الاول , ثم يتهم أساتذتنا بأنهم من تسببوا لة بخسارة كل راس مالة وحصاد 3 سنين .
انا الي همني واستفزني شيء واحد فقط وهو انة يشكك في مصدر رزقي غير كذا ماهو فاهم ويفتي . لا ادعي الالمام والكمال ولكن توضيح لمن تعلم كلمتين وسوالي فيها خبير زمانة وصاحب تجارب . والاسواء هو اسلوب الاستهزاء اضافة الى عدم منطقية مايقولة وايضا عدم منطقية هدفة من الموضوع اساسا .
حقيقة لم اجد سبب منطقي لكتابة الموضوع فهو كثيرا مايفعل غير مايقول , قال ابيجيب قصة خوية ابو ناصر - الضحية - ولا شفنا شيء , ثم قال عن المليرادير الي ما ادري وش صار لة ولا لقينا شيء , ثم القاضية وهي الاسرار الكمينة في تلاعبات السوق الامريكي وكيف ان صديقنا الرايق استطاع فضحهم واكتشافها .
قال الرايق :/
قلت اذهب وجرب السوق الامريكي
ان كان جيدا فانصح اخواني المسلمين فيه وانكان سوق خطير حذرتهم منه .
مبتدىء في سوق جديد علية , وفشل ولم يبين سبب فشلة وهي قلة الخبرة وانما وضع علتة بسوء السوق , وانا اتسائل من جعلة حكم وناصح على هذا السوق ؟!!؟ فمن لدية خبرة هو اولى با الحكم . فكل مافي الامر هو انة دخل السوق ومن اول عملية خسر نصف مالة والباقي با العمليات البسيطة الي بعدها .
قال الرايق :/
فاول ما بحثت عن الاسهم المتعثره والخسرانه واللتى هي في الاصل اسهم ناجحه وطردت من السوق وتسمى بالسوق الامريكي البني ستوك ولها سوق خاص فيها
للأسف بدأت بقمامة السوق , وبدأت بداية للأسف غير موفقة , وسأعطيك مثال بإسلوب كإسلوبك لتسهيل الفهم عليك :/
تخيل ان تبي تجرب شغل الشريطية وتصير شريطي ومعك راس مال كبير , هل اول سيارة راح تشتريها مازدا 77 ولا كرسيدا موديل 84 ؟! لا المفروض تشوف السيارات المرغوبة والي عليها طلب والي راح تمسك سعرها مهما جلست عندك من مدة .
قال الرايق :/
كل واحد يفعل فيه ما يريد امام اعين القانون ولا احد يقولهم ليه فهم يحتمون تحت مضله القانون ايضا وفتحت لهم شاشه وتداول خاصه بهم مع الشاشه اللتى تعتبر رسميه ايضا
كلنا نعرف ان القانون لا يحمي المغفلين .
قال الرايق :/
لانه كل شركه رسميه مصيرها تسير اليوم ولا بعد سنه او عشر سنوات على هذه الشاشه اللتى تسمى البني ستوك لانه سوف تعلن افلاسه اليوم ولا بعد سنه ولا عشر
لكل سوق شروطة , واي سهم يلبي المتطلبات للإنظمام الى السوق الذي يريدة ويوافقة با القطاع فيلبى لة , هل تعلم كم عدد الاسولق الامريكية ؟!! وماهي شروط تلك الاسواق لكي تنظم لها الشركة ؟ والشركة الي تطرد من الناسداك مثلا يكون عليها تحذيرات وعمليات كثيرة واجرائات قبل الانتقال من سوق الى اقل منة او العكس , حتى رمز السهم يتغير . على فكرة ترى السوق الامريكي مافية شاشة زي السوق المحلي , هنا فية شاشة فيها 50 سهم تقريببا , اما هناك فية 12 الف شركة والشركة الي تبيها تحط الرمز وتعرضها لك . فقط معلومة لأنك كررت كلمة شاشة عدة مرات فإعتقد انه تشابة عليك الامر .
قال الرابق :/
دخلت السوق الامريكي وكان قبلها لي تجربه مع احد كبار الخبراء في مملكتنا الحبيبه
اصيب بنهيارنفسي عندما خسر اكثر امواله وخسر ما يقارب 30 مليون ريال في السوق الامريكي
وكان خبير له منصب اقتصادي كبير جدا جدا ومعه 7 شهادات دكتورا عاش طوال عمره بامريكا تعلم كل العلوم الاقتصاديه وكان احد كبار من يدير الاستثمار الخارجي في مملكتنا الحبيبه وبعدها خسر جزء كبير من امواله وليس عليه هو بس ولكن كل من كان يستشيره خسر معه وهو يدير مجموعة شركات كبيره كاستشاره
7 شهادات ودكتورات ؟ وش تخصصاتة ؟ بما انك ذكرتة كمثال فينبغى ان تكون وجهتة اقتصادية بحتة وان كان غير كذا فتراك ذكرتني بلاعب البرازيل سقراط , اعتقد انة دكتور , هل لأنة دكتور لازم يكون هو هداف الفريق ؟ خذ مثال :/
الراجحي وثروتة وبنكة (( الشايب )) صاحب ثالث اكبر بنك في السعودية وش مؤهلاتة ؟ وش شهاداتة العلمية ؟
ملاحظة :/ هل طراء في بالك لماذا وسطاء السوق والسماسرة و وموظفين البروكرز وهم اصحاب شهادات وخبرة في الاسواق والاسهم ليش ماياخذون قرض من البنك ويشتغلون لحسابهم بدل الوظيفة والراتب ؟
بإختصار الشهادة ليس كل شيء , انما هي مساعد با الاضافة الى انها واجهة اجتماعية .
كما ان الخبرة مساعد وما احلى ان يجتمعا .
قال الرايق :/
ولكن اكرر واقول التجاره بالخبره افضل من التجاره بالشهادات على شان كذا قررت ادخل واخسر بكيفي لكي اتعلم و يستفيد من مما تعلمت الكثير وحتى لو خسرت مالي البسيط فهو في سبيل خدمة وطني وجميع اخواني المسلمين وحتى لو كان بدون مقابل فانا احتسب الاجر عند ربي عز وجل
تريد احتساب الاجر وانت تثرثر بها امامنا ؟ اخاف ان تنقلب عليك رياء , فجعل يسراك لا تعرف مذا اعطت يمناك من صدقة ان اردت الاجر . هذا غير تحريك العواطف لنا بقوميتك وبدينك .
قال الرايق :/
نكمل الموضع بعد فاصل اعلاني قصير
ان شاءا لله
ابقوا معنا
تحت هذا الشخط
-------
هل قراء منتداك تعجبهم استخفاف دمك ؟!! حمدا لله انك هناك
قال الرايق :/
واول يوم ادخل فيه السوق اخسر نصف راس مالي
شيء طبيعي فأنت بحثت عن قمامة السوق - اكرمكم الله - كما في اول الردود .راجع ردي السابق والذي شرحت لك مثال عن شريطي المازدا !!
قال الرايق :/
وهنا يجب ان انوه لنقطه مهمه جدا جدا
وهي ضياع كل شي ولا يضيع دينك
فكل شي معوض ولكن لا تضيع ايمانك بالله عز وجل ولا تضيع دينك
وهنا استرجعت وقلت الحمدلله على كل حال قدر الله وما شاء فعل
أنا لله وإنا إليه راجعون
اللهم اجرني في مصيبتي وخلف لي خيراً منها
وكل ما جمعته خلال سنين ضاع بلمح البصر
والحمدلله على كل حال
ضياع كل شي ولا يضيع دينك اهم شي
انا لله وإنا إليه راجعون
خسارة الدنيا ولا خسارة الدين , خسارة الصحة ولا خسارة الدين , خسارة المال ولا خسارة الدين .
ابتهالات وحمد وشكر لقضاء الله , كان با المكان اختصارها فكل تللك الـ 10 اسطر ماهي الا ضياع المال ولا ضياع الدين والحمدلله وان لله وان لة راجعون اختصرتها لك بسطر
.
ليس هذا حديثنا .
قال الرايق :/
ولكن قبلها كان لي موقف مع احد الاحبه وكنت اتكلم عن طريقه كسبي بالسوق السعودي وكيف يتدبل راس مالي كل شهر وكيف تدبل راس مالي
اكثر من 800% خلال اقل من 3 اشهر
وبعدها اقسم بالله ما شفت الخير وخسرت كل شي (( والعين حق ))
وايضا انا زلت لكم موضوع هنا وقلت لكم انه دبلت معي بعض المحافظ
اكثر من 1200% ربح فلا ندري العين اتت من من ؟؟ والعين حق
وهنا يجب ان انوه لنقطه مهمه جدا جدا
الله يعطي كل واحد على قد نيتة . كما ان الي عطاك عين بيعطية الله على قد نيتة . با الاضافة الى اختيار العين والحسد شماعة علق بها فشلة .!
برضة مو موضوعنا .
قال الرايق :/
وقبل ما انوه للنقطه المهمه جدا انا هنا جالس اعطيكم مواعض وحكم من خلال تجارب غيركم والسعيد من يتعض بها ويتعلم
فالنقطه الاولى :-
----------------
قلت لكم كيف تتصرف اذا اصابتك مصيبه استرجع وقل الحمدلله على كل حال
لله ما اعطى ولله ما اخذ
وتذطر دايما اللي رزقك من لا شي قادر ان يرزقك اكثر منه اضعاف مضاعفه
فلا تضيع ايمانك بالله ولا تضيع ثقتك بالله عز وجل ولا ينقطع رجاءك من الله
ولا تيئس من رحمة الله عز وجل
وسوف احدثكم بقصص مثيره جدا من خلال بحثي عن كل من خسر ممن هو قبلي كيف تصرف وكيف خلف الله عليه خيراً من ماله اللذي فقده
والنقاطه الثانيه :-
--------------------
هي قول رسول الله صلى الله عليه وسلم
1. "العين حق".20
المزيد من اقحام الشخصية الدينية واعادة دغدغة المشاعر . با الاضافة الى سذاجة اعتبار ان العين هي سبب اي مشكلة , اعلم انها حق ولكن لاينبغى ان تعلق الفشل بشماعة العين والسحر .
قال الرايق :/
نكمل التقرير بعد هذا الفاصل
طن طن طن دعائيه استخدم مريتووو خفيف وناعم على البشره ههههههه
اعان الله قراء منتداك , واعانك على نفسك .
قال الرايق :/
بختصار كيف يخسر الناس وخصوصا الاجانب بالسوق الامريكي
السوق الامريكي
تقوم وتشتري الشركه وبعد ما تشريها
يقمون ويعملون عليها (( رفيرسل ))
ولكن قبل عمليه الرفيرسل هذه يكون عندهم خبر عنه ويقمون يبيعون كل اسهمهم
حتى ينزل مثلا سعر شركه انت شاريها بسعر 50 دولار ينزل سعرها ل 5 دولار وحصل هذا معهم في اكبر شركه عملاقه عندهم وهي شركه اركيسون العملاقه
وهذه الشركه على فكره خسر فيها اكبر اكبر تجار الخليج
وعمل لها رفيرسل على 10 اسهم يعني اللي يملك مثلا 50 الف سهم رايح تكون بالنسبه له 5 الاف سهم فقط طيب هم باعوا على سعر 50 دولار واللي ماسك اسهمه وهم الاجانب خسر من قيمة اسهمه 90% تقريبا
وبعدها يرجعون يشترون اسهمهم بسعر 5 دولار ويخسر الجميع معهم خساره كبيره ما فيه امل انه يرجع خسائره لانه الفرق بينه وبين مشتراه كبير
يا كافشهم .!!
تحتاج الى اعادة فهم الرفيرسال ؟ افهم ثم انتقد , لن اوضح لك لكي تحرص على طلب العلم . وعندما تطلب العلم ستضحك على مثالك السابق الذي لم افهم منة الا انك على غير معرفة بهذا السوق نهائيا .
على فكرة هل كنت ملزم با البقاء في السهم وهو يهبط ؟!!؟ هل مافي السوق الا هذا السهم ؟!؟ ام انة اصرار على الخاطاء ؟ ام انك متعود على السوق المحلي ؟!؟ ام انك لم تجد في احلامك من قال لك اخرج من السهم .