خلوها تبور

[أبوعلي1]

شركة نفط الكويت والله هي الدجه شنو يهمها يسكن المواطن والا مايسكن الاهم تشوف لو ماتبي الراضي ذيج الساعه تعطيها للاسكان / والاسكان ناطرين النفط ينادونهم !!
والله مصيبة ياجماعه شيء يفشل والله !! انزين والمواطن ماله اعتبار بالمره !!
يقولون نبي ننقب عن البترول الحين 80 بالميه من اراضي الدولة تروح بحجة التنقيب !! شهالحجي !! .... والاخ اللي بالصفحات اللي فاتت يقول دور الحكومة والمجلس يالغالي المجلس فاضي والا الحكومة كلمن يطق بالثاني ... والمواطن مسكين ضايع بالطوووش للاسف !!!

ويقولون خلوكم معانا / وخلوهااا تبور .... مو تبور وبسسس الا خلوها تخيــس ويشبع فيها التاجر والشريطي وصاحب مكتب العقار .... عشان يعرفون نتايج الطمع والجشع

اما الحكومة والمجلس فـ ياقلب لا تحزن !!!

 

[borsamaster]

متضامن معاكم حيل !
بس ياجماعه السالفه ان السوق عرض وطلب .. وانا اشوف ان الطلب قل والعرض وايد وطبيعى ان السعر اول وتالى بينزل سواء بيع او ايجار وعادى وما يحتاج حمله ولا غيره .

 

[ابومنـصور]

وانا بعد متضامن مع الحمله

(خلوها تبور)

 

[m7jooob]

واناااااا لاتخلوووني بروحي مع التجاااار خذوني ويااااكم

خلووووووهااااا تبووووور​

 

[لؤلؤة الخيران]

متضامن معاكم حيل !
بس ياجماعه السالفه ان السوق عرض وطلب .. وانا اشوف ان الطلب قل والعرض وايد وطبيعى ان السعر اول وتالى بينزل سواء بيع او ايجار وعادى وما يحتاج حمله ولا غيره .

راجع تقرير وزارة العدل

 

[Abdulla990]

راجع تقرير وزارة العدل

التجار و الشريطية قاموا يلعبون فيه لما عرفوا ان الناس يتابعون التقرير لمعرفة الاسعار
طبعا قصدي يبيعون على بعض بأسعار مرتفعة و قاعدين يترسون الجرايد بالمقالات المضللة و يعلنون عن طلبات وهمية (مطلوب بيت و مطلوب ارض و غيره) ,,الخ الخ الخ من هالمسرحيات

 

[el6ayeb]

شركة نفط الكويت مستحوذة على 80% من أراضي الكويت لأسباب عدة مثل البايبات اللي تحت الارض والمكامن النفطية ف مو عشان تشوف ارض فاضية عبالك صالحة للسكن. وشدراك ان الارض مافيها نفط؟؟؟؟!!

وبالنسبة لسعر الاراضي اللي يوصل لي نص مليون يعتمد على تنوع السلع فمايصير يكون سعر الاراضي وحده وبكل مكان بالعالم في مناطق للأغنياء وأماكن للبسطاء وتقسيمات اخرى.انزين تقدر تفسر لي سبب انخفاض المبيعات بالعقار بعد قانوني 8 و9 ؟؟؟ شوف التقارير العقارية وفسر لي. لو الكل عنده جان ما انخفضت المبيعات
بس بالنهاية اللي ابي اوصله كلامك معتمد على فرضيات وانا انصحك تقرا التقارير وتشوف.

وهذا مثال
أكد تقرير متخصص أمس انخفاض إيرادات مبيعات الأراضي والعقارات في الكويت بمقدار 10.4 مليون دينار (35 مليون دولار) أي بنسبة 84 بالمئة في العام المالي 2008 - 2009 لتعكس بشكل واضح تباطؤ نشاط السوق العقاري. http://www.alrroya.com/node/31120

أقرأ هذا الخبر .. اللي يؤكد كلامي .. وقلت لك أن البيع والشراء لازال متواصل و بارتفاع حتى 2010 .. و المسألة كلها عرض و طلب ..
و المشكلة الأساسية ليست بالتجار و لا ملاك الأراضي و لا بالشريطية ...و لا بالمواطنين المغلوبين على أمرهم .. المشكلة كلها بسياسة الدولة!!! و الدولة ضايع فيها القرار .. لهذا حملتكم مع احترامي لكم ماراح تنجح!!!


مراقبون يتوقعون عبر الوطن ارتفاع أسعار «السكني» قبل نهاية 2010
تداولات قياسية على العقار السكني.. وتراجع عوائد الودائع يرفع الطلب على «الاستثماري»

http://alwatan.com.kw/ArticleDetails.aspx?Id=20578

 

[أبوعلي1]

لا صارت الحكومة توزع البيوت بشكل منظم وبشكل جاد اعتقد بل اجزم الوضع بيصير تمام
لان اللي يدور البيت ويبي يشتري منو / ذاك الشخص ابو العياله اللي يبي يسكن ...
لو تم توزيع الطلبات وكلن اخذ حقه من البيوت / مو تطيييح البيوت الا اللي ناوي يبيع مايصدق احد يطق بابه .. !


وانا اقوووول خلوهااا تبوووور .... وتخيسسسس بعد​

 

[القصاص 2]

السلام عليكم ورحمة الله وبركاتة
اخوانى انا تعبان نفسيا من موضوع السكن العالم خلصت ولحقت عمرها وحنه نقول خلوها تبور حتى صاحب الموضوع بو عمر الله يجزاه خير مختفي وعسا المانع خير ان شاء الله يا جماعة من يسمعنه او يرد علينه هو في اراضي اصلا اللى حنه نبيها تبور انا تعبت من مكاتب العقار وانه ادور يوميا وادق تلفونات ما تشوفون شر اللى نتكلم عنه ماهو موجود بالسوق والاسعار كانت فرصه من قبل سنه في عز الازمة الاقتصادية واللى قعد مثلي ما يشوف يشر وينطر دوره حنه مو احسن من غيرنه اللى بياخذون في منطقة صباح الاحمد السكنية جعلها خيره من رب العالمين قسما بالله اكثر من اربع شهور وانه ادور بيت بسعر بحدود اللى تتكلمون عنها ما في شي وحتى الاراضي اقل من 110 ما فيه واللى يلقي مو بوالسيط وهرج فاضي يكون الرجال البايع صميل وجاد ومباشر من المكتب يراسلني على الخاص
ونقول خلوها تبور جعلها تصدف
احبكم بالله

 

[أبوعلي1]

اخوي القصاص .... واحنا شنقول ... !!
انت بنفسك تقول اربع شهور تدور بيت بسعر مناسب ومحدود ومعقول منت لاقي !
ياخوك انا لي فترة اكثر من الاربع شهور وبالتالي خصصوا لي بمدينة صباح الاحمد تخيل بيت الاهل بالاندلس وانا هناااااااااااااااااااااااااااااااااااااااااااااااااااااااااااااااااك باخر الدنيا ( اشدعوه ) ليشش
يعني ماكو اراضي !! .... الا هناك ... !! والا النفط ماسمحت الا باللي هناااك !! شهالحجي

احنا يوم نقول خلوها تبوور نقصد ناس هم السبب طبعا والنوم العميق للحكومة الله يعطيهم العافيه ! ...... // بسسس ولا يهمك في حل .... ولو انه مو مريح كلششش
روح الله يسلمك لبنك وغرق نفسك بالدين والاقساااااط ... وتالي اخذ لك بيت ... وبعدها اتمشي عالبراد !! يالله ترتاح الحكومه ويستانس التاجر الجشع ... !!

ما اقول غير .... الله يهونها وبسسس

وموخلوهااا تبووور / الا / خلوووها تستريــــــــــــــــــــــح

 

[بو عمر77]

السلام عليكم ورحمة الله وبركاتة
اخوانى انا تعبان نفسيا من موضوع السكن العالم خلصت ولحقت عمرها وحنه نقول خلوها تبور حتى صاحب الموضوع بو عمر الله يجزاه خير مختفي وعسا المانع خير ان شاء الله يا جماعة من يسمعنه او يرد علينه هو في اراضي اصلا اللى حنه نبيها تبور انا تعبت من مكاتب العقار وانه ادور يوميا وادق تلفونات ما تشوفون شر اللى نتكلم عنه ماهو موجود بالسوق والاسعار كانت فرصه من قبل سنه في عز الازمة الاقتصادية واللى قعد مثلي ما يشوف يشر وينطر دوره حنه مو احسن من غيرنه اللى بياخذون في منطقة صباح الاحمد السكنية جعلها خيره من رب العالمين قسما بالله اكثر من اربع شهور وانه ادور بيت بسعر بحدود اللى تتكلمون عنها ما في شي وحتى الاراضي اقل من 110 ما فيه واللى يلقي مو بوالسيط وهرج فاضي يكون الرجال البايع صميل وجاد ومباشر من المكتب يراسلني على الخاص
ونقول خلوها تبور جعلها تصدف
احبكم بالله

السلام عليكم ورحمة الله وبركاته

أخي الكريم أطلب من الله العزيز القدير أن يصلح حالك وحال كل مسلم ، أنا معاكم ومتابع كل مشاركات الاخوان ومازلت أمني النفس بهبوط أسعار العقار أكثر ، أخي الكريم أقسم بالله العظيم أني مثل حالك أتحين الفرص وأبحث عن (بيت العمر ) والاخبار والاحصائيات والوضع العام منذ أكثر من سنة تنبئ بهبوط للعقار ، المشكلة أخي الكريم حكومية من الاساس ، إنشاء المدن السكنية وطرح المزيد من الاراضي هي مسئولية الحكومة أولا وأخيرا وبينهما ساهمت البنوك تقليدية وإسلامية إضافة إلى المضاربين في الفقاعة العقارية بعد العام 2004 م ، أنا لاأقول للناس أنتظروا ، هذا الامر لايجوز ولكن على الانسان بالبحث وإقتناص الفرص ، أحد الاقارب من أصحاب الخبرة والتجربة بالعقار قال لي : ( لاتبحث عن بيت أو أرض في الجرائد الاعلانية ، أصحاب المكاتب والمضاربين يتعمدون وضع الاسعار الخيالية نفسها قبل الازمة المالية الاخيرة بهدف تثبيت أسعار عقاراتهم ! عليك بالبحث بنفسك والجلوس مع صاحب العقار وكثير منهم نزلوا من أسعار عقاراتهم ) .
أخواني من خلال تجربتي الشخصية تجد إختلاف الاسعار ومن يضع الحد وحتى السوم الشريطي وليس صاحب العين ، تجد مكتب يقولك الحد 170 ألف ، مكتب آخر لنفس العقار الحد 155 ألف ، هذه صارت معاي شخصيا ، سعر السوم يجب أن يسجل بالدفتر وصلاحيته لمدة معلومة ومن يقول من الشريطية السوم كذا ، قوله ورني الدفتر ، للأسف كثير منهم لايملك حتى دفتر ، وهذه الفوضى لن تصلحها إلا المقاصة العقارية التي تحارب من المضاربين الكبار والشريطية حتى لاترى النور وتقضي على الفوضى الحاصلة بالسوق العقاري .

ولاحول ولاقوة إلا بالله

 

[لؤلؤة الخيران]

للأسف العقار صعود الله يعين الجميع

 

[أبوعلي1]

ولازلت اقول خلوها تبووور ياعلهااا ماتقوووم

الشكر لقلبك اخوي ابو عمر وعسي الله يوفقك

 

[بووصالح]

السلام عليكم .. وانا بعد وياكم ....اللهم آمين ​

 

[الشرقاوي1]

والله المستعان

 

[أبو محمد 776]

مرحبا

وأنا بعد معاكم بس لازم تكون حملة كبيرة بالاعلام عشان تاخذ صدى بين الناس ويحسون الشريطية وتجار العقار ان صج الناس بيخلون اراضيهم تبور

 

[ابوبدر33]

ياررربع تكفووووون قولولي

كم اسعار البيوت شارع واحد في النهضه وهل سمحولهم بالبيع ؟؟

 

[عصويد]

تبون الصج عقار اسهم كل شي قاعد يتقلب هبوط ارتفاع هبوط ارتفاع الله يستر

 

[مشعل زيدان]

والله كلام سليم وفى محله
شراء الأرض فى الكويت مقصور فقط على الطبقه المخمليه
بعكس العالم كله رغم أن ثلاث ارباع الكويت صحارى

حتى الإيجارت مازالت مرتفعه


سجلنى معاكم خلوها تعفن , <<

 

[أبوعلي1]

مو تبُور وبسْ !!
إلآ / تعفنْ ليمآْ ( تطلعْ ريحتهآْ )​