الشركة الوطنية العقارية ( وطنية )

[careful_invest]

تجميع من قلب أخوي..قاعد ياخذ المعروض كله ويرفع من كمية الطلب..انطلاقة الوطنية العقارية قد بدأت..ومثل ما وصلني من معلومات ان الوطنية سوف تقود المجموعة ان شاء الله..

موفقين

 

[نصوح]

والله يالرحالي ما قصدت أطبل حق أحد ، ولكني متابع لمجموعة من الأسهم منذ فترة طويلة ومن ضمنهـا ( الوطنية العقارية ) صحيح إنه بالسابق كان سهـم يصلح للمضـاربة ، بس في نفس الوقت صاير عليه لم بفن وركادة وهدوء ، ليست هذه دعوة للشراء أو تطبيل ، ولكن نتيجة متابعه مستمرة وقناعة ، وآنا اليوم إتخذت قرار الشراء ودخلت على السهم ( 1140 ) ولا شرايكم يا محللينا الكبار بالهكـلام ..........

 

[بوحسن]

ههههههههههه

والله جني صكيت المخازن عين ولا المفروض المخازن تستمر بالارتفاع شهرين حد اعلى ؟ وعلى شنو لا خبر سمعنا ولا عقد ولا حتى اشاعه ارباح وحد ااعلى ؟؟ زين منها

اما الوطنيه انا قايل شنو الحد الادنى بالبيع 1040 والحد الاعلى لمن لم يشتري السهم 1260

جذي انا بالسيف سايد وبعدين عطني فرصه وصبرك علي

بس تدري حلاته السهم يرتد من باجر ويروح حد اعلى وتندقر ترى باجر فرصة الارتداد كبيره

هذا كلامي امس عشان اعرف تدري اعرف تحليل ولا ما اعرف

والمنه لله ... 1180 ..رحالي اسمع نصيحتي

شوف في شغلات يبيلها صبر

بس ليحلين بيع السهم ان كسر 1040

واشتره ان عدى 1260

وان كان الجاب واسع بس هذا السهم جذي

وبعدين بجرب باجر اصك الوطنيه مالتك عين ليم ال 1040 ..عناد لك

اما انت يا نصوح فكسبت الرهان

يا زين المعـاياة بين الحبايب

الرحالي + الصبـر مفتــاح
بس آنا حـاليا أميل للصبــر مفتــاح هالمـرة وأعتقد إنك يا الرحــالي راح تخسر الرهان ..............

 

[rahaly]

هلا الصبر ...

ياخوي اليوم ما قدرت اشيل عن بالي فكرة النزول مرة ثانية ..!!

بعت ثلث الكمية بالضبط(( يعني تقريبا 6 ملايين سهم ))
بعت ب 1180 ...
وحطيت اوردر حق باجر ب 1120 .. وباشتريه حتى لو 1140 ..
واذا طار السهم (وما اعتقد يسويها) باقول قاعدتي الذهبية (( اللهم ارزقني وارزق مني .. وعليهم بالف عافية )) ...

ياخوي بصراحة قاعدين في السوق للمضاربة ..... صح؟؟

أحسبها ...

اذا نزل 1120 -1140 ... حصلنا الفرق ...
اذا طار السهم مثل ما انت تتوقع فوق 1260 ... ربحنا من باقي الكمية ..


أما كل يوم اشوف السهم جدامي يوصل 1120 ويرد ... انقهر ياخوي


عموما نشوف هاليومين القصة ..... بس يبيلنا حرمل:d


رحالي

 

[hassankoc]

جم توقعات الخبراء اليوم

 

[الشكر]

....

اقفال اليوم ان شاءالله

1.200 فلس

ودمتم سالمين ,,,,

 

[q8home]

السلام عليكم ,
بالنسبة للوطنية أنا من متابعي هالشركة منذ فترة و كتبت لكم من قبل إن للوطنية إنطلاقة ممتازة و الآن للسهم مقامومة واضحة على 1180 إذا إجتازها فستكون الإنطلاقة إلى 1240

 

[white soul]

تشوفون الي قاعد اشوفه

رحالي عسى عطوك على 1120​

 

[الشورى خالد]

راح اطلب 1020

 

[rahaly]

تشوفون الي قاعد اشوفه

رحالي عسى عطوك على 1120​

طبعا ما عطوني ....!!
واعرف ليش ما عطوني ... مو لانه السهم صاعد ...
كله منكم مع الصبر مفتاح .... تشيشون على السوق يصعدون السهم بس عشان يكسرون كلمتي


عموما ....
" يا غيمة اذهبي وامطري انا شئت .. فخراجك عائد الينا "
(هارون الرشيد) ...

وانا اقول انشاء الله يصعد السهم الى دينارين ... ابيع وانا ربحان

وانشاء الله ينزل الى دينار ... اشتري وانا ربحان


يعني صايد الوطنية صايدها



وهذي ميزة اللي يكون عنده 6 ملايين سهم وطنية


الله يوفقكم






رحالي

 

[بوحسن]

طبعا ما عطوني ....!!
واعرف ليش ما عطوني ... مو لانه السهم صاعد ...
كله منكم مع الصبر مفتاح .... تشيشون على السوق يصعدون السهم بس عشان يكسرون كلمتي


عموما ....
" يا غيمة اذهبي وامطري انا شئت .. فخراجك عائد الينا "
(هارون الرشيد) ...

وانا اقول انشاء الله يصعد السهم الى دينارين ... ابيع وانا ربحان

وانشاء الله ينزل الى دينار ... اشتري وانا ربحان


يعني صايد الوطنية صايدها



وهذي ميزة اللي يكون عنده 6 ملايين سهم وطنية


الله يوفقكم






رحالي

اول شي انت ما تسمع كلامي شسويلك



بس اسمع هالابيات للامام الحسين وفيها عظه ومنهاج لكل انسان

لئن كانت الدنيا تعد نفيسة .....فدار ثواب الله اعلى و انبل
و ان كانت الابدان للموت انشأت.... فقتل امرء بالسيف في الله افضل
و ان كانت الارزاق شيئا مقدرا ....فقلة سعى المرء فى الرزق اجمل
و ان كانت الاموال للترك جمعها .. فما بال متروك به المرء يبخل

يعني لا تذبح نفسك ....

اليوم عندي سهم ياي اشتريه ومعزم ومأمل فيه الخير وقايم من الصبح اروح الدوام مو عشان الدوام عشان اجابل السهم واشتريه بافضل سعر متاح

رحت الدوام ولا كمبيوتري الهارد دسك ضارب وما يشتغل ... ولا اقدر اطلع من الدوام لاني اقوم بمكان المدير حاليا .. طبعا تشائمت

..بس مقيوله

و ان كانت الارزاق شيئا مقدرا ....فقلة سعى المرء فى الرزق اجمل

يعني الركاده زينه ..ولا تحسب ان صايدها وان الخير ما يطوفك !! مثل الي صار وشفناه باكتتاب الريان .. الركاده زينه هذا الكلام طبعا حقي مو حق اي احد

 

[careful_invest]

أعتقد من طريقة تداول اليوم على مجموعة المخازن ان في احتمال خبر قوي سوف يعلن عنه في هذه الاجازة..ومن الواضح ان الوطنية العقارية دخلت في قناة صعود لن نرى بعدها 1.160 وتحت..
شهر فبراير راح يكون شهر مجموعة المخازن وبنشوف أسعار تذكرنا بأيام عزها في نفس الشهر من العام الماضي ان شاء الله..

فرصة للدخول على أسهم الوطنية خصوصا ان السهم سوف يصعد بشكل تدريجي مريح يمكن المضاربة عليه اثناء الصعود..

موفقين

 

[الشكر]

اقفال اليوم ان شاءالله

1.200 فلس

ودمتم سالمين ,,,,

ماشاء الله علي صدت الطير البرازيلي ...:d

طبعا عااااااش التشيير

ودمتم سالمين....

 

[rahaly]

اول شي انت ما تسمع كلامي شسويلك

و ان كانت الارزاق شيئا مقدرا ....فقلة سعى المرء فى الرزق اجمل

يعني الركاده زينه ..ولا تحسب ان صايدها وان الخير ما يطوفك !! مثل الي صار وشفناه باكتتاب الريان .. الركاده زينه هذا الكلام طبعا حقي مو حق اي احد

حبيبي الصبر ... شي اكيد ان الرزق من رب العالمين ... وماتدري متى تربح ومتى تخسر ....
وعندي مثل دايما اضربة ...
يوم 2-8-1990 الكويتيين قعدوا الصبح كل واحد يعد الفلوس اللي في جيبة ... لانهم كل ما يملك ... اما الارصدة والمجمعات والعقار راحوا بلمح البصر ... لولا رحمة رب العباد ولطفة اللي رجع البلد والاموال ....



أما احنا نتكلم بحسب منظورنا الدنيوي العادي واليومي .... وهذا السوق ...

واذا بناخذها بالحسبة(القدر والمقدر) ... انت اول واحد بنوقف تحليلاتك ... كلها علم غيب


يعني ؟؟
((( أعقلها وتوكل )))
احنا نفكر ونسوي اللي علينا .... ونقول يا رب ...والباقي ..كل واحد ورزقه ..

يعني انا اشتري السهم وياك نفس اليوم ... انا ابيع ب 1180 وانت ب 2500 (ارزاق)... ول ول ول .... محظووووووظ ( طبعا باعطيك عين رسمي )



بس لا تخاف عندي الثلثين ابيعهم ب 3 دنانير


الله يرزقكم .... والحسود في عينه عود ... واللهم صلي على محمد وال محمد ... وقل اعوذ برب الفلق ... وقل اعوذ برب الناس .. وخمسة وخميسة .. واشتات اشتووووووت ...
((( عشان لا تقول حسدتك )))






تحياتي


رحالي

 

[بوحسن]

رحالي ..

انا الاسهم الي املك فيها ما اتكلم عنها وقد يكون ربك مقدرلي فيها ربح وقد يكون مقدر لي فيها خساره

يعني ان ملكت سهم ما اتكلم فيه الا نادر

عشان لا اطبل من حيث لا ادري واوهم الناس ... وتالي ربك بالمرصاد

اغلب الاسهم الي اتكلم عنها ما عندي منها

ومنها الوطنيه مالتك اخر مره بعتها اعتقد شهر 7 الي طاف وبعدها لاشريت منها ولا بعت

 

[ابومهاوى]

راح اطلب 1020

بتبطي ...... الله يعينك

 

[careful_invest]

أعتقد من طريقة تداول اليوم على مجموعة المخازن ان في احتمال خبر قوي سوف يعلن عنه في هذه الاجازة..ومن الواضح ان الوطنية العقارية دخلت في قناة صعود لن نرى بعدها 1.160 وتحت..
شهر فبراير راح يكون شهر مجموعة المخازن وبنشوف أسعار تذكرنا بأيام عزها في نفس الشهر من العام الماضي ان شاء الله..

فرصة للدخول على أسهم الوطنية خصوصا ان السهم سوف يصعد بشكل تدريجي مريح يمكن المضاربة عليه اثناء الصعود..

موفقين

قلنا لكم ان في خبر حلو .. أقرأ معاي:

عدم النطق بالعقاب في دعوى حجز سيارات المـخازن العمومية
كتب محمد شعبان:
علمت «القبس» ان المحكمة قضت بعدم النطق بالعقاب في قضية شركة المخازن العمومية والتي كانت عبارة عن بلاغ مقدم من كمال السلطان بشأن حجز السيارات بموجب أمر «الحجز 2004/310».

وتشير مصادر قانونية لـ«القبس» ان امر الحجز، الذي نظرته المحكمة امس، تم الغاؤه واعتباره كأنه لم يكن بحكم صادر من محكمة الاستئناف العالي «/2005/163 تجاري كلي-4».

والجدير ذكره ان المخازن ستقوم باستئناف الحكم اعلاه، علماً انه ليس له أي تأثير على البيانات المالية للشركة.

وينتظر ان تبلغ «المخازن» ادارة البورصة رسمياً بذلك.

وكانت قضية المخازن امس مسجلة بالدعوى 2005/4249 جنحة عادية.

على صعيد آخر تستعد «المخازن» لتدشين ادراج اسهمها في بورصة دبي منتصف فبراير المقبل، بعد ان كانت حصلت على الموافقات اللازمة لذلك في وقت سابق.


سنايبر

 

[rahaly]

قلنا لكم ان في خبر حلو .. أقرأ معاي:

عدم النطق بالعقاب في دعوى حجز سيارات المـخازن العمومية
كتب محمد شعبان:
علمت «القبس» ان المحكمة قضت بعدم النطق بالعقاب في قضية شركة المخازن العمومية والتي كانت عبارة عن بلاغ مقدم من كمال السلطان بشأن حجز السيارات بموجب أمر «الحجز 2004/310».

وتشير مصادر قانونية لـ«القبس» ان امر الحجز، الذي نظرته المحكمة امس، تم الغاؤه واعتباره كأنه لم يكن بحكم صادر من محكمة الاستئناف العالي «/2005/163 تجاري كلي-4».

والجدير ذكره ان المخازن ستقوم باستئناف الحكم اعلاه، علماً انه ليس له أي تأثير على البيانات المالية للشركة.

وينتظر ان تبلغ «المخازن» ادارة البورصة رسمياً بذلك.

وكانت قضية المخازن امس مسجلة بالدعوى 2005/4249 جنحة عادية.

على صعيد آخر تستعد «المخازن» لتدشين ادراج اسهمها في بورصة دبي منتصف فبراير المقبل، بعد ان كانت حصلت على الموافقات اللازمة لذلك في وقت سابق.


سنايبر

عزيزي ... اسمحلي
الغء الحجز مو مهم اصلا كما ورد في الخبر نفسه ... والجنحه كذلك ...

وخبر الادراج اخذ حاصله


يعني نبي خبر جديد يشيل السهم فوق


رحالي

 

[rahaly]

الصبر مفتاح ..... صراحة غيرت نظرتي لتعليقاتك عن الوطنية


شلون ما تملك فيها ؟؟ !!!!!!!!

ياخوي نبي اللي يعلق .. يعلق وقلبه محروق على السهم ..
ما يقول كلمة عن السهم الا طالعة من قلبه لان حلاله فيه ..

بس اخاف انك خايف من العين


لا تخااااااف والله عيني مو حارة

وقاريلك المعوذتين وكل حرز هو من عند الله ...
يعني ما راح يصير شي باسهمك ...

يا الله عاد اعترف وقول ((((( محفظتي كلها بالوطنية )))))

وراح ندعيلك بالتوفيق .....





رحالي

 

[careful_invest]

عزيزي ... اسمحلي
الغء الحجز مو مهم اصلا كما ورد في الخبر نفسه ... والجنحه كذلك ...

وخبر الادراج اخذ حاصله


يعني نبي خبر جديد يشيل السهم فوق


رحالي

الغاء الحجز في منتهى الأهمية لأن يدلل على قدرة المخازن على القيام بالتزاماتها..ويكفي فقط الأثر النفسي الطيب للخبر..
اما الادراج في دبي سوف يلعب دور كبير في صعود السهم الا اذا ظهر خبر سلبي لا سمح الله..والله يستر من سوالف كمال السلطان هالأيام