الطالب الشجاع ( الطفل حسين الديحاني ) قصة

[MOHAMMED11]

مشكور على القصه الرائعه
المهم
وانا اسمع حسين قلت بقلبي
( كفو ولله ياابو علي )



عجبتني

الروعة في مرورك اختي

شكرا لك

 

[MOHAMMED11]

شكرا

عفوا

 

[MOHAMMED11]

هذى اللى ينطبق عليه المثل

اتقي شر الحليم اذا غضب

كفو يابوعلي

مشكور على هالقصه

هلا وغلا ابو شروق

الف شكر على المرور . ...

 

[ودي اربح]

مشكووور على القصة

 

[سيف راكس]

والله الشرهه على ابو نواف وياكثر الاباء اللي مثله ماله شغل بولده ولايربيه ويبتلشون اعيال الاوادم فيه......جنها صارت قصيده ردي

 

[جراندايزر]

مو ملاحضين المدارس كلها عنف بنعرف السبب شنو واللحل شنو​

 

[MOHAMMED11]

الف شكر على هذي القصه الجميله

وتحياتي لك ولجميع (عربات ) المدارس قبل


وسجل أسفي وحزني على جميع المدبوغين بالمدارس وحراس المرما بلعب الكره

:d

حياك الله عاشق ..

وتحياتك وصلت ولاعزاء ( للمكفوحين دائما ) .. ^_^

 

[MOHAMMED11]

​

طاح براعي الشوهات

تقصد الهوشات

لا اهو طاح له بطفل ( رجال ) وماعنده يمّه ارحميني ..
ولا يرضى احد يغلط عليه

سنافي صغير

 

[abdullah6868]

تقصد الهوشات

لا اهو طاح له بطفل ( رجال ) وماعنده يمّه ارحميني ..
ولا يرضى احد يغلط عليه

سنافي صغير

لا طال عمرك راعي الشوهات
هذى قصه معروفه عند البدو اهل الجنوب
والشوهات جمع لانثى الخروف ( الشاه ) الشوهات
هذا راعي غنم ( شوهات ) دايما يرعى بغنمه في البر وفيه صبي مأذية كل يوم يتحرش فيه لكن هذى راعي ما يبى يضرب ولد المعزب والراعي كل يوم يتحاشى هذا الولد المغرور
وفي احد الايام تمادي ولد المعزب وحاول ضرب راعي الشوهات وقام راعي الشوهات بضرب ولد المعزب ضرب مبرح خلاه ينسى اهله وقرادته وراحت عند البدو ( طاح براعي الشوهات )

 

[MOHAMMED11]

لا طال عمرك راعي الشوهات
هذى قصه معروفه عند البدو اهل الجنوب
والشوهات جمع لانثى الخروف ( الشاه ) الشوهات
هذا راعي غنم ( شوهات ) دايما يرعى بغنمه في البر وفيه صبي مأذية كل يوم يتحرش فيه لكن هذى راعي ما يبى يضرب ولد المعزب والراعي كل يوم يتحاشى هذا الولد المغرور
وفي احد الايام تمادي ولد المعزب وحاول ضرب راعي الشوهات وقام راعي الشوهات بضرب ولد المعزب ضرب مبرح خلاه ينسى اهله وقرادته وراحت عند البدو ( طاح براعي الشوهات )

ولله يالغالي اني اول شي ماتوقعتها بدلية وتوقعتها انها تكون مثل
او شي من هالقبيل ، فقعدت افكر ، قلت الرجال يقصد مثلا ان الدياحين عندهم هالكلمة ، ولخبرتي قلت الدياحين ماعندهم شي اسمه راعي الشوهات ، قلت يمكن مثل عند احد وفتحت جوجل وكتبت راعي الشوهات
لاكن ماطلع لي ولا شي ماغير نك اسمه راعي الشوهات
قلت يمكن بدلية .
وشكرا لك اخوي على التوضيح وعلى المعلومة ..
والحين انا معك اشهد انه طاح براعي الشوهات ^_^

 

[حمود الفشقه]

طرا في بالي اكتب هالقصة بعد قرائتي
لرساله من احد الاعضاء (حمود الفشقة ) يوصي طفله ان يكون شجاع
في موضوع اخونا قلم حر ، واول ماقريت الرساله
تذكرت حسين الديحاني

///////////////////////////////////////////////////////


القصة
مرتجلة طبعا
فالسموحه اذا فيها اخطاء مطبعية

.......


اثناء دوامي في احد المدارس ، كان هناك طالب
اسمه نواف ،في الصف الخامس، الطالب هذا شاق الارض وطالع
شيطان مشاكس شجاع مايخاف وفوق هذا مسوي
عصابه في المدرسه من الطلبة اللي في عمره ومسيطر عليهم
ويمشون بأمره .. وكان نواف كثير المشاكل
وكل يوم وثاني ماسك واحد من الطلبة وطاقة
وكان الجميع يهابه لجرأته وقوته
لدرجة انّي كل ماشفت طالب يبجي اقول نواف طاقة
واكثر الأحيان ضني يكون في محله

،،،،،
واحيان كثيره كان يطق الطلبه ومن خوفهم منه مايشتكون
لاكن اكتشف هذا الشي بالصدفه
بحيث اني ادخل صف نواف واشوف طالب يبجي
اسأله منو طقّك مايبي يجاوب من الخوف
فأدري ان اللي طاقة نوّاف ،،

حاولت اعاقبة اكثر من مرّه ، وبحكم علاقتي مع
ابوه كنت اطقة ، واقسى عليه صراحة
واحاول افهمه ان اللي تسويه شي مو حلو
وحرام تطق ناس اضعف منك . لازم تبطل هالحركات
ومن هالكلام ،
احيان كثير يقط كلامي ورا ظهره رغم خوفه مني
ويختلق له مشكله جديدة
ويضرب احدهم . وكأني كنت اكلم الطوفه
واللي يقهرني انّ بعض الأحيان يضرب طلبة شطّار
وعاقلين لآخر درجة ، فآخذه واجحشه
وماأسمع منّه غير ( ولله اخلي ابوي يرفع عليك قضية )

طبعا ابو نواف محامي ..
.

، المهم عرفت ان هالولد ماينفع معاه
لاكلام ولاعقاب ..


حاولت اتقرب منّه واعتبره صديقي لي
وحاولت اني ابيّن له اني اعتمد عليه بظبط الفصل
ودايم لا بغيت شي اسأل نوّاف ،
القصد ترا انت يانواف طالب ممتاز
وانا اعتمد عليك ،
وكانت محاولة انّي اخليه على الأقل يستحي
منّي ، وانجحت هالفكره بشي لاباس فيه
لاكن مشاكل نوّاف مو راضية تخلص
وضربه للطلبه مو راضي يوقف ...


،،،،


المهم انتقل للمدرسة طالب اسمه حسين الديحاني
كان اقصر من نواف شوي وتقريبا نفس
جسمة ، وهذا الطالب لاحظت عليه
انه محترم وعاقل ومايحب المشاكل ابد
وكان دايم بحاله وماله شغل بأحد
ونسيت اقول لكم انّه صار بصف نوّاف .


فـ لو صار دوري في مراقبة الفرصة
كنت اشوف حسين يروح المقصف ويصف بالدور
وياخذ اكله ، ويشوف له زاوية ويقعد فيها
ياكل وأول مايسمع جرس انتهاء الفرصة يروح بكل
هدوء للصف ،
عكس نواف اللي يمشي بالفرصة ووراه 6 او7 من
الطلبه اللي اهم عصابته ويمشون تحت امره
وكلهم يخافون منّه
فقلت باجر او اللي بعده راح يجيبني حسين يبجي من نواف
لعلمي ان نواف راح يختلق معاه مشكله
وماراح يخليه بحاله


وفعلا صدق ظنّي

بعد كم يوم من انتقال هذا الطالب ، واذا ماني
ناسي يمكن 3 ايام بالظبط .
شفت نوّاف بغرفة الإخصائي وكان واقف يسار طاولة الإخصائي
شفته يبجي ويشاهق من البجي
والصدر يصعد وينزل من قوّة البجوة والشهيق
صوته واصل غرفة الناظر والدموع اربع اربع

اطالعه وانا مو مصدق عيني نوّاف يبجي معقوله
منو هذا اللي يقدر يطق نوّاف ..

دخلت الغرفه واطالع يسار الطاولة ولاّ الطالب الجديد
حسين الديحاني ، شالسالفه شنو صاير
سألت الإخصائي وطبعا الإخصائي يعرف نوّاف
ومشاكل نوّاف ، اوّل ماشافني الإخصائي
قال بص يااستاذ محمد مين جاي يشتكي
التفت على نوّاف وقلت له شفيك نوّاف
منو طقّك ، اشّر على حسين واهوطبعا يشاهق
وقال هــ هــ هذا ال ال الحححمار .
وحسين بالمقابل يرد عليه ، حمار انت وشكلك
نوّاف : ولله مااخليك ولله لأكسر وجهك
حسين واهو مستحي مني بصوت خفيف، تخسي

رحت لحسين وسألته ، ليش طقيت نواف
رد حسين. استاذ اهو اللي غلط علي وتحرش
فيني ( ، ادري يحسين وكنت متوقع
بس ماتوقعت انّك بتقدر عليه طبعا اقولها بقلبي )
ايه // وبعدين دزني واخذ اقلامي ، قلت له ردهم
مارضا وقلت صير عاقل لااطقك
لاكن كل شوي يجي يمي ويدزني
وينادي رفيجه يقوله تعال شوف شعره ، يبي
يضحك الطلبه علي ، ومسك اذني استاذ ،ورفجيه يدز الكرسي
فقمت وطقيته اهو ورفيجه الثاني

طبعا رفيج نواف اكتشفت بعدين
انّه محصل له طقه محترمه من
حسين ،لاكن مااشتكى لان شاف زعيمه انطق

المهم وانا اسمع حسين قلت بقلبي
( كفو ولله ياابو علي )
كسرت شوكة نوّاف
ولااخفيكم ان شجاعة حسين وجراته اعجبتني
حيل ،
كيف ان طالب جديد على المدرسة ومايعرف
احد فيها ويمسك اثنين من اقوى الصف مثل مايقولون
ويمسح فيهم الارض ولا يرد عليهم ولا على عصابتهم

..

المهم صالحناهم ، واليوم الثاني حسين صار صديق
نوّاف ، لاكن اهو الزعيم ، واكثر طالب
بالمدرسة يخاف منّه نواف اهو حسين

ويويل نوّاف لو طق احد يعرف حسين
يمسكه حسين يلعن خيره ،، طبعا
حسين طالب عاقل ومايحب المشاكل
لاكن صاحب فزعه ومايخلي حقه
ولا يخاف من احد لا نواف ولا غيره





وهذي سالفة الطالب الشجاع حسين ..
اتمنى انها تعجبكم .

وصراحة وماهو غرور اهو يشبهني كثير
انا يوم كنت بعمره ماكنت اخاف من احد بالمدرسة
واللي يتحرش فيني اطقة . وكنت مثل مانقول اقوى الصف

ماشاء الله على حسين وزين يسوي بفتوة المدرسه نواف لأنه ماراح يعقل لين يتحصلها وجاب له الله حسين يأدبه عدل

عبدالله ولدي مثل نواف ههههه مره جاي البيت رافع خشمه يقول طاق لي خمس صبيان ومكفخهم قلت اي صج أدري أنه مسويلي فلم وأنا مسوي نفسي مصدقه
ومايمر أسبوع الا متهاوش بس السالفه أنه بعد يوم من كلامه وأنه طق الخمس صبيان جايني اليوم الثاني يبجي ووجهه مخربش وقميصه كله مشقق و دم هاااه شفيك قال صبي طقني قلت صبي أو صبيان قال لا واحد هو اللي طقني ههههههههههه
أمس طاق خمسه واليوم طاقه واحد من القهر منه قلت احسن زين سوى فيك ويتهدد والله ماأخليه خفت ليذبح ولدي
رحت اليوم الثاني له المدرسه وطلبت الصبي المتهاوش معااه طلع اقصر من عبود ويطالع فيني ومو معطيني أهميه ولامبين أنه خايف مني بصراحه مبين عليه عرد الولد وحلينا الأمور وصاحبتهم مع بعض.. هاذي سالفه من سوالفه اللي ماتنتهي..شكرا ولك التحيه والأحترام.

 

[MOHAMMED11]

ماشاء الله على حسين وزين يسوي بفتوة المدرسه نواف لأنه ماراح يعقل لين يتحصلها وجاب له الله حسين يأدبه عدل

عبدالله ولدي مثل نواف ههههه مره جاي البيت رافع خشمه يقول طاق لي خمس صبيان ومكفخهم قلت اي صج أدري أنه مسويلي فلم وأنا مسوي نفسي مصدقه
ومايمر أسبوع الا متهاوش بس السالفه أنه بعد يوم من كلامه وأنه طق الخمس صبيان جايني اليوم الثاني يبجي ووجهه مخربش وقميصه كله مشقق و دم هاااه شفيك قال صبي طقني قلت صبي أو صبيان قال لا واحد هو اللي طقني ههههههههههه
أمس طاق خمسه واليوم طاقه واحد من القهر منه قلت احسن زين سوى فيك ويتهدد والله ماأخليه خفت ليذبح ولدي
رحت اليوم الثاني له المدرسه وطلبت الصبي المتهاوش معااه طلع اقصر من عبود ويطالع فيني ومو معطيني أهميه ولامبين أنه خايف مني بصراحه مبين عليه عرد الولد وحلينا الأمور وصاحبتهم مع بعض.. هاذي سالفه من سوالفه اللي ماتنتهي..شكرا ولك التحيه والأحترام.

^_^
الله يخليه لك ان شاء الله . الولد باين عليه شقردي . لكن احيانا الظروف يمكن ماتساعده

////

بمناسبة قرب الموسم الدراسي تذكرت القصه
وقلت نرفعها للتسلية

 

[My LoVe]

شكرا

 

[Legal]

مو هين بوعلي

 

[قلم حر]

صبحك الله بالخير بو جاسم


عندي سؤال /

نواف وحسين نفس القبيله ؟

واللي يضربهم نواف من نفس القبيله ولا لا ؟


لانه دايما في اغلب المدارس يكون تجمع لاطفال قبيله معينه

ويكونوا الاطفال مسيطرين على الاطفال الاخرين

وحتى لو يقوم اردى طفل من التجمع ويتحرش بطفل اقوى منه يخاف

الطفل القوي من فزعة ربع الضعيف ويتحاشى الرد ويمكن ينطق ويسكت

لكن اذا الهوشه صارت بين طفلين من التجمع او القبيله باقي الاطفال

ما يفزعون لاحد ويتركونهم واعتقد حسين ما خاف من ربع نواف لانه

من نفس القبيله وما راح يوقفون ضده


اما اذا توقعي وتحليلي خطأ انا اشهد انه طاح براعي الشوهات​

 

[MOHAMMED11]

شكرا

مو هين بوعلي

شكرا على المرور

 

[MOHAMMED11]

صبحك الله بالخير بو جاسم


عندي سؤال /

نواف وحسين نفس القبيله ؟

واللي يضربهم نواف من نفس القبيله ولا لا ؟


لانه دايما في اغلب المدارس يكون تجمع لاطفال قبيله معينه

ويكونوا الاطفال مسيطرين على الاطفال الاخرين

وحتى لو يقوم اردى طفل من التجمع ويتحرش بطفل اقوى منه يخاف

الطفل القوي من فزعة ربع الضعيف ويتحاشى الرد ويمكن ينطق ويسكت

لكن اذا الهوشه صارت بين طفلين من التجمع او القبيله باقي الاطفال

ما يفزعون لاحد ويتركونهم واعتقد حسين ما خاف من ربع نواف لانه

من نفس القبيله وما راح يوقفون ضده


اما اذا توقعي وتحليلي خطأ انا اشهد انه طاح براعي الشوهات​

صبحك الله بالرضا والسرور ابو عبد الله
كلامك صحيح احيانا


لكن اللي اتذكره ان نواف عنزي وربعه خليط من بدو وحضر
واللي متأكد منّه ان حسين كان قوي وجريئ ولا طرا في باله مثل هالتفكير
لانه متأكد وواثق من نفسه ومن قوّته ( ماابالغ ترا ) الولد ماشاء الله كان عرد.

. مرّه قلت لك اشبك اصابعك بصابعي . صراحة مسكته ماكانت مسكة طفل ماشاء الله عليه . كان فعلا قوي وعرد .

 

[الشاطر]

قصه جميله

تصحيح راعى الشويهات مو الشوهات

 

[MOHAMMED11]

قصه جميله

تصحيح راعى الشويهات مو الشوهات

الاجمل مرورك

شكرا لك

 

[الصدق منجاة]

قصه جميله والاجمل ان بطلها ( مطيري ) <---------- مو عنصري ​