ياليت تفيدوني وأكون ممنونة لكم

[3lgm]

للإخت ولجميع من يفكر بأن الأسعار الحالية فرصة لا تعوض , إقرا الموضوع في الرابط أدناه , ترا قصةواقعية من أرض منتدانا هذا :

http://www.indexsignal.com/vb/showthread.php?t=119889

 

[ابو خالد الفراج]

اختي السوق يخوف جدا ولا ولا ولا انصحك بالدخول ابدا الا اذا بدات تتضح الرؤية و بدا السوق يستقر لكن علي الوضع الحالي لاانصحك بالدخول

 

[Buffett]

السوق الحين معطي إشارة صريحه وواضحه

"ممنوع الاقتراب"

حتى تتعدل الأوضاع وتدخل السيوله والحكومه في ترميم أوضاع السوق الأليمه

في أسهم مغريه أسعارها للشراء ولكن مالم يعطِ السوق إشارة دخول صريحة وعوامل وأخبار إيجابية

ممكن نشوف الأسعار إلى أقل من ذلك بكثير

نصيحتي لج الحين :

إخذيلج 500 دك من الـ 3700 وروحي بيت التمويل وافتحيلج حساب تداول من عندهم

ومن تجربتي لـ "مباشر" اللي هو برنامج بيت التمويل فهو من أفضل البرامج الحالية من وجهة نظري

بالإضافة إلى تداوله للأسهم الشرعيه فقط علشان ما تختلط فلوسج بالحرام

وتابعي الأسهم والشركات وشوفي شلون طريقة البيع والشراء وطبقي توصيات الأعضاء وسجليها بورقه

ومن خلال هالحركه راح تعرفين من فيهم تثقين فيه وتتوكلين عليه بعد الله سبحانه وتعالى

"هذي صورة البرنامج"

الـ 500 تقدرين تردينها بحسابج بأي وقت يعني ما تنحجز عليج إذا ماعجبج السوق وودج تطلعين

بكل سهوله تحولين المبلغ من حساب البورصة الى حسابج المربوط مع حساب البورصة

وبعدين دخلي على موقع البورصة واختاري

محفظتي

هذي محفظه وهميه كل ما عليج هو انج تختارين الأسهم والكميه بالمبلغ اللي عندج تبيعين وتشترين فيهم

وتالي يحسبهم لج جنهم صج جم ربحتي وجم خسرتي

وانتي حكمي على نفسج بعدين شوفي السالفة محرزه ولا لأ


وموفقين ان شاءالله​

 

[nabhaan79]

صبري لما تشوفين مؤشر السوق ارتفع فوق 8438 فترة اسبوع عالأقل وبعدها فكري تدخلين السوق وأي سهم تشترين ...

أما غير هالكلام إنتي راح تجازفين مجازفه كبيره لأنج راح تدخلين بسوق خسران ​

إسمعي هالكلام ترا مضبوط

بس أخ سام كل ما زادت المخاطره زاد الربح

وآنا عن نفسي قمت أطالع القيعان للأسهم اللي آنا حاط عيني عليها

بمعنى للناس الجدد

شوف أقل سعر وصله سهمك

مثلا المستثمرون وصل 18 فلس وإنطلق لين 79 ونزل

والله العالم ممكن هالسالفه تصير مره ثانيه

بس دير بالك من الشركات اللي ممكن تعلن إفلاسها دور على شركه ربحانه

وسلامتكم

 

[9hbhb9]

اشتري الصفوه وصافتك فرصة لا تعوض وتوكلي على الله ولا تبيعين اقل من 80 فلس واسالي عن السهمين تلقين الكل ينصحج فيهم ركزي عليهم ولا تشتتين افكارج وابدئي السؤال عن السهمين وشوفي الردود

 

[zinger]

إختي خشي الفلوس أحسن ، في ناس متمرسين وخسروا 80% و اكثر من فلوسهم

كلامك عدل والله
اغلب المحللين اهم اللي قطونا على صخر وفي منهم يقط معلومه وتنجح بالصدفه .
عموما لاتدشين السوق انا خسران فلوسي فوق ال250 الف والله العظيم

اختى لو تشترين اغراض فيهم من دبي وتبيعينهم بالكويت او اي تجارة عالخفيف افضل من البورصه .
والله اعلم[/b​

]

 

[نشاز]

دشي الصفوه ودانه

او جلوبل لما تخلص مشاكله .. مو اللحين تدشين ..

هاجر اتكلم جد والله اشرايج تشغليني عندج اي شيء انا مفلس وما عندي اي دخل حاليا

 

[سهمك اخضر]

صباح الخير اخت هاجر انا نصيحه وشوري عليج تزيدين فلوسج وتحجزين صاله لمعرض خيري واجار طاولات وميكانات وفلوسها دبل مافيها كلام احسبيها صح الطاوله لمده اسبوع 400 وجم الصاله بتشيل طاوله وربي مشروع ذهب انا ربحت منه وانا مسلف واحد يقوم بهالوظيفه وربحي اقل من النص وانصحج بصاله قرطبه واذا معزمه على السوق اخذي (الصفوه) واستشاره عند اخوانا تاهو وحقائق محللين محترفين من غير اقصور بالباقين

 

[هاجر 79]

السلام عليكم
اسعد الله صباحكم وجعلها جمعة مباركة للجميع
اشكركم وهاذي هقوتي بأهل الطيب والفزعة أهل ديرتي الكويت
بصراحة انا اسمع عنه أخبار ايجابية واخبار سلبية كثير يمدح وربحان وكثير يسب ويسخط وخسران
بس بالنهاية أحس انها مسألة حظ ورزق من الله سبحان موزع الأرزاق
انا بأنتظر اسبوع وأشوف يا أدش او اصرف نظر وخاصة اني مبتدئة يعني عليمية ومثل ما يقول المثل عط الخبز خبازه
وارجع لمحلاتي ومشاكل الموظفين والموظفات عالأقل تعودت عليهم
بس شهادة لله المنتدى مميز بموضوعاته وأعضاءه المحترمين
تقبلوا تحياتي

 

[سرور]

السلام عليكم
اسعد الله صباحكم وجعلها جمعة مباركة للجميع
اشكركم وهاذي هقوتي بأهل الطيب والفزعة أهل ديرتي الكويت
بصراحة انا اسمع عنه أخبار ايجابية واخبار سلبية كثير يمدح وربحان وكثير يسب ويسخط وخسران
بس بالنهاية أحس انها مسألة حظ ورزق من الله سبحان موزع الأرزاق
انا بأنتظر اسبوع وأشوف يا أدش او اصرف نظر وخاصة اني مبتدئة يعني عليمية ومثل ما يقول المثل عط الخبز خبازه
وارجع لمحلاتي ومشاكل الموظفين والموظفات عالأقل تعودت عليهم
بس شهادة لله المنتدى مميز بموضوعاته وأعضاءه المحترمين
تقبلوا تحياتي

دشي البورصة وراح تشوفين تعبك وشقاك وفلوسك والسنين اللي مضيتيها في جمع الفلوس تتبخر أمام عينك . هذيل مو تجار هذيله.........؟
أباءهم كانوا فعلا تجار لأن كان يربح ويربحك .. يعني بالمعنى الصحيح ياكل ويوكلك معاه .. أما أولادهم يحرم عليك حتى براطم الخبز . يفرح اذا شافك تتألم من الخسارة ويموت قهر اذا شاف بجيبك الدينار . ما نقول الا حسبي الله ونعم الوكيل .

 

[هاجر 79]

السلام عليكم ورحمة الله وبركاته
صباحكم أخضر ان شاء اله
كل الشكر والإمتنان لكل من أفادني
جزاكم الله خير وأثابكم الجنة ​