أخبار جلسة إسقاط فوائد القروض 5\1\2010

[Winchester SX3]

انت كله معصب من السياسه

اقولك مره كنت قاعد اتكلم بالعميق شوي جان يقولي واحد من الشباب "يا بو شهاب....من السياسه ترك السياسه"
ما رديت عليه

عموما
الابيات اللي فوق اعجبتني
نوعا ما فيها شبه بالمعنى مع توقيعي

تكفه قولي اللي بالمجلس تسميهم سياسيين

تكفه بطل سفياتهم واحد واحد
تلاقي من الـ 50 يمكن 5 او 6 بس يمكن يتسمون سياسيين

 

[adventurer]

تكفه قولي اللي بالمجلس تسميهم سياسيين

تكفه بطل سفياتهم واحد واحد
تلاقي من الـ 50 يمكن 5 او 6 بس يمكن يتسمون سياسيين

لا تعليق
لاني اذا علقت راح ابط الجربه و آخذ وايد ذنوب


بليز شينج ذا سبجكت

الابيات بقتهه و حطيتها بالمسنجر بعد اذنك

 

[Moto]

تكفه قولي اللي بالمجلس تسميهم سياسيين

تكفه بطل سفياتهم واحد واحد
تلاقي من الـ 50 يمكن 5 او 6 بس يمكن يتسمون سياسيين

يعني لازم دارسين علوم سياسية؟ مو سفراء او موظفين بالخارجية, عضو البرلمان الناجح مو مطلوب منه يكون سياسي بل عكس ذلك, يجب ان يكون صريح, امين, نظيف اليد, والاهم يخاف الله وهذه الصفات اذا توفرت في السياسي فهو سياسي فاشل.

 

[بوحسين11]

الف مبروك

خبر عاجل بالراي

 

[Q8 Stock]

شنو العاجل اللي خلاك تنسى تكتب نوع الخبر

 

[بن زيمه]

مجلس الامه يقر قانون اسقاط فوائد القروض بأغلبيه الاعضاء

 

[عذووب]

يعني لازم دارسين علوم سياسية؟ مو سفراء او موظفين بالخارجية, عضو البرلمان الناجح مو مطلوب منه يكون سياسي بل عكس ذلك, يجب ان يكون صريح, امين, نظيف اليد, والاهم يخاف الله وهذه الصفات اذا توفرت في السياسي فهو سياسي فاشل.

نسبة كبيرة من نوابنها ما فيهم ولاخصلة من الخصل اللي ذكرتها

جد جد من االلي اسمعه عن مجالسنا اول وايد اتحسف وانصدم على حالنا الحين

يكفي عدم الرقي في الطرح والنقاش

وجدالهم ونقاشهم العقيم بسبب أضغان شخصية أو مصالح انتخابية وشخصية فقط لا اكثر ولا اقل

المشكلة هالموضوع وايد يعور قلبي لآن جد جد اللي بالمجلس وقلبهم على البلد ينعدون على الأصابع ​

 

[الوشيقري]

رد

الله يعطيهم العافيه صراحه الله يبيض وجوهكم سويتوا اللي عليكم والباقي على صناديق الانتخابات القادمه .

 

[عبدالله_22]

والحين الحكومه راح توافق ولا لأ؟

 

[بن زيمه]

والحين الحكومه راح توافق ولا لأ؟

طبيعي لا
وبنظري الحكومه كان موقفها واضح منذ البدايه
لكن نسأل الله ان يكتمل العدد بعد رد القانون من الحكومه والتصويت عليه بموافقه ثلثي المجلس ، ولو ان بوادر هالشي صعبه
لكن مافي شي بعيد على ربك

 

[عذووب]

والحين الحكومه راح توافق ولا لأ؟

نو بيرفضونه وبتصير لوية ثانية ​

 

[الحبترى]

مبروووووووووووووووووووووووووووووووووووووووووووووك

مجلس الامه يوافق بالمداولة الثانيه على قانون اسقاط الفوائد بأغلبية خمسه وثلاثون نائب .​

 

[سهمك اخضر]

متاكد ؟

 

[اقتصاد77]

مجلس الامه يوافق بالمداولة الثانيه على قانون اسقاط الفوائد بأغلبية خمسه وثلاثون نائب .​

اتوقع والعلم عند الله ... بان الحكومه راح ترد قانون شراء الفوائد
وبعدها يتطلب 44 صوت مع شراء الفوائد
وهذي صعبه ...​

 

[الوافي ابو محمد]

تستاهلون ياشعب الكويت كل خير

 

[ابوهادي11]

يستاااهلوووون اهل الكويت كثر من جذي

 

[JJJ]

السلام عليكم

اخوي لا تستانس وايد
لان القانون سيرده مجلس الوزراء و بالتالي سيحتاج 44 نائب
و الموافقين 35

شلون راح يقنعون ال 9 الباقين و الحكومة رافضة القانون

و سامحونا

 

[ام راكان]

صراحه ظلم ومافيها عداله يارب الحكومه ماتوافق اش ذنب اللي محتاج ولااخذ قروض

 

[الوافي ابو محمد]

يقولون أن الجمهور صفق بعد النتيجة قال الخرافي للجمهور لا تستانسون إللي فوق راح ينرد القانون

وأهو كان يضحك

منقول من منتدي أسواق نت

 

[اقتصاد77]

المعروف أن الفقير يحسد الغني

اما عندنا بالكويت

الغني يحسد الفقير​