هل يستاهل اللاندكروزر الشكل الجديد سعره ؟؟

[MOHAMMED-ALAJMI]

السلام عليكم ورحمة الله

اللاندكروزر موتر معروف بس سعره مبالغ فيه شوي ::verymad::

بالنسبه للمواصفات لو نقارن بينه وبين الجيوب الي نفس سعره..نلاقي فرق كبير في المواصفات والديكورات والرفاهيه ..

أرجو من الي مجربين اللاندكروزر 2008-2009 المشاركه ..

وشكرا

 

[نواف الخالدي]

بسعره اخذ رنج او x6 جيب مرسيدس

 

[بومعالي]

لا ما يستاهل سعره .... لكن في ناس لو تحط على اللادا علامة تويوتا يشترونه لو غالي ولو تحط علامة ثانيه غير تويوتا على اللاندكرورز محد بشتريه

 

[لاندكروزر 2010]

والله يستاهل سعره انا مجرب استعماله 2008 و2009 لايوصف احسن من استعمال الجيوب الثانيه
وشكراا

 

[القطان2010]

السياره كد ومد بس يقولون الشكل الجديد في خرابات انا بالنسبه لي القصه القديمه احسن بواااايد الجديد نفس القديم بس الشكل يختلف

 

[بو ناصر@]

طال عمرك ،،
هذا شيك مصدق بجيبك باي وقت تبيعه على طول وما تحاتي .
صج لما قال الساير اشتر الذهب .

 

[MOHAMMED-ALAJMI]

بسعره اخذ رنج او x6 جيب مرسيدس

كلامك صحيح 100 %

والله يستاهل سعره انا مجرب استعماله 2008 و2009 لايوصف احسن من استعمال الجيوب الثانيه
وشكراا

شاكر لك مرورك

السياره كد ومد بس يقولون الشكل الجديد في خرابات انا بالنسبه لي القصه القديمه احسن بواااايد الجديد نفس القديم بس الشكل يختلف

وأنا سمعت عن الخرابات بس هل صحيح هالشي ؟؟

طال عمرك ،،
هذا شيك مصدق بجيبك باي وقت تبيعه على طول وما تحاتي .
صج لما قال الساير اشتر الذهب .

الساير طال عمرك رفع الأسعار على 2009 ورفعها مره ثانيه على 2010
والي شرا 2008 ماخسر فيه شي إذا يبي يبيعه هذي لعبة الساير عشان يرفع سعر المستعمل ..........

 

[ابو بندر2000]

طال عمرك ،،
هذا شيك مصدق بجيبك باي وقت تبيعه على طول وما تحاتي .
صج لما قال الساير اشتر الذهب .

كلام اخونا بو ناصر صحيح 100% حتي لو رفع الساير الاسعار فلوسه مو خساره ولو بعد 3 او 4 سنوات ماينزل سعر واايد ينزل شي لايذكر والاسباب
اولا لان التيوتا سياره من الصعب انها تخرب والقطعه الي تركب علي السياره خرابها صعب وتكد سنوات طويله
لان الساير سياراته غير سيارات الخليج الاخري مثل وكالة السعوديه الي يدخل السيارات اقرع مافيه ولا شي
حتي الكشافات ويضيف له الكشافات والجناح وغيرها من الكاماليات في كراجاته ولو تبحث بالقوقل في منتديات
السيارات راح تجد مواضيع كثيره مصوره عن هالامور فالساير سياراته اغلا لانها شد بلاده من السنسر ال السنسر غير وكالة السعوديه وقطر والامارات .

 

[ابو بندر2000]

بسعره اخذ رنج او x6 جيب مرسيدس

اخوي مع احترامي لرايك لو بتاخذ اي جيب غير الاندكروزر راح يطيح من سعره كل سنة مبلغ وقدره اما الاندكروزر مايطيح غير 200 دينار في السنه
ولو تروح الحراج راح تلاحظ كلامي سعر الاندكروزر فرق عن الوكاله شي لايذكر مع انه مستعمل والسبب ان التيوتا سيارة من الصعب انها تخرب وكد ومد

 

[بوحمود1]

انا لو مكان الساير ارفع سعره اكثر ،،،، والسبب ان الناس تشترى

 

[القطان2010]

انا لو مكان الساير ارفع سعره اكثر ،،،، والسبب ان الناس تشترى

لا عاد ب هذي اقولك من طمع طبع اذا انت عندك تشتري في ناس ماعنده فالاسعار متناسبه للكل

 

[هندسة]

لا ما يستاهل سعره .... لكن في ناس لو تحط على اللادا علامة تويوتا يشترونه لو غالي ولو تحط علامة ثانيه غير تويوتا على اللاندكرورز محد بشتريه

أوافقك الراي يا بومعالي .. فعلا علامة تويوتا جعلت من شعارها علامة مميزة وثقة منقطعة النظير ..

الناس تشتري وهي مغمضة.

بالنسبة للشكل .. انا لازلت مني مقتنع فيه .. القديم احلى!
الجديد يميل بشكله الى الباجيرو نوعا ما!


شكرا

 

[نواف الخالدي]

اخوي مع احترامي لرايك لو بتاخذ اي جيب غير الاندكروزر راح يطيح من سعره كل سنة مبلغ وقدره اما الاندكروزر مايطيح غير 200 دينار في السنه
ولو تروح الحراج راح تلاحظ كلامي سعر الاندكروزر فرق عن الوكاله شي لايذكر مع انه مستعمل والسبب ان التيوتا سيارة من الصعب انها تخرب وكد ومد

اخوي احترم رايك بس سياره انا اشتريهاا عشان ابيعهاا شووف انا يمكن طبت عندي من اخذت الليسن 12 سياره بينهم الياباني والامريكي والالماني
صراحه ما ارتحت الا في الاماني موتر لا بغيته خط عند وجهك ومكيف ابرد من التيوتا الي يقولون مكيفهااا بارد واستعمالهااا جدا جداا حلووو بس لو تقارن اسعاار قطع الغيااار انا انسان مجرب الموترين صراحه صراحه قطع غيار التيوتا نااااااااااااااااااار

 

[كنكون]

من تجربه مااااااااااااااااااااايستاهل
بس الناس تشرتيه علشان تفكر تبيع
اشتر رنج او بورش وبعد سنه طايح منه 8 الف

 

[vtc_305]

اولا انا من عشاق الاند 98 لغايه 2007

والشكل الجديد الجي سبير علاق 8 سنلدر هو الي دش بالي بس

الكلام الصحيح سعره مبالغ فيه والساير لاعبهاا عدل

كل يوم يطلع بحركه يرفع الاسعار ويقلل الكميه يخليه مرغوب ((حركات شريطيه))

والموتر يستاهل خصوصا ال8 سلندر

لاكن صار غير بري بمعنىى الكلمه حتىى لو ركبوله بوالين وسبير علاق يعني مالت تروح حدك فيه مخيم مو مال مقناص نفس الي عودنا عليه لغايه 2007 واهل الطيور تشد فيه الظهر

وسعره مبالغ فيه جدا بس انتشر بالشارع وخلاص يعني يكفي اسمه لاند ماخذ وضعه

والي يقول اللاند ينزل بالسنه 200 دينار ((هذا تحدي بيني وبينه اشتري واحد واكده سنه ويشتريه مني أقل بـ200)) يعني هذا مو خيالي شي صج مو طبيعي

وما انصح الي يشتريه الا لاستعمال فوق ال5 سنين يعني مو بيااع وهم يخسر واحلف له انه والله يخسر وهذا شي طبيعي

والي يقارنه بأكس سكس ولا رنج سبورت غلطان

منوو يقارن الماني بياباني. ؟؟

فخلوو السيارات هذي لأهلها <<وجهه نظر متواضعه

 

[صقرالبحر]

انا اشتري جيب ب 16000 دينار كشن سحب .... خرطي
ولا كو تحكم بالسكان حتي حق المسجل ... مالت
ولا نفيجشن بعد ؟ شلون بدل بيتنا عيل ؟؟ هههه

مااغبي من اللي بيشتريه ب 16000 جديد الا اللي
بياخذه منه ب 15000 مستعمل

هالاسعار حق البي ام والمرسيدس والرنج هذي الجيبات الحلوه

كل السيارات زينه وحلوه ولاكو فرق بينهم بس الوهم اللي بالناس
مكسب التجار

 

[ابن ضعيان]

انا اشتري جيب ب 16000 دينار كشن سحب .... خرطي
ولا كو تحكم بالسكان حتي حق المسجل ... مالت
ولا نفيجشن بعد ؟ شلون بدل بيتنا عيل ؟؟ هههه

مااغبي من اللي بيشتريه ب 16000 جديد الا اللي
بياخذه منه ب 15000 مستعمل

كلام سليم...........أعجبني

وأزيد ومن الداخل أسود كأنك راكب وانيت من أيام الحقبة الحديدية يعني بالليل أنت بدون ملامح........... استر يا ستير

 

[الـعـتـيـبـي]

اركب على اللي يعجب أصحاب الأنظار...
هالكون لاندكروزر ابو محالة

من وارد اليابان والنوع ((فكسار)) ....
صمم على قمة فخامة وأصالة

يعجبك في الموقف ويعجبك لا سار ...
ويعجبك صوت محركة واشتغاله

شدة خبير الصنع مسمار مسمار .....
ثم زوده دفتر ضمان وكفالة

وبرمج على الطبلون عشرين معيار...
تعطيك معلومات عن كل حالة

اخيار مايستخدمة كود الأخيار...
دوبة يطلع من حفيز الوكالة

محطم الرقم القياسي بالاسعار...
غالي وجمهوره يكن الغلالة

راعيه وقت البيع ماهوب يحتار...
إن كسبه ولا ضمن راس ماله

في المدن شخصية وفي البر بيطار...
وإلى التوى عسر الدروب استوى له

 

[MOHAMMED-ALAJMI]

صح لسانك يالعتيبي

 

[wooow]

لا يوجد مقارنه بين التويوتا وسيارات الرايخ الالمانيه
وخصوصااا السيفتي عند السرعات ومتعة القياده وتماسك البدي وجودة الاكسسوارات الداخليه للكابينه من جلود وبلاستيك وحديد
لكن تبقى التويوتا افضل بمراحل كبيره من ناحية الاعطال الكهربائيه والميكانيكيه
مشكلة تويوتا تفتقر للاوبشن