الشركة الوطنية العقارية ( وطنية )

[alroughani]

q8home ya36eek el 3afya 3ala el chart

Hope that it will break the next resistene levels you indicated

Good luck all

 

[white soul]

السلام عليكم ورحمة الله وبركاته

تداول طيب اغلق السهم مرتفع 100 فلس

1240 نقطه مهمه للسهم اكثر من 5 مرات السهم يرتد من هالسعر

سبق ان ذكرت ان توصيه من ناس ثقه ان السهم متجه لل 1400

بعرف رأي الاخوه المحللين لاتجاه السهم وهل السهم كسر المقاومه؟


وصقر البحر عسى ماشر شهالغيبه؟​

 

[ستوك]

أقوى مقاومة للسهم هي على 1260


نتمنى يتخطاها هالمرة

 

[hassankoc]

السلام عليكم ورحمة الله وبركاته

تداول طيب اغلق السهم مرتفع 100 فلس

1240 نقطه مهمه للسهم اكثر من 5 مرات السهم يرتد من هالسعر

سبق ان ذكرت ان توصيه من ناس ثقه ان السهم متجه لل 1400

بعرف رأي الاخوه المحللين لاتجاه السهم وهل السهم كسر المقاومه؟


وصقر البحر عسى ماشر شهالغيبه؟​

يعطيك العافيه اذا بشتريه على جم بما انه اتقول صاعد

 

[rahaly]

اعتقد اعلان الارباح يغير الحسبة ....

يعني ظلينا ماسكين السهم هالمدة ... خلينا نشوف شلون مع الارباح انشاء الله يصعد

 

[white soul]

يعطيك العافيه اذا بشتريه على جم بما انه اتقول صاعد

الله يعافيك اخوي

انا ذكرت ان السهم عليه توصيه وكان سعره 1100

السهم عنده مقاومه قويه على 1260 اذا تجاوزها بتداول قوي اعتقد انه اعطى اشاره شراء اذا ارتد من هالسعر راح يرجع لل 1100

اعتقد الاخوه المحللين يقدرون يفيدونك اكثر مني

ونصيحه لا تستعجل تابع سلوك السهم يمكن تقدر تحصله بارخص من هالاسعار والله يرزقك ويرزق الجميع​

 

[بوحسن]

الاخ رحالي

بما انك اتعب حالك علينا وما تقصر

انشاء ما نقصر معاك وصدقني ناطر تحديثات بوعلي عشان اسويلك هالرسمه

المفروض باجر السهم يرتفع ويبدي مرحلة الصعودددددددد باحتمال 99%

اما اذا السهم نزل .... فانصحك بالبيع كراي فني باحتمال 1 %

هذا الشارت المفروض باجر يصير وكل شي بعلم الله

معتبر بالتحليل السعري

عند الحرف B في نزول بسيط للسهم انمسح وانا احط الحرف من برنامج الرسام ( برنامجه خرطي )

 

[rahaly]

الاخ رحالي

بما انك اتعب حالك علينا وما تقصر

انشاء ما نقصر معاك وصدقني ناطر تحديثات بوعلي عشان اسويلك هالرسمه

المفروض باجر السهم يرتفع ويبدي مرحلة الصعودددددددد باحتمال 99%

اما اذا السهم نزل .... فانصحك بالبيع كراي فني باحتمال 1 %

هذا الشارت المفروض باجر يصير وكل شي بعلم الله

معتبر بالتحليل السعري

عند الحرف B في نزول بسيط للسهم انمسح وانا احط الحرف من برنامج الرسام ( برنامجه خرطي )

الله يعطيك العافية يا الصبر ... على طول تتحفنا بتحليلاتك الحلوة ...

بس اعتقد ( واسمحلي اتحرش بالتحليل الفني واعتبرها سوالف ) ان السهم كسر الترند وكان اعلى نقطة بعد الكسر مفروض يوصلها هو 1240 .. بعدها يكون 1260 هي مقاومة ... اذا كسرها السهم ... لا يوجد نقطة على الشارت تبين اين المقاومة التالية ..

شرايك ؟؟

( والله ان ودي اثق بالسهم ... بس مشكلة .. تصدق اليوم مسكت نفسي غصب وربطت ايدي عشان لا ابيع .... ماكو ثقة)


تحياتي


رحالي

 

[بوحسن]

استاذي اي ترند ده الي تتكلم عليه
وعلى قولة ام كلثوم
حب ايه الي انت جاي بتقول عليه
هو انت عارف أبله معنى الحب اييه ..لما تتكلم عليه

عزيزي اتغشمر ومداخلتك جيده جدا وكثيرا ما نسقط في تحليلات مؤقته .. ومنهم انا .. شوف اي سهم يبيله فتره يطبخ .. واترك الفاست فود بالتحليل شوف السهم خلال شهر شنو قاعد يسوي خلال شهر على الاقل يعني ...

اما كلامك عن كسر الترند .. .. السهم قاعد يسوي طبخه اعتقد الي انا اشرت اليها

لاحظ لو تقول كسر الترند لى الحرف c .. اذا لو تشوف الحرف B معناته هم كسر الترند وقبله اذا معناته انه كسر الحرف A سابقا بس ارتد للاسفل

رحالي
يوز عن تحرشاتك ... وخلك بالرسمه الي انا راسمها لك وانسى الترند الي بتأووول عليه ...

عاد ياي اشيل الرسمه واقول كافي اكيد رحالي شافها ..بس شفتك مسوي كوبي

ويظل هذا رايي الشخصي وممكن يكون صح وممكن يكون غلط

ملاحظه : لو انا مكانك امسك السهم حيل هاليومين .. وممكن السهم يسولنا حركه تخرع مثل الي صار برقم 1 نزل وصعد بشغل خفيف وعلى يومين بس بعدين يضبط حاله اعتقد الوطنيه لها رأس قد ايعن وحان وقت قطافه ..يبيله اشوية صبر بس
والصبر مفتاح

 

[بوحسن]

رحالي : ان السهم كسر الترند وكان اعلى نقطة بعد الكسر مفروض يوصلها هو 1240 .. بعدها يكون 1260 هي مقاومة ... اذا كسرها السهم ... لا يوجد نقطة على الشارت تبين اين المقاومة التالية ..

اول شي رحالي ما توقعت ان في ناس وايده شاريه سهم الوطنيه !!

عجيب ....

خل اوضح نقطتك اكثر ..كسر الترند في الاوقات القصيره ينفع للمضاربه في كل مره مع الانتباه للمقاومه القادمه وتربح منه
وهالمره لازم ننتبه اذا ما كسر المقاومه ..يبيله متابعه يوميه اكثر
نشوف اشناوي السهم عليه وهل هناك شي بالتحليل نسيناه او لعلني اكون غلطت بوضع الارقام وننتظر نزول وارتفاع اخر على مدى الاسبوعين

وبعدين لا تحاتي نقاط المقاومه كثيره بس خل يرتفع السهم

 

[rahaly]

حبيبي يا الصبر .. الله يصبرك علينا .. والله يصبرنا على الوطنية ...

على قولة ام كلثوم .. احب تاني ليه ..؟؟

واحنا نرجع تاني للشارت مالك اللي انا اخذت حقوق النسخ منك:d

الاحرف A,b,c
فعلا حصلت فيها نفس الحركة .. في كل مرة كسر السهم فيها الترند النازل صعودا .. وطبيعي في هالحالة يصعد 50% من طول الترند .. وكان الصعود كما ترى لكل مرة ...

(( ولا تقول غير هالكلام لانك تنشطب من المنتدى .. لانها من اهم قواعد سيف العجمي:d )))

وحتى لما نزل من A لم يكن نزول حقيقي ( وهو يحدث احيانا ) ...

لذلك ماني شايف ما يمنع من تكرار نفس الحركة .. ويعاود السهم حركة النزول كما في الحركات السابقة ..
بل بالعكس تعتبر تلك الحركات مؤشر اقوى للتكرار ..

الا .. الا .. ان يكون لدينا خبر(الارباح) .. او كميات شراء فاليوم عالي اكثر من معدل الايام السابقة .... او تدخلات (خفية) .. فسوف تتغير الحسابات ....

نرجع لمحور حديثنا

هالمرة بدون مؤشر ... ونتعامل مع نفسية السوق ..

لم نر السعر 1260 خلال 6 شهور تقريبا ...
اما 1400 فقد كان اخر مرة في شهر يوليو ...

السؤال ... ما الذي منع السهم من الصعود الى هذه الاسعار طيلة هذه المدة؟؟
وما الذي يجعله يصعد الى هذه الاسعار حاليا ؟؟


انا بصراحة ما عندي اجابة ..
اذا نمشي على التحليل الفني فالصعود اكثر من 1260 وارد جدا ...
واذا نمشي على حركة السهم وتجربتنا ( المؤلمة ) معاه ............
فلازم تفكر الف مرة ومرة ..... هل فعلا سيصعد عن هذه الاسعار ؟؟ ...
ولماذا ؟؟

ام سيخذلنا مثل المرات السابقة ......

عموما يا الصبر انا باجر مشغول ... وباعطيك الباس وورد ... اذا نزل بيعلي ..

واذا لحقت انا على نفس هالاسعار ... للاحتياط بابيع النص ونشوف السهم وين رايح


واسمحلي اتدخل في شغلك ( التحليل ) شوية ... عاد مو كله انت .. مرة انت تحليل وانا قرقه .. ومرة بالعكس:d



تحياتي


رحالي

 

[Wise]

من وجهة نظري الفنيه

بخصوص سهم الوطنيه العقاريه .


السهم غامض على الشارت الديلي

ولكن اشوفه على الويكلي ممتاز

اولن هناك عدة احتمالات الاحتمال الاول تماسك سعري

بين 1040 و1260

-------

باترن السهم على الشارت الويكلي اشوفه مكون شكل القدح


وكذلك فيه نقطه مهمه ان السهم محترم ايضاً قاع ترند سابق اللي بلون الازرق على الشارت .

بخصوص تحديد الاهداف من وجهة نظري فى حال ان السهم اغلق فوق سعر 1260 على الشارت الويكلي راح يكون الهدف الهاي السابق على سعر 1880 ... مدة تحقيق السهم للهدف من شهر الى ستة شهور

وجهة نظر قابله للخطا قبل الصواب وموفقين خير ياملاك السهم. ​

 

[بوحسن]

تدري رحالي

انت عسل

بس اسمع الوطنيه لها ربع اسمهم سلطان والمخازن

سلطان مسوي شارت حلو تبيني ارسمه لك ؟؟ بيطلع شكل يديد صدقني ؟

والمخازن يومين حد اعلى

وباجر تسمية الامير

شالنحس الي الوطنيه فيه عشان تنزل @@

الا الفهلوي يمسج موضوعي ...

خل ارسملك شارت سلطان ؟

دام وايز دش بالسالفه حبييب .. وخصوصا قال ان السهم غامض .. وايز اول شي صح النوم وتقطع المخده بالعافيه ؟ صارلك اسبوع مو مبين وينك
وبعدين رحالي مابي باسووردك ترى ان حصلته بدش على الارباح المحققه خلال فتره ......

 

[Wise]

هلا والله الصبر مفتاح شوف انت تضرب من تحت الحزام بس


انا مراح اطوف اي كلمه اتقولها ... انا ما قلت ان السهم غامض ! انا قلت غامض على الشارت الديلي وجهة نظري طبعا .... ً لئني اشوفه على الويكلي اوضح بكثير من الديلي .


بخصوص ويني وصارلي اسبوع ... اتابع من بعيد لي بعيد ​

 

[بوحسن]

هلا والله الصبر مفتاح شوف انت تضرب من تحت الحزام بس


انا مراح اطوف اي كلمه اتقولها ... انا ما قلت ان السهم غامض ! انا قلت غامض على الشارت الديلي وجهة نظري طبعا .... ً لئني اشوفه على الويكلي اوضح بكثير من الديلي .


بخصوص ويني وصارلي اسبوع ... اتابع من بعيد لي بعيد ​

حبيبي وايز والله ..ما اضرب تحت الحزام بس اتحرش فيك ابي اشوفك تشارك

وبسك اشراف وملاحق ابمواضيع الناس جنك مباحث

وبعدين انا قلت اكيد من السهر الي طاف خلاك تنام 3 ايام متواصله

و الويكلي يعطيك قراءات جيده طبعا

 

[rahaly]

هذا اللي كنت خايف منه ....
مو قلتلك يا الصبر السهم ماله امان

" يرزق المرء رغما عن انفه " ....

اليوم قلتلك اني مشغول وباعطيك الباسوورد ....
للاسف ما عطيتك

تفاجئت لما فتحت الشاشة بالنزول وكان 1200 ... المصيبة كل الاتصالات الانترنت مقطوعة عندي مادري من السيرفر !!!

شغلت الايميت .... شفت الاسعار .... دزيت فاكس حق الاوسط يبيعولي نص الكمية ب 1200 ...

الحين اكتشفت انهم ما باعولي !!!!!!!!

عاد الحين انا وحظي .... باجر يا صعود وابيع بصعود والا نزول واحتفظ بالكمية .. وفي الحالتين هذا رزقي .....


بس لازلت اقول السهم مو ثقة .... والتعامل معاه قلته من زمان ... بيع نص ونص ... خليك عالوحدة ونص

لان مو مستقر!!!!!


للحين مو قادر ادخل النت !!!!!
بس الوطنية شغال معاي ..
شالقصة ؟؟؟ بس عندي والا هم انتوا ؟؟؟؟


تحياتي



رحالي

 

[white soul]

مساك الله بالخير رحالي....

كل الشكر للاخوه المحللين على تجاوبهم معانا

اليوم صار بيع قوي على 1180_1200

والله احترنا يا رحالي

بس من خلال التداول اليوم في شي بالطريج.....!​

 

[rahaly]

هلا بالروح ....

والله ياخوي انا مصر ان السهم محير فعلا ... ولا اراه يساير الشارت غالبا ..

والا الاخوان ما قصروا بالتحليل .....

شفت اذا في بلنتي اللاعب شيسوسي اذا بقى يلعب ركلة الجزاء؟؟
يطالع الزاوية اليمين ويشوت الى الوسط او الزاوية اليسار(خدعة) ...

عذا بالضبط حال الوطنية

تشوفه ماشي مع الشارت يومين ... فجأة وبدون مقدمات يعكس اتجاهه !!!

وللاسف اني لاسباب فنية ما قدرت ابيع نص الكمية اليوم



وخلينا نشوف باجر !!!

ملاحظة :

سبب صعود الوطنية حد اعلى امس (حسب المعلن) ... انهم متوقعين تحقيق ارباح كبيرة للمخازن (جريدة الوطن ) .....

اذا كان الامر كذلك ... لاحظ شي مهم ... ان اي صعود لن يكون بسبب ارباح الوطنية ...
وارباح المخازن لن تظهر في نتائج الوطنية لهذه السنه .. بل للربع الاول لهذه السنة !!!

السؤال ؟؟
(بدون شارتات) .... ما الذي يجعل الوطنية تصعد الى مستويات كبيرة دون اعلان ارباح كبيرة؟؟
مضاربة؟؟
المضاربة لا تأخذ السهم الى مستوى 1800 +

ارباح ؟
الارباح كما قلنا لن تظهر في هذا الربع ...
اذا ارباح الوطنية 100 + - .. فان سعرها الحالي هو السعر العادل (تقريبا) ..
اذا ننتظر ارباح المخازن ... فان الصعود سيكون عند اعلان الربع الاول ..
((( ويا طول الليل طولااااااااه ))) ....

والرأي لكم ... يمكن تشوفون شي ما اشوفه


والله يوفقكم ....


تحياتي



رحالي

 

[knpcMAA]

ادراج الوطنية

السلام عليكم ..


ادراج الوطنية + المخازن في سوق دبي منقول من منتدي النوادي


اخونا اف 16 .. والله اعلم ... ولكم هذا الحوار بين د. المتقاعد واف 16 ...

اخى والله ماودى اقول من وين المصدر بس اقولك والله من شخص منصبه جدا كبير والكبير الله
مبروك .التاريخ 15/2/2006 صحيح اخى الدكتور المتقاعد

 

[بوحسن]

اول شي رحالي زين ما عطيتني باسووردك .. اول شي الاوسط مو شغال

ثاني شي انا بمستشفى البحر من الساعه 11 وصكولي عين

المهم ...شارتي مافيه شي ..انا حاط شرط امس ان ماكسر الترند العلوي .. بيع السهم

ثاني شي الشارت ليلحين مافيه شي .... والنزول مع تداول اليوم مقبول نوعا ما

شوف الوطنيه عادي توصل مرات فوق وتكسر وممكن باجر يرتفع ..ِوف جم مره مسويها

الشارت الاول حق الوطنيه ان ما كسر الترند العلوي عشان نعرف ان بيصعد


طبعا انا قاعد اقول ان السهم مسوي شكل من الاشكال المهمه الي اعرفها واتحت اللي رمزتها بالاحرف ABC
وهي تقبل تكون ان ارتد من النقطه 3 فمصيرها للنزول
تحت الدعم 1040

يعني الاخ الي عنده السهم نقوله تخلص من السهم تحت ال 1040

الشارت الثاني يوضح فيه الوطنيه وهي عادي تكسر للاسفل ( بالاسود ) وثاني يوم ممكن ترتفع