هل يستاهل اللاندكروزر الشكل الجديد سعره ؟؟

[هونها]

والله يستاهل

 

[نواف الخالدي]

شووف يقولك اسأل مجرب ولا تسأل خبير
انت تبي تركب موتر تستانس فيه ( وتمتع ) ولا تشتري موتر عشان انك تفكر تبيعه بعد 4 او 5 سنين ؟ حبيبي تمتععععععععععععع بالفخامه الالمانيه وخل عنك الياباني ولحد يقولك خرابات هاذا كلااام شريطيه كانت عندي مرسيدس 2004 دخلته سرفس ال 60 وبدلولي كل الي فيه ب 250 دينار وبس وعند رفيجي لكزس هم دخله سيرفس 60 خذوو عليه 350 دينار !!!! وكانت عندي كامري 2002 بدلت فيهاا مادري شيسمونه اكسات اماميه او شي جذي سعرهم بالوكاله 200 دينار وبرا 180 مجمع السكان مال الاند كروز ب 250 انا مصلحه وكانت عندي بي ام صلحت مجمع سكانه ب 150 دينار !!! شووف الفرق يباا والله اسعار قطع غيار التيوتا دبل الالماني وانت احكم

 

[Winchester SX3]

ولك بأسعار 98 و 99 و 2000 مثال

ماشاء الله على 5000

صدق من قال إنه شيك مصدق

 

[bol-bol]

السلام عليكم اخوي ان انت مقتدر لاتخلى ابخاطرك اهوة موتر ان تبى اتخلى على نفسك اديون واقساط ووراك التزامات لا يبه بدال سيارة الى تبيها الف سيارة موجودة الله يسهل فى نقطه يا اخوك هذيلى تجار الله يزيدهم ويزيدنه ماهمه شريت ولا ماشريت اهوة المستفيد بس بالنسبه لى حرام والله الى قاعد يسويه الساير والله مو بس الساير حته وكالات الكويت والتجار يا معود الله يهديهم ما علينه انه ما انصحك اشترلك سيارة يوكن او تاهو كاش ووفر افلوس الباجي حق اى شى يفيدك وادعيلك بالتوفيق ويسهل امرك

 

[MOHAMMED-ALAJMI]

لا يوجد مقارنه بين التويوتا وسيارات الرايخ الالمانيه
وخصوصااا السيفتي عند السرعات ومتعة القياده وتماسك البدي وجودة الاكسسوارات الداخليه للكابينه من جلود وبلاستيك وحديد
لكن تبقى التويوتا افضل بمراحل كبيره من ناحية الاعطال الكهربائيه والميكانيكيه
مشكلة تويوتا تفتقر للاوبشن

الله يعطيك العافيه كلام سليم .

والله يستاهل

شاكر لك مرورك

شووف يقولك اسأل مجرب ولا تسأل خبير
انت تبي تركب موتر تستانس فيه ( وتمتع ) ولا تشتري موتر عشان انك تفكر تبيعه بعد 4 او 5 سنين ؟ حبيبي تمتععععععععععععع بالفخامه الالمانيه وخل عنك الياباني ولحد يقولك خرابات هاذا كلااام شريطيه كانت عندي مرسيدس 2004 دخلته سرفس ال 60 وبدلولي كل الي فيه ب 250 دينار وبس وعند رفيجي لكزس هم دخله سيرفس 60 خذوو عليه 350 دينار !!!! وكانت عندي كامري 2002 بدلت فيهاا مادري شيسمونه اكسات اماميه او شي جذي سعرهم بالوكاله 200 دينار وبرا 180 مجمع السكان مال الاند كروز ب 250 انا مصلحه وكانت عندي بي ام صلحت مجمع سكانه ب 150 دينار !!! شووف الفرق يباا والله اسعار قطع غيار التيوتا دبل الالماني وانت احكم

اي والله الألماني ماعليه كلام . بس جو الكويت أخلي الألماني ياباني...

السلام عليكم اخوي ان انت مقتدر لاتخلى ابخاطرك اهوة موتر ان تبى اتخلى على نفسك اديون واقساط ووراك التزامات لا يبه بدال سيارة الى تبيها الف سيارة موجودة الله يسهل فى نقطه يا اخوك هذيلى تجار الله يزيدهم ويزيدنه ماهمه شريت ولا ماشريت اهوة المستفيد بس بالنسبه لى حرام والله الى قاعد يسويه الساير والله مو بس الساير حته وكالات الكويت والتجار يا معود الله يهديهم ما علينه انه ما انصحك اشترلك سيارة يوكن او تاهو كاش ووفر افلوس الباجي حق اى شى يفيدك وادعيلك بالتوفيق ويسهل امرك

الله يجزاك خير

 

[Camaro]

اي يستاهل

 

[Nagooshy]

نعم يستاهل

لان الوكيل محافظ على سعر السيارة داخل الوكالة والسيارات المستعمله

 

[عـذبي]

يبه غاااااااالي لي سبع اسنين متوظف امنيتي اشتري لاند من الوكاله ولي اليوم مو قادر وكل ماله ويزيد اكثر

 

[xxxx]

انا لو مكان الساير ارفع سعره اكثر ،،،، والسبب ان الناس تشترى

شباب ياليت نتكلم بواقعيه اكثر من يقول ان الساير يرفع الاسعار بكيفه
لا يبا مو بكيفه انا مفتر الخليج كله وفوقهم اليمن شفت ان زياده السعر الي عند الساير موجوده في جميع الوكلات واتحدي اي احد يجيب لي سعر الكروزر ارخص من الساير مع مراعاة المواصفات يعني يقارن بنفس المواصفات

ملاحظه ( انا ماحب وكاله الساير بس كلمت الحق تنقال )

 

[Nagooshy]

يبه غاااااااالي لي سبع اسنين متوظف امنيتي اشتري لاند من الوكاله ولي اليوم مو قادر وكل ماله ويزيد اكثر

المشكله مو بالسعر

المشكله اذا انت تبي ابيض لازم يكون عندك واسطه

و اول ما توصل الباخره يطييييييييييير

 

[بو جابر]

ولك بأسعار 98 و 99 و 2000 مثال

ماشاء الله على 5000

صدق من قال إنه شيك مصدق

كلامك صح ميه بالميه يبا هذا الكروزر كد ومد للي مجربه واللي يقول قارنه بالرنج يبا الكروزر 98 أذا نظيف يوصل 5000 والرنج 98 أذا نظيف ما يوصل 1000 والرنج وغيره أذا طق فيه مطب يتفلش يروح وطي الكروزر طق الرصيف وأنت مطمن

 

[GMC يفرض هيبته]

لاندكروزر وبس ...................................!!

محبوب الجماهيــــــــــــــــــــــــــــــــــــــــــر

وعن الموضوع ...الجديد رزه وكشخة وعجيب ...

لكم تحياتي ...

 

[bo7mny]

يقول المثل اسأل مجرب ولا تسأل خبير

اللاند لما تشترية كانك مشتري سهم قيادي بالسوق

يعني كانك مشتري بيتك ولا زين ولا اجيلتي


...مشتري ذهب مو كومة حديد

والساير راز سيارتة ومحافظ على سعرها


ال2009 8 سلندر قبل شهرين ينباع مابين 13700 و14000 على حسب الممشى والنظافة


من نزل ال2010 ارتفع سعر ال2009 ووصلت السومات للنظيف 14500 ولا ...طلب من غير عرض بعد


ال2010 عند الساير فل اوبشن درجة اولى 8 سلندر ب16200

يعني ارتفع سعرة1600 دينار عن 2009


انا مع كل اللي يقول ان اللاند بالاكسسوارت الداخلية تعيس

لكن مافي وجة مقارنة (كاستعمال في الكويت) بينة وبين جميع الانواع سواء الالماني او البريطاني


لكن للامانة الوحيد اللي راح يغير نظرة الناس للجيوب الالمانية هو q7الاودي​

 

[mxxy]

السلام عليكم

أشوف البعض يألف شوي ... يا عمي شياب الرنج روفر البريطاني خارق البحار والجبال حق الاند كروزر الياباني ....

نعم الاند كروزر سيارة قويه وأخيرا طورو بعض الأمور لتواكب مع سنة 2009 و 2010 لكن يا جماعة الرنج روفر مثلا sporte hse لحد يتكلم عنه كلش وسعره ما يطيح منو الي يقول أن يطيح طيحاته بسيطه وأكبر دليل موقع السيارات الكويتي المشهور لعرض السيارات قارنه في (( جيب لكسزس \ رنج روفر سبورت ) وخنشووف منو الي يطيح اسرع .

أو قارن في رنج روفر العادي مع الاند كروزر وخنشوف الفرق راح نشوف مو وايد فرق بالنسبة لطيح سعره وفوق هذا كله الرنج روفر سيارة قويه جدا جدا وبريطانية وفي وكالة علي الغانم يعني أفضل وأكشخ وكالة على الاقل سيارتك البديلة لو ختربت تكون هم رنج روفر أو بي أم دبيلو .


آنه عن نفسي جربت الاند كروزر و الاند روفر ... والفرق ان لاند روفر تحس نفسك راكب موتر والاند كروزر يقولك قوي لكن على شنو مادري يمكن على مكيفها وبعدين جنك راكب حصان ولحد ينكر هالشي .


وبالنسبة للمكيف تره هم الرنج روفر مكيفه قوي بعد عكس باجي السياير وينافس التيوتا .


هذا رأيي حسب عنوان الموضوع ، وإضافة إل هذا الكلام الاند روفر ( الرنج رفور ) تجربته تكون في الصين + سكوت لندا في بريطانية أعلى تضاريس وتعرجات ومع هذا يخرق المألوف والطبيعي (( عيل أكو سيارة تمشي نصها بالماي !!!؟؟ الرنج رفور بس .


وبالنسبة لقوة السيارة في تحمل الجو ( جو الكويت ) ... أروح في الصبية من أول العاصمة و أرجع وهم أجزرها 5 إلى 7 ساعات فراره من الصبح لي الليل وما شاء الله ما يقول أح .


طبعا شركة لاند روفر البرطانية الي تنتج أقوى 4 سيارات
land rover sport hse
land rover hse'
land rover dscovery lr4 + lr3
land rover lr2 sport


سعر جيب الرنج روفر السبورت يوصل إلى 35 ألف دينار كويتي وفي نوع هم فل أبشن وسعره 24.5 ألف دينار كويتي

والحين الرنج روفر العادي الي شكله الصراحه شوي مو عاجبني لكن وايد أرقى من التويتا بجميع انواعه من ناحية الشكل والقوة فسعره 15 ألف بالضبط وهذا عرض ما يتكرر لكن هم في أنواع منه توصل لي فوق 20 ألف


وفي النهاية انه ما أقلل من قدر الاند كروزر لأن يمكن أشتريه لكن لو عندي زياده بجم 100 و جم 1000 أكيد بشتري الرنج روفر ما يبيله يعني

وفوق هذا كله وثوق علي الغانم بالرنج روفر فيقولك (( أشترها ونشتريها منك بعد سنتين والشروط جدا عادية وميسرة ))